ოთხშაბათი, თებერვალი 5, 2025

დედამ შვილს ჭიპლარი პლაცენტიდან 5 დღე არ მოაჭრა და აი რა მოხდა

წარმოიდგინეთ, რომ მაგიდასთან ზიხართ მუღლესთან, 4 წლის გოგონასთან და ახალშობილთან ერთად და მხარზე გაქვთ ჩანთა, რომელშიც მისი პლაცენტაა. სწორედ ასე გააკეთა კლარა რიბამ _ ნოვატორმა დედამ კვინსლენდიდან.
მეორე შვილის დაბადებისას ავსტრალიელმა ქალბატონმა გადაწყვიტა ჭიპლარი არ გადაეჭრა პლაცენტაზე და სახლში ჰქონოდა. ასეთ მშობიარობას ლოტოსისებური ეწოდება და სულ უფრო და უფრო მეტ პოულარობას იძენს.

მთელ ოჯახს 5 დღე ეძინა ახალშობილ ლუკტან და მის პლაცენტასთან ერთად. 5 დღის შემდეგ ის თავისით, ბუნებრივად მოძვრა . „ მე სახლში ვიმშობიარე, ამიტომ მსურდა, რომ მშობიარობის ხელუხლებელი ბუნება კვლავ გაგრძელებულიყო. მე ყოველთვის ვგრძნობდი, რომ ეს უნდა გამეკეთებია რაც შეიძლება ფრთხილად, ყველაფერი ბუნებრივად და ჩარევის გარეშე“, _აგვიხსნა კლარამ. ლოტოსისებურ მშობიარობას ( ჭიპლარის გადაჭრის გარეშე) მრავალი უპირატესობა გააჩნია: ბევრი თვლის რომ ეს სასარგებლოა ბავშვის ჯანმრთელობისთვის, ასევე – დედას და შვილს შორის კავშირისთვის.
როგორც წესი პლაცენტა ხმება და ძვრება 5 – 9 დღის განმავლობაში. „ მე მსურდა პატივი მიმეგო პლაცენტისთვის, იმიტომ რომ მან ძალიან ბევრი რამ გააკეტა ბავშვისთვის“, _თქვა კლარამ. მაგარამ რეალობა, ცოტა განსხვავდებოდა მოლოდინისგან.
ლუკი დაიბადა ავსტრალიის ყველაზე ცხელ პერიოდში და პლაცენტა მალევე აყროლდა. მშობლები აფრქვევდნენ სურნელოვან ბალახებს, ფუთავდნენ ტანსაცმლის პაკეტებში, მაგრამ მაინც ოცნებობდნენ ჭიპლარის მოჭრაზე…
მიუხედავად ამისა, ოჯახმა მოითმინა 5 დღე, რის შემდეგაც დიდი ხანი ანიავებდნენ სახლს და ირეცხავდნენ საზიზღარ სუნს.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 557 13 16 73

