ემანუელ მაკრონი აშშ-ში ფრანგული ინვესტიციების შეჩერების მოწოდებით გამოვიდა

თეთრ სახლში ადასტურებენ, რომ ჩინეთის წინააღმდეგ ტარიფები 145 პროცენტამდეა გაზრდილი, – ამის შესახებ „სიენენი“ წერს.როგორც ამერიკული მედია აღნიშნავს, თეთრმა სახლმა განმარტა, რომ ჩინეთისთვის დაწესებული ტარიფები არა 125 პროცენტს, არამედ 145 პროცენტს შეადგენს.ტრამპის მიერ გამოცხადებულ 125-პროცენტიან ტარიფში არ შედიოდა მანამდე დაწესებული 20-პროცენტიანი ტარიფი, ამიტომ, ჯამში, ჩინეთისთვის დაწესებული ტარიფი 145 პროცენტს შეადგენს.

საზოგადოებრივი ჯანდაცვის ექსპერტი, გიორგი ფხაკაძე სოციალურ ქსელში წერს, რომ „საქართველოში მიმდინარეობს უხმაურო, მაგრამ სასტიკი ომი – ონკოლოგიური დაავადებების ომი. და ახლა აფლატოქსინი შესაძლოა გახდეს ის ბოლო წვეთი, რომელიც წლებია ივსება“.მისი განცხადებით, „ისტორიას არ ახსოვს იმდენი სიმსივნე, რაც დღეს ფიქსირდება“.„📌 ომი დიდი ხანია დაწყებულია… არა იარაღით – არამედ სიმსივნით, ტკივილით და ტოქსინებით.🇬🇪 საქართველოში მიმდინარეობს უხმაურო, მაგრამ სასტიკი ომი – ონკოლოგიური დაავადებების ომი. და ახლა აფლატოქსინი შესაძლოა გახდეს ის ბოლო წვეთი, რომელიც წლებია ივსება. მაგრამ, როგორც ყოველთვის, მალე ყველა გადაირთვება სხვა თემებზე…ქვეყანა დუმს, ექსპერტები – ლექციებს კითხულობენ.ახლა ლექციების დრო არ არის. ახლა ქმედების დროა!სიჩუმის ფუფუნება აღარ გვაქვს:– ჰაერი დაბინძურებულია– წყალი საეჭვოა– საკვები სავსეა ტოქსინებითდა ჩვენი სხეული ყოველდღე იწამლება.ისტორიას არ ახსოვს იმდენი სიმსივნე, რაც დღეს ფიქსირდება.ჯანდაცვის სისტემა უნდა გადაიხედოს – დაუყოვნებლივ.თუ დღეს არ ვიმოქმედებთ – ხვალ უკვე გვიანი იქნება“, – წერს გიორგი ფხაკაძე.

შეერთებული შტატები გააგრძელებს აზერბაიჯანის სუვერენიტეტის, დამოუკიდებლობისა და ტერიტორიული მთლიანობის მხარდაჭერას, – ამის შესახებ აღნიშნულია დონალდ ტრამპის მისალოც წერილში, რომელიც აშშ-ის პრეზიდენტმა, აზერბაიჯანელ კოლეგას, ილჰამ ალიევს ნოვრუზის დღესასწაულთან დაკავშირებით გაუგზავნა.დონალდ ტრამპი წერილში აღნიშნავს, რომ ქვეყნებს ერთად მუშაობის დიდი ისტორია აქვთ და გამოთქვამს იმედს, რომ უახლოეს წლებში გადაიდგმება ნაბიჯები დიდი მიღწევებისკენ.„მადლობელი ვარ აზერბაიჯანის მხარდაჭერისა და მეგობრობისთვის ჩვენი პარტნიორი ისრაელის მიმართ და მივესალმები იმ ნაბიჯებს, რომლებსაც თქვენ და სომხეთი დგამთ რეგიონში მშვიდობის დასამყარებლად. მოუთმენლად ველი თქვენთან მუშაობას, რადგან ჩვენი ქვეყნები ისწრაფვიან წარმატებისკენ. შეერთებული შტატები გააგრძელებს აზერბაიჯანის სუვერენიტეტის, დამოუკიდებლობისა და ტერიტორიული მთლიანობის მხარდაჭერას”, – აღნიშნულია წერილში.

