ვლადიმერ ბოჟაძე – ოპოზიციას სურს, გაერთიანების ნაცვლად, 26 მაისი დაპირისპირების დღე იყოს, ვაპირებთ, ეს დღე ხალხთან ერთად აღვნიშნოთ, ვინმე კანონს თუ დაარღვევს, სახელმწიფო შესაბამისად იმოქმედებს

„მთელმა საზოგადოებამ ძალიან მტკივნეულად განვიცადეთ თითოეულის დაპატიმრება და ხმა რომ გამოდიოდა ციხიდან, რომ ხალხს აწამებდნენ. კიდევ უფრო მტკივნეული იყო, მათ შორის, მამაკაცი პატიმრებისთვის და აღარაფერს ვამბობ თავისუფლებაზე მყოფი პირებისთვის, ვინც შეესწრო ამ ყველაფერს, ქალების დაპატიმრება. ეს იყო ის, რამაც მე პირადად მათქმევინა, რომ საკუთარ დედას თუ დაუშავებდა სააკაშვილი რამეს, თორემ იმის იქით წმინდა არაფერი არსებობდა“, - განაცხადა პარლამენტის დროებითი საგამოძიებო კომისიის თავმჯდომარე თეა წულუკიანმა.წულუკიანის განცხადება პარლამენტის წევრის, ვიქტორ ჯაფარიძის საუბარს მოჰყვა, რომელიც „ნაციონალური მოძრაობის“ დროს მესტიაში, საკრებულოს წევრის ნელი ნავერიანის დაპატიმრების თემას შეეხო.„ქალბატონი ნელი ნავერიანი, ჩვენ ენაზე რომ ვთქვათ, სვანებმა არ გაატანეს და ვერ აკავებდნენ. ამიტომ გამოიგზავნა ვერტმფრენი და დასვეს იქ, სადაც იყო და აწიეს ჰაერში, პატიმარი წაიყვანეს. სვანეთს ქალი მოსტაცეს, ასე ვთქვათ. ეს არის ყველა იმ ღირებულების უხეში ხელყოფა, რაზეც დგას ქართველი კაცის ღირსება. იმას არ ვამბობ, რომ ქალი თუ დანაშაულს ჩაიდენს ის არ დააკავო, რა თქმა უნდა, ჩვენ გვაქვს ქალთა დაწესებულება, მაგრამ როდესაც პატივსაცემი ქალი, იცი, რომ არის ქალობაში ავტორიტეტი თავის რეგიონში, აქვს ღირსება, არაფერი დაუშავებია, კაცები დადგნენ და არ გატანენ და შენ მას ვერტმფრენით მათ მოსტაცებ, ჩააგდებ ციხეში და მერე მის უფლებებს შელახავ, ამით უკვე ქართველი ერის ის ყველაფერი შეურაცხყვეს, რაზეც ჩვენი ტრადიცია, კულტურა, ქართული ღირებულებები და მთა დგას“-განაცხადა თეა წულუკიანმა.

