ემანუელ მაკრონი – პროგრესს მივაღწიეთ უკრაინის უსაფრთხოების გარანტიებთან დაკავშირებით, რაც სამართლიანი და მდგრადი მშვიდობის დამყარების კუთხით გადამწყვეტი მნიშვნელობის იქნება

საქართველოს პრემიერ-მინისტრ ირაკლი კობახიძის განკარგულებით, სს „საქართველოს ენერგეტიკის განვითარების ფონდმა“ უკრაინაში ჰუმანიტარული ტვირთი გაგზავნა. ამის შესახებ ინფორმაციას ეკონომიკისა და მდგრადი განვითარების სამინისტრო ავრცელებს.მათივე ცნობით, აღნიშნული ტვირთი მოიცავს ცხრა ერთეულ, სხვადასხვა ტიპისა და სიმძლავრის გენერატორს.„აღსანიშნავია, რომ სს „საქართველოს ენერგეტიკის განვითარების ფონდმა“ გენერატორების შესყიდვისა და ტრანსპორტირების პროცესი მოკლე დროში (დათქმულ ვადებში) უზრუნველყო.ჰუმანიტარული ტვირთი უკრაინაში, ქალაქ კიევში საქართველოს საელჩოს გადაეცემა, შემდგომში უკრაინისთვის უსასყიდლოდ გადაცემის მიზნით. საქართველოდან გაგზავნილ ჰუმანიტარულ დახმარებას უკრაინა სახმელეთო გზით რამდენიმე დღეში მიიღებს“,- აღნიშნულია ეკონომიკისა და მდგრადი განვითარების სამინისტროს ინფორმაციაში.

ამაზრზენი პროპაგანდა ვნახეთ, რომელიც პირდაპირ აწყობილი, ორკესტრირებული და შეთანხმებული იყო, სადაც „ბიბისის“, ევროპარლამენტს და ქართველ რადიკალებს თავიანთი როლები ჰქონდათ. ეს იყო აბსოლუტურად ორკესტრირებული თავდასხმა ქართულ სახელმწიფოზე, რომელიც შესრულდა „ბიბისის“, ევროპარლამენტარების და ქართველი რადიკალების მიერ, – ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა.მისივე თქმით, „ეს ბოლო ხავსია, რომელზეც ჩაჭიდებას რადიკალური ოპოზიცია ცდილობს, მისი ევროპელი დამკვეთების გეგმის შესასრულებლად“.„ხომ უმარტივესი საკითხია? – გამოძიება ჩატარდა, პროცესი გამჭვირვალე იყო, ყველა დეტალს პასუხი გაეცა და ითქვა, თუ კიდევ არსებობს კითხვები, მზად ვართ, ნებისმიერ რელევანტურ, საერთაშორისო ინსტიტუტს ეს მასალები ვაჩვენოთ. თუ კითხვები არსებობს, ეს საერთაშორისო ინსტიტუტები მოვიდნენ, რატომ არ მოდიან? – რა თქმა უნდა, ვაჩვენებთ. ეს ყველაფერი იყო გარედან დადგმული სცენარი. ერთი წლის თავზე იმის მოძიება დაიწყეს, ვინ მოიწამლა, ვის ჰქონდა თავის ტკივილი და მაღალი წნევა. ეს ყველაფერი რატომ დაიწყეს? – ეს ყველაფერი საზღვარგარეთ მოიხარშა და დავალება მიიღეს, რომ ამასთან დაკავშირებით ამბავი უნდა ატყდეს. სადაც მოიხარშა, ვინც ეს დაგეგმა, ამ ყველაფერს ევროსაბჭოსა და ევროპარლამენტში რომ ვისმენთ, ვინც ეს დაგეგმა და ორკესტრირება გააკეთა, რატომ არ ჩამოდიან, სახელმწიფო უსაფრთხოების სამსახურში არ მოდიან და არ ეუბნებიან, მასალები გვაჩვენეთო? რა საჭიროა, ამ ისტორიების მოყოლა? – გამოძიებულია, პასუხები გაეცა. თუ არის კითხვები, მობრძანდნენ, გამოძიების მასალებს ჩახედონ – რა მოეწონებათ და რა არა, მარტივია“, – აღნიშნა პაპუაშვილმა.პარლამენტის თავმჯდომარის თქმით, ქვეყნის შიგნით კითხვებს პასუხები გაცემული აქვს.