ვილი სანიოლმა ბულგარეთთან მატჩისთვის საქართველოს ნაკრების სასტარტო შემადგენლობა დაასახელა

აშშ-ის პრეზიდენტმა, დონალდ ტრამპმა საუდის არაბეთის პრინცს, მოჰამედ ბინ-სალმანს თეთრ სახლში უმასპინძლა.ტრამპის თქმით, მადლობას უხდის საუდის არაბეთის პრინცს აშშ-ში 600 მილიარდი დოლარის ინვესტირებაზე თანხმობისთვის. დონალდ ტრამპმა არ გამორიცხა, რომ ინვესტიციის მოცულობა გაიზარდოს.„მინდა, მადლობა გადაგიხადოთ, რადგან თქვენ შეერთებულ შტატებში 600 მილიარდი დოლარის ინვესტირებას დათანხმდით. და რადგან საუდის არაბეთის პრინცი ჩემი მეგობარია, შესაძლოა, ის ტრილიონად აქციოს. მე ამაზე ვიმუშავებ. ეს 600 მილიარდი დოლარია, თუმცა შეიძლება, რიცხვი ცოტათი გაიზარდოს. ვნახოთ, მაგრამ ამას ძალიან ვაფასებ. საუდის არაბეთი 600 მილიარდი დოლარის ინვესტიციას ჩადებს. ეს ნიშნავს ინვესტიციებს ქარხნებში, კომპანიებში და სამუშაო ადგილებში, რაც ყველასთვის ძალიან მნიშვნელოვანია“, – განაცხადა აშშ-ის პრეზიდენტმა.ტრამპის თქმით, საუდის არაბეთის პრინცთან დიდი ხანია, მეგობრობს, რადგან მათ ყველა საკითხთან დაკავშირებით ერთი პოზიცია აქვთ.დონალდ ტრამპის განცხადების შემდეგ მოჰამედ ბინ-სალმანმა აღნიშნა, რომ არ არის გამორიცხული, საუდის არაბეთმა დღეს ან ხვალ ეს თანხა ტრილიონამდე მართლაც გაზარდოს.„ბატონო პრეზიდენტო, თქვენ ბევრ კარგ რამეს აკეთებთ, კარგ საფუძველს ქმნით ეკონომიკური ზრდისთვის, შეერთებულ შტატებში ბიზნესის განვითარებისთვის, ასევე, მუშაობთ მსოფლიო მშვიდობისთვის. მჯერა, დღეს ან ხვალ ჩვენ გამოვაცხადებთ, რომ ვაპირებთ 600 მილიარდი დოლარის ინვესტიციის თითქმის ერთ ტრილიონამდე გაზრდას“, – განაცხადა საუდის არაბეთის პრინცმა.მოჰამედ ბინ-სალმანს დონალდ ტრამპმა მიმართა კითხვით: „შენ ახლა ამბობ, რომ 600 მილიარდი დოლარი ერთი ტრილიონი გახდება?“, – რაზეც მოჰამედ ბინ-სალმანმა უპასუხა, რომ ეს ასე მოხდება.

2026 წელი ჩინური კალენდრის მიხედვით, ცეცხლოვანი ცხენის წელია, რაც ახალ ენერგიებს, გარდატეხებსა და სისწრაფეს მოასწავებს.ეზოტერიკოსი და მეტაფიზიკის მცონდე, გოგა მანია „პრაიმტაიმთან“ ამბობს, რომ ასეთი წელი 60 წელიწადში ერთხელ მოდის.როგორ უნდა შევხვდეთ ცხენის წელს და რა უნდა გავითვალისწინოთ?„60 წელიწადში ერთხელ მოდის ცეცხლოვანი ცხენის წელი, ეს უბრალო ცხენის წელი არ არის. მას მოაქვს სიახლეები, ყველაფერ ცუდს უკან ტოვებს. იქნება წინსვლა წარმატებისკენ, ეს არის ძველის გაშვება, თავიდან დაბადება და ტრანსფორმაცია. ძალიან მნიშვნელოვანია, შევხვდეთ თბილ გარემოში.ახალი წლის სუფრაზე ნუ გექნებათ წითელი ხორცი, შეგიძლიათ ქათმის ხორცი, ინდაური. აქვე მინდა დავამატო, საქართველოსთვის საოცარი წელი მოდის.ვის გაუმართლებს - გულწრფელ და კეთილ ადამიანებს.ვის გაუჭირდება - მათ ვინც არ იცის ემოციების კონტროლი და არის დისბალანსში და ცდილობენ, რომ ცუდით იმანიპულირონ. როგორც მოექცევით სხვას, ის ათმაგად უკან დაგიბრუნდებათ.მადლიერებით გავაცილოთ 2025 წელი და შევხვდეთ ცეცხლოვან ცხელის წელს მეტი სიყვარულით, დაფასებით და ადამიანობით“,- ამბობს „პრაიმტაიმთან“ გოგა მანია.

