დონალდ ტრამპი – ისრაელსა და ირანს შორის ცეცხლის შეწყვეტის შესახებ შეთანხმება უკვე ძალაშია, გთხოვთ, არ დაარღვიოთ ის

მსოფლიო ისტორიიდან არ მახსენდება ეპიზოდი, როცა წინასწარ აანონსებდნენ რევოლუციის კონკრეტულ დღეს და იმ დღეს მომხდარიყო, რევოლუცია არის ყოველდღიური პროცესების შედეგი, – ამის შესახებ „გირჩის“ ლიდერმა, იაგო ხვიჩიამ განაცხადა.ხვიჩიას კითხვა დაუსვეს „ნაციონალური მოძრაობის“ წევრის, ლევან ხაბეიშვილის განცხადებაზე, სადაც მან აღნიშნა: „ ივანიშვილს დამხობის გარეშე ვერ დავამარცხებთ, უნდა მოხდეს ეროვნული, სახალხო მობილიზება, ბუნებრივი დედლაინი გვაქვს 4 ოქტომბერს, მანამდე თუ მოხდება, კიდევ უკეთესი“.„ხაბეიშვილის ერთ-ერთი მსგავსი განმარტების მიხედვით, მიშა ახლა უკვე გარეთ უნდა იყოს, ამიტომ მაგაში არ შევალ. რაც შეეხება ოპოზიციასთან კომუნიკაციას, არავინ გამოჩენილა. მგონი, ჯერ ისიც არ არის გადაწყვეტილი, „ლელოს“ და გახარიას გეგმები იცვლება თუ – არა. შესაბამისად, სწორი არ იქნება, ვილაპარაკო მანამდე, ვიდრე ამ ხალხს საკუთარი პოზიცია არ გამოუხატავს. შევხედოთ ვითარებას. საერთოდ ვერ ვხვდები, ეს სიგიჟე რატომ ხდება ქვეყანაში, ვის ინტერესებში შედის. ზოგადად, მსოფლიო ისტორიიდან არ მახსენდება ეპიზოდი, როდესაც წინასწარ აანონსებდნენ, ამ დღეს მოვახდენთ რევოლუციასო და იმ დღეს მომხდარიყო. მგონი, რევოლუცია არის იმ პროცესების შედეგი, რაც ყოველდღიურად უნდა აკეთო და არა ის, რომ შენ ერთ კონკრეტულ დღეს ელოდო და იმ დღეს მოხდეს რევოლუცია. ვერ გეტყვით, მე არაფერ შუაში ვარ ამათთან. ჯერჯერობით ვაკვირდები, რა ხდება ჩვენ გარშემო და ვიდრე სრულ წარმოდგენას არ შევიქმნი, არ მინდა, ვინმეზე ზედმეტი ვთქვა“, – განაცხადა იაგო ხვიჩიამ.რაც შეეხება ოპოზიციის ქმედებებს, საკითხის შეფასებისას იაგო ხვიჩიამ აღნიშნა:„ლელო“ იქნებ, ციხიდან მაინც მიხვდეს და ტელევიზია, რომელიც პრივატიზებული აქვთ, ციხეში ყოფნის პერიოდში მაინც დაუთმონ სხვა ვინმესაც. იქნებ, ვინმემ მათი გათავისუფლების გზები მოიფიქროს, რადგან მათი მოქმედებები აქამდე ყველაფერს ახშობდა, რაც საპროტესტოს წარმოადგენდა ამ ქვეყანაში. არჩევნებში მონაწილეობის მიუხედავად რომ ციხეში აღმოჩნდნენ, სულ მცირე, უნდა დაფიქრდნენ, რომ საკუთარი რესურსები განსხვავებული აზრისთვის ბლოკირებული არ ჰქონდეთ. ვიდრე რამეს მოიფიქრებ, ჯერ ლაპარაკი უნდა დაიწყო. იცით, რომ ამ ქვეყანაში სალაპარაკო სივრცეები ოპოზიციის მხრიდან „ლელოს“ ეკუთვნის და ის დახშულია. ვიდრე დახშულია, ჩავთვლი, რომ ისინი არაფერს აკეთებენ ციხიდან გამოსასვლელად. მგონი, მიშა გამოხატავს ხოლმე პერმანენტულად სოლიდარობას დაჭერილი ხალხის მიმართ და დანარჩენი „ნაცების“ პოზიცია არ ვიცი, რამდენად უნდა ჩავთვალოთ „ნაცმოძრაობის“ პოზიციად“.კიდევ ერთ კითხვას, „შესაძლებელია თუ არა, რომ ხაბეიშვილის პოზიცია „ნაციონალური მოძრაობის“ პოზიციად არ იყოს წარმოჩენილი?“, იაგო ხვიჩიამ უპასუხა:„პირველ რიგში, ეს არის ხაბეიშვილის პოზიცია და შემდეგ „ნაცების“. მოგეხსენებათ მიშა „ნაცების“ სულიერი ლიდერია და ერთმანეთისგან არ განსხვავდება“.