„ვინც ამ ყველაფერს იგონებს, რა უნდა დავანახოთ? – ის, რომ ეს იყო პირველი მსოფლიო ომის დროინდელი იარაღი, ეს ტყუილები უმაღლესი ტრიბუნებიდან მოილაპარაკეს. ყველა დარწმუნდა, რომ ეს არ იყო „კამიტი“. ეს იყო გებელსისეული პროპაგანდა, როცა იმხელა ტყუილი უნდა თქვა, რომ ვიღაცას ეჭვი შეეპაროს, ასეთ ტყუილს არ იტყოდაო. გათვლა იყო, რომ დიდ ტყუილს იტყოდნენ, რომ ეს იყო ქიმიური იარაღი და ამაზე სახელმწიფოს პოლიტიკური პასუხი ექნებოდა, არა, არა და ეს ყველაფერი პოლიტიკური დისკურიის სპირალში შევიდოდა. შემდეგ, ამას ევროპარლამენტის რეზოლუცია და განცხადება უნდა მოჰყოლოდა. სინამდვილეში, ეს იყო პირდაპირ ორკესტრირებული თავდასხმა სახელმწიფოზე, რომელიც ბრიუსელის შესაბამისს დოკუმენტებში უნდა ასახულიყო.ერთი რამე ვერ გათვალეს, სახელმწიფომ გამოძიება დაიწყო, პასუხები დადო და რაც მთავარია, თქვა, რომ თუ ვინმეს რაიმე კითხვა აქვს, მოვიდეს და ვაჩვენებო. სად არიან ევროპარლამენტარები, ან სხვები? – ეს იყო უსაძაგლესი თავდასხმა საქართველოს სახელმწიფოზე, რომელიც ევროპაში მოიხარშა და ქართველი რადიკალების საშუალებით განხორციელდა. სხვა რაიმე კი არ არის, როცა ჩვენ ღალატზე, ქართველობის დაკარგვაზე ვსაუბრობთ. აბა, ეს რა არის, როცა საკუთარი ქვეყნის წინააღმდეგ განგაწყობენ? – ადრე, შეიძლება, ვიღაცას ჯარი გამოეყოლებინა და საკუთარ ქვეყანას თავს ასე დასხმოდა, რომ საკუთარი ძალაუფლება მოეპოვებინა. დღეს, პიარული ჯარია, რომელიც რადიკალების სარგებლობაშია – ევროპიდან მომდინარე პიარული ჯარია, რომლითაც ქვეყნის დაზიანებას ცდილობენ. თუ კითხვები აქვთ, განცხადება გაკეთდა და აქამდე, რატომ ვერ ჩამოდიან, ვერ ჩამოაღწიეს? – ჩვენ ვუყიდით ბილეთს“,- განაცხადა შალვა პაპუაშვილმა.

საქართველოს პარლამენტის თავმჯდომარის, შალვა პაპუაშვილის განცხადებით, ფასებთან დაკავშირებით მსჯელობის დაწყება მნიშვნელოვანია და უნდა გაირკვეს, რა არის სასურსათო პროდუქტებზე მაღალი ფასების მიზეზი – ესაა ბუნებრივი პროცესი, თუ არის გარკვეული კარტელური გარიგებები მოთამაშეებს შორის.„უპირველეს ყოვლისა, მნიშვნელოვანია, რომ პრემიერ-მინისტრმა ეს ინიციატივა წამოაყენა. ვგულისხმობ, ზოგადად ფასებთან დაკავშირებით მსჯელობას და გადაწყვეტის გზის ძიებას, რამაც უკვე მოიტანა შედეგი იმ მხრივ, რომ დისკუსია გაიხსნა. თავდაპირველად, ჩვენ ვნახეთ მცდელობები რადიკალების მხრიდან, რომ მაღალი ფასების მხარეს დამდგარიყვნენ, ნაცვლად იმისა, რომ ამჯერად მაინც ჩვენი საზოგადოების ინტერესები დაეყენებინათ წინა პლანზე. და ვნახეთ მსჯელობის გარკვეული ეტაპი, როდესაც, პრინციპში, ყველა თანხმდება, რომ რაც შეხება სასურსათო პროდუქტებს, ფასები არის შეუსაბამოდ მაღალი, თუ შევადარებთ მას იმ ქვეყნებს, საიდანაც ხდება იმპორტი. მეორე – მცდელობები, რომ მოეფიქრებინათ რაღაც სხვა ახსნები, დღგ და ასეთი საკითხები, რეგულაციები, ჩავარდა, თავად რადიკალების მხრიდანვე უარყოფილ იქნა, რომ, რა თქმა უნდა, ტყუილია. არანაირი კავშირი ამ მხრივ დღგ-ს მაღალ ფასებთან არ აქვს“, – განაცხადა პაპუაშვილმა.შალვა პაპუაშვილის განმარტებით, წლებია, მოქმედი დღგ-ს განაკვეთი არ შეცვლილა.