ერთი წლის წინ ქართველ ხალხს სჯეროდა, რომ ხელისუფლება თავის დაპირებებს დასავლეთსა და ევროკავშირთან ინტეგრაციის შესახებ შეასრულებდა, – ამის შესახებ ესტონეთის საგარეო საქმეთა მინისტრმა, მარგუს ცაჰკნამ ჰელსინკის კომისიაში, ნატო-ს აღმოსავლეთ ფლანგზე შეკავების შესახებ გამართულ მოსმენაზე განაცხადა.მისივე თქმით,  ესტონელი ხალხი მუდმივად განაგრძობს  ქართველი ხალხის თავისუფლებისკენ სწრაფვის მხარდაჭერას.„დაახლოებით ერთი წელი ან ცოტა მეტი გავიდა, რაც საქართველოში ვიყავი. ეს არჩევნებამდე იყო და ვნახე ქართველი ხალხის დიდი მზადყოფნა. მათ იმ დროს სჯეროდათ, რომ ხელისუფლება შეასრულებდა თავის დაპირებებს დასავლეთსა და ევროკავშირთან ინტეგრაციის შესახებ, თუმცა ეს უხეშად დაირღვა.ჩვენ ძალიან ახლოს ვართ ქართველ ხალხთან. ამ ათწლეულის განმავლობაში დიდი მხარდაჭერა გამოვუცხადეთ რეფორმებს. რასაც ახლა ვხედავთ, მე ამ ხელისუფლებას ხელისუფლებას ვერ ვუწოდებ, ეს არის რეჟიმი, რომელიც ქართველი ხალხის ნებას არ ასრულებს. რასაც ახლა ვხედავთ, არის იმავე მოვლენების დასაწყისი, რაც წლების წინ ბელარუსში  დავინახეთ. ეს ძალიან საშიში რამ არის. შემიძლია გითხრათ, რომ ესტონელი ხალხი მუდმივად განაგრძობს  ქართველი ხალხის თავისუფლებისკენ სწრაფვის მხარდაჭერას“, – აღნიშნა ცაჰკნამ.

მინდა, ოფიციალურად დავასახელო მზია ამაღლობელი 2026 წლის ნობელის მშვიდობის პრემიის კანდიდატად. თავის დროზე ჰილარი კლინტონმა და ჯონ მაკკეინმა წარმადგინეს ნობელის პრემიაზე. ახლა ჩემი დროა, ეს ღირსეული ქართველი წარვადგინო, – ამის შესახებ საქართველოს ყოფილი პრეზიდენტის, მიხეილ სააკაშვილის ფეისბუქგვერდზე გამოქვეყნებულ პოსტშია აღნიშნული.სააკაშვილი წერს, რომ მოუწოდებს სხვებსაც, ერთად დაუჭირონ მხარი მზია ამაღლობელის კანდიდატურას მშვიდობის დარგში 2026 წლის ნობელის პრემიის მოსაპოვებლად.„საქმე იმაშია, რომ მე შევნიშნე მზია ამაღლობელის ხელში ფილიპინელი ჟურნალისტის, მარია რესას წიგნი, „როგორ დავამარცხოთ დიქტატორი“. რესა 2021 წელს ნობელიანტი გახდა, თუმცა უნდა ვთქვათ სიმართლე, მარია რესას არ უცხოვრია ნამდვილი დიქტატურის პირობებში.ფილიპინებში ბოლო ნამდვილი დიქტატორი იყო ფერდინანდ მარკოსი, მაშინ, როცა რესა ძალიან პატარა იყო. მარკოსი იყო სუპერკორუმპირებული, ძალიან ბრუტალური, მასობრივად ყრიდა ციხეში ოპონენტებს.მან ფილიპინების ოპოზიციის ლიდერი ბენინიო აკინო მოკლა მას შემდეგ, რაც ეს უკანასკნელი, მიუხედავად მუქარებისა, დაბრუნდა ფილიპინებში. ხალხი აჯანყდა და მიუხედავად იმისა, რომ მარკოსს მაშინდელი ამერიკის ადმინისტრაციის დიდი მხარდაჭერა ჰქონდა, ის დაამხეს.