ხუთშაბათი, მაისი 29, 2025

ირაკლი კობახიძე – 1989 წლის 9 აპრილს უცხოური ძალა დაუპირისპირდა საქართველოს ეროვნულ ინტერესებს და ზუსტად იგივე ადგილას უცხოური ძალის დაკვეთით მოქმედებდნენ კონკრეტული ადამიანები, ეს შედარება იყო განცხადებაში

1989 წლის 9 აპრილს უცხოური ძალა დაუპირისპირდა საქართველოს ეროვნულ ინტერესებს და ზუსტად იგივე ადგილას უცხოური ძალის დაკვეთით მოქმედებდნენ კონკრეტული ადამიანები საქართველოს ეროვნული ინტერესების წინააღმდეგ, ეს შედარება იყო გაკეთებული, – ამის შესახებ საქართველოს პრემიერ-მინისტრმა, ირაკლი კობახიძემ „რუსთავი 2“-თან ინტერვიუში, 9 აპრილს გავრცელებული განცხადების კომენტირებისას განაცხადა.

ირაკლი კობახიძემ განმარტა, რატომ არ იყო კონკრეტულად რუსეთ ნახსენები განცხადებაში და აღნიშნა, რომ ამ თემაზე სპეკულაციებს მხოლოდ ფსევდოლიბერალი შეიძლება აჰყვეს.

„ქართველები, შეიძლება ზოგადად ემოციურები ვართ, მაგრამ აქ არ იყო საქმე ქართველების ემოციასთან, აქ საქმე გვქონდა იმასთან, რომ ქართველი ლიბერალი, ისევე, როგორც ზოგადად ლიბერალი, არის შეზღუდული აზროვნების მქონე. რაც შეეხება 9 აპრილს გავრცელებულ განცხადებას, რატომ არ იყო სიტყვა რუსული ნახსენები, ერთი, რომ ეს იყო არა რუსული ჯარი, როგორც ასეთი, ეს იყო საბჭოთა არმია და ესენი იყვნენ საბჭოთა ჯარისკაცები. იმ ადამიანებს შორის, რომლებმაც 9 აპრილის დემონსტრაცია დაარბიეს და ადამიანები მოკლეს, რუსების გარდა სხვა საბჭოთა რესპუბლიკების წარმომადგენლებიც იყვნენ, მათ შორის ისეთი რესპუბლიკების წარმომადგენლები, რომლებიც დღეს ცივილიზებული სამყაროს ნაწილად მიიჩნევიან. იქ რუსების გარდა იყვნენ უკრაინელები, ბალტიისპირელები, შუა აზიელები და ა.შ. საბჭოთა კავშირი იყო. ამას თავი დავანებოთ, რატომ არ იყო რაღაც კონკრეტული სიტყვა რელევანტური, მაგრამ აქ მთავარი რა იყო იმ ტექსტში, რომელიც იყო მოცემული. სულ იყო სამი აბზაცი. საუბარი იყო უცხოურ ძალაზე და შედარება იყო გაკეთებული. მარტივად რომ შევაჯამოთ ტექსტი, უცხოურმა ძალამ გააკეთა ეს 1989 წლის 9 აპრილს და ახლაც უცხოური ძალა აკეთებს ამას დღევანდელ დღეს 36 წლის თავზე. 1989 წლის 9 აპრილს უცხოური ძალა დაუპირისპირდა საქართველოს ეროვნულ ინტერესებს და ზუსტად იგივე ადგილას უცხოური ძალის დაკვეთით მოქმედებდნენ კონკრეტული ადამიანები საქართველოს ეროვნული ინტერესების წინააღმდეგ. ეს შედარება იყო გაკეთებული. აქ არც ერთ შემთხვევაში ეწერა, რომელი იყო უცხოური ძალა და არც მეორე შემთხვევაში, ამიტომ მხოლოდ ლიბერალი, ანუ ფსევდოლიბერალი შეიძლება აჰყვეს ასეთ რიტორიკას. თუ არ გაქვს შეზღუდული გონება, ასეთ რაღაცას არ აჰყვები, მაგრამ ქართველი ლიბერალის ბედი არის ასეთი – არ გამოირჩევა განსაკუთრებული ინტელექტუალური შესაძლებლობებით, შესაბამისად, ადვილია მისი აყოლიება რაღაც იაფფასიან სპეკულაციებზე“, – განაცხადა ირაკლი კობახიძემ.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

