ივანიშვილმა პირველ რიგში საკუთარ მომხრეებს აყარა ღირსება-დავით უსუფაშვილი

სპეციალურმა საგამოძიებო სამსახურმა, ჩატარებული გამოძიებით, პედოფილიის, სექსუალური გამოძალვის და გარყვნილი ქმედების 5 ფაქტი გამოავლინა და თბილისში მცხოვრები 40 წლის მამაკაცი დააკავა.სპეციალური საგამოძიებო სამსახურის ინფორმაციით, გამოძიებით დადგინდა, რომ ბრალდებულმა ი.მ-მ, გამიზნულად შექმნა „Facebook“ და „Instagram“ ყალბი ანგარიშები, რომელთა მეშვეობითაც სისტემატურად უკავშირდებოდა საქართველოს სხვადასხვა რეგიონში მცხოვრებ 14 წლამდე ასაკის გოგონებს, ეცნობოდა მათ სხვადასხვა სახელით, უმალავდა საკუთარ ასაკს, ვინაობას, უგზავნიდა პორნოგრაფიული შინაარსის ფოტო-ვიდეო მასალას და სექსუალურ საკითხებზე ესაუბრებოდა.გამოძიებამ პედოფილიაში მხილებული ბრალდებულის 5 დანაშაულებრივი ეპიზოდი გამოავლინა. კერძოდ, ბრალდებული, „Facebook Messenger“-ის ყალბი პროფილის მეშვეობით, თავდაპირველად, ქ. ზუგდიდში მცხოვრებ 14 წლის გოგონას დაუკავშირდა, ხოლო შემდეგ ქ. სენაკში მცხოვრებ ასევე 14 წლის ბავშვს. ბრალდებული დაზარალებულ ბავშვებს პორნოგრაფიული შინაარსის ვიდეო მასალას უგზავნიდა და სექსუალურ საკითხებზე ესაუბრებოდა, რის შემდეგაც მან არასრულწლოვანი გოგონა იძულებით გააშიშვლა და შიშველი სხეულის ამსახველი ფოტო და ვიდეო მასალის გადაგზავნა აიძულა.ბრალდებული ანალოგიური მეთოდებით ასევე დაუკავშირდა გორის რაიონში მცხოვრებ 11 წლის და თბილისში მცხოვრებ 12 წლის გოგონებს, რომელთაც პორნოგრაფიული შინაარსის ფოტო და ვიდეო მასალას უგზავნიდა და ინტიმურ საკითხებზე ესაუბრებოდა.სპეციალურმა საგამოძიებო სამსახურმა, ბრალდებული ჩატარებული ოპერატიული და საგამოძიებო მოქმედებების შედეგად დააკავა.2025 წლის 1 მაისს, საქართველოს პროკურატურის მიერ გამოტანილი დადგენილებით, მამაკაცს ბრალდება პედოფილიის, ასევე, გარყვნილი ქმედების 5 ეპიზოდზე წარედგინა.დანაშაული 12 წლამდე თავისუფლების აღკვეთას ითვალისწინებს.დაზარალებულ ბავშვებს სპეციალური საგამოძიებო სამსახური დანაშაულისგან მიყენებული ტრავმის გასაქარწყლებლად სახელმწიფოს ხარჯით ფსიქორეაბილიტაციის კურსის გავლას შესთავაზებს.საზოგადოებას სიფრთხილისკენ მოვუწოდებთ. მნიშვნელოვანია, ყველა მშობელმა გაანალიზოს საშიშროების ალბათობა და გამოიჩინოს მაქსიმალური ყურადღება ბავშვის ინტერნეტთან წვდომის დროს.სპეციალურ საგამოძიებო სამსახურში შეტყობინების გასაკეთებლად ან დახმარების მისაღებად, დაგვიკავშირდით ცხელ ხაზზე - 199, ან წარმოადგინეთ განცხადება ან პირადად მოდით ჩვენს ოფისებში - თბილისში, თელავში, ქუთაისში, ბათუმსა და ზუგდიდში ან მოგვწერეთ სოციალურ ქსელში ან ელექტრონულ ფოსტაზე. თქვენი კონფიდენციალურობა დაცულია!