პოლონეთის პრეზიდენტობის კანდიდატმა, კაროლ ნავროცკიმ, არჩევნების მეორე ტურში მხარდაჭერის სანაცვლოდ, ოფიციალურად მიიღო „კონფედერაციის“ ლიდერის, სლავომირ მენცენის მოთხოვნები, რომელთა შორისაა უკრაინის ნატო-ში გაწევრიანების ხელის შეშლის დაპირება.სლავომირ მენცენთან ერთად რვა პუნქტისგან შემდგარი დეკლარაციის ხელმოწერა პირდაპირ ეთერში მოხდა.სლავომირ მენცენმა განაცხადა, რომ მისი მხარდაჭერისთვის ორივე პოლიტიკოსმა ხელი უნდა მოაწეროს დეკლარაციას, რომელიც რვა პუნქტისგან შედგება.კერძოდ, 1. მე არ მოვაწერ ხელს არცერთ კანონს, რომელიც ზრდის არსებულ გადასახადებს; 2. მე არ მოვაწერ ხელს არცერთ კანონს, რომელიც ზღუდავს ღია ფულით ოპერაციებს და დავიცავ პოლონურ ზლოტს; 3. მე არ მოვაწერ ხელს არცერთ კანონს, რომელიც ზღუდავს აზრის გამოხატვის თავისუფლებას, რომელიც თავსებადია პოლონეთის კონსტიტუციასთან; 4. მე არ გავცემ პოლონელი ჯარისკაცების უკრაინის ტერიტორიაზე გაგზავნის ნებართვას; 5. მე არ მოვაწერ ხელს კანონს უკრაინის ნატო-ში გაწევრიანების რატიფიკაციის შესახებ; 6. მე არ მოვაწერ ხელს არცერთ კანონს, რომელიც ზღუდავს პოლონელების ხელმისაწვდომობას იარაღზე; 7. მე არ ვთანხმდები პოლონეთის ხელისუფლების რაიმე უფლებამოსილების ევროკავშირის ორგანოებისთვის გადაცემას; 8. მე არ მოვაწერ ხელს ევროკავშირის არცერთი ახალი ხელშეკრულების რატიფიკაციას, რომელიც ასუსტებს პოლონეთის როლს, მაგალითად, ასუსტებს მის ხმის მიცემის უფლებას ან ვეტო-ს უფლებას.მე-4 პუნქტთან დაკავშირებით, რომელიც პოლონელი ჯარისკაცების უკრაინის ტერიტორიაზე ყოფნის საკითხს შეეხება, კაროლ ნავროცკიმ განაცხადა, რომ უკრაინაში გაგზავნის პოლონელ ბიზნესმენებს, როდესაც უკრაინა აღდგება.მისივე თქმით, არ მოაწერს ხელს უკრაინის ნატო-ში გაწევრიანების რატიფიკაციის კანონს. მისი თქმით, ამის შესახებ დისკუსიას აზრი არ აქვს.პოლონეთის საპრეზიდენტო არჩევნების პირველ ტურში ვარშავის მერმა, რაფალ ტშასკოვსკიმ ხმების 31,36% მოიპოვა, ხოლო კაროლ ნავროცკიმ, რომელსაც მხარს უჭერს მემარჯვენე-კონსერვატიული პარტია „კანონი და სამართლიანობა“ – 29,54%. არჩევნების მეორე ტური პირველ ივნისს ჩატარდება.

რუსეთი კატეგორიულად ეწინააღმდეგება ვატიკანის მონაწილეობას სამშვიდობო მოლაპარაკებებში, – ამის შესახებ „ბლუმბერგი“ წერს.როგორც გამოცემა წერს, აშშ-ისა და ევროპის ლიდერები ვატიკანზე იმედებს ამყარებენ რუსეთისა და უკრაინის სამშვიდობო მოლაპარაკებებში ჩართვის კუთხით, თუმცა კრემლი არ არის დაინტერესებული, რომ რუსეთის პრეზიდენტი ვლადიმერ პუტინი მოლაპარაკებებისთვის ვატიკანში გაემგზავროს.როგორც „ბლუმბერგს“ ანონიმურმა წყარომ განუცხადა, რუსი ოფიციალური პირები არ გეგმავენ ვლადიმერ პუტინის ვიზიტს ვატიკანში ან სხვაგან მოლაპარაკებებისთვის და ისინი კონცენტრირებულნი არიან ტექნიკურ დონეზე მოლაპარაკებებზე, რომლებიც გასულ კვირას, სტამბოლში გაიმართა. ამასთან, კრემლში ელოდებიან, რომ ეს მოლაპარაკებები სტამბოლშივე განახლდება.როგორც გამოცემა წერს, მოლაპარაკებები შეიძლება, მომდევნო კვირაში ჩატარდეს, თუმცა, ეს დამოკიდებულია რუსეთის მზაობაზე, მატში მონაწილეობა მიიღოს.გამოცემის წყაროების თანახმად, აშშ-ის წარმომადგენლები კონტაქტში არიან უკრაინელებთან, რათა დარწმუნდნენ, რომ მოლაპარაკებები ჩატარდება.წყაროების თანახმად, რუსული ეკლესია ეწინააღმდეგება ვატიკანის მონაწილეობას სამშვიდობო მოლაპარაკებებში. გარდა ამისა, აღნიშნავენ,რომ იტალია საერთაშორისო სისხლის სამართლის სასამართლოს წევრია, რომელმაც 2023 წლის მარტში გასცა ბრძანება ვლადიმერ პუტინის დაკავების შესახებ და იგი ვალდებულია დააკავოს რუსეთის პრეზიდენტი, თუ ის რომში ჩავა.„მაშინაც კი, თუ ყველა ეს ბარიერი დაძლეული იქნება, მოლაპარაკებები ჯერ კიდევ შორს არის შეთანხმების მიღწევისგან, რომელიც ტრამპის, პუტინისა და უკრაინის პრეზიდენტ ზელენსკის მონაწილეობით ომის შეწყვეტის შეთანხმებაზე ხელმოსაწერად შეხვედრას მოითხოვს“, – წერს „ბლუმბერგი“.ამასთან, „ბლუმბერგი“ სამ ანონიმურ წყაროზე დაყრდნობით წერს, რომ რუსეთი თურქეთს უკეთეს ადგილად მიიჩნევს მემორანდუმზე მოლაპარაკებების გასაგრძელებლად.

