თბილისის გენგეგმაზე შესაძლოა სითი ინსტიტუტმა აღარ იმუშაოს

სამართლიან და დემოკრატიულ სახელმწიფოში კორუფციასთან ბრძოლას სჭირდება სისტემური მიდგომა. პირველ რიგში, სახელმწიფოს ხერხემლის, სასამართლოს, გათავისუფლება კორუფციული კლანისგან, – ამის შესახებ პარტია „გახარია საქართველოსთვის“ წევრმა, სოფო ხორგუანმა პარლამენტის პლენარულ სხდომაზე განაცხადა.მისივე თქმით, „ყველამ უნდა აგოს პასუხი, ვინც ხალხის ხარჯზე ააშენა თავისი პირადი იმპერია“.„მივესალმები საქართველოს მოქალაქეებს. ვუდასტურებ პატივისცემას საქართველოს თითოეულ მოქალაქეს. ბევრი წლის მანძილზე ვებრძოდი „ნაცმოძრაობის“ რეჟიმს, 2012 წლის 1-ელ ოქტომბერს ხმა მივეცი „ქართულ ოცნებას“, აქ მსხდომი ბევრისგან განსხვავებით. ვიყავი „ქართული ოცნების“ ამომრჩეველი, მაგრამ ამომრჩეველი არავის საკუთრება არაა. რატომ ვერ ცხოვრობს საქართველოს მოქალაქე დღეს უსაფრთხოდ და უზრუნველად? პასუხი აქ არის -კორუფცია მეტასტაზებივით მოედო მთელ ქვეყანას, ქალაქსა თუ სოფელს, ყველა სფეროს, მმართველობის ყველა დონეზე. პოლიტიკური კორუფცია, ნეპოტიზმი და ფავორიტიზმი, ფულის გათეთრება, უკანონო გამდიდრება, მექრთამეობა, გაფლანგვა და მითვისება, გავლენით ვაჭრობა – ჩვენი ყოველდღიურობის ჯოჯოხეთად იქცა. ჩაწყობილი ტენდერები და „ატკატები“, წილში მყოფი ჩინოვნიკები და მათი ოჯახის წევრები, გაძარცვული ჯარი. სამართლიანი არჩევნების ნაცვლად, მოსყიდვები და გარიგებები, უკანონო ნებართვები, ბეტონის ჯუნგლებად ქცეული ქალაქები, დაუმთავრებელი გზები. მორგებული კონკურსები, გარეთ დარჩენილი კეთილსინდისიერი მოხელეები, არალეგალური ბიზნესები, „ქოლცენტრები“, ნარკოკარტელები. გამქრალი სამართალი, პროკურატურაში თაროზე წლობით შემოდებული საქმეები. დაუსჯელი დასასჯელები. გაძვირებული ჯანდაცვა, წამლები, საკვები პროდუქტები, დაუცველობისა და უპერსპექტივობის განცდა. უსაფრთხოების არარსებობა. რა არის ამაზე თქვენი პასუხი? არ იცოდით?! დიახ, დღეს მოქალაქეები ყოველდღე უყურებენ მაღალი თუ საშუალო რგოლის ყოფილი თუ მოქმედი ჩინოსნების დაკავებებს, კრიმინალურ ქრონიკაში ვცხოვრობთ. მაგრამ! ახლა გაიგეთ კორუფციის შესახებ? იქნებ, წილები მოგაკლდათ კორუფციული ფულიდან? ამ 25 კორუმპრებულ ოჯახს სხვა 25 კორუმპრებული ოჯახი ხომ არ ანაცვლებს? პოლიტიკური ნარცისიზმით შეპყრობილები ჩაიკეტეთ და ხალხის ხმა არ გესმით. არ გესმით იმ სოფლის, რომელიც წლებია, ელოდება გზას. იმ მშრომელი გლეხის, რომელიც წლებია, ელოდება წყალს, იმ მშობლის, ვინც შვილისთვის კარგ განათლებას ელოდება. იმ მოსწავლის, ვინც სკოლის მშენებლობას ელოდება. იმ ხანდაზმულების, ვინც ელოდება ღირსეულ პენსიას, არა ფუფუნებას, არამედ ღირსეულ პენსიას, რომ წამალი იყიდოს, რომელიც ძვირია. იმ მამების, ვისაც უნდა სამშობლოში იყოს დასაქმებული და შესაბამის ხელფასს იღებდეს. იმ დედების, რომელთაც ემიგრაციაში შვილები ენატრებათ, მხოლოდ იმიტომ, რომ ოჯახებმა არსებობა შეძლონ. იმ მოხელეების, რომელთაც სახელმწიფოს მსახურება უნდათ და არა ერთი პარტიის. იმ მეცნიერების, რომელთაც უცხოეთში აფასებენ და სამშობლოში არა. იმ მოქალაქეების, ვისაც დაპირდით სამართლიანობის აღდგენას, მაგრამ მხოლოდ იმას უყურებს, როგორ იზრდება უსამართლობა ყოველდღე. როცა კანონი მხოლოდ იმათთვის კანონობს და ყველაზე მკაცრია, ვისაც პატრონი არ ჰყავს, მაგრამ 25 ოჯახისთვის კანონი არ არსებობს. ფეოდალებისთვის, რომლებიც დაეპატრონენ რეგიონებს და სისხლს წოვენ სამშობლოს, კანონი და გაჭირვება არ არსებობს. თქვენ არ გესმით ხალხის, ვისაც თავზე წამოასვით კორუმპრებული ჩინები, არსაიდან მოსული, ერთ დღეში გამდიდრებულები. დიახ, კორუფცია არის სამშობლოს ღალატი, რომელიც თქვენ წესად აქციეთ. პოლიტიკური თაღლითობაა ეკონომიკურ აღმავლობის ციფრებზე საუბარი სოციალურად დაუცველთა რიცხვის ზრდის ფონზე. თქვენ დაგავიწყდათ ადამიანი, დაგავიწყდათ, რომ საქართველოს მთავარი სიმდიდრე არის ადამიანი. კორუფცია კი შთანთქავს ყველას და ყველაფერს. საქართველოს დამოუკიდებლობის 36 წლის მანძილზე სწორედ კორუმპირებული ჩინოსნები ხრავდნენ ჩვენს სამშობლოს. ეს უნდა დასრულდეს. ყველამ უნდა აგოს პასუხი, ვინც ხალხის ხარჯზე ააშენა თავისი პირადი იმპერია. სამართლიან და დემოკრატიულ სახელმწიფოში კორუფციასთან ბრძოლას სჭირდება სისტემური მიდგომა. პირველ რიგში, სახელმწიფოს ხერხემლის, სასამართლოს, გათავისუფლება კორუფციული კლანისგან, კონტროლისა და წონასწორობის მექანიზმების შექმნა. იდეის, სისტემის, პატიოსანი მოხელეებისა და სამოქალაქო საზოგადოების შეთანხმებული მოქმედება. ამიტომ ვართ დღეს აქ და, როგორც პარლამენტის წევრი, ვიბრძოლებ ბოლომდე, თავდადებით, ერთგულებით და სიმართლით ვემსახურები თითოეულ მოქალაქეს, მიუხედავად მათი პოლიტიკური შეხედულებისა, სქესისა, ასაკისა, განათლებისა თუ სოციალური სტატუსისა. დიახ, უმცირესობაში ვართ აქ, მაგრამ საქართველოს ისტორია იმის დადასტურებაა, რომ უმცირესობაში ყოფნითაც შეიძლება გამარჯვება, როცა სამშობლო უზენაესია. სამშობლოსა და თავისუფლებისთვის ბრძოლა – მარადიულია. უკან დასახევი გზა კი ჩახერგილია“, – განაცხადა სოფო ხორგუანმა.

თბილისის საპატრულო პოლიციის მთავარი სამმართველოს უფროსმა, ლაშა ჯოხაძემ თანამდებობა დატოვა.როგორც „ინტერპრესნიუსს“ შინაგან საქმეთა სამინისტროს პრესსამსახურში განუცხადეს, ლაშა ჯოხაძემ გადაწყვეტილება საკუთარი განცხადების საფუძველზე მიიღო.შეგახსენებთ, თბილისის საპატრულო პოლიციის მთავარი სამმართველოს უფროსად ლაშა ჯოხაძე 2020 წელს დაინიშნა.

პარლამენტის საგარეო ურთიერთობათა კომიტეტის თავმჯდომარის, ნიკოლოზ სამხარაძის განცხადებით, პარტიები, რომლებიც კონსტიტუციას არღვევენ, უნდა აიკრძალონ და პარტიების აკრძალვის პროცედურა ყველა დემოკრატიულ სახელმწიფოშია გაწერილი.სამხარაძის თქმით, ამ საკითხზე საბოლოო გადაწყვეტილებას საკონსტიტუციო სასამართლო მიიღებს.„პარტიების აკრძალვის პროცედურა ნებისმიერ დემოკრატიულ სახელმწიფოში გაწერილია, ეს არანაირი სიახლე არ არის. ყველა ქვეყანაში, ყველა დემოკრატიულ სახელმწიფოში ასეა. ეს პარტიები კონსტიტუციას არღვევენ, შესაბამისად, ისინი უნდა აიკრძალონ. ეს ჩვენი პოლიტიკური გადაწყვეტილებაა, საბოლოო გადაწყვეტილებას კი საკონსტიტუციო სასამართლო მიიღებს. ამ პროცესში მოპასუხე და მოსარჩელე მხარეები იქნებიან ჩართული, პროცესიდან კი საზოგადოება დაინახავს, ვის აკრძალვასაც ვითხოვთ, რა დანაშაულები აქვთ ჩადენილი“, – აღნიშნა ნიკოლოზ სამხარაძემ.

თბილისის საქალაქო სასამართლოში „ერთიანი ნაციონალური მოძრაობის“ პოლიტსაბჭოს თავმჯდომარის, ლევან ხაბეიშვილის სასამართლო პროცესი გაიმართა.სასამართლო სხდომაზე ხაბეიშვილის აღკვეთის ღონისძიების შეცვლაზე იმსჯელეს. მოსამართლის გადაწყვეტილებით, ლევან ხაბეიშვილი კვლავ პატიმრობაში დარჩა.აღნიშნულ საქმეზე საგამოძიებო ვადა 9 დეკემბრამდე გახანგრძლივდა, რის გამოც გახდა საჭირო, რომ ხაბეიშვილის მიმართ შეფარდებული აღკვეთის ღონისძიების გადასინჯვა მომხდარიყო.სუს-მა 11 სექტემბერს ლევან ხაბეიშვილი ქრთამის სახით მოხელეებისთვის ფულადი თანხების საჯარო დაპირების ბრალდებით დააკავა.

ჩვენი პოლიტიკური ძალა სრულად გააზრებულად იღებს პასუხისმგებლობას იმ შეცდომებზე, და, ჩვენ, თქვენგან განსხვავებით, შეცდომების აღიარების პრობლემა არასდროს გვქონია, რაც ამ ერთი წლის განმავლობაში დავუშვით, რაც, პირველ რიგში, ეხება საპარლამენტო ბოიკოტს, – ამის შესახებ პარლამენტის პლენარულ სხდომაზე პარტია „გახარია საქართველოსთვის“ პოლიტსაბჭოს წევრმა, გიორგი შარაშიძემ განაცხადა.მისი თქმით, პოლიტიკური პროტესტის ამ ფორმამ „ოცნების“ მოძალადე მანქანა ვერ შეაჩერა ისეთი დამაზიანებელი გადაწყვეტილებების მიღებისგან და, არ მოახდინა არ დამაზიანებელი გადაწყვეტილებების პრევენცია, როგორიც იყო საქართველოს ევროპულ მომავალზე უარის თქმა, ანტიდემოკრატიული, ადამიანის უფლებების შემლახველი კანონების მიღება და, რაც მთავარია, „ოცნება“ ვერ შეაჩერა მშვიდობიან მოქალაქეებზე ძალადობისგან.„ბოიკოტისა და 4 ოქტომბრის ე.წ. მშვიდობიანი დამხობის ტოტალური კამპანიის ფონზე, რაც განსაკუთრებული მონდომებით, პირველ რიგში, სახელისუფლებო მედია აშუქებდა და პროპაგანდას უწევდა, მოსახლეობის ნაწილმა დაიჯერა, რომ ე.