იაგო ხვიჩია – ოპოზიციის შეთანხმების ტექსტში უნდა ჩაიწეროს მარტივი სიტყვები, „ჩვენ ვთანხმდებით ერთადერთ რაღაცაზე, მიშა ყოველთვის მართალია“, ყველა პრობლემა ერთ წამში აღმოიფხვრება

ვმადლობთ ღმერთს, რომ ჩვენი ერი ინარჩუნებს საოცარ, უმთავრეს და უდიდეს საუნჯეს, რაც ღვთისგან გვებოძა – მართლმადიდებელ სარწმუნოებას. ჩვენი ერი ერთგულია მართლმადიდებელი ეკლესიისა, - ამის შესახებ საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი)მართლმადიდებლობის ზეიმზე მისალოც სიტყვაში განაცხადა.მეუფე შიომ ქადაგებისას 1990 წელს, კონსტანტინოპოლის საპატრიარქოს მიერ საქართველოს მართლმადიდებელი ეკლესიის უძველესი დროიდან არსებული ავტოკეფალიის აღიარებაზე გაამახვილა ყურადღება.„თქვენო უწმინდესობავ და უნეტარესობავ, ძვირფასო მამებო, დედებო, გილოცავთ დღევანდელ დღეს – მართლმადიდებლობის ზეიმის დღეს.დღეს ჩვენ ვზეიმობთ, რამეთუ ვართ საქართველოს ეკლესიის შვილები, საქართველოს შვილები, რომელიც მოაქცია მოციქულთა ქადაგებამ და ვმადლობთ ღმერთს, რომ ჩვენი ერი ინარჩუნებს ამ საოცარ, უმთავრეს და უდიდეს საუნჯეს, რაც ღვთისგან გვებოძა – მართლმადიდებელ სარწმუნოებას და დღესაც, თქვენი წინამძღოლობით და ლოცვა-კურთხევით, ჩვენი ერი ერთგულია მართლმადიდებელი ეკლესიისა.ჩვენ აღვნიშნავთ კიდევ ერთ საოცარ მოვლენას: 1990 წელს ღვთის წყალობით და თქვენი დიდი ღვაწლით, თქვენი დაუღალავი შრომით კონსტანტინოპოლის საპატრიარქომ აღიარა საქართველოს მართლმადიდებელი ეკლესიის უძველესი დროიდან არსებული ავტოკეფალია. ამ დღეს, მართლმადიდებლობის ზეიმზე, თქვენ ბრძანდებოდით კონსტანტინოპოლში და ყოვლადუწმინდესის, მსოფლიო პატრიარქ დიმიტრიოსის მიერ გადმოგეცათ და თქვენი სახით ყველას, ჩვენ, მთელ საქართველოს ეკლესიას, საქართველოს ეკლესიის ავტოკეფალიის ცნობის და მტკიცების სიგელი და კათოლიკოს-პატრიარქის ტიტულის ცნობის სიგელი.ეს იყო დიდი სიხარული, გამარჯვება მთელი ჩვენი ეკლესიისა; ეს იყო შედეგი, თქვენო უწმინდესობავ, თქვენი დიდი ღვაწლისა და დიდი ავტორიტეტისა.ამ დიდ მოვლენას, რომელიც ნამდვილად არის ერთ-ერთი გამორჩეული ფურცელი ჩვენი ერის და ეკლესიის ისტორიაში, წინ უძღოდა დიდი სამეცნიერო მუშაობა თქვენი და თქვენი თანამოსაგრე ადამიანებისა, მეცნიერებისა, სასულიერო პირებისა და ასევე, დიდი მუშაობა ეკლესიათაშორისი ურთიერთობების თვალსაზრისით.სწორედ თქვენი ერთ-ერთი მთავარი დამსახურება კიდევ ის არის, რომ ამ დოკუმენტში ჩაიწერა, რომ ჩვენი ავტოკეფალია არის უძველესი დროიდან.გილოცავთ კიდევ ერთხელ, თქვენო უწმინდესობავ და უნეტარესობავ, ამ დიდ მოვლენას. მინდა, შვილებრივი სიყვარულით მადლობა გადაგიხადოთ ამ დიდი ღვაწლისთვის. ჩვენ გვეამაყებით თქვენ; გვეამაყებით, როგორც ჩვენი სულიერი მამა; გვეამაყებით, როგორც წინამძღოლი, პატრიარქი და ერის მამა, ეთნარქი ნამდვილი, ამ სიტყვის საუკეთესო გაგებით.ვევედრებით უფალს თქვენი ჯანმრთელობისთვის, თქვენი დღეგრძელობისთვის, თქვენი სულიერი სიმხნევისთვის და ჩვენი, ყველას – ჩვენი ეკლესიისა და ერის – გადარჩენისა და გაძლიერებისთვის“, - განაცხადა მეუფე შიომ.

