“ვოი, მამულო… შენ თუ არ იქენ, მტვრად ქცეულა მსოფლიო რუკა” – ტარიელ ხარხელაური

ყოფილ შინაგან საქმეთა მინისტრ, პარტია „გახარია საქართველოსთვის“ ლიდერ გიორგი გახარიასთვის 20 ივნისის საქმეზე აღკვეთის ღონისძიების სახით შეფარდებული პატიმრობა მოსამართლემ ძალაში დატოვა.აღნიშნული გადაწყვეტილება თბილისის საქალაქო სასამართლოს მოსამართლემ დემეტრე ჯინჯოლიამ მიიღო.ბრალდების მხარის შუამდგომლობის მიხედვით, რაიმე ახალი გარემოება, რის გამოც, გახარიას მიმართ შეფარდებული მკაცრი ღონისძიება შეიცვლებოდა, არ გამოვლენილა.აღნიშნულს დაცვის მხარე არ დაეთანხმა. მათი განმარტებით, გახარიას წინააღმდეგ არც ერთი მტკიცებულება არ არსებობს და გახარიას წინააღმდეგ აღკვეთის ღონისძიების სახით პატიმრობა არ უნდა გამოეყენებინათ.ცნობისთვის, გიორგი გახარიას 20 ივნისის საქმეზე ბრალი სისხლის სამართლის კოდექსის 25, 117-ე მუხლის მე-3 ნაწილის „მ“ ქვეპუნქტით და 333-ე მუხლის მე-2 ნაწილით აქვს წარდგენილი, რაც ორ პირზე მეტის მიმართ ჯანმრთელობის განზრახ დაზიანებას და სახელმწიფო პოლიტიკური თანამდებობის მქონე პირის მიერ სამსახურებრივი უფლებამოსილების გადამეტებას გულისხმობს. აღნიშნული ქმედება სასჯელის სახედ და ზომად 13 წლამდე თავისუფლების აღკვეთას ითვალისწინებს.

ევროკავშირი კიდევ ერთხელ ქადაგებს და ასწავლის დემოკრატიას, თქვენ რასაც ეძახით დემოკრატიის უკუსვლას საქართველოში, შესაძლოა, ეს სუვერენიტეტისა და დამოუკიდებლობის აღდგენაა, – ამის შესახებ პოლონელმა დამოუკიდებელმა ევროპარლამენტარმა გჟეგოჟ ბრაუნმა ევროპარლამენტის საგარეო ურთიერთობათა კომიტეტში გამოსვლისას განაცხადა.ევროპარლამენტარის თქმით, ევროკავშირი ამბობს, რომ საქართველოში მიმდინარე პროცესი რეგრესია, მაგრამ შესაძლოა, გაჯანსაღებაა, როცა უფრო მეტ ადამიანს უბრუნდება საღი აზრი.„ისინი თვალს ადევნებენ მოვლენებს, უსმენენ, ხედავენ და აცნობიერებენ, როგორი ცუდია ევროპული პროექტი. ენერგიაზე ფასები მატულობს, მათ ესმით ომის წაქეზებისკენ გზავნილები და ხალხი ამ დროს უბრალოდ ირჩევს მშვიდობასა და სუვერენიტეტს. საერთოდ როდიდან არის „ბიბისი“ ქიმიური იარაღის საკითხებში ექსპერტი? შესაძლოა, მას შემდეგ, რაც ისინი აფრთხილებდნენ მსოფლიოს, რომ სადამ ჰუსეინს აქვს ქიმიური იარაღი?“, – განაცხადა ევროპარლამენტარმა.