ლონდონის მოსამართლემ რასელ ბრენდს გაუპატიურებისა და სექსუალური ძალადობის ბრალდებით გირაო შეუფარდა . 49 წლის ბრენდი ბრიტანეთის დედაქალაქში, ვესტმინსტერის სამაგისტრო სასამართლოში პარასკევს, 2 მაისს, ადგილობრივი დროით დაახლოებით დილის 9:30 საათზე მივიდა, მუქი ჯინსის პერანგით, მზის სათვალითა და ლურჯი ჯინსით. კომიკოსი და მსახიობი ნელა შევიდა ლონდონის ბრალდების სკამზე დილის 10:00 საათზე და მთავარ მაგისტრატ პოლ გოლდსპრინგს მხოლოდ საკუთარი სახელის, მისამართისა და დაბადების თარიღის დასადასტურებლად ესაუბრა, იტყობინება რამდენიმე გამოცემა, მათ შორის The Telegraph . 12-წუთიანი მოსმენის დასრულების შემდეგ გოლდსპრინგმა ბრენდს გირაო შეუფარდა და მისი შემდეგი სასამართლო სხდომა ლონდონის ცენტრალურ სისხლის სამართლის სასამართლოში (ადგილობრივად ცნობილი როგორც „ოლდ ბეილი“) 30 მაისს დანიშნა.რასელ ბრენდი გაუპატიურებასა და სექსუალურ ძალადობაშია ბრალდებული და სასამართლოს წინაშე მაისში წარდგება, აცხადებს პოლიციაბრენდს ლონდონის მეტროპოლიტენის პოლიციამ თავდაპირველად 4 აპრილს წაუყენა ბრალდება ჩადენილ დანაშაულებში. ბრალდებები ოთხი ქალის ბრალდებებს ეფუძნება, რომლებიც აცხადებენ, რომ ბრენდმა მათზე სექსუალური ძალადობა 1999-დან 2005 წლამდე ინგლისში განახორციელა. ოთხი ქალიდან ერთი ამბობს, რომ 1999 წელს სამხრეთ ინგლისის ერთ-ერთ ქალაქში გააუპატიურეს, მეორე კი აცხადებს, რომ ბრენდმა 2004 წელს ლონდონში მასზე ზეპირი და სექსუალური ძალადობა განახორციელა. „ქალები, რომლებმაც განაცხადები შეიტანეს, კვლავ იღებენ მხარდაჭერას სპეციალურად მომზადებული ოფიცრებისგან“, - განაცხადა დეტექტივმა სუპერინტენდანტმა ენდი ფურფიმ. „მეტროპოლიტენის პოლიციის დეპარტამენტის გამოძიება კვლავ ღიად რჩება და დეტექტივები მოუწოდებენ ყველას, ვისაც ეს საქმე შეეხო ან ვისაც რაიმე ინფორმაცია აქვს, გამოცხადდეს და პოლიციას ესაუბროს“.ბრენდს ადრე ხუთმა ქალმა, რომელთაგან ერთ-ერთი 16 წლის იყო, 2023 წელს The Sunday Times-ის , The Times-ისა და Channel 4-ის მიმდინარე მოვლენების გადაცემა Dispatches-ის ერთობლივი გამოძიების ფარგლებში ბრალი წაუყენა .