ირანის მხრიდან საფრთხე არ არსებობდა, – ამის შესახებ გაერო-ში ირანის წარმომადგენელმა, ამირ საეიდ ირავანიმ განაცხადა.„არ უნდა შევცდეთ, ირანის მხრიდან არავითარი საფრთხე არ არსებობდა. ჩვენი ბირთვული პროგრამა განსაკუთრებით მშვიდობიანია. ჩვენ სერიოზულ დიპლომატიურ მოლაპარაკებებში ჩავერთვებით. მეორედ აირჩია შეერთებულმა შტატებმა ძალა დიპლომატიის ნაცვლად და დაარღვია წესდება. არ არსებობს არავითარი სამართლებრივი საფუძველი, რომელიც ამ თავდასხმას გაამართლებს. ე.წ. პრევენციულ თავდასხმას საერთაშორისო სამართალში საფუძველი არ გააჩნია. ჩვენი პასუხი კანონიერია, აუცილებელია და პროპორციულია“, – აღნიშნა ირავანიმ.მისი თქმით, ირანი საპასუხო დარტყმებისას იერიშებს არ ახორციელებს მოქალაქეებზე.„საერთაშორისო საზოგადოების წინაშე მდგომი საკითხი ნათელია. შეუძლია თუ არა ძლიერ სახელმწიფოს, დაუსჯელად შეუტიოს გაერო-ს სხვა სუვერენულ წევრ სახელმწიფოს? თუ პასუხი დადებითია, მაშინ წესდება აზრს კარგავს. თუ პასუხი უარყოფითია, მაშინ ეს აგრესია უნდა დაიგმოს და შეჩერდეს“, – აღნიშნა ელჩმა.

აშშ-ის სახელმწიფო მდივანი მარკო რუბიო აცხადებს, რომ მომავალში ირანზე კიდევ უფრო მძიმე იერიშები განხორციელდება. ამის შესახებ მარკო რუბიომ ჟურნალისტებთან საუბრისას განაცხადა.მისი თქმით, მომდევნო ფაზა კიდევ უფრო ძლიერი იქნება.„ჩვენ გვაქვს მიზნები. ამას გავაკეთებთ, ვიდრე საჭირო იქნება ამ მიზნების მისაღწევად და ჩვენ მათ მივაღწევთ. მსოფლიო უფრო უსაფრთხო ადგილი გახდება, როდესაც ამ ოპერაციას დავასრულებთ“, – აღნიშნა რუბიომ.მისი თქმით, ოპერაცია აუცილებელი იყო, რადგან დაახლოებით ერთ წელიწადში ირანს იმდენი სარაკეტო სისტემა და დრონი ექნებოდა, რომ ვერაფერს მოიმოქმედებდნენ თეირანის წინააღმდეგ.„ჩვენი პირველი ამოცანა და მთავარი მიზანი არის მათი ბალისტიკური სარაკეტო შესაძლებლობებისა და მათი წარმოების ინფრასტრუქტურის განადგურება, ასევე მათი საზღვაო ძალების მიერ გლობალური გადაზიდვებისთვის შექმნილი საფრთხის აღმოფხვრა. თუმცა, ამასთანავე, ვიმედოვნებთ, რომ ირანელ ხალხს შეეძლება ამ მთავრობის დამხობა და ქვეყნისთვის ახალი მომავლის აშენება. ძალიან გვსურს, რომ ეს შესაძლებელი იყოს. მაგრამ ამ მისიის მიზანი მათი ბალისტიკური სარაკეტო შესაძლებლობებისა და საზღვაო ძალების განადგურებაა“, – განაცხადა რუბიომ.სახელმწიფო მდივანს ასევე ჰკითხეს ირანში, ქალაქ მინაბის გოგონათა სკოლაზე მიტანილ იერიშზე, სადაც 150 ადამიანი დაიღუპა. რუბიოს თქმით, შეერთებული შტატები განზრახ არ განახორციელებდა თავდასხმას სკოლაზე.