რაც შეეხება მარია რესას, ის იყო ფილიპინების დამოუკიდებელი მედიარესურსის დამფუძნებელი და ამხელდა ფილიპინების შემდგომი პრეზიდენტების კორუფციას და ძალადობას, თუმცა ყველა ეს პრეზიდენტი არჩევნებით მოვიდა და წავიდა, ხოლო თავად რესა დაპატიმრებისთანავე გაუშვა ქვეყნის თავისუფალმა სასამართლომ.ამიტომ თუ შევადარებთ, მზია ბევრად მეტად იმსახურებს პრემიას, როგორც ქართული თავისუფალი მედიის ბრძოლის სიმბოლო და რეჟიმის მსხვერპლი.მოვუწოდებ სხვებსაც, შემომიერთდეთ და ბევრმა ერთად დავუჭიროთ მხარი მზია ამაღლობელის კანდიდატურას 2026 წლის ნობელის პრემიის მოსაპოვებლად მშვიდობის დარგში“, – წერს მიხეილ სააკაშვილი.

„ემოციური შიმშილის” საუკუნე დგება და რა მოხდება მომავალში, რას გვიქადის AIის დედის მიერ გამოზრდილი შვილი, ჯერ ამ რისკებზე ბევრი არაფერია ცნობილი",- ამ თემაზე სოციალურ ქსელში ფსიქოთერაპევტი, მაგდა კოტრიკაძე წერს.„ემოციური შიმშილის” საუკუნე დგება და რა მოხდება მომავალში, რას გვიქადის AI-ის დედის მიერ გამოზრდილი შვილი, ჯერ ამ რისკებზე ბევრი არაფერია ცნობილი. თუმცა, თუ ამ ტენდენციას ბრმად მივყვებით პარალურად დედისა და შვილის ინსტიტუტიც გადაიხედება და შვილისა და მშობლის შორის კავშირი, რომელიც მთელი ცხოვრების მანძილზე მისი ხასიათის, თვისებების, ქცევის განმსაზღვრელია.ვეცადე, მომეძიებინა ყველა არსებული მასალა და სამსჯელოდ თქვენთვის მომინდვია. ხელოვნური საშვილოსნო და ხელოვნური ინტელექტი უკვე აღარ არის მხოლოდ სამეცნიერო ფანტასტიკა – ეს რეალობაა, რომელიც ჩვენს ცხოვრებას რადიკალურად შეცვლის. EctoLife არის ინოვაციური კონცეფცია, რომელიც მიზნად ისახავს ემბრიონის განვითარებას დედის სხეულისგან დამოუკიდებლად. იდეა შეიმუშავა ბიოტექნოლოგმა ჰაშემ ალ-გაილიმ და მისი მთავარი მიზანია წყვილებს მისცეს შესაძლებლობა, ბავშვი გააჩინონ ორსულობისა და მშობიარობის გარეშე. პროცესი იწყება ინ-ვიტრო განაყოფიერებით, როდესაც სპერმა და კვერცხუჯრედი ლაბორატორიაში შეერწყმება, შემდეგ კი ემბრიონი თავსდება ხელოვნურ საშვილოსნოში, რომელიც სავსეა სითხით, დედა AI უზრუნველყოფს ჟანგბადს, საკვებს და ყველა საჭირო ნივთიერებას. მოწყობილობა აღჭურვილია კამერებით, რათა მშობლებს შეეძლოთ მონიტორინგი 24/7, ხოლო მშობიარობა ხდება ღილაკზე თითის დაჭერით, რაც გამოიწვევს ხელოვნური სითხის გადინებას.EctoLife-ის შესაძლებლობები შთამბეჭდავია: გენეტიკური ინჟინერია, რომელიც საშუალებას მისცემს მშობლებს თავიდან აიცილონ დაავადებები; პერსონალიზაცია, სადაც შესაძლებელია თვალის, თმის და კანის ფერის არჩევა; და მასშტაბური წარმოება – კონცეფციის მიხედვით, წელიწადში 30,000 ბავშვის „შექმნა“. თუმცა ეს იდეა უკვე იწვევს ეთიკურ და სოციალურ დებატებს. ბიოტექნოლოგები ვარაუდობენ, რომ 10-15 წელიწადში ეს შეიძლება გახდეს შვილების გაჩენის მთავარი გზა.