საქართველოს საპატრიარქოს ინფორმაციით, გელათის მთავარი ტაძრის ერთიანი დროებითი გადახურვის სამუშაოები (გუმბათის ჩათვლით) დასკვნით ფაზაში შევიდა.მათივე ცნობით, გერმანელი კონსტრუქტორები მთავარი ტაძრის გუმბათის დროებითი გადახურვის მოწყობის დასკვნით სამუშაოებს აწარმოებენ.„რამდენიმე კვირიანი შეფერხებები, რომელიც მასალის მოწოდებასთან იყო დაკავშირებული, აღმოფხვრილია და ტაძრის ერთიანი დროებითი გადახურვის მოწყობის ურთულესი მასშტაბური სამუშაოები მიმდინარე კვირაში მთლიანად დასრულდება“,-აღნიშნულია ინფორმაციაში.

საქართველოს ეკონომიკისა და მდგრადი განვითარების მინისტრის თანამდებობას მარიამ ქვრივიშვილი დაიკავებს! 

„სტრატეგია აღმაშენებლის“ ლიდერს, გიორგი ვაშაძეს პარლამენტის დროებითი საგამოძიებო კომისიის მოთხოვნის შეუსრულებლობის ფაქტზე თბილისის საქალაქო სასამართლომ შვიდი თვით პატიმრობა შეუფარდა. ასევე მას აეკრძალა ორი წლით თანამდებობის დაკავება.გადაწყვეტილება თბილისის საქალაქო სასამართლოში ცოტა ხნის წინ გამოცხადდა.სასამართლო სხდომას ვაშაძე არ ესწრებოდა.გიორგი ვაშაძე პარლამენტის დროებით საგამოძიებო კომისიაზე 15 აპრილს იყო დაბარებული, თუმცა არ გამოცხადდა. მას ბრალდება სისხლის სამართლის კოდექსის 349-ე მუხლით წარედგინა, რაც „საქართველოს პარლამენტის დროებითი საგამოძიებო კომისიის მოთხოვნის შეუსრულებლობას“ გულისხმობს.თბილისის საქალაქო სასამართლომ ვაშაძეს საგამოძიებო კომისიაზე გამოუცხადებლობის საქმეზე აღკვეთის ღონისძიების სახით 50 000-ლარიანი გირაო 23 აპრილს შეუფარდა, რაც მან კანონით დადგენილ ვადაში გადაიხადა.