ისრაელში საქართველოს საელჩო ისრაელში მყოფი საქართველოს მოქალაქეების საყურადღებოდ განცხადებას ავრცელებს.განცხადების თანახმად, ისრაელის სახელმწიფოში არსებული ვითარების გათვალისწინებით, ისრაელის მოსახლეობისა და იმიგრაციის სამსახური (PIBA) - ის მიერ მიღებულ იქნა გადაწყვეტილება, რომლის მიხედვითაც ქვეყანაში ლეგალურად მცხოვრები უცხოელებისთვის, რომელთა ვიზის ვადა იწურებოდა 2026 წლის 22 თებერვალიდან 31 მარტის ჩათვლით, ვიზის მოქმედების ვადა ავტომატურად გაუგრძელდეთ მომდევნო სამი თვით.კერძოდ, საუბარია შემდეგი ტიპის ვიზებზე: სამუშაო ვიზა, ტიპი B/1;ზოგადი ტურისტული ვიზა, ტიპი B/2;მოხალისეობრივი ვიზა, ტიპი B/4;დროებითი რეზიდენტის ვიზა, ტიპი A/1;სტუდენტური ვიზა, ტიპი A/2 (გარდა სოფლის მეურნეობაში ანაზღაურებადი პირებისა);სასულიერო პირების ვიზა, ტიპი A/3;თანმხლები ვიზა, ტიპი A/4;დროებითი რეზიდენტის ვიზა, ტიპი A/5;ვიზა DCL ოჯახის გაერთიანებისა და ჰუმანიტარული დახმარების საკითხებში;გთხოვთ გაითვალისწინოთ, რომ მოსახლეობისა და იმიგრაციის სამსახურში ფიზიკურად გამოცხადება საჭირო არ არის" , - აღნიშნულია განცხადებაში.

ყოვლადწმიდა ღმრთისმშობლის სასწაულთმოქმედი ხატი „ძლევაშემოსილი“ - ევედრებიან სიმართლის, გულითადი სიხარულის, ურთიერთისადმი გულწრფელი სიყვარულის მოსაპოვებლად, მამულის მშვიდობისა და დაცვისათვისხატი 1917 წლის 2 მარტს გამოჩნდა, მოწამე მეფის ნიკოლოზ II ტახტიდან გადმოგდების დღეს. ამის გამო მისი ყველა ასლი იდევნებოდა ეკლესიებიდან. დედნის ადგილსამყოფელი დღემდე უცნობია.ტროპარი, ხმა 4ანგელოსნი კრძალვითა გმსახურებენ შენ და ყოველნი ზეციურნი ძალნი დაუდუმებელად გაქებენ შენ, ღვთისმშობელო ქალწულო, და მხურვალე ვხმობთ შენდა მომართ, დედუფალო, რაჲთა მადლმან ღუთისამან დაივანოს წმიდასა ძლევაშემოსილსა ხატსა შენსა ზედა და ნათელი დიდებისა სხივბრწყინუალეჲ გარდამოივლინოს ყოველთა სარწმუნოებით შენდა მომართ მლოცუელთა და მხმობელთა ღუთისა მიმართ: ალილუია.ლოცვა1ჰოი, დედუფალო ძლევაშემოსილო, ყოვლადწმიდაო ღვთისმშობელო, შენ შორის მტვირთუელო ყოვლისა სოფლისა მტვირთუელისა ზეცათა მეუფისაო! გმადლობთ შენ გამოუეთქმელთა მოწყალებათა შენთათვის, რომელთა ჩუენებაჲ კეთილად ინებე შენ ჩუენ ცოდუილთა და უღირსთა ზედა, წმიდითა და სასწაულთმოქმედითა ხატითა ამით შენითა დღეთა მათ შინა მწარეთა და სასტიკთა, რაჟამს ქარიშხალი, ვითარცა გრიგალი სულიერი აღიძვროდა ერსა ჩუენსა ზედა ჟამსა მას ჩუენისა მოსვრისა და აღმოფხურისასა, ჟამსა მას განკრახუისა და შეურაცხებისასა სიწმიდეთა ჩუენთა კაცთაგან უგუნურთა, რომელნი არა ოდენ გულითა, არამედ ბაგითა იკადრებდნენ თქუმად: არა არს ღმერთი და საქმითაცა უჩუენებდნენ სისაძაგლესა ამას. გმადლობთ შენ მეოხო ჩუენო, რამეთუ სიმაღლთგან შენით გარდამოიხილე მწუხარებათა ჩუენთა ზედა და ჭირთა ზედა მართლმადიდებელთასა და ვითარცა მზემან მანათობელმან განამხიარულენ ჭირთაგან მოუძლურებულნი თუალნი ჩუენნი ხილვითა ყოვლადტკბილისა ძლევაშემოსილისა ხატისა შენისათა, ჰოი, უფროსადკურთხეულო