ირაკლი კობახიძე – წლებია, საქართველო იბრძვის უცხოური დაფინანსებით მოქმედი არასამთავრობოების, მედიის დეზინფორმაციის წინააღმდეგ, რომლებიც ცდილობენ ჩვენი ღირებულებების გადაკეთებას

წლების განმავლობაში გავლენიანმა საერთაშორისო მედიასაშუალებებმა კოორდინირებული შეტევები განახორციელა საქართველოში, – ამის შესახებ საქართველოს პრემიერ-მინისტრმა, ირაკლი კობახიძემ ბუდაპეშტში კონსერვატიული პოლიტიკური მოქმედების კონფერენციაზე (CPAC) სიტყვით გამოსვლისას განაცხადა.კობახიძის თქმით, წლებია, საქართველო იბრძვის უცხოური დაფინანსებით მოქმედი არასამთავრობოების და მედიასაშუალებების დეზინფორმაციის წინააღმდეგ.„მათი სიცრუეზე აგებული ნარატივი მიზნად ისახავდა საქართველოს დასჯას, რათა ომში ჩართვაზე უარი ვთქვით, სუვერენიტეტი ავარჩიეთ და ეროვნული ინტერესები დავაყენეთ პირველ ადგილას.  წლებია, საქართველო იბრძვის უცხოური დაფინანსებით მოქმედი არასამთავრობოების და მედიასაშუალებების დეზინფორმაციის წინააღმდეგ, რომლებიც პროგრესს კი არ ემსახურებიან, არამედ ცდილობენ ჩვენი ღირებულებების გადაკეთებას“, – განაცხადა ირაკლი კობახიძემ.

ირაკლი კობახიძე – გვეამაყება ჩვენი ქრისტიანობა და ყველაფერს ვაკეთებთ მის დასაცავად, რადგან ვიცით, როდესაც ერი კარგავს თავის ეროვნულ იდენტობას და რწმენას, ის კარგავს საკუთარ...

გვეამაყება ჩვენი ქრისტიანობა და ყველაფერს ვაკეთებთ მის დასაცავად, რადგან ვიცით, როდესაც ერი კარგავს თავის ეროვნულ იდენტობას და რწმენას, ის კარგავს საკუთარ თავს, – ამის შესახებ საქართველოს პრემიერ-მინისტრმა, ირაკლი კობახიძემ ბუდაპეშტში კონსერვატიული პოლიტიკური მოქმედების კონფერენციაზე (CPAC) სიტყვით გამოსვლისას განაცხადა.კობახიძის თქმით, საქართველომ მრავალ ომს გაუძლო და მაინც დარჩა გაუტეხელი.„ჩემთვის დიდი პატივია, ვიდგე დღეს თქვენ წინაშე უნგრეთში, ქვეყანაში, რომელმაც მტკიცედ დაიცვა თავისი სუვერენიტეტი და იდენტობა. ყველა უნდა ადიდებდეს უნგრეთის გამორჩეულ პრემიერ-მინისტრს, ვიქტორ ორბანს მამაცობისა და უკომპრომისო ბრძოლისთვის, რომელიც უნგრეთის თავისუფლების და ეროვნული ინტერესების დაცვისკენ მიმართა. ჩვენ, ქართველები, განსაკუთრებით ვაფასებთ მას იმ ფასდაუდებელი მხარდაჭერისთვის, რომელიც საქართველოს და ჩვენი ერის ევროპული გზის მიმართ გამოხატა. თქვენთან მოვიტანე საქართველოს ხმა, ხმა იმ ქვეყნისა, რომელიც სამი ათას წელზე მეტია, იმპერიების გზაჯვარედინზე დგას. ქვეყნისა, რომელიც ერთ-ერთი პირველი ქრისტიანული ერი გახდა მსოფლიოში. საქართველომ მრავალ ომსა და საუკუნეების განმავლობაში არსებულ ოკუპაციებს გაუძლო და მაინც დავრჩით გაუტეხელნი, ქართველებად დავრჩით. გვეამაყება ჩვენი ქრისტიანობა და ყველაფერს ვაკეთებთ მის დასაცავად, რადგან ვიცით, როდესაც ერი კარგავს თავის ეროვნულ იდენტობას და რწმენას, ის კარგავს საკუთარ თავს“, – განაცხადა კობახიძემ.

