დღევანდელ აქცია-მსვლელობაზე სტუდენტებმა პროკურატურასთან მიმართვა წაიკითხეს – გადადგეს არალეგიტიმური მთავრობა, ანუ „ქართული ოცნება“ სამუდამოდ მოშორდეს საქართველოს

Hyposmocoma-ს გვარის ახალი სახეობის მუხლუხებში მეცნიერებმა უჩვეულო ქცევა დააფიქსირეს, რის გამოც მას "ძვლების შემგროვებლად" მოიხსენიებენ. საქმე ისაა, რომ ეს არსებები მოკლული მსხვერპლების სხეულის ნაწილებს "იცვამენ".ჩვეულებრივი და ღამის პეპლების მუხლუხების უმეტესობა მხოლოდ მცენარეებით იკვებება. ამის მიუხედავად, ქერცლფრთიანების 200 000 ცნობილი სახეობიდან რამდენიმე ასეული მწერებსაც ეტანება, მათ შორის თავისნაირებს. ხორცისმჭამელობა განსაკუთრებით ჰავაიზე მობინადრე მუხლუხებშია გავრცელებული. ახალი სახეობა კი სწორედ იქ მდებარე კუნძულ ოაჰუზე აღმოაჩინესეს "ძვლების შემგროვებლები" მკვდარ ან მომაკვდავ მწერებს ჭამენ, შემდეგ კი საკვებად გამოუსადეგარ ნაწილებს აბრეშუმის საფარველზე იმაგრებენ და თან დაატარებენ. მსხვერპლებს შორის მწერების 6 ოჯახი გამოავლინეს, მაგრამ ამ მუხლუხებს სათანადო ზომის ნებისმიერი ფეხსახსრიანის შთანთქმა შეუძლიათ.მართალია, მუხლუხებს ასეთი ტვირთი ამძიმებს და მათ გადაადგილებას ანელებს, თუმცა ეს პრობლემა ნაკლებადაა. ისინი ობობების ქსელებთან ახლოს ცხოვრობენ და სწორედ იქ გახლართული მწერებით იკვებებიან. საინტერესოა, რომ ამ სახეობის წარმომადგენლები მსხვერპლის სხეულის ნებისმიერ ნაწილს სულაც არ იმაგრებენ, არამედ მას სათანადოდ არჩევენ და ზოგჯერ აპატარავებენ, რათა უკეთ "მოირგონ".მეცნიერები ვარაუდობენ, რომ ამგვარი ქცევის მიზეზი, შესაძლოა, კონკურენტი მუხლუხებისთვის დომინანტობის დამტკიცება იყოს. ეს ერთგვარი თავდაცვის მექანიზმია, რადგან მათში კანიბალიზმის შემთხვევები ფიქსირდება. ვინაიდან, ობობას ქსელის მიმდებარედ, როგორც წესი, მხოლოდ ერთი მუხლუხო შეინიშნება, "ძვლების შემგროვებლობის" ყველაზე სარწმუნო მიზეზი მაინც კამუფლაჟია. ისინი თავს ობობებისგან იცავენ.ბოლო 22 წელში ტყის 15 კვადრატულ კილომეტრ ფართობში სულ 62 ასეთი მუხლუხია აღმოჩენილი. ეს მცირე რაოდენობა მიანიშნებს, რომ, შესაძლოა, ისინი გადაშენების რისკის წინაშე იყვნენ და ჰავაის სწრაფად ცვალებად ეკოსისტემაში ვეღარ გადარჩნენ.საინტერესოა ამ სახეობის ევოლუციაც. ის მონათესავე მწერებს სულ მცირე 6 მილიონი წლის წინ უნდა გამოყოფოდა, ანუ იმაზე დიდხანს არსებობს, ვიდრე თავად ჰავაის კუნძულები. თავდაპირველად ისინი იმ კუნძულებზე უნდა ყოფილიყვნენ გავრცელებულნი, რომლებიც ეროზიის შედეგად განადგურდა.

