სამშაბათი, მარტი 18, 2025

ირაკლი კობაძე: 26 ჩვენი დღეა და 26 ოქტომბერს აუცილებლად საქართველო გაიმარჯვებს!

საარჩევნო შტაბის ხელმძღვანელის, პრემიერ-მინისტრის, ირაკლი კობახიძის სიტყვით გამოსვლა, „ქართული ოცნების“ საარჩევნო კამპანიის რეგიონულ ღონისძიებაზე ოზურგეთში

“მოგესალმებით ძვირფასო გურულებო,

მივესალმები ჩვენს დელეგატს გურიის მხარეში, ვასიკო ჩიგოგიძეს,

ასევე მივესალმები ჩვენს დეპუტატებს, მთავრობის წევრებს, რომლებიც გურიიდან მრავლად არიან წარმოდგენილი მთავრობაში და პარლამენტში და რა თქმა უნდა, თითოეულ თვენგანს მოგესალმებით ძალიან დიდი პატივისცემით და ძალიან დიდი სიყვარულით

გურულებთან არჩევნებზე და პოლიტიკაზე საუბარი ყოველთვის განსაკუთრებულად საინტერესოა. და ყველამ ვიცით, რომ არავის ისე კარგად არ ესმის პოლიტიკა, როგორც თქვენ, გურულებს და აქედან გამომდინარე, განსაკუთრებულად გვეამაყება, რომ გურიაში „ქართული ოცნება“ ყოველთვის დიდი უპირატესობით და დამაჯერებლად იგებს ხოლმე არჩევნებს! დიდი მადლობა თქვენ მრავალწლიანი ნდობისთვის! სწორედ ამ ნდობამ მოგვცა მშვიდობის შენარჩუნების და ქვეყნის წინსვლისა და განვითარების შესაძლებლობა 12 წლის მანძილზე. დარწმუნებული ვარ, 26 ოქტომბერსაც ერთად გავიმარჯვებთ!

კიდევ ერთხელ უნდა ითქვას ის, რაც არაერთგზის ითქვა. 26 ოქტომბრის არჩევნები არის გადამწყვეტი რეფერენდუმი, სადაც ქართველმა ხალხმა უნდა გააკეთოს არჩევანი ომსა და მშვიდობას შორის, მორალურ დაცემასა და ტრადიციულ ფასეულობებს შორის, ბნელ წარსულსა და საქართველოს ნათელ, ევროპულ მომავალს შორის.

საქართველოს სჭირდება დამოუკიდებლობა, ხოლო დამოუკიდებელ საქართველოს – სუვერენული ხელისუფლება. ყველას კარგად გვახსოვს, როგორ განვითარდა საქართველოში პროცესები, როდესაც 2003 წელს, „ენჯეოების“ მეშვეობით, ხელისუფლება გარედან დაგვინიშნეს.

ქვეყანას 9 წლის მანძილზე მართავდა პოლიტიკური ძალა, რომელმაც ქართული სახელმწიფოს და ქართველი ხალხის მიმართ უამრავი დანაშაული ჩაიდინა. ეს დანაშაულები იყო ავტორიტარიზმის დამყარება, ადამიანების მკვლელობა და წამება, ბიზნესის რეკეტი, ტელევიზიების მიტაცება, არჩევნების ტოტალური გაყალბება, ქვეყნის ტერიტორიების დროებით დაკარგვა. სამწუხაროდ, ამ დანაშაულებზე დღემდე არ აუღიათ პასუხისმგებლობა იმ გარე ძალებს, რომლებმაც 2003 წელს ძალაუფლება უცხოურ აგენტურას ჩააბარეს.

და ახლა, იგივე ძალები გვეუბნებიან, რომ საქართველოს ევროპული მომავალი მხოლოდ იმ შემთხვევაში შეიძლება შედგეს, თუ ხელისუფლებაში ეს ანტიევროპული პოლიტიკური ძალა, უცხოური აგენტურა დაბრუნდება. ვინც ერთმანეთთან აიგივებს ევროპას და ადამიანების მკვლელობას, ევროპას და ადამიანების წამებას, ევროპას და ბიზნესის რეკეტს, ევროპას და ტელევიზიების მიტაცებას, ევროპას და არჩევნების გაყალბებას, ევროპას და ომს, მათ არაფერი აქვთ საერთო სინამდვილეში ევროპასთან, ყველა არის ომის პარტიის წარმომადგენელი და მათ ქართული საზოგადოება 26 ოქტომბერს აუცილებლად საკადრის პასუხს გასცემს.