2010 წელს პენსილვანიის ერთ-ერთ სასწავლებელში 15 წლის ბლეიკ რობინს სხვა 2  ათას მოსწავლესთან ერთად სკოლამ ლეპტოპი გადასცა.  სკოლის ადმინისტრაციამ განაცხადა, რომ ამ ქმედების მიზანი იყო მოსწავლეებს სასწავლებლის რესურსებზე სრული ხელმისაწვდომობა ჰქონოდა. მაშინ ბლეიკი ვერც კი წარმოიდგენდა, რომ ეს ერთი შეხედვით უმნიშვნელო ამბავი მის ცხოვრებას სამუდამოდ შეცვლიდა.ამ ამბიდან მალევე რობინს სკოლის ადმინისტრაციიდან დაურეკეს და ის ნარკოტიკებით ვაჭრობაში დაადანაშაულეს. ნივთმტკიცებად  მათ  რობინის ოთახში გადაღებული ფოტოები წარმოადგინეს, რომელიც ლეპტოპის კამერით იყო გადაღებული.ამ ამბის შემდეგ გაჩნდა ეჭვი, რომ კომპიუტერებში სპეციალური პროგრამა იყო ჩაინსტალირებული, რომელიც მოსწავლეების ქმედებებს აკონტროლებდა, ასევე ამბობდნენ, რომ ლეპტოპი ყოველ 15 წუთში ფოტოებს იღებდა.რობინის ოჯახმა სკოლას უჩივლა. სკოლამ აღიარა, რომ ლეპტოპებში უსაფრთხოების სპეციალური პროგრამა იყო ჩაყენებული.სკოლის ადმინისტრაციის განცხადებით,  ლეპტოპებში არსებული პროგრამა, რომელიც ფოტოებს ყოველ 15 წუთში ერთხელ იღებდა, იმიტომ ჩააყენეს რომ კომპიუტერის დაკარგვის ან მოპარვის შემთხვევაში მისი აღმოჩენა გამარტივებულიყო.რობინის ოჯახმა კომპენსაცის სახით 610,000 დოლარი მიიღო.ეს ამბავი საფუძვლად დაედო ნეტლიქსის სერიალს, სახელწოდებით „Spy High". 

"მათი მოქმედებით მე გავიგე, რომ ციხეზე, პატიმრებზე რომ ზეწოლა გაეკეთებინათ, რაც მოხდა მას შემდეგ ციხეზე, ჩემზე კარგად მოგეხსენებათ და ეს უდანაშაულო ბავშვები მაგისთვის ჩაცხრილეს და იმიტომ მიაწერეს, რომ ციხეზე მიდიოდნენ, თორემ, სად "ნავთლუღის სპეცოპერაცია" და სად რუსთავის ციხე?" - ამის შესახებ 2006 წლის 12 იანვარს, "ნავთლუღის სპეცოპერაციისას" "ნაცმოძრაობის" რეჟიმის მიერ მოკლული რომან სურმანიძის მამამ, ოთარ სურმანიძემ, პარლამენტის დროებითი საგამოძიებო კომისიის სხდომაზე განაცხადა.მისი განცხადებით, რომან სურმანიძე თბილისში პირველად იყო და ის მარტოც ვერ წამოვიდოდა, მეგობრებს გამოჰყვა. მოკლულის მამას მიაჩნია, რომ "ნაცმოძრაობის" მაღალჩინოსნები მსხვერპლს ეძებდნენ და სამი ახალგაზრდა სწორედ ამის გამო მოკლეს."მიეშვათ იქამდე და იმ ციხის ჭიშკართან რომ მომიკლავდნენ შვილს, აღარაფერს მოვიკითხავდი. იქამდე მიეშვათ და იქ მოეკლათ. ეს ბავშვები იქ მიმსვლელი არ იყვნენ და ჩემი ბიჭი პირველად იყო თბილისში. ის ამხანაგებს გამოჰყვა, თორემ, თბილისში მარტოც ვერ წამოვიდოდა. ნამდვილად მსხვერპლს ეძებდნენ. ჩემი შვილი, საზაფხულო დასვენებებზე ჩემთან ერთად თურქეთში გადადიოდა, ალალი შრომით ირჩენდა თავს და სტუდენტობაში რომ თანხა ეხარჯა, მისი გამომუშავებული თანხით დადიოდა ბათუმში და სწავლობდა. ჩვენ ოჯახს ის ფუფუნება არ გვქონდა, რომ სტუდენტი გვერჩინა. მოგეხსენებათ, მაშინ, 2006 წელში უმუშევარი დრო იყო, თურქეთიდან ვირჩენდით თავს - ჩაი უნდა მოგვეკრიფა თურქეთში, ფული უნდა გადმოგვეტანა რომ პური გვეყიდა და თავი გვერჩინა, სხვა შემოსავალი არ გვქონდა", - განაცხადა ოთარ სურმანიძემ."