თბილისის მერია გზის რეაბილიტაციის გამო მოძრაობის დროებით შეზღუდვის შესახებ ინფორმაციას ავრცელებს.„ზემო ფონიჭალაში ცენტრალური გზის რეაბილიტაცია იწყება, რის გამოც, ტრანსპორტის მოძრაობა შეიზღუდებაკრწანისის რაიონის გამგეობა ზემო ფონიჭალაში კორპუსებს შორის არსებული ცენტრალური გზის სარებილიტაციო სამუშაოებს იწყებს.პროექტის ფარგლებში, გამოიცვლება მიწისქვეშა საკომუნიკაციო ქსელები, მოეწყობა ადაპტირებული საგზაო ინფრასტრუქტურა, განათების სისტემა და გამწვანებული თარგები. აგრეთვე, განახლდება ავტობუსის მოსაცდელები, მანიშნებელი დაფები და საგზაო ნიშნები.სამუშაოების მიმდინარეობისას, რომელიც 28 აპრილიდან დაიწყება და ოთხი თვის განმავლობაში გაგრძელდება, აღნიშნულ ტერიტორიაზე ტრანსპორტის მოძრაობა შეიზღუდება. ამ პერიოდში კერძო ავტომობილები კაპანაძეებისა და ღოღობერიძის ქუჩებზე გადაადგილდებიან.რაც შეეხება საზოგადოებრივ ტრანსპორტს, ავტობუსები N343 და N344 იმოძრავებენ N29 კორპუსამდე, მიკროავტობუსი N409 კი გადაადგილდება მარნეულის ქუჩამდე. საზოგადოებრივი ტრანსპორტი მგზავრებს უკუმიმართულებითაც იმავე მარშრუტით მოემსახურება.თბილისის მერია ბოდიშს გიხდით შექმნილი დისკომფორტის გამო!“ - წერია მერიის ინფორმაციაში.

საქართველოს ისტორიაში პირველად „მოლოტოვის კოქტეილი“ ესროლეს პოლიციელს და ცოცხლად წვავდნენ. არც ერთ დიპლომატს არ დაუგმია ეს ფაქტი, - წერს სოციალურ ქსელში საქართველოს პარლამენტის თავმჯდომარე შალვა პაპუაშვილი.„საქართველოს ისტორიაში პირველად „მოლოტოვის კოქტეილი“ ესროლეს პოლიციელს და ცოცხლად წვავდნენ. არც ერთ დიპლომატს არ დაუგმია ეს ფაქტი, პირიქით, ადამიანი, რომელმაც ეს დანაშაული ჩაიდინა, ლამის გმირად გამოგვიცხადეს“, - წერს პაპუაშვილი.

დონალდ ტრამპის თქმით, პუტინს არ ჰქონდა მიზეზი, ბოლო დღეებში უკრაინის ქალაქები დაებომბა. როგორც თეთრი სახლის ლიდერი აცხადებს, უკრაინაზე რუსეთის ბოლო დროინდელი თავდასხმები აფიქრებინებს, რომ შესაძლოა პუტინს ომის დასრულება არ სურს, რის გამოც რუსეთისთვის საბანკო ან მეორადი სანქციების დაწესება გახდება საჭირო.„პუტინს არ ჰქონდა მიზეზი, ბოლო რამდენიმე დღის განმავლობაში სამოქალაქო პირებისთვის, ქალაქებისა და დაბებისთვის რაკეტები ესროლა. ეს მაფიქრებინებს, რომ შესაძლოა მას არ სურს ომის შეჩერება, უბრალოდ ცრუ იმედს მაძლევს და სხვანაირად უნდა მოვიქცეთ საბანკო თუ მეორადი სანქციების მეშვეობით. ძალიან ბევრი ადამიანი იღუპება!“, - წერს ტრამპი სოციალურ ქსელში.