რთული გამოსაცნობი არაა, რატომ შეიძლება სურდეთ კონკრეტულ ძალებს ხელისუფლებაში ძველი რეჟიმის დაბრუნება. ისევ და ისევ, ყველა იმ დანაშაულისთვის რაც ჩამოვთვალე და რაც მთავარია ომისთვის, რისკენაც რადიკალური ოპოზიცია უკვე მესამე წელია ქვეყანას აქტიურად ექაჩება.

საქართველოს ჭირდება არა ომი, არამედ მშვიდობა, არა განადგურება, არამედ წინსვლა და განვითარება. ძალიან მოკლედ ჩამოვთვლი იმ  მიღწევებს, რომლებიც ჩვენს ქვეყანას 2012 წლის დემოკრატიულმა გარდატეხამ მოუტანა:

დასრულდა ავტორიტარიზმი, ადამიანების მკვლელობის, წამებისა და არაადამიანური მოპყრობის სისტემური პრაქტიკა;

გათავისუფლდა ბიზნესი და მედია;

2,5-ჯერ შემცირდა ციხეებში პატიმრების რაოდენობა და 10-ჯერ შემცირდა პატიმრების  სიკვდილიანობის მაჩვენებელი;

3-ჯერ გაიზარდა ქვეყნის ეკონომიკა და სახელმწიფო ბიუჯეტი;

3-ჯერ გაიზარდა ინფრასტრუქტურის მშენებლობის ტემპი;

ამოქმედდა საყოველთაო ჯანდაცვის პროგრამა;

3-ჯერ გაიზარდა პენსიები და სოციალური დახმარების პაკეტი;

ყოველწლიურად 300 მილიონ ლარზე მეტით ფინანსდება სოფლის მეურნეობის მხარდაჭერის პროგრამები;

700 ათასამდე მოქალაქემ დააღწია თავი სიღარიბეს.

ამ ყველაფერთან ერთად, შევინარჩუნეთ 12-წლიანი უწყვეტი მშვიდობა და საქართველო გახდა ევროკავშირის წევრობის კანდიდატი ქვეყანა.

ეს ყველაფერი მოიტანა 2012 წლის დემოკრატიულმა გარდატეხამ და რა თქმა უნდა უდიდესი მადლობა უნდა გადავუხადოთ ამ ყველაფრისთვის ჩვენი პარტიის დამფუძნებელს და საპატიო თავმჯდომარეს ბატონ ბიძინა ივანიშვილს.

საქართველოს წინსვლა და განვითარება უნდა გაგრძელდეს. 1 ოქტომბერს საზოგადოებას წარვუდგენთ „ქართული ოცნების“ ახალ საარჩევნო პროგრამას. ეს იქნება ერთადერთი პროგრამა, რომელიც იქნება, ერთდროულად, ამბიციურიც და განხორციელებადიც. ჩვენი საარჩევნო პროგრამით უზრუნველყოფილი იქნება საქართველოს წინსვლა ყველა მიმართულებით – ეკონომიკური ზრდით დაწყებული, საქართველოს საგარეო-პოლიტიკური პოზიციების გაძლიერებით დამთავრებული.

აქვე, კიდევ ერთხელ უნდა გავიხსენოთ, რომ ყოველგვარი განვითარება შეუძლებელია, თუ არ გვექნება მშვიდობა და სიმშვიდე ქვეყანაში. და გურულებმა ყველაზე კარგად იცით მშვიდობის ფასი. სწორედ ამიტომ, 26 ოქტომბერს არჩევანი, უპირველეს ყოვლისა, მშვიდობის სასარგებლოდ უნდა გაკეთდეს.

მე დარწმუნებული ვარ, 26 ოქტომბერს გურია და სრულიად საქართველო კიდევ ერთხელ, ახლა უკვე მეცხრედ აირჩევს მშვიდობის პარტიას, აირჩევს „ქართულ ოცნებას“, რაც მორიგ ჯერზე საქართველოს მშვიდობიანი და სწრაფი განვითარების გარანტია გახდება.