წ. მშვიდობიანი დამხობა შეიძლებოდა, გამხდარიყო ქვეყანაში პოლიტიკური ცვლილების ინსტრუმენტი. „ოცნებას“ კი, მის მიერ ჩადენილი არაერთი დანაშაულისა და ძალადობის გამო, ჰქონდა ლეგიტიმაციის მწვავე კრიზისი, საშუალება მიეცა, დრო მოეგო და ხალხი მშვიდობიანი დამხობის, როგორც არსებული მწვავე რეალობის კიდევ უფრო უარესი ალტერნატივით დაეშინებინა. ამ შიშის ფაქტორით მოახერხეთ ეტაპობრივად დაგებრუნებინათ დაკარგული ამომრჩეველი და, რა თქმა უნდა, 4 ოქტომბრის იმ უპასუხისმგებლო სპეცოპერაციის შემდეგ ერთგვარად გაგჩენოდათ დამატებითი საფუძველი, რომ დაგეძლიათ ლეგიტიმაციის კრიზისი. თუმცა, დაპირისპირებისა და რადიკალიზაციის ხელოვნურად წახალისების გარეშე, ამას ვერ შეძლებდით. ამიტომ, 4 ოქტომბრის პროვოკაციის მძიმე შედეგებზე, რამაც ქვეყანა დაპირისპირების საშიშ ზღვართან მიიყვანა, პასუხისმგებლობას ვერც თქვენ გაექცევით, რადგან, სულ მცირე, შეგეძლოთ და არ აღკვევთ ეს პროვოკაცია. ვერც ის უპასუხისმგებლო პროვოკატორები გაექცევიან, ვინც პირდაპირ, თუ ირიბად, 4 ოქტომბრის მშვიდობიანი დამხობის ორგანიზებაში ან მის წახალისებაში მონაწილეობდნენ, გნებავთ დამნაშავის და გნებავთ, სასარგებლო იდიოტის როლში, როდესაც 4 ოქტომბერს ხალხს არჩევნების ნაცვლად მშვიდობიანი დამხობის აქციაზე გასვლისკენ მოუწოდებდნენ“, – განაცხადა გიორგი შარაშიძემ.მისი თქმით, ეს გვერდი ვერ გადაიფურცლება, ვიდრე შეცდომას შეცდომა არ დაერქმევა, დანაშაულს კი – დანაშაული.„მიუხედავად ყველაფრისა, ჩვენთვის მთავარი ღირებულება და საზრუნავია ქართველი ხალხია. ერთი მხრივ, „ოცნებისგან“ მოტყუებული და პროპაგანდის მსხვერპლი, მეორე მხრივ, ოპოზიციონერი პოლიტიკოსების უპასუხისმგებლობათა გამო იმედგაცრუებული ჩვენი მოქალაქეები. სწორედ ქართველი ხალხის პატივისცემით, იმ რეალობის აღიარებით, რომ ჩვენ ვერ შევძელით მათთვის უკეთესი ალტერნატივის შეთავაზება, რადგან ერთი წლის მანძილზე ჩვენვე ვთქვით უარი ხალხის მიერ მონიჭებულ მანდატებზე და მარტო დაგტოვეთ ამ დარბაზში, მზად ვართ, მივიღოთ ეს გამოწვევა და ხალხის ხმა და განსხვავებული აზრი დავაბრუნოთ პარლამენტში, რომელიც არ გეკუთვნით არც თქვენ და არცერთ სხვა პარტიას, არამედ ეკუთვნის მხოლოდ ქართველ ხალხს. ხალხს, რომელიც „ოცნების“ პროპაგანდისტული რეჟიმის პირისპირ დაუცველი აღმოჩნდა, იმ რეჟიმის პირისპირ, რომლის კანონებითაც, სამწუხაროდ, იმართება დღეს ქვეყანა და რის საფუძველზეც უამრავი ადამიანია დაჭერილი“, – განაცხადა გიორგი შარაძიემ.მისი თქმით, ამ მძიმე ვითარებიდან გამოსავალი მხოლოდ ხალხისთვის განკუთვნილი ყველა პოლიტიკური ინსტრუმენტისა და პლატფორმის ხალხის სამსახურში დაბრუნებაშია.„სიმართლე მწარეა და ამ სიმართლის მოსმენა მოგიწევთ ჩვენგან პარლამენტში, რომელიც, უნდა შეეგუოთ, რომ დღეიდან თქვენი პარტიული ოფისი აღარ იქნება და აქ ხალხის ხმას და განსხვავებულ აზრს ჩვენგან გაიგონებთ! ჩვენ გვჯერა, რომ ოცნების მოძალადე რეჟიმთან პრინციპული და შეურიგებელი ბრძოლით მივაღწევთ თავისუფალ არჩევნებს, სამართლიან წესრიგს და ჩვენი ქვეყნის დემოკრატიული, ევროპული მომავლის გზაზე დაბრუნებას“, – განაცხადა გიორგი შარაშიძემ.