მსოფლიოში უკვე მიმდინარეობს ექსპერიმენტები. იაპონიაში ჯუნტენდოს უნივერსიტეტში მეცნიერებმა შექმნეს სისტემა, სადაც ემბრიონი იზრდება გამჭვირვალე ბიოჩანთაში ხელოვნური ნაყოფის წყლით, ხოლო ჩინეთში ინოვაციური ინკუბატორი აკონტროლებს ემბრიონის ზრდას და გარემოს პირობებს. ეს ტექნოლოგიები შეიძლება გახდეს გამოსავალი დემოგრაფიული კრიზისის მქონე ქვეყნებისთვის და დაეხმაროს უშვილო წყვილებს, თუმცა ეს რადიკალური ცვლილება აღძრავს კითხვებს უსაფრთხოებაზე, სოციალურ უთანასწორობაზე და ადამიანის ბუნების დაკარგვაზე.ამავე დროს, ხელოვნური ინტელექტი სხვა მიმართულებითაც ცვლის რეალობას. ალბანეთის პრემიერ-მინისტრმა ედი რამამ განაცხადა, რომ AI-ით შექმნილი ვირტუალური მინისტრი „დიელა“ „ორსულადაა“ და 83 „ბავშვს“ ელოდება – სინამდვილეში ეს AI-ასისტენტები იქნებიან, რომლებიც პარლამენტის წევრებს დაეხმარებიან. ეს სიმბოლური ნაბიჯი აჩვენებს, როგორ შეიძლება AI გახდეს მმართველობის ნაწილი. „დიელა“ პასუხისმგებელია საჯარო შესყიდვებზე და მისი მიზანია გამჭვირვალობის უზრუნველყოფა.„AI დედის შვილები“ შეიძლება იყოს ორი ტიპის: ტექნოლოგიური შვილები – სპეციალიზებული AI მოდელები, რომლებიც „დედა“-მოდელის ბაზაზე იქმნება, და ბიოტექნოლოგიური შვილები – ადამიანები, რომლებიც იზრდებიან ხელოვნურ საშვილოსნოში AI-ის კონტროლით. ეს ქმნის ახალ რეალობას, სადაც მშობლის როლი იცვლება, სახელმწიფო და კომპანიები იღებენ პასუხისმგებლობას სიცოცხლის შექმნაზე, ხოლო სოციალური სტრუქტურა რადიკალურად გარდაიქმნება.რთული ეთიკური დილემის წინაშეა კაცობრიობა: ვინ იქნება ნამდვილი მშობელი? მხოლოდ მდიდრებს ექნებათ წვდომა? სად გადის ზღვარი ჯანმრთელობასა და „დიზაინერულ ბავშვებს“ შორის? რა მოხდება, თუ ტექნოლოგია შეცდომას დაუშვებს? და ბოლოს – ბუნებრივი ადამიანის ცნება ხომ არ გაქრება?პროგნოზები ამბიციურია: 2035 წელს ხელოვნური საშვილოსნო ფართოდ გამოიყენება ნაადრევი ბავშვების გადარჩენისთვის, 2040-ში გამოჩნდება პირველი თაობა „AI-კონტროლით დაბადებული“ ბავშვების, ხოლო 2045-ში დაიწყება დებატები „ბიოლოგიური vs ტექნოლოგიური“ ადამიანების უფლებებზე.ეს ყველაფერი გვიჩვენებს, რომ მომავალი უკვე აქ არის – და ის მოითხოვს არა მხოლოდ ტექნოლოგიურ განვითარებას, არამედ ღრმა ეთიკურ და სოციალურ განხილვას", - წერს მაგდა კოტრიკაძე.