26 ჩვენი დღეა და 26 ოქტომბერს აუცილებლად საქართველო გაიმარჯვებს!” – განაცხადა ირაკლი კობახიძემ.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 557 13 16 73

ვოლოდიმირ ზელენსკი – ნათელი გახდა ყველასთვის, მათთვისაც კი, ვინც სამი წლის განმავლობაში უარს ამბობდა სიმართლის აღიარებაზე, რომ სწორედ პუტინი ახანგრძლივებს ომს

უკრაინის პრეზიდენტი ვოლოდიმირ ზელენსკი აცხადებს, რომ რუსეთის პრეზიდენტი ვლადიმერ პუტინი არის ის, ვინც ახანგრძლივებს კონფლიქტს რუსეთსა და უკრაინას შორის.„ცეცხლის შეწყვეტის წინადადება დიდი ხნის წინ შეიძლებოდა, განხორციელებულიყო. ომის დროს ყოველი დღე ადამიანის სიცოცხლეს ნიშნავს. ამ დროისთვის, უკვე თითქმის ერთი კვირაა, რაც აბსოლუტურად ნათელი გახდა ყველასთვის მსოფლიოში, იმათთვისაც კი, ვინც ბოლო სამი წლის განმავლობაში უარს ამბობდა სიმართლის აღიარებაზე, რომ სწორედ პუტინი აგრძელებს და ახანგრძლივებს ამ ომს. უკვე ერთი კვირაა, რაც პუტინს არ შეუძლია, თქვას უბრალო „დიახ“ ცეცხლის შეწყვეტის წინადადებაზე პასუხად“, – აღნიშნა ზელენსკიმ ყოველდღიური ვიდეომიმართვისას.ზელენსკის თქმით, ის ესაუბრა საფრანგეთის პრეზიდენტ ემანუელ მაკრონს და გაცვალეს პოზიციები აშშ-ის პრეზიდენტ დონალდ ტრამპსა და რუსეთის პრეზიდენტ ვლადიმერ პუტინს შორის დაგეგმილი სატელეფონო საუბრის წინ.

ევროკავშირის ქვეყნების საგარეო საქმეთა მინისტრებმა უკრაინისთვის 40 მილიარდი ევროს ახალი დახმარების პაკეტზე შეთანხმებას ვერ მიაღწიეს

ევროკავშირის ქვეყნების საგარეო საქმეთა მინისტრებმა ბრიუსელში გამართულ შეხვედრაზე ვერ მიაღწიეს შეთანხმებას უკრაინისთვის 40 მილიარდი ევროს ოდენობის ახალი დახმარების პაკეტის გამოყოფაზე. ამის შესახებ საგარეო საქმეთა და უსაფრთხოების პოლიტიკის საკითხებში ევროკავშირის უმაღლესმა წარმომადგენელმა, კაია კალასმა განაცხადა.კალასის თქმით, ევროკავშირის ქვეყნებს შორის არსებობს ფართო პოლიტიკური მხარდაჭერა უკრაინისთვის ახალი დახმარების გამოყოფაზე, თუმცა ჯერ კიდევ არის ბევრი დეტალი, რომლებიც დამუშავებას საჭიროებს. ამასთან, მან გამოთქვა იმედი, რომ უახლოეს მომავალში ამ საკითხზე პროგრესი იქნება მიღწეული.„იმედი მაქვს, შევძლებ რეალურად წინსვლას, რადგან მაგიდის გარშემო ყველამ გაიგო, რომ უნდა ვაჩვენოთ ჩვენი მტკიცე გადაწყვეტილება ახლა და მხარი დავუჭიროთ უკრაინას, რათა მათ თავი დაიცვან. ყველა მიესალმა ჯედაში გამართული მოლაპარაკებების შედეგებს და ახლა, რა თქმა უნდა, ბურთი რუსეთის მხარესაა. რასაც ახლა ვხედავთ, არის ის, რომ რუსეთს რეალურად მშვიდობა არ სურს. ასევე მაგიდის გარშემო გასაგები იყო, რომ რუსეთს ვერ ენდობი. ისინი გამოიყენებენ ამ შესაძლებლობას ყველანაირი მოთხოვნების წამოსაყენებლად. ასე რომ, ვნახოთ, როგორ განვითარდება მოვლენები“, – აღნიშნა კაია კალასმა საბჭოს სხდომის დასრულების შემდეგ გამართულ პრესკონფერენციაზე.ცნობისთვის, მანამდე კაია კალასმა გამოთქვა ინიციატივა, რომ უკრაინისთვის გამოეყოთ ახალი სამხედრო დახმარების პაკეტი 20-დან 40 მილიარდ ევრომდე მოცულობით. ამ დახმარების პაკეტის პირველი ვარიანტი მარტის დასაწყისში უნგრეთმა დაბლოკა.