გიორგი ვოლსკი გაეროში უკრაინის მხარდამჭერი რეზოლუციის მიღებას გამოეხმაურა. პარლამენტის პირველი ვიცე-სპიკერი აღნიშნავს, რომ რეზოლუციისადმი მიერთებით საქართველომ უკრაინელი ხალხისადმი მხარდაჭერა კიდევ ერთხელ გამოხატა.„როდესაც უკრაინის საკითხთან დაკავშირებით ჩვენს პოლიტიკაზე ვსაუბრობთ, არავის უნდა ჰქონდეს იმის განცდა, რომ ვიღაცას ვეკეკლუცებით ან ისეთ პოლიტიკურ პოზიციას ვიკავებთ, რომ საყვედური არ მივიღოთ. ეს არის ჩვენი ხედვა, ჩვენი მხარდაჭერა უკრაინელი ხალხის მიმართ და არავითარ შემთხვევაში ეს არ უნდა ავურიოთ იმ პოლიტიკურ განზომილებაში, რომელიც ჩამოვაყალიბეთ ომთან დაკავშირებით, საქართველოს გადარჩენის თემასთან დაკავშირებით. რასაკვირველია, მთელი რიგი ჩამონათვალია რეზოლუციების, ოფიციალური დოკუმენტების, სადაც მყარი პოლიტიკური პოზიცია გამოვავლინეთ“, - აცხადებს ვოლსკი.გაეროს გენერალურმა ასამბლეამ რეზოლუცია „უკრაინაში მდგრადი მშვიდობის მხარდაჭერა“ მიიღო, რომელსაც მხარი 107- მა წევრმა სახელმწიფომ დაუჭირა, მათ შორის საქართველომ. ამერიკის შეერთებულმა შტატებმა და უნგრეთმა კი კენჭისყრის დროს თავი შეიკავეს.

პარტია „ხალხის ძალის“ წევრი, დეპუტატი ვიქტორ ჯაფარიძე მედიასთან გამოეხმაურა გავრცელებულ ინფორმაციას იმის შესახებ, რომ მან დათმო ტელეკომპანია „პოსTV”-ს წილი. ჯაფარიძემ უარყო აღნიშნული ინფორმაცია და განაცხადა, რომ წილის დათმობას არც მომავალში აპირებს:„წილის დათმობას მე არც მომავალში ვაპირებ. აქვე, სრულ მხარდაჭერას გამოვხატავ ტელეკომპანიის თითოეული თანამშრომლის მიმართ, ვისაც ურთულეს პირობებში უწევს, ემსახუროს სიმართლეს და ამას ნამდვილად ღირსეულად აკეთებენ“ - თქვა ვიქტორ ჯაფარიძემ.დეპუტატმა ხაზი გაუსვა იმასაც, რომ მართვაში გადასცა ტელეკომპანიის მისი კუთვნილი წილი კონკრეტულ პირს, რათა მისი საქმიანობა არ მოდიოდეს წინააღმდეგობაში კანონმდებლობასთან.„მინდა გამოვეხმაურო ზოგიერთი ე.წ. მედიასაშუალებისა და ე.წ. ჟურნალისტის მიერ გავრცელებულ ცრუ ინფორმაციას, თითქოს მე დავთმე ჩემი კუთვნილი წილი ტელეკომპანია "pos tv"-ში და თითქოს ეს იმიტომ გავაკეთე, რომ წინასწარ მქონდა ინფორმაცია ბრიტანეთის მხრიდან ტელეკომპანიის მოსალოდნელ დასანქცირებაზე. პირველ რიგში, მკაფიოდ მინდა განვაცხადო, რომ მე არ დამითმია ტელეკომპანია "pos tv"-ს ჩემი წილი და ამის გაკეთებას არც მომავალში ვაპირებ, რადგან, ვთვლი, რომ მოცემული ტელეარხი ემსახურება სიმართლეს და ამიტომაც მას ჩემი მხარდაჭერა სულ ექნება. სინამდვილეში, მე, როგორც კანონმორჩილმა მოქალაქემ, ვინაიდან, ვარ საქართველოს პარლამენტის წევრი და არ მაქვს უფლება ვმართავდე ბიზნესს (აქვე აღვნიშნავ, რომ ტელეკომპანიის სარედაქციო პოლიტიკაში არც არასდროს ჩავრეულვარ), მხოლოდ და მხოლოდ მართვაში გადავეცი ტელეკომპანიის ჩემი კუთვნილი წილი კონკრეტულ პირს, რათა ჩემი საქმიანობა არ მოდიოდეს წინააღმდეგობაში კანონმდებლობასთან( საქართველოს პარლამენტის რეგლამენტის მე-10 მუხლი). ამიტომ, მინდა აღვნიშნო, რომ სრული სიცრუეა და საფუძველს მოკლებულია რადიკალების სიხარული, თითქოს მე ტელეკომპანია "pos tv"-ს წილს აღარ ვფლობ. როგორც ზემოთაც აღვნიშნე, ამ წილის დათმობას მე არც მომავალში ვაპირებ. აქვე, სრულ მხარდაჭერას გამოვხატავ ტელეკომპანიის თითოეული თანამშრომლის მიმართ, ვისაც ურთულეს პირობებში უწევს, ემსახუროს სიმართლეს და ამას ნამდვილად ღირსეულად აკეთებენ“ - განაცხადა ვიქტორ ჯაფარიძემ.

25 თებერვალი არის დღესასწაული ივერიის ყოვლადწმიდა ღვთისმშობლის ხატისა.იმპერატორ თეოფილეს მეფობის პერიოდში (829-842) ბიზანტიის იმპერიაში ხატმებრძოლეობის საშინელი ერესი მძვინვარებდა. იმპერატორის ბრძანებით, იმპერიის ყველა სოფელსა და ქალაქში მხედრები ეძებდნენ გადამალულ ხატებს და ანადგურებდნენ.ნიკეის მახლობლად ცხოვრობდა ერთი კეთილმორწმუნე ქვრივი, რომელიც ფარულად ინახავდა ყოვლადწმიდა ღვთისმშობლის ხატს. იმპერატორის გამოგზავნილმა მხედრებმა იპოვეს ეს ხატი, ერთერთმა მათგანმა „მახვილი დასცა პირსა ხატისა”. მოხდა სასწაული: ნაიარევიდან სისხლმა იფეთქა. შეშინებული მხედრები იქაურობას გაეცალნენ.ქვრივი მთელი ღამე ლოცულობდა ყოვლადწმიდა ღვთისმშობლის ხატის წინაშე, დილით კი, ღვთის განგებით, მან ხატი ზღვასთან მიაბრძანა და ლოცვის შემდეგ წყალში ჩაუშვა. ხატი ზღვის ტალღებზე აღმართული, დასავლეთისკენ გაემართა.გამოხდა ხანი. ერთხელ, მიმწუხრისას, ათონის ივერთა მონასტრის ბერებმა ზღვაზე ნათლის სვეტი იხილეს. ეს ხილვა რამდენიმე დღე გაგრძელდა. წმიდა მთის მამები შეიკრიბნენ და თქვეს: „რაჲმე იყოს მნთებარე ესე წყალთა შინა?” ზღვის ნაპირზე ჩავიდნენ და ნახეს, რომ ნათლის სვეტი ღვთისმშობლის ხატს ადგა, მაგრამ როცა მიახლოება გადაწყვიტეს, ხატი ზღვის ნაპირს გაშორდა.ივერთა მონასტერში მოღვაწეობდა ერთი ქართველი ბერი, გაბრიელი (ცხოვრება იხილეთ 12 ივლისს). წმიდა მთის მამებს ყოვლადწმიდა ღვთისმშობელი გამოეცხადა და აუწყა, რომ მხოლოდ გაბრიელ ივერიელი იყო ღირსი წმიდა ხატის ზღვიდან გამოყვანებისა. იმავდროულად, დედა ღვთისა თავად გაბრიელსაც გამოეცხადა და უთხრა: „შემოდი ზღვაში, ტალღებზე რწმენით გაიარე და ყველა იხილავს ჩემს სიყვარულს და წყალობას თქვენი სავანისადმი”.