ღმრთისა დედაო, ძლევაშემოსილო შემწეო, მტკიცეო შუამდგომელო. შიშითა და ძრწოლითა გმადლობთ შენ, ვითარცა მონანი უხმარნი ლმობიერებითა შევრდომილ ვართ შენდა, გულითა შემუსვრილითა და ცრემლითა და გევედრებით შენ სულთქმისა გალობითა: გვიხსნენ, გვიხსნენ ჩუენ. შეგვეწიენ, შეგვეწიენ ჩუენ! შეგვიწყალენ, დავინთქმებით ჩუენ, ცხოვრებაჲ ეს ჩუენი ჯოჯოხეთამდე მიწევნულ არს: დღითი დღეთ ცოდუანი ჩუენნი დამძიმებულ არნ, ჭირნი მრავალ, მტერნიცა მრავალ, ჰოი დედუფალო ზეცისაო, განდევნე კუერთხითა საღმრთოჲსა ძლიერებისა შენისაჲთა უპატიოებაჲ სასჯელისა მტრისა, ხილულისა და უხილავისა, ვითარცა მტუერი და ვითარცა ნისლი. შემუსრე დიდადმეტყუელებაჲ განსჯისა მათისა და აღხოცენ იგინი: და ვითარცა დედამან ყოველთამან გზასა ზედა სიმართლისასა და კეთილწიაღობრივსა დაადგინენ იგინი. შთანერგე გულთა შინა ჩუენ ყოველთასა სიმართლეჲ, მშვიდობაჲ და სიხარული სულითა წმიდითა. განფინენ გულთა შინა ჩუენთა მყუდროებაჲ, კეთილდღეობაჲ, უშფოთველობაჲ, ურთიერთსიყუარული შეუორგებელი, კუერთხითა და ყოვლადძლიერითა შენითა, ყოვლადწმიდაო, დააყენე ღუარი უსჯულოებათა, რომელი ესწრაფის დანთქმასა ქუეყანისა ამის ჩუენისასა საშიენელსა უფსკრულსა თვისსა. შეგვეწიე ჩუენ უმწეოთა, სულმოკლეთა ულძლურთა და უსასოთა, განგვამტკიცენ, აღგვადგინენ და გვაცხოვნენ: რაჲთა შენითა ძლიერებითა მარადის დაცულნი ვუგალობდეთ და ვადიდებდეთ ყოვლადპატიოსანსა და დიდადშუენიერსა სახელსა შენსა, აწ და მარადის და უკუნითი უკუნისამდე. ამინ.                                                                               ლოცვა 2ჰოი, ყოვლისა ქუეყანასა შუამდგომელო, ყოვლადსაგალობელო დედაო, შიშითა, სარწმუნოებითა და სიყუარულითა შევრდომილვართ ძლევაშემოსილსა ხატსა შენსა და ყოვლითა გულითა გიხმობთ შენ! ნუ გარემიიქცევი შენდა მოლტოლვილთაგან, ევედრე, მოწყალეო დედაო ნათლისაო, ძესა შენსა და ღმერთსა ჩუენსა, ტკბილსა უფალსა იესო ქრისტესა, რაჲთა მშვიდობით დაიცვეს მამული ჩუენი, განამტკიცოს კეთილდღეობაჲ ჩუენი, გვიხსნას ჩუენ ძმათამკულელთა ომთაგან და განამტკიცოს წმიდა მართლმადიდებელი ეკლესიაჲ ჩუენი, შეურყეველად დაიცვეს იგი ურწმუნოებისაგან, განწუალებისა და ერესისა, არა არს ჩუენდა მწე, არა არს ჩუენდა სასო, თვინიერ შენსა, ყოვლადწმიდაო ქალწულო, შენ ხარ ყოვლადძლიერი მეოხი წინაშე ღუთისა ყოველთა ქრისტიანეთა, სამართლად ჩუენ ზედა მოწევნულისა რისხუისა მისისა მომალბობელი. გვიხსნენ ჩუენ შენდა მომართ სარწმუნოებით მლოცუელნი ზედამოსულისაგან ცოდუათასა, ცილისწამებისაგან კაცთასა, სიყმილისაგან, მწუხარებისა და სნეულებისა. მოგუმადლენ ჩუენ სული სინანულისაჲ, მორჩილებაჲ გულისა, სიწრფელე ზრახუათა, რაჲთა განვერნეთ ცოდუილსა ცხორებასა ამას ზედა და დაუტევნეთ ცოდუანი ჩუენნი. რაჲთა ყოველი, რომელი მადლობით განადიდებს სახელსა შენსა, ღირს იქმნეს ზეცისა სასუფეველსა და მუნცა ყოველთა წმიდათა თანა ადიდებდეს ყოვლადწმიდასა და ყოვლადბრწყინუალესა სახელსა სამსახოვანისა ღუთისასა, მამისა და ძისა და წმიდისა სულისა, ამინ.