ვგმობთ რუსეთის მიერ უკრაინის წინააღმდეგ მიმდინარე სასტიკ ომს, რუსეთის სუვერენული აქტივები გაყინული დარჩება, ვიდრე ის არ დაასრულებს აგრესიას და არ გადაიხდის უკრაინისთვის მიყენებული ზარალისთვის, – ამის შესახებ „დიდი შვიდეულის“ ფინანსთა მინისტრებისა და ცენტრალური ბანკების მმართველების კომუნიკეშია აღნიშნული.როგორც კომუნიკეშია ნათქვამი, „დიდი შვიდეული“ უკრაინის ტერიტორიული მთლიანობის ერთგულია.„ვგმობთ რუსეთის მიერ უკრაინის წინააღმდეგ მიმდინარე სასტიკ ომს და ვაფასებთ უკრაინელი ხალხისა და ეკონომიკის უზარმაზარ გამძლეობას. უკრაინამ მნიშვნელოვანი ნგრევა განიცადა. „დიდი შვიდეული“ კვლავ ერთგულია უკრაინის ტერიტორიული მთლიანობისა და არსებობის უფლების, ასევე თავისუფლების, სუვერენიტეტისა და დამოუკიდებლობის დაცვის მტკიცე მხარდაჭერის, სამართლიანი და მდგრადი მშვიდობის მისაღწევად. მივესალმებით ცეცხლის შეწყვეტის შესახებ შეთანხმების მიღწევის მიმდინარე ძალისხმევას. ასეთი ცეცხლის შეწყვეტა თუ ვერ მოხერხდა, გავაგრძელებთ ყველა შესაძლო ვარიანტის შესწავლას, მათ შორის ზეწოლის ვარიანტებს, როგორიცაა სანქციების შემდგომი გამკაცრება. კიდევ ერთხელ ვადასტურებთ, რომ, ჩვენი სამართლებრივი სისტემების შესაბამისად, რუსეთის სუვერენული აქტივები ჩვენს იურისდიქციებში გაყინული დარჩება, ვიდრე რუსეთი არ დაასრულებს აგრესიას და არ გადაიხდის უკრაინისთვის მიყენებული ზარალისთვის“, – აღნიშნულია კომუნიკეში.