ათონის ბერებმა ქართველთა მონასტერს მიაკითხეს, მოძებნეს გაბრიელი და გალობით და საკმევლის კმევით ზღვის ნაპირთან ჩავიდნენ. გაბრიელი ზღვაში შევიდა, ტალღებზე, როგორც ხმელეთზე ისე გაიარა და წმიდა ხატი ნაპირზე გამოაბრძანა.ეს მოხდა ბრწყინვალე შვიდეულის სამშაბათს. ზღვიდან გამოსვენებული ხატი დააბრძანეს და სამადლობელი პარაკლისი გადაიხადეს. იმ ადგილას ცივმა და საამო წყარომ ამოხეთქა. ამის შემდეგ ხატი ეკლესიაში შეაბრძანეს და საკურთხეველში დაასვენეს. მეორე დილით, კანდელის დასანთებად ბერებს ხატი ადგილზე არ დახვდა. ძებნის შემდეგ იგი მონასტრის კარიბჭის კედელზე აღმოაჩინეს, ჩამოაბრძანეს და ისევ საკურთხეველში შეასვენეს. ასე განმეორდა რამდენჯერმე. ბოლოს, ყოვლადწმიდა ქალწული ისევ გამოეცხადა გაბრიელს და უთხრა: „გამოუცხადე ძმათა, რათა ამიერიდან უმეტეს არღა გამხდიდნენ მე, რამეთუ მე მნებავს არა იგი, რათა მიცავდეთ თქვენ, არამედ რათა თვით მე გფარვიდეთ თქვენ, არა მხოლოდ ამა ცხოვრებასა შინა, არამედ მომავალსაცა და ვიდრემდე იხილვებოდეს სავანეს ამას შინა ხატი, არა მოგაკლდეს თქვენ მადლი და წყალობა ძისა ჩემისა”.ბერები გამოუთქმელი სიხარულით აღივსნენ, იქვე ააგეს პატარა ტაძარი სადიდებლად ყოვლადწმიდისა ღვთისმშობლისა და საკვირველთმოქმედი ხატი შიგ დაასვენეს.პორტაიტის, ანუ ივერიის ღვთისმშობლის სასწაულთმოქმედი ხატის მადლით მრავალი სასწაული აღესრულება.ტროპარი:წმიდისაგან ხატისა შენისა, ჰოი დედუფალო ღვთისმშობელო, სიმრთელენი და კურნებანი უხვად მოეცემიან ყოველთა სარწმუნოებითა და სიყვარულით მისდა მოლტოლვილთა, ამისთვის ჩემსაცა უძლურებასა მოხედე და შეიწყალე სული ჩემი, სახიერო, ხოლო ხორცით განმკურნე მადლითა შენითა, ყოვლადწმიდაო.ტროპარი:საკვირველსა შენსა მფარველობასა, პორტაიტისაო, რომლისა მიერ გამოგვიხსენ ჩუენ ყოვლისაგან ჭირისა, შევუვრდებით და მხურვალედ ვღაღადებთა ყოვლადვე: ვითარცა ძველად აჩვენე მადლი შენი ჩვენ ზედა, ეგრეთვე აწცა, დედოფალო, ნუ დაგვიტევებ სრულიად, რამეთუ აღთქუმულ გაქვს შენ დაფარვაი და დაცვაი მათი, რომელი შეუორგებელითა სულითა მოვლენან შენდა.კონდაკი:ვითარცა მეოხსა და დამფარველსა და ზედამდგომელსა, გიგალობს შენ მარადის, პორტაიტისაო, სახელდიდი მწყობრი შენი სამღვდელოთა და სიღრმეთაგან სულისათა ხმობს შენდამი დაუცხრომელად: დამიცევ მე დედოფალო.