მოსამართლემ გიგი უგულავას და კიდევ 7 დაკავებულს გირაო შეუფარდა

თბილისის საქალაქო სასამართლოს  მოსამართლე დავით კურტანიძემ სტრატეგიული ან განსაკუთრებული მნიშვნელობის ობიექტის ჯგუფურად ბლოკირების მცდელობის ბრალდებით 8 დაკავებული პირს აღკვეთის ღონისძიების შეფარდებაზე იმსჯელა.. დაკავებულებს შორის იყო თბილისის ყოფილი მერი გიგი უგულავა.  მოსამართლემ დაკავებულებს გირაო შეუფარდა. გიგი უგულავას, დიმიტრი ბიძინაშვილს, ირაკლი ტაბატაძეს, ირაკლი წიგნაძეს, ალექსანდრე გოგოლაძეს 5 000-ლარიანი გირაო შეეფარდათ, ნიკოლოზ ქუმსიშვილს 4000-ლარიანი, ვასილ ელიავას, ნიკოლოზ კუტუბიძეს 3 500-ლარიანი. დაკავებულები გირაოს გადახდის შემდეგ წინასწარი დაკავების იზოლატორს დატოვებენ. შეგახსენებთ, შსს-მ 4 თებერვალს გაავრცელა განცხადება, სადაც ნათქვამია: "გამოძიებით დადგინდა, რომ ბრალდებულები, მიმდინარე წლის 2 თებერვალს, თბილისში, აღმაშენებლის ხეივნის ტერიტორიაზე გამართული აქციისას, სამართალდამცველების არაერთგზის მოწოდების მიუხედავად, ჯგუფურად, უკანონოდ შეეცადნენ საერთაშორისო მნიშვნელობის საავტომობილო გზის ბლოკირებას. აღსანიშნავია, რომ „სტრატეგიული ან/და განსაკუთრებული მნიშვნელობის ობიექტების ნუსხის დამტკიცების შესახებ“ საქართველოს მთავრობის 2024 წლის 23 ოქტომბრის №361 დადგენილების თანახმად, საერთაშორისო მნიშვნელობის საავტომობილო გზები წარმოადგენს სტრატეგიული ან/და განსაკუთრებული მნიშვნელობის ობიექტს. ასევე, საქართველოს მთავრობის მიერ 2014 წლის 18 ივნისს მიღებული №407-ე დადგენილების თანახმად, საერთაშორისო მნიშვნელობის გზების ნუსხაშია შესული თბილისი-სენაკი-ლესელიძის საავტომობილო გზა, ხოლო აღნიშნულ მონაკვეთს სრულად მიეკუთვნება აღმაშენებლის ხეივანი. როგორც საზოგადოებისთვის ცნობილია, აქციის მონაწილეებმა მიმდინარე წლის 2 თებერვალს, დღის მეორე ნახევარში დაიწყეს შეკრება და მოგვიანებით, მსვლელობით თბილისის გასასვლელის მიმართულებით გადაინაცვლეს. შეკრების ადგილებზე საზოგადოებრივი უსაფრთხოებისა და მართლწესრიგის დაცვის მიზნით იმყოფებოდნენ შინაგან საქმეთა სამინისტროს სხვადასხვა დანაყოფის თანამშრომლები, რომლებიც მუდმივ კომუნიკაციაში იყვნენ აქციის ორგანიზატორებსა და წევრებთან. მიუხედავად შინაგან საქმეთა სამინისტროს მიერ გავრცელებული გამაფრთხილებელი განცხადებებისა და ადგილზე მყოფი სამართალდამცველების მხრიდან გაკეთებული არაერთი მოწოდებისა, რომ აქციის წევრებს არ მოეხდინათ საერთაშორისო მნიშვნელობის საავტომობილო გზის ბლოკირება , შეკრების დაწყებიდან მალევე აქციის მონაწილეთა ნაწილი, არ დაემორჩილა პოლიციის კანონიერ მოთხოვნას, გადავიდა გზის სავალ ნაწილზე და შეეცადა საავტომობილო გზის ბლოკირებას. სისხლის სამართლის კოდექსის 19-222-ე მუხლით გათვალისწინებული დანაშაულის ჩადენისთვის, რაც სტრატეგიული ან განსაკუთრებული მნიშვნელობის ობიექტის ჯგუფურად ბლოკირების მცდელობას გულისხმობს, დაკავებულია 8 პირი. საავტომობილო გზის ბლოკირებაში მონაწილე სხვა პირების დადგენისა და პასუხისგებაში მიცემის მიზნით, სისხლის სამართლის საქმეზე გამოძიება გრძელდება."