პატრიარქთან, ეკლესიასთან, მეცნიერებასთან ბრძოლა, ყველა ავტორიტეტის განადგურება იყო სააკაშვილის რეჟიმის მიზანი და სადაც ამას ვერ ახერხებდნენ ცილისწამებითა და ტყუილების დაბრალებით, იქ უკვე სხვა მეთოდებს მიმართავდნენ, - განაცხადა პარლამენტის საგამოძიებო კომისიის თავმჯდომარის მოადგილემ სოზარ სუბარმა დღევანდელ სხდომაზე, სადაც ქართველი მოღვაწის, გურამ შარაძის სიცოცხლის უფლების დარღვევის ფაქტები განიხილეს.სოზარ სუბარის თქმით, ეს საქმე კიდევ ერთი მტკიცებულებაა იმ სისტემური დანაშაულის, რაც ქვეყანაში იყო გამეფებული.„მართლა გაოგნებული ვარ იმით, რასაც ახლა ვისმენ და რა შრომაც გასწიეთ ამ წლების განმავლობაში, რომ ამ მკვლელობისთვის ნათელი მოგეფინათ. გურამ შარაძის შვილისგან შრომისუნარიანობა არ უნდა გვიკვირდეს, მაგრამ მაინც”, - მიმართა დეპუტატმა რუსუდან შარაძეს. „ამ საქმის სხვადასხვა დეტალთან სხვადასხვა დროს მქონდა შეხება. როცა გამოძიება ამბობდა, რომ მკვლელობის მომენტი სრულადაა ვიდეოზე გადაღებული, სადაც ყველაფერი თვალნათლივ ჩანს, ძნელი იყო ოფიციალური ვერსიის ჭეშმარიტებაში ეჭვი შეგვეტანა. შემდეგ გაჩნდა გარკვეული ეჭვები, მაგრამ მტკიცებულებები ნაკლებად იყო. ახლა კი, თქვენ რასაც ჰყვებით, მითუმეტეს, როცა ამბობთ, რომ ამ ყველაფრის უკან პროკურატურის მიერ გამოძიებული მტკიცებულებები და ჩვენებები დევს, ცხადია, ეს ეჭვები უფრო ღრმავდება.ეს საქმე კიდევ ერთი მტკიცებულებაა იმ სისტემური დანაშაულის, რაც გამეფებული იყო ქვეყანაში. დღეს კიდევ ერთხელ დასახელდა ბევრი ისეთი გვარი, რომლებიც მუდმივად გვესმის კომისიის სხდომებზე: კუდის უფროსი დათა ახალაია; კუდისავე მაღალჩინოსანი გია დგებუაძე, იგივე „მასტერა“; შსს მაღალჩინოსანი თენგიზ გუნავა, რომელიც ამ ყველაფრის შემდეგ გახდა პარლამენტის წევრი 2012-2016 წლებში, არის „ნაციონალური მოძრაობის“ ერთ-ერთი ლიდერი და სახე და სააკაშვილის მიერ დაჯილდოვებულია ვახტანგ გორგასლის პირველი ხარისხის ორდენით; ასევე კოხტა კოდუა და მისი ბიძა, მეგის და ლევენ ქარდავები, სოსო თოფურიძე, რომელიც იყო კუდ-ის მთავარი სპიკერი და „ნაციონალური მოძრაობის“ერთ-ერთი სახე. ესენი არიან პოლიციისა და სასჯელაღსრულების ის მაღალჩინოსნები, რომელთა სახელსაც არაერთი დანაშაული უკავშირდება.დღეს რუსუდან შარაძემ ასევე ახსენა პოლიციის მაღალჩინოსანი ზაზა ჭაია, რომლის სახელიც ასევე არაერთ დანაშაულთან არის ნახსენები. მაგალითად, მოწმეები ამბობენ, იგი პირადად მონაწილეობდა 2009 წლის 6 მაისს მომღერალ გია გაჩეჩილაძის სასტიკ ცემაში, კერძოდ, უკვე მიწაზე დაგდებულს და გონდაკარგულს სახეში ჩაარტყა წიხლები. და ეს ადამიანი 2010 წელს დაჯილდოებულია „ვახტანგ გორგასლის პირველი ხარისხის ორდენით“. 2012 წლის შემდეგ მან შექმნა არასამთავრო ორგანიზაცია და მორალს უკითხავს საზოგადოებას. არ გამოვრიცხავ, რომ ევროკავშირის ან სოროსის გრანტიც ჰქონდეს მიღებული პირობითი სახელით - „ადამიანის უფლებების დაცვა“ ან „კანონის უზენაესობა საქართველოში,“ - განაცხადა სოზარ სუბარმა.