ნავთლუღის სპეცოპერაცია" 2006 წლის 12 იანვარს ჩატარდა. გამოძიების მაშინდელი ვერსიით, კონსტიტუციური უსაფრთხოების დეპარტამენტის თანამშრომლებმა ციხიდან გაქცევის მცდელობა აღკვეთეს. 2012 წლის შემდეგ საქმეზე ახალი გამოძიების დაწყების შედეგად კი, "ნაცმოძრაობის" რამდენიმე მაღალჩინოსანს ბრალი განზრახ მკვლელობის, სამსახურებრივი უფლებამოსილების გადამეტების, ასევე ციხეში პატიმართა წამებისთვის წაუყენეს. გამოძიების ვერსიით, დათა ახალაიამ საკონტროლო გასროლა სპეცოპერაციის შედეგად მოკლული შოთა გორგაძის, ხოლო გიორგი დგებუაძემ ("მასტერა") რომან სურმანიძის მისამართით განახორციელა.

თბილისის საქალაქო სასამართლოში საქართველოს ყოფილი პრეზიდენტის, მიხეილ სააკაშვილის სასამართლო პროცესი მიმდინარეობს.სასამართლო სხდომაზე მიხეილ სააკაშვილი დისტანციურად ჩართვისას პარლამენტის დროებით საგამოძიებო კომისიის მუშაობას გამოეხმაურა.როგორც სააკაშვილმა აღნიშნა, კომისიაზე „ქურდების, ყაჩაღების სრული რეაბილიტაცია მოახდინეს“.„რა არის ეგრეთ წოდებული კომისია? დაიწყეს საქმე ჰააგის სასამართლოში, იქნებ როგორმე გავემტყუნებინეთ მე და საქართველო, არ გამოუვიდათ არაფერი, რადგან ეს ჰააგაა და არა სასამართლო კლანი. ახლა იმავეს იმიტაციას ცდილობენ საქართველოს შიგნით. მოახდინეს სრული რეაბილიტაცია ქურდების, ყაჩაღების და ასე შემდეგ. აფრასიძეებზე ჩაატარეს მოსმენები, მსხვერპლებად გამოიყვანეს. აფრასიძეები, რომლებმაც უამრავი ადამიანი მოკლეს, გააუპატიურეს, მთელი ქონება წაართვეს, გადაუარეს სვანებს და დანარჩენ საქართველოშიც უამრავი დანაშაული აქვთ ჩადენილი. ამ აფრასიძეებზე ახლა ამბობენ, თურმე ისინი რეჟიმის უბედური მსხვერპლები იყვნენ. აფრასიძეები რომ არ ჩამოშორებოდნენ სვანეთს, არ იქნებოდა არც განვითარება, არც ტურიზმი, არც შემოსავლები. ეს არ არის კომისია, ეს არის კონტრრევოლუცია კრიმინალების, პრორუსი თაღლითების, პრორუსი კორუფციონერების“, – განაცხადა სააკაშვილმა.სააკაშვილის თქმით, ის მთელი მსოფლიოსთვის საქართველოს წარმატებისა და საქართველოსა და უკრაინის თავისუფლებისთვის ბრძოლის სიმბოლოდ რჩება.„ხედავთ, ხალხო, როგორ დაგცინიან, მაინც არაფერი გამოუვათ. გასაგებია, მე რასაც მიკეთებენ. მიწაზეც მათრიეს, მომწამლეს კიდეც, ათასგვარ აბსურდულ ბრალდებას მიყენებთ, მაგრამ მთელი მსოფლიოსთვის მე მაინც ვრჩები საქართველოს წარმატების, საქართველოსა და უკრაინის თავისუფლებისთვის ბრძოლის სიმბოლოდ“, – განაცხადა მიხეილ სააკაშვილმა.