სახალხო დამცველი განცხადებას ავრცელებს

სახალხო დამცველმა დაინიციირებულ საკანონმდებლო ცვლილებებთან დაკავშირებით ეუთო/ოდირს მიმართა,- ამის შესახებ ომბუდსმენის განცხადებაშია აღნიშნული. სახალხო დამცველი მიმართვის მიზეზს განმარტავს. „დღეს, 5 თებერვალს სახალხო დამცველმა მიმართა ეუთო/ოდირს და სთხოვა სამართლებრივი დასკვნის მომზადება იმ კანონპროექტებთან დაკავშირებით, რომელიც მიმდინარე კვირას დაინიცირდა საქართველოს პარლამენტში. წარმოდგენილი ინიციატივა დაჩქარებულად განიხილება და მიზნად ისახავს ცვლილებების შეტანას ადმინისტრაციულ სამართალდარღვევათა კოდექსში, „შეკრებებისა და მანიფესტაციების შესახებ“ საქართველოს კანონში და სისხლის სამართლის კოდექსში. მითითებულ საკანონმდებლო პაკეტთან დაკავშირებით, სახალხო დამცველის მოწოდების მიუხედავად, პარლამენტი კვლავ დაჩქარებული წესით განიხილავს კანონპროექტს, რაც არ იძლევა მასში სრულფასოვანი მონაწილეობის და ჩართვის შესაძლებლობას. საქართველოს სახალხო დამცველი მოუწოდებს საქართველოს პარლამენტს, ეუთო/ოდირის დასკვნის გამოქვეყნებამდე, არ მისცეს კანონპროექტს შემდგომი მსვლელობა და იმედს გამოთქვამს, რომ ეუთო/ოდირის დასკვნა წარმოდგენილ კანონპროექტებთან დაკავშირებით, სრულად იქნება მხედველობაში მიღებული. ამასთან, მიღებული იქნება ყველა ზომა ადამიანის უფლებებზე ნეგატიური ეფექტების აღმოსაფხვრელად“, - ნათქვამია განცხადებაში.

ახალგაზრდა, რომელსაც ოთხი დღე ეძებდნენ, გარდაცვლილი იპოვეს

ოთხდღიანი ძებნის შემდეგ, ასპინძის სოფელ ხიზაბავრაში მცხოვრები, 27 წლის სანდრო შემაზაშვილი, დღეს საღამოს გარდაცვლილი იპოვეს. ინფორმაციას ახალციხის ტელეკომპანია „მეცხრე არხი“ ავრცელებს. ახლობლების ინფორმაციით, სანდრო შემაზაშვილი ახალციხის მუნიციპალიტეტში, სოფელ კლდის მიმდებარე ტერიტორიაზე ნახეს. სანდრო შემაზაშვილი, სახლიდან პირველ თებერვალს, გვიან ღამით გავიდა. მას ოჯახი და სამართალდამცველები ქვეყნის მასშტაბით, ოთხი დღის განმავლობაში ეძებდნენ. შინაგან საქმეთა სამინისტრომ საქმეზე ძიება სსკ-ს 143-ე მუხლით დაიწყო, რაც თავისუფლების უკანონო აღკვეთას გულისხმობს.

თოვისა და ლიპყინულის გამო, მოძრაობა აკრძალულია – გზების დეპარტამენტი მძღოლებს აფრთხილებს

საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, თოვისა და ლიპყინულის გამო, საერთაშორისო მნიშვნელობის მცხეთა–სტეფანწმინდა–ლარსის  საავტომობილო გზის გუდაური(ფოსტა)-კობის მონაკვეთზე დროებით იზღუდება მისაბმელიანი და ნახევრად მისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია. გარემოს ეროვნული სააგენტოს ცნობით, გუდაური(ფოსტა)–კობის და სტეფანწმინდა-ლარსის მონაკვეთებზე ავტოტრანსპორტის მოძრაობა განხორციელდება გაუჩერებლად გავლის რეჟიმში. გუდაური(ფოსტა)–კობის მონაკვეთზე, ავტოტრანსპორტის მოძრაობა დასაშვებია პირველი, მესამე, მეოთხე და მეხუთე ზვავდამცავი გვირაბის შემოვლით გზაზე. ხოლო, მეორე გვირაბის შემოვლით გზაზე აკრძალულია. გუდაური(ფოსტა)–კობის მონაკვეთზე, მეორე გვირაბში მისაბმელიანი და ნახევრად მისაბმელიანი ავტოტრანსპორტის მოძრაობა განხორციელდება ცალმხრივად.