დეპუტატი გურამ შარაძის მოღვაწეობასაც შეეხო. „მთავარ კითხვას, რომელიც დასვა ქალბატონმა თეა წულუკიანმა - რატომ მოკლეს გურამ შარაძე? თქვენ ძალიან ზუსტი პასუხი გაეცით, როცა პოლიტიკური მკვლელობა ახსენეთ“, - მიმართა რუსუდან შარაძეს დეპუტატმა. „ბატონ გურამ შარაძეს სტუდენტობის დროიდან კარგად ვიცნობდი. ის იყო ცნობილი პროფესორი, 70-ზე მეტი წიგნის ავტორი, მარტო მისი ფუნდამენტური ორტომეული, „ილია ჭავჭავაძის ცხოვრება და მოღვაწეობა“, ერთი ადამიანისთვის სრულიად საკმარისი იქნებოდა. მართლა წარმოუდგენელია, როგორ ახერხებდა ერთი კაცი ჩვენი ისტორიისთვის უცნობი ამდენი წყაროს მოძიებას, გაანალიზებას, რედაქტირებას, დაბეჭდვას. ამ ყველაფერს სჭირდებოდა უზარმაზარი შრომა. ამის პარალელურად კი იგი აქტიურად მონაწილეობდა ქვეყნის საზოგადოებრივ-პოლიტიკური ცხოვრების ყველა სფეროში. მოგვიანებით, როგორც ჟურნალისტს, უფრო ხშირად მქონდა მასთან შეხვედრები და ვერ ვიტყვი, რომ ყოველთვის ვეთანხმებოდი მის ხედვებს. ბევრ საკითხზე გვქონდა განსხვავებული ხედვა, მაგრამ დრო გადის და დღეს მეც განსხვავებულად ვუყურებ ბევრ საკითხს, ვიდრე მაშინ ვუყურებდი. მაგრამ, არა აქვს მნიშვნელობა, რაში ვეთანხმებოდი და რაში არა - ყველა შემთხვევაში ეს იყო ადამიანი, რომლის ცხოვრების მრწამსს ზუსტად გამოხატავდა მისი პოლიტიკური მოძრაობის სახელი - „საქართველო უპირველეს ყოვლისა - ენა, მამული, სარწმუნოება". ამ მრწამსს ემსახურებოდა მთელი ცხოვრება და მართლა წარმოუდგენელია, როგორც მეცნიერი, საზოგადო მოღვაწე, პოლიტიკოსი, როგორ ასწრებდა ამდენ რამეს. მე ვიცნობდი მის ბევრ მხარდამჭერს, რომლებსაც უსიტყვოდ სჯეროდათ მისი და მათი რაოდენობა საკმაოდ დიდი იყო. შესაბამისად, აბსოლუტურად გასაგებია, რომ სააკაშვილი გურამ შარაძეს აღიქვამდა, როგორც საფრთხეს მისი ძალაუფლებისთვის. ეს იყო ისეთი საფრთხე, რომლის განეიტრალება პოლიტიკური ბრძოლის მეთოდებით სააკაშვილის რეჟიმს არ შეეძლო, ამიტომაც ვერ გამოვრიცხავთ, რომ რეჟიმმა მის წინააღმდეგ ასეთ ბრუტალურ შედეგს მიმართა.ზოგადად, სააკაშვილის რეჟიმისთვის მიუღებელი იყო ნებისმიერი ავტორიტეტი, ისინი საფრთხეს ხედავენ ყველა ავტორიტეტში. ამიტომ ებრძოდნენ დღესაც ებრძვიან ისინი საქართველოს კათალიკოს-პატრიარქს, ეკლესიას, ცნობილ მეცნიერებს, ხელოვანებს, სპორტსმენებს... ავტორიტეტების განადგურება იყო მათი მიზანი და სადაც ამას ვერ ახერხებდნენ ცილისწამებით, ტყუილების დაბრალებით, იქ უკვე უფრო მძიმე მეთოდებს, მათ შორის მკვლელობასაც მიმართავდნენ. რა თქმა უნდა, მტკიცებით ფორმაში ვერ ვიტყვი, მაგრამ ყოველივე იმის შემდეგ, რაც დღეს მოვისმინეთ, ვერ გამოვრიცხავთ, რომ ეს იყო აბსოლუტურად გამიზნული და წინასწარ დაგეგმილი პოლიტიკური მკვლელობა.კომისიის ყოველ სხდომაზე მოსმენილი ისტორიები გამაოგნებელია იმ სისასტიკით, რაც ახასიათებდა სააკაშვილის რეჟიმს და იმედი მაქვს, დადგება დრო, როცა გურამ შარაძის საქმეზე საზოგადოება სიმართლეს გაიგებს“ - განაცხადა სოზარ სუბარმა.