დიდი ბრიტანეთი დღემდე იფარებს კეზერაშვილს, რომელმაც ჯერ ქართული ჯარი გაძარცვა და შემდეგ ევროპელი პენსიონრები, ეს შავი ფული დღემდე საქართველოს დესტაბილიზაციაზე იხარჯება, რაც წარმოშობს ეჭვს, რომ მისი თავისუფლების უკან კონკრეტული გარიგება დგას, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.პაპუაშვილი გაერთიანებული სამეფოს მიერ სასანქციო სიაში საქართველოს კიდევ ოთხი მოქალაქის შეყვანას გამოეხმაურა.ამასთან, პაპუაშვილი თავის ფეისბუქპოსტში საპარლამენტო არჩევნებამდე რამდენიმე დღით ადრე, ბრიტანეთის ელჩის ერთ-ერთი ინტერვიუს შესახებაც საუბრობს.„საპარლამენტო არჩევნებამდე რამდენიმე დღით ადრე, საარჩევნო კამპანიის დასკვნით ეტაპზე, ბრიტანეთის ელჩმა ერთ-ერთ მედიას ვრცელი ინტერვიუ მისცა, რომელიც სრულად მიუძღვნა საქართველოს ხელისუფლების წინააღმდეგ კამპანიას. ეს იყო „დიპლომატიური ურთიერთობების შესახებ ვენის კონვენციის“ დარღვევით ქვეყნის შიდა საქმეებში ჩარევა და საარჩევნო კამპანიაში მონაწილეობა. „ვენის კონვენციის“ დარღვევასთან ერთად, ამგვარი უპატივცემულობა, თავად ელჩის მხრიდან, დიპლომატის პროფესიული ეთიკის დარღვევაცაა. მიუხედავად არჩევნებში უხეში ჩარევისა, და, შესაძლოა, სწორედ ამიტომაც, 26 ოქტომბერს რეკორდული რაოდენობის ამომრჩეველი გამოვიდა და თქვა, რომ აქ დაბალი ღობე არავინაა და არავის მისცემს მასზე ზემოდან ყურების უფლებას. ეს ვუთხარით საბჭოთა მოსკოვს 1989 წლის 9 აპრილს და იგივე გავიმეორეთ 2024 წლის 26 ოქტომბერს ყველა იმ დედაქალაქის გასაგონად, ვინც ჩვენთვის მოსკოვის ჩანაცვლება მოისურვა. 26 ოქტომბერს, „ნაცმოძრაობასთან“ ერთად, მისი მფარველი უცხოელი პოლიტიკოსები, ბიუროკრატები და დიპლომატებიც დამარცხდნენ. არჩევნების შემდეგ მუშტების უმისამართო ქნევაც ამის კარგი დასტურია. რაც შეეხება სანქციებს. დიდი ბრიტანეთი დღემდე იფარებს დავით კეზერაშვილს, საერთაშორისო კრიმინალს, რომელმაც კორუფციული გარიგებებით ჯერ ქართული ჯარი გაძარცვა და შემდეგ ევროპელი პენსიონრები. ეს შავი ფული დღემდე საქართველოს დესტაბილიზაციაზე იხარჯება, რაც წარმოშობს ეჭვს, რომ მისი თავისუფლების უკან კონკრეტული გარიგება დგას“, – წერს შალვა პაპუაშვილი.

უკვე 200 ჩინოვნიკია დასანქცირებული სხვადასხვა ქვეყნის მიერ, ცხადია, რომ ეს პროცესი გაგრძელდება, ვიდრე ახალი არჩევნები არ დაინიშნება და პოლიტპატიმრები არ გათავისუფლდებიან, – ამის შესახებ „ლელოს“ ლიდერი მამუკა ხაზარაძე სოციალურ ქსელში წერს.„როდის მიხვდებიან ჩინოვნიკები, რომ ისინი ბიძინას პირად სამსახურში არიან, როგორც მისი უკანონო ბრძანებების შემსრულებლები და ამით პირდაპირ ანტისახელმწიფოებრივ საქმიანობას ეწევიან?!ივანიშვილს მათი ბედი საერთოდ არ აინტერესებს! მას მხოლოდ საკუთარი კაპიტალი და უსაფრთხოება აღელვებს.ამ ჩინოვნიკებს მინდა ვუთხრა – გადახედეთ უახლოეს წლებს, ეს კაცი ყველას ისევე მოგისვრით როგორც უამრავი მოიშორა ახლო წარსულში, თუმცა ამ დროისთვის, თქვენ უკვე ძალიან დაზიანებულები იქნებით.დაფიქრდით და გაეცალეთ სანამ დროა, ნუ გადააყოლებთ ერთ კაცს თქვენი და თქვენი ოჯახების მომავალს, თორემ მერე გვიან იქნება!დრო ძალიან ცოტა დარჩა!“,- წერს ხაზარაძე.დიდი ბრიტანეთის მთავრობა საქართველოს ოთხი მოქალაქის დასანქცირებასთან დაკავშირებით ოფიციალურ განცხადებას ავრცელებს. განცხადებაში ნათქვამია, რომ სანქციების პაკეტი ბრიტანეთმა გამოაცხადა „საქართველოს ოთხი მოქალაქის მიერ ადამიანის უფლებების სერიოზული დარღვევების გამო, 2024 წელს დაწყებული ლეგიტიმური პროტესტის საპასუხოდ“.