ბუნებრივი დედლაინი გვაქვს 4 ოქტომბერი, როცა აპირებენ არჩევნების ჩატარებას, წინააღმდეგობა არის ერთადერთი შესაძლებლობა, ივანიშვილის რეჟიმი იმსახურებს მშვიდობიან დამხობას, – ამის შესახებ „ნაციონალური მოძრაობის“ წევრმა, ლევან ხაბეიშვილმა განაცხადა.ხაბეიშვილის თქმით, „საბოლოო ჯამში, ქართველი ხალხი დაირაზმება ივანიშვილის წინააღმდეგ“.„ბიძინა ივანიშვილი იჭერს ყველას, ვისაც აქვს განსხვავებული პოზიცია. თუ არ ვლაპარაკობთ პეპლებზე, პინგვინებზე, თუ ვისაუბრებ, რომ პენსიებმა მოიმატა, ადამიანებს ხელფასები მოემატათ, ყველაფერი კარგად არის, ეკონომიკა დუღს – რა კარგი კაცია, ეს იყოს თავისუფალიო, მაგრამ როგორც კი ლაპარაკობ გაჭირვებაზე, სიდუხჭირეზე, რუსულ რეჟიმზე და იმაზე, რომ არალეგიტიმურ ხელისუფლებას ჩვენი ქვეყანა მიჰყავს რუსეთისკენ, მაშინ აუცილებლად უნდა დაგაპატიმრონ. მას ასე წარმოუდგენია. პირდაპირ გეტყვით, არ მომწონს ყოველდღიურად თავდაცვის რეჟიმში ყოფნა, ველოდებით, ვის როდის დააკავებენ. ჩემი აზრია, რომ ქართველ ხალხს სრული უფლება აქვს, თავი კი არ დავიცვათ, არამედ ბიძინა ივანიშვილს გამოვგლიჯოთ ხელისუფლება, მათ შორის ყველა იმ ხერხით, რომელიც დასაშვებია კონსტიტუციით. კონსტიტუციაში წერია, რომ ხელისუფლების წყარო არის ხალხი და ეს ქვეყანა  ეკუთვნის ქართველ ხალხს. ამიტომ, ვფიქრობ, იქით არის შესატევი, იქით უნდა ვიყოთ თავდასხმის რეჟიმში და იქით უნდა იყვნენ თავდაცვის რეჟიმში. გულწრფელად ვფიქრობ ასე. ეჭვი მაქვს, საბოლოო ჯამში, ამის მობილიზებას შევძლებთ, ქართველი ხალხი დაირაზმება ივანიშვილის წინააღმდეგ. მე თუ მკითხავთ, დღესაც მინდა. მეტსაც გეტყვით, 2012 წელს რომ მოვიდა რუსული ხელისუფლება და რუსეთის აგენტები – ჩახალიანები და შკრილნიკოვები გამოუშვა, მაშინვე ცხადი იყო ჩემთვის. სხვათა შორის, გავრილოვი მარტო 2019 წელს კი არა, 2013 თუ 2014 წელი იყო, დაასეირნებდნენ დედაქალაქის ქუჩებში და მაშინვე ვაპროტესტებდი. ჩემთვის ეს ხელისუფლება რუსული იყო თავიდანვე. ახლა მთელი მსოფლიო აღიარებს, ამას ხომ ვხედავთ. მათ არავინ ართმევს ხელს, ყველა აღიარებს, რომ რუსული ხელისუფლებაა. ბუნებრივი დედლაინი გვაქვს 4 ოქტომბერი, როცა ისინი აპირებენ არჩევნების ჩატარებას. ჩვენ არ უნდა მივცეთ შესაძლებლობა, მათ თქვან, რომ არჩევნებს ვატარებთო. როგორ უნდა ჩაატარონ არჩევნები, ყველა პარტიის თავმჯდომარე და ლიდერი ციხეში ჰყავთ. „ახალის“ თავმჯდომარეები ერთი, მეორე ციხეში, „გირჩის“ თავმჯდომარე ციხეში, „სტრატეგია აღმაშენებლის“ თავმჯდომარეს ციხეში უშვებენ, ირაკლი ოქრუაშვილი ციხეში, „ლელოს“ თავმჯდომარეები და ხელმძღვანელები ციხეში. „ნაციონალური მოძრაობის“ დამფუძნებელი და ფაქტობრივი ხელმძღვანელი, მიხეილ სააკაშვილი ციხეში. გავიგე, რომ სოზარ სუბარია გარეთ და ალბათ ფიქრობენ, მას მიაღებინებენ მონაწილეობას. ამიტომ, უნდა გვესმოდეს, რომ წინააღმდეგობა არის ერთადერთი შესაძლებლობა, ბიძინა ივანიშვილი ამ დღეში არ გვამყოფებდეს ჟურნალისტებს, სამოქალაქო აქტივისტებს და პოლიტიკურ ოპონენტებს. მე თუ მკითხავთ, ამ ხელისუფლებას არჩევნები, დემოკრატია გაუქმებული აქვს. ამიტომ, ბიძინა ივანიშვილის რეჟიმი მშვიდობიან დამხობას იმსახურებს“, – განაცხადა ლევან ხაბეიშვილმა.