„არანაირი ახსნა ამას არ ექნებოდა. შესაბამისად, ყველა ცრუ გამართლება, რომელიც სცადეს თავდაპირველად, ჩავარდა. ახლა მნიშვნელოვანია, ვიმსჯელოთ, რასთან გვაქვს საქმე. არის ეს რაიმე ბუნებრივი პროცესი, თუ არის გარკვეული კარტელური გარიგებები მოთამაშეებს შორის. კიდევ ერთხელ შემოვიდა თემა თავისუფალი ბაზრის შესახებ და ის, რომ ბაზარი ყველაფერს არეგულირებს. რა თქმა უნდა, ბაზარი ყველაფერს ვერ არეგულირებს და სწორედ ეს არის საბაზრო ეკონომიკის გარკვეული დეფექტები, რომელსაც სჭირდება ზოგჯერ რეგულაციებით მოწესრიგება, ზოგჯერ აღსრულების პროცესით რეგულაცია და ა.შ. იცით, რომ დაანონსებულია პარლამენტის მხრიდან სპეციალური კომისიის შექმნა, თებერვალშივე, როცა საგაზაფხულო სესია დაიწყება, ეს იქნება ღია პროცესი, სადაც პარლამენტი, აღმასრულებელ ხელისუფლებასთან, ბაზარზე მოთამაშე სუბიექტებთან ერთად, საზოგადოების თვალწინ შეეცდება, გაარკვიოს, როგორ ხდება სასურსათო პროდუქტებზე ფასების წარმოქმნა. ვიცით, ფასები მისი წარმოშობის ადგილას რა არის, ვიცით ტრანსპორტის ხარჯები, საზღვარზე შემოსვლისას რა ფასით შემოდის და ვიცით, საბოლოო ჯამში, დახლზე რა ფასად იყიდება. სხვაობა არის არაადეკვატურად დიდი და გავერკვიოთ, ეს სხვაობა საიდან მოდის, რამდენად ობიექტურია ამ სხვაობის არსებობა. ობიექტური თუ არ არის და არის გარკვეული მცდელობა, რომ იყოს ჭარბი მოგება მოსახლეობის ხარჯზე, ესეც გავარკვიოთ, როგორ ხდება, არსებობს თუ არა ამის უკან რაიმე კარტელური შეთანხმებები და დარღვევები“, – განაცხადა შალვა პაპუაშვილმა.

ბიზნესმენ ლევან ჯანგველაძის მკვლელობის ორგანიზატორად შსს-მ საქართველოს ყოფილი მთავარი პროკურორი, ოთარ ფარცხალაძე დაასახელა.აღნიშნულის შესახებ შინაგან საქმეთა მინისტრის მოადგილემ ალექსანდრე დარახველიძემ ბრიფინგზე ისაუბრა. მისივე თქმით, ჯანგველაძის მკვლელობის საქმე სრულად გახსნილია.„შინაგან საქმეთა სამინისტროს თანამშრომლების მიერ ჩატარებული ასეულობით საგამოძიებო მოქმედების შედეგად მოპოვებული მტკიცებულებებით დადგენილია, ვინ ხელმძღვანელობდა ორგანიზებულ ჯგუფს, რომელმაც ჩაიდინა ლევან ჯანგველაძის შეკვეთით და ანგარებით მკვლელობა. შესაბამისად, აღნიშნული სისხლის სამართლის საქმე ამ მიმართულებით სრულად გახსნილად შეგვიძლია გამოვაცხადოთ.ჩვენ მიერ მოპოვებული მტკიცებულებების საფუძველზე, საქართველოს გენერალური პროკურატურის მიერ გამოტანილია დადგენილება ოთარ რომანოვ ფარცხალაძის მიმართ ბრალდებულის სახით პასუხისგებაში მიცემის შესახებ.ჩატარებული გამოძიებით დადგინდა, რომ დროთა განმავლობაში დანაშაულებრივ დაჯგუფებად ჩამოყალიბებულ პირთა წრეს და ამ დაჯგუფების ლიდერებს, ოთარ რომანოვ ფარცხალაძეს და მისი ნდობით აღჭურვილ პირებს, ძმებ დავით და გიორგი მიქაძეებს, ბიზნესსაქმიანობასთან დაკავშირებით გარკვეული სახის უთანხმოება და დაპირისპირება გააჩნდათ ლევან ჯანგველაძესთან და ამ უკანასკნელთან დიდი ხნის დაპირისპირებაში მყოფ სხვა პირთა შეკვეთით ლევან ჯანგველაძის მკვლელობა დააორგანიზეს.ლევან ჯანგველაძის განზრახ მკვლელობას,  როგორც შექმნილი დანაშაულებრივი ჯგუფის უპირობო ლიდერი – ოთარ რომანოვ ფარცხალაძე ხელმძღვანელობდა. მისი მითითებითა და დავალებით, ძმები დავით და გიორგი მიქაძეები, თავის მხრივ დაუკავშირდნენ მათ მეგობარს და ნდობით აღჭურვილ გიორგი ჯოხაძეს, რომელსაც  მკვლელობის ჩადენის შესახებ გეგმა გაანდეს.