შესაძლოა, მომავალში კბილები ლაბორატორიულ პირობებში გავზარდოთ. ეს ყველაფერი კი ჩვენივე უჯრედების გამოყენებით.ლონდონის კინგს კოლეჯის მეცნიერებმა ლაბორატორიაში კბილების გაზრდის გზას მიაგნეს, რაც სტომატოლოგიაში გარღვევად შეგვიძლია მივიჩნიოთ.მკვლევრებმა წარმოადგინეს სპეციალიზებული მასალა, რომელიც უჯრედებს ერთმანეთთან კომუნიკაციის საშუალებას აძლევს. ამით ერთი უჯრედი მეორეს კბილის უჯრედად გარდაქმნის სიგნალს უგზავნის.კბილების ადრეული განვითარების ბუნებრივი პირობების იმიტაციით, ეს ინოვაცია მეცნიერებს ახალ შესაძლებლობებს აძლევს. სწორედ ასე, მომავალში, შესაძლოა, კბილები ლაბორატორიაში გავზარდოთ.ბიოინჟინერიით შექმნილმა კბილებმა შეიძლება ჩაანაცვლოს ბჟენები და იმპლანტები, რაც დღევანდელი სტომატოლოგიური პროცედურის უფრო ბუნებრივი და გამძლე ალტერნატივა იქნება.ბჟენი კბილების აღსადგენად იდეალური გადაწყვეტა არ არის, რადგან ის დროთა განმავლობაში ასუსტებს კბილის სტრუქტურას, აქვს შეზღუდული ეფექტი და შეიძლება გამოიწვიოს კარიესის განვითარება.რაც შეეხება იმპლანტებს, ისინი ინვაზიურ ქირურგიულ ჩარევას საჭიროებს და ალვეოლურ ძვალთან სწორ დაკავშირებას.როგორც ბჟენები, ასევე იმპლანტები ხელოვნურია და სრულად არ აღადგენს კბილების ბუნებრივ ფუნქციას. ამან, შესაძლოა, გრძელვადიანი გართულებები გამოიწვიოს."ეს ალტერნატივა ბუნებრივი კბილის ლაბორატორიულ პირობებში გაზრდის საშუალებას იძლევა. ჩვენ ვაიძულეთ უჯრედები გაეგზავნათ ისეთი სიგნალები, რომლებიც კბილის გაზრდისთვისაა საჭირო", — განაცხადა ლონდონის კინგს კოლეჯის სტომატოლოგიის, პირის ღრუსა და კრანიოფაციალური მეცნიერებების ფაკულტეტის წარმომადგენელმა, სიუეჩენ ჟანგმა.მკვლევრების თქმით, აქამდე ეს ვერავინ შეძლო და ეს ისტორიაში პირველი შემთხვევაა, როდესაც კბილი ლაბორატორიულ პირობებში გაზარდეს.სირთულეების დაძლევა ლაბორატორიაში კბილების გაზრდის შემდეგ, მეცნიერები ახლა მათი პაციენტების პირის ღრუში გადატანის გამოწვევის წინაშე დგანან. სიუეჩენის თქმით, გუნდი ამ გამოწვევის დასაძლევად სხვადასხვა მიდგომას იკვლევს."ჩვენ რამდენიმე ვერსიას განვიხილავთ. შეგვიძლია 'ახალგაზრდა' კბილის უჯრედები გადავიტანოთ დაკარგული კბილის ადგილას და მივცეთ მათ პირის ღრუში ზრდის საშუალება. მეორე მხრივ, შეგვიძლია მთელი კბილი ლაბორატორიაში შევქმნათ, სანამ პაციენტის პირის ღრუში მოვათავსებთ. ორივე ვარიანტის შემთხვევაში, კბილის ადრეული განვითარების პროცესი ლაბორატორიაში უნდა დავიწყოთ", — ამბობენ მკვლევრები.ეს კვლევა რეგენერაციული მედიცინის ნაწილია, რომელიც დაზიანებული ქსოვილების აღსადგენად და ჩასანაცვლებლად ორგანიზმის ბიოლოგიის გამოყენებას ცდილობს."დარგის განვითარებასთან ერთად, ასეთ ინოვაციას აქვს პოტენციალი რევოლუცია მოახდინოს სტომატოლოგიაში", — აღნიშნულია კვლევაში.