დონალდ ტრამპი აცხადებს, რომ ვლადიმერ პუტინთან ზარი „დიდი საქმეა“ და იმედოვნებს, რომ აშშ-ის შუამავლობით, რუსეთი და უკრაინა შეძლებენ სამშვიდობო შეთანხმების მიღწევას

აშშ-ის პრეზიდენტი დონალდ ტრამპი აცხადებს, რომ რუსეთის ლიდერ ვლადიმერ პუტინთან სატელეფონო ზარი „დიდი საქმეა“.შეერთებული შტატების პრეზიდენტის თქმით, იმედი აქვს, რომ ხვალ პუტინთან სატელეფონო საუბრისას განიხილავს უკრაინელი ჯარისკაცების მძიმე მდგომარეობას, რომლებიც, მისი თქმით, ამჟამად რუსული ძალების მიერ არიან გარშემორტყმული.„რომ არა მე, ისინი აქ აღარ იქნებოდნენ. მე შევძელი, დამერწმუნებინა რუსები, რომ ამ მომენტში არაფერი მოემოქმედათ“, – განაცხადა ტრამპმა ვაშინგტონში ჟურნალისტებთან საუბრისას.ამასთან, დონალდ ტრამპმა გამოხატა ოპტიმიზმი, რომ ორივე მხარე, აშშ-ის შუამავლობით, შეძლებს ცეცხლის შეწყვეტასა და საბოლოოდ სამშვიდობო შეთანხმების მიღწევას.

ტარიელ მიქაცაძე – დილის 08:00 საათზე ოთხასამდე პოლიციელი უკვე იცავდა ჭიათურის მერიის შენობას, შესაბამისად, ჩვენი ძალებით შეუძლებელი იქნებოდა პიკეტირების განხორციელება

დილის რვა საათზე მთელი ქუთაისის სამხარეო პოლიციის, დაახლოებით, სამასიდან ოთხას თანამშრომლამდე უკვე იცავდა ჭიათურის მერიის შენობას და, შესაბამისად, ჩვენი ძალებით შეუძლებელი იქნებოდა პიკეტირების განხორციელება, – ამის შესახებ მაღაროელმა ტარიელ მიქაცაძემ საქართველოს პირველი არხის გადაცემაში „აქტუალური თემა მაკა ცინცაძესთან ერთად“ განაცხადა.„ფაქტობრივად, პირდაპირ ითვალისწინებდა დაჭერას მსგავსი ქმედების განხორციელება. ადამიანური რესურსიც არ იყო შესაბამისი ამ საქმის განხორციელებისთვის“, – განაცხადა მიქაცაძემ.გადაცემის წამყვანის შეკითხვაზე, როგორ ხედავს პრობლემის გადაჭრის გზებს კომპანია „სიემსის“ მიერ გაკეთებული განცხადების გათვალისწინებით, რამდენად არსებობს მაღაროელთა მოთხოვნების დაკმაყოფილებისა და სამუშაო პროცესის აღდგენის რესურსი, ტარიელ მიქაცაძემ განაცხადა, რომ მას არანაირად არ სურს, დაეყრდნოს კომპანია „სიემსის“ საუბარს, რადგან ეს არის „ჯორჯიან მანგანეზის“ გამოჩეკილი მორიგი შპს, რომელსაც, სხვა შპს-ების მსგავსად, გზადაგზა წირავს და თავად კომპანია აგრძელებს 2006 წლიდან დღემდე უკანონოდ ოპერირებას.„უკანონობაში ვგულისხმობ იმ ყველაფერს, რაც დღეს ხდება ჭიათურაში, რაზეც სრულად არის პასუხისმგებელი და დამნაშავე „ჯორჯიან მანგანეზი“. სწორედ 15-წლიანმა გამოცდილებამ მიმაღებინა ის, რომ „ჯორჯიან მანგანეზთან“, უბრალოდ, აღარ შეიძლება ურთიერთობა. მით უმეტეს, სახელმწიფოს არ უნდა ჰქონდეს იმის განცდა და ილუზია, რომ კომპანია „ჯორჯიან მანგანეზი“ ჭიათურისთვის რამე სასიკეთოს მომტანია“, – განაცხადა მიქაცაძემ.მისი თქმით, მაღაროელები, უკვე მე-18 დღეა, ქუჩაში არიან, რადგან ორი და, ზოგის შემთხვევაში, სამი თვეა, ხელფასები არ აუღიათ, ნაკისრი ვალდებულება, რითიც პროფკავშირი ამაყობს, არ გაცემულა 60% და ქალაქი, ფაქტობრივად, შიმშილის პირასაა.„ბევრი მათგანი შიმშილობს კიდევაც. ამიტომ კომპანიას აღარ აქვს არანაირი ლეგიტიმაცია, ამ წლების განმავლობაში ჩადენილი დანაშაულების გამო გააგრძელოს ურთიერთობა და მოპოვება. ჩვენი მოთხოვნაა, აუცილებლად ჩამოერთვას ლიცენზია, მაგრამ მანამდე პასუხი უნდა აგოს ყველა იმ დანაშაულსა და ვალდებულებებზე, რაც ჭიათურის წინაშე აკისრია კომპანია „ჯორჯიან მანგანეზს“ და არამხოლოდ „ჭიათურა მენეჯმენტ კომპანის“. ეს თითქმის არაფერს არ ნიშნავს ჭიათურისთვის. „ჯორჯიან მანგანეზი“ გაწირავს ამ კომპანიასაც და დააფუძნებს ახალ კომპანიას“, – განაცხადა მიქაცაძემ.ტარიელ მიქაცაძემ ასევე განაცხადა, რომ შესასყიდი მასალების და ა.შ თანხები ხელოვნურად იბერება, თანხები პირდაპირ ილექებოდა კონკრეტული ადამიანების, კომპანიის მაღალჩინოსნების ჯიბეში და სწორედ ამან მიიყვანა კომპანია გადაწყვეტილებამდე, რომ მომგებიანი არ არის.„დარწმუნებული ვარ, ის გერმანული აუდიტორული ამ დასკვნას ვერ ნახავდა და ვერ დადებდა. მან დადო ის, რაც მაღაროში ნახა, მაგრამ უშუალოდ რაც ამ წლების განმავლობაში ხდებოდა და რამაც ჩვენ თვალწინ გაიარა, ეს არის ჩვენთვის ცნობილი. მინდა, საჯაროდ იყოს ყველასთვის ცნობილი, რომ ხელოვნურად გააკოტრეს კომპანია. თუნდაც „სიემსი“ ჯგუფის ხელმძღვანელი, ბატონი მაზურებკო რომ დაინიშნა კრიზისებიდან გამოსვლისთვის, ამ ადამიანს კუს ტბაზე 3 000-დოლარად აქვს ნაქირავები საკუთარი სახლი, 175 000-დოლარიანი ავტომობილით გადაადგილდება და მე ზუსტად არ ვიცი, მაგრამ, მოდით, მისი ხელფასი ვნახოთ, რა არის. როგორ ხედავს კრიზისიდან გამოსვლის გზებს, საწვავის ამხელა ულიმიტო მარაგები, ეს იყო მაღაროს კრიზისიდან გამოსვლის გზები, ამხელა ბიუჯეტის გაბერვა? ზედ დაგვაჯდა, როგორც წურბელა თავისი შემადგენლობით. ეს არის ზუსტად ის პრობლემები, რაც ჭიათურას სჭირს და რაღაზე მიიყვანა გაკოტრების პირას ეს კომპანია“, – განაცხადა მიქაცაძემ.მისივე თქმით, მაღაროელებს მათი აღარ სჯერათ და ითხოვენ პირდაპირ მათ გაშვებას და იმას, რომ სახელმწიფო ჩაერთოს, მართვაზე პასუხისმგებლობა აიღოს და წარმატება აუცილებლად იქნება.„აუცილებლად იქნება მომგებიანი მაღაროც და ღია კარიერული სწორად მოპოვებაც, როგორც მაღაროში, ისე ღია კარიერულ მოპოვებას ვგულისხმობ“, – განაცხადა ტარიელ მიქაცაძემ.