დანაშაულებრივი განზრახვის სისრულეში მოსაყვანად, დაგეგმილი შეკვეთილი მკვლელობის ჩასადენად, მათ მიერ მოძიებული იქნა გიორგი ჯოხაძის დაცვის ყოფილი თანამშრომელი გელა უძილაური.დანაშაულებრივი დაჯგუფების მიერ ასევე იქნა მოპოვებული  ინფორმაცია ლევან ჯანგველაძის საქართველოში ჩამოსვლის ზუსტი დროის და გადაადგილების მარშრუტის შესახებ, რის შემდეგაც გელა უძილაურმა 2025 წლის 14 მარტს,  თბილისში, ჭავჭავაძის გამზირზე, შეკვეთით და ანგარებით მოკლა ლევან ჯანგველაძე, ხოლო მის თანმხლებ პირს იმავე ცეცხლსასროლი იარაღიდან სხეულის დაზიანება მიაყენა.მოცემულ საქმეზე ჩატარებულია მთელი რიგი საგამოძიებო და საპროცესო მოქმედებები, ათეულობით ექსპერტიზა, გამოიკითხულია ათეულობით მოწმე, ამოღებულია არაერთი ნივთიერი მტკიცებულება და მსგავსი საქმეების გამოძიების სპეციფიკის გათვალისწინებით, შესაბამისი მტკიცებულებითი სტანდარტით, მოპოვებულია როგორც დანაშაულებრივი დაჯგუფების ხელმძღვანელის, ასევე მისი დანაშაულებრივი ჯგუფის წევრების მიერ ლევან ჯანგველაძის მკვლელობის ჩადენის მამხილებელი უტყუარი მტკიცებულებები. საზოგადოებისთვის ცნობილია, რომ აღნიშნულ საქმეზე დანაშაულის უშუალო ამსრულებელი გელა უძილაური მკვლელობის ჩადენიდან მალევე დააკავეს.  მის მიმართ მიმდინარე წლის 24 ოქტომბერს სასამართლომ გამამტყუნებელი განაჩენი გამოიტანა და უძილაურს უვადო თავისუფლების აღკვეთა მიუსაჯა.საქმეზე ასევე დაკავებულები არიან გიორგი მიქაძე, მამუკა ბაღდავაძე, გიორგი კაჭკაჭაშვილი, ხოლო დავით მიქაძის და გიორგი ჯოხაძის მიმართ გამოცხადებულია ძებნა. ასევე დაკავებულია მათი ყოფილი მეგობარი, სანდრო წივწივაძე,  რომლის სახელზეც იყო წარსულში რეგისტრირებული ლევან ჯანგველაძის მკვლელობის იარაღი.მითითებული ბრალდებულების მიმართ თბილისის საქალაქო სასამართლოში  საქმის არსებითი განხილვა მიმდინარეობს.რაც შეეხება დანაშაულებრივი ჯგუფის ხელმძღვანელს, ოთარ რომანოვ ფარცხალაძეს: მას, პროკურორის მიერ გამოტანილი შესაბამისი დადგენილების მიხედვით, ბრალი ედება მასში, რომ ჩაიდინა ლევან ჯანგველაძის შეკვეთით და ანგარებით განზრახ მკვლელობის ორგანიზება, დანაშაული გათვალისწინებული საქართველოს სისხლის სამართლის კოდექსის 25/109-ე მუხლის ,,ნ“ ქვეპუნქტით, რომელიც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს.ბრალდების მხარე სასამართლოს ოთარ რომანოვ ფარცხალაძის მიმართ აღკვეთის ღონისძიების სახით პატიმრობის შეფარდების შუამდგომლობით კანონით დადგენილ ვადაში მიმართავს და მის მიმართ გამოცხადდება საერთაშორისო ძებნა“,- განაცხადა ალექსანდრე დარახველიძემ.

მსხვერპლი ავიაკატასტროფის შედეგად ნიუ-ჯერსიში. ერთმანეთს ორი ვერტმფრენი შეეჯახა. ორივეს ბორტზე მხოლოდ თითო პილოტი იმყოფებოდა, ერთი დაიღუპა, მეორეს მდგომარეობა კი კრიტიკულად მძიმეა.ავიაკატასტროფა ქალაქ ჰამონტონში მუნიციპალურ აეროპორტთან ახლოს მოხდა. შეჯახების შემდეგ ორივე საფრენი აპარატი ჩამოვარდა და ერთს ცეცხლი გაუჩნდა. მომხდარის მიზეზის დასადგენად, მიმდინარეობს გამოძიება.