ყაზახეთი მნიშვნელოვანი სავაჭრო-ეკონომიკური პარტნიორია საქართველოსთვის, შესაბამისად, პრემიერის ვიზიტის ფარგლებში, ჩვენ მოლოდინი გვაქვს, რომ ქვეყნებს შორის ეს ეკონომიკური ურთიერთობები კიდევ უფრო გაღრმავდება

ყაზახეთი მნიშვნელოვანი სავაჭრო-ეკონომიკური პარტნიორია საქართველოსთვის, შესაბამისად, პრემიერის ვიზიტის ფარგლებში, ჩვენ მოლოდინი გვაქვს, რომ ქვეყნებს შორის ეს ეკონომიკური ურთიერთობები კიდევ უფრო გაღრმავდება , – ამის შესახებ ეკონომიკისა და მდგრადი განვითარების მინისტრმა ლევან დავითაშვილმა პრემიერ-მინისტრ ირაკლი კობახიძის ყაზახეთში ვიზიტთან დაკავშირებით განაცხადა. მისი თქმით, 2024 წელს სავაჭრო ბრუნვა ორ ქვეყანას შორის 922 მლნ დოლარს შეადგენდა, შესაბამისად, მზარდია საქართველოდან ექსპორტი და რეექსპორტი და ყაზახეთთან ურთიერთობა ამ კუთხითაც მნიშვნელოვანია. „ყაზახეთი ერთ-ერთი მნიშვნელოვანი სავაჭრო-ეკონომიკური პარტნიორია საქართველოსთვის, შესაბამისად, ამ ვიზიტის ფარგლებში, ჩვენ მოლოდინი გვაქვს, რომ ეს ეკონომიკური ურთიერთობები კიდევ უფრო გაღრმავდება ქვეყნებს შორის, გვექნება ასევე ხელმოწერა ინტელექტუალური საკუთრების დაცვის შესახებ ხელშეკრულების, რაც მნიშვნელოვანია, რომ განვაახლოთ. 1997 წლიდან ჩვენ არ გაგვიახლებია ამ მიმართულებით ურთიერთთანამშრომლობის ფორმალური ფორმატი, რაც ძალიან მნიშვნელოვანია, იმ დინამიური რეალობის გათვალისწინებით, რომელიც თანამედროვე სამყაროში ამ მიმართულებით არსებობს. ასევე, უნდა აღინიშნოს, რომ 2024 წელს სავაჭრო ბრუნვა ორ ქვეყანას შორის 922 მლნ დოლარს შეადგენდა. მზარდია საქართველოდან ექსპორტი და რეექსპორტი, ასე, რომ ყაზახეთთან ურთიერთობა ჩვენთვის ამ კუთხითაც ძალიან მნიშვნელოვანია. ყაზახეთი არის ასევე ჩვენს ქვეყანაში ინვესტიციების ერთ-ერთი მნიშვნელოვანი წყარო. 2024 წელს გაიზარდა პირდაპირი უცხოური ინვესტიციები ყაზახეთიდან. ჩვენ მომავალში ველოდებით ამ ინვესტიციების ზრდას, როგორც მიმდინარე წელს, ასევე განსაკუთრებით უკვე 2026 წლიდან. რამდენიმე მნიშვნელოვანი საინვესტიციო პროექტი განიხილება, განსაკუთრებით, ენერგეტიკის სფეროში. ასევ ჩვენ გვექნება საუბარი ტრანსპორტის სფეროში თანამშრომლობაზე. ტრანსპორტი ერთ-ერთი მიმართულებაა, სადაც მჭიდეო თანამშრომლობა აქვს ორ ქვეყანას, განსაკუთრებით, სარკინიგზო გადაზიდვების მიმართულებით. 2024 წელი აქაც გამორჩეული იყო, იმიტომ, რომ პირველი მულტიმოდალური მატარებლები ყაზახეთის გავლით ჩინეთიდან დაიძრა საქართველოს მიმართულებით. შუა დერეფნის როლი ბოლო წლებში კიდევ უფრო იზრდება. ამ კუთხით, ჩვენ თანამშრომლობის ახალ ეტაპზე გადავდივართ. შევქმენით ერთობლივი საწარმო ყაზახეთის, საქართველოს და აზერბაიჯანის რკინიგზების მიერ და ეს გაამარტივებს სატვირთო გადაზიდვებს. ასევე ტურიზმი უნდა აღინიშნოს, ყაზახეთი მეექვსე ადგილზეა, როგორც მნიშვნელოვანი ტურისტული პარტნიორი ქვეყანა. 200 000-მდე ტურისტი ეწვია საქართველოს ყაზახეთიდან და მე იმედი მაქვს, რომ ეს ტენდენცია გაგრძელდება“, – განაცხადა ლევან დავითაშვილმა.

ბოლო სიახლეები