ვიქტორ ორბანი – ირაკლი კობახიძე არის გმირი, რომელმაც მოიგო არჩევნები, დაამარცხა ყველა, ქვეყანაში მოიტანა უმსხვილესი ეკონომიკური ზრდა და თავი არ დაუხარა ბრიუსელს

საქართველოს გმირი, საერთაშორისო პარტნიორი, ადამიანი, რომელმაც მოიგო არჩევნები, არის ირაკლი კობახიძე, – ამის შესახებ უნგრეთის პრემიერ-მინისტრმა ვიქტორ ორბანმა ბუდაპეშტში კონსერვატიული პოლიტიკური მოქმედების კონფერენციაზე (CPAC) სიტყვით გამოსვლისას განაცხადა.ვიქტორ ორბანის თქმით, ირაკლი კობახიძემ საქართველოში მოიტანა უმსხვილესი ეკონომიკური ზრდა და თავი არ დაუხარა ბრიუსელს.„ლიბერალური მოძრაობების წინააღმდეგ წავიდა, დაამარცხა ყველა და უმსხვილესი ეკონომიკური ზრდა მოიტანა ქვეყანაში. მისი ქვეყნის 20 პროცენტი არის რუსული დათვის მიერ წაღებული, მაგრამ ბრიუსელს არ დაუხარა თავი. გახდა ახალი დიდი ბრიტანეთი და ძლიერი, წარმატებული ლიდერი თავის ქვეყანაში“, – განაცხადა ვიქტორ ორბანმა.მასალა მომზადებულია სინქრონული თარგმანის მიხედვით.

დონალდ ტრამპი ბუდაპეშტში კონსერვატიული პოლიტიკური მოქმედების კონფერენციის მონაწილეებს ვიდეომიმართვით მიესალმა

ამერიკის შეერთებული შტატების პრეზიდენტი დონალდ ტრამპი ბუდაპეშტში მიმდინარე კონსერვატიული პოლიტიკური მოქმედების კონფერენციის მონაწილეებს მიესალმა.როგორც ტრამპმა ვიდეომიმართვისას აღნიშნა, დიდ პატივისცემას გამოხატავს როგორც კონსერვატიული პოლიტიკური მოძრაობის, ისე მისი ხელმძღვანელების მიმართ.„მინდა, მოგილოცოთ უნგრეთში კონსერვატიული პოლიტიკური მოძრაობის თაოსნებს. კარგად იცით, რა დამოკიდებულება მაქვს თქვენდამი, დიდი პატივისცემა და სიხარულის მომგვრელია ის, რასაც თქვენ აკეთებთ უნგრეთში. პატივს ვცემ ამ დიდებულ ადამიანს, ვიქტორ ორბანს. მან დიდებული საქმე გააკეთა და ძალიან განსაკუთრებული ადამიანია. დიდი პატივისცემა მაქვს როგორც კონსერვატიული პოლიტიკური მოძრაობის, ისე მისი ხელმძღვანელების მიმართ. დიდი ფასეულობების დამცველია ვიქტორ ორბანი და ეს ორგანიზაციაც არის ძალიან ძლიერი ხმა უნგრეთსა და მსოფლიოში. მინდა, მადლობა გადაგიხადოთ ყველას კიდევ ერთხელ და გისურვოთ ყოველივე საუკეთესო ამ ღონისძიების ფარგლებში“, – აღნიშნა დონალდ ტრამპმა.კონსერვატიული პოლიტიკური მოქმედების კონფერენციაში საქართველოს პრემიერ-მინისტრი, ირაკლი კობახიძეც მონაწილეობს.

ქართველმა პარატაეკვონდისტებმა რიოში ხუთი მედალი მოიპოვეს

ქართველმა პარაათლეტებმა წარმატებით იასპარეზეს პარატაეკვონდოში რიო G-2 კატეგორიის ღია ტურნირზე.️ჩვენი ნაკრების ანგარიშზე ხუთი მედალია:ანა ️️ჯაფარიძე (-52კგ) რიოს ღია ტურნირის გამარჯვებულია.ლია ჩაჩიბაიამ (-47კგ) და გიორგი ნიკოლაძემ (-70კგ) ვერცხლის მედლები მოიპოვეს.ნატა ოჩიგავა (-57კგ) კი ბრინჯაოსმედალოსანი გახდა.გუნდურ შეჯიბრებაში საქართველოს ნაკრებმა ვერცხლის მედალი აიღო. ანა ჯაფარიძე კი ტურნირის საუკეთესო პარაათლეტად დასახელდა.საქართველოს პარატაეკვონდოს ნაკრების ასპარეზობა აღნიშნულ ტურნირზე, საქართველოს პარალიმპიური კომიტეტის ორგანიზებით და საქართველოს სპორტის სამინისტროს მხარდაჭერით განხორციელდა.

ბოლო სიახლეები