გიორგი ამილახვარი „შავი ზღვის საერთაშორისო უნივერსიტეტის“ კონსულტანტად დაინიშნა

განათლების ყოფილი მინისტრი გიორგი ამილახვარი „შავი ზღვის საერთაშორისო უნივერსიტეტის“ კონსულტანტად დაინიშნა. ინფორმაციას „შავი ზღვის საერთაშორისო უნივერსიტეტი“ ავრცელებს.„„შავი ზღვის საერთაშორისო უნივერსიტეტს“, რომელმაც სამი თვის წინ გაიარა ხელახალი ავტორიზაცია, ამბიციური გეგმები აქვს. გიორგი ამილახვარი, რომელსაც საგანმანათლებლო სფეროში სხვადასხვა პოზიციაზე მუშაობის 12-წლიანი გამოცდილება გააჩნია და დარგის პროფესიონალია, უნივერსიტეტს დაეხმარება ახალი გამოწვევების დაძლევასა და განვითარებაში.„შავი ზღვის საერთაშორისო უნივერსიტეტში“ ამჟამად ფუნქციონირებს 45 აკრედიტებული  საგანმანათლებლო ქართულენივანი და ინგლისურენოვანი პროგრამა, როგორც საბაკალავრო, ისე სამაგისტრო და სადოქტორო საფეხურებზე“, – ნათქვამია უნივერსიტეტის მიერ გავრცელებულ ინფორმაციაში.

ბოლო სიახლეები