პარასკევი, იანვარი 3, 2025

დავით ჩერქეზიშვილი – ტყიბულში უნდა შევქმნათ სამაგალითო ადმინისტრირება, როგორ უნდა ვემსახუროთ ხალხს

ტყიბულში უნდა შევქმნათ სამაგალითო ადმინისტრირება, როგორ უნდა ვემსახუროთ ხალხს, როგორი უნდა იყოს  მართვის პროცესი. ის დიდი მხარდაჭერა, რომელიც ხელისუფლებიგან გვაქვს, უნდა იყოს სწრაფად რეალიზებული, ამასთან ერთად, მივიღოთ სწრაფი განვითარება. ტყიბული იმსახურებს პროგრესს და მიიღებს პროგრესს – განაცხადა „ქართული ოცნების“ ტყიბულის მერობის კანდიდატმა დავით ჩერქეზიშვილმა წარდგენაზე.

მერობის კანდიდატმა მადლობა გადაუხადა „ქართულ ოცნებას“ გამოცხადებული ნდობისთვის, რომ  მიეცა შესაძლებლობა ემსახუროს ქალაქს, რომლის განვითარება უმნიშვნელოვანესია.

„გამოცხადებულ ნდობაზე მნიშვნელოვანი, ნდობის  გამართლებაა. მით უფრო მაშინ, როდესაც ჩვენ ვსაუბრობთ ქალაქზე, რომელიც ჩემთვის ძვირფასია. თაობები, რომლებიც ქმნიდნენ ჩვენი ქალაქის ჭეშმარიტ სახეს, იყვნენ დიდი გულების,  მაღალი შეგნების და ძალიან დაფასებული ადამიანები. ამ დიდი თაობის წარმომადგენლები დღესაც დააბიჯებენ ჩვენს ქალაქში, რამდენიმე მათგანი ესწრება ღონისძიებას. მინდა თქვენთან ერთად პატივი ვცეთ და მივესალმოთ მათ. პრემიერი ბრძანდებოდა ჩვენს შეხვედრამდე მეშახტეებთან, ორიოდე დღის წინ  მეშახტის დღე იყო, მინდა შევუერთდე მილოცვებს და თქვენთან ერთად მივულოცო ჩვენს მეშახტეებს, ვუსურვო კეთილი, ბედნიერი, უსაფრთხო მომავალი.

ტყიბულის ქვანახშირის საბადო, ისტორიულად ერთ-ერთი უძველესია მსოფლიოში. დღეს ის  176-ე წელს ითვლის. ჩემი ოჯახი ტყიბულის დაარსებიდან ამ ქალაქის მკვიდრია და შესაბამისად, ჩემთვის ეს  ფასეულობა უზარმაზარია.  ხალხი, რომელიც  ჩემთან ერთად  ცხოვრობდა, ცხოვრობს, ჩემს მშობლებთან, ოჯახის წევრებთან, წინაპრებთან, აწ უკვე ჩემს შვილებთან ერთად, დიდი ერთობის მაგალითია და თუ  გამოჩნდა საჭიროება, რომ უნდა დავბრუნებულიყავი ჩემს მშობლიურ ქალაქში, დედულეთში, აქ ამ ვალდებულების წინაშე ვდგევარ. ხელისუფლებისთვის პრიორიტეტია, ტყიბული იყოს რაც შეიძლება სწრაფად განვითარებული და ჩვენი ამოცანაა, ამ მხარდაჭერის ეფექტიანი რეალიზება. ტყიბულს ელოდება სწრაფი განვითარება ყველა მიმართულებით, ეს არის ჯანდაცვა,  კულტურა, განათლება, ტურიზმი, რომელიც  ერთ-ერთი მთავარი პრიორიტეტია. ჩვენი ვალია, გამოვიყენოთ შესაძლებლობა რომელიც გვაქვს, ხელისუფლების მხარდაჭერა და თანადგომა, აუცილებლად უნდა მივიდეთ არჩევნებზე და შემოვხაზოთ 41, ნიშნად იმისა, რომ ჩვენ უარს ვამბობთ გულგატეხილობაზე,  უიმედობაზე, ვირჩევთ პროგრესს, განვითარებასს და ერთობას“ – განაცხადა დავით ჩერქეზიშვილმა.

მერობის კანდიდატმა ტყიბულის მუნიციპალიტეტის მაჟორიტარი კანდიდატების წარადგინა. ესენი არიან:  ირაკლი აბესაძე, რომან მაწკეპლაძე, ზვიად კუბლაშვილი, იზოლდა ნემსაძე, გიორგი ნანიკაშვილი, გრიგოლ ჩიხლაძე, მანუჩარ გოტიაშვილი, გიორგი ავალიანი, როლანდ არსენაშვილი.

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 557 13 16 73

ფოტო/ვიდეო: „გილოცავთ ახალ წელს“ – ნანუკა გუდავაძე ოჯახურ კადრებს გვიზიარებს

ბერა ივანიშვილის მეუღლე ნანუკა გუდავაძე სოციალურ ქსელში ოჯახურ კადრებს გვიზიარებს და ახალ წელს გვილოცავს. „გილოცავთ ახალ წელს“, – წერს ნანუკა.  

„საქართველოს გაუმარჯოს!“ – ილია თოფურია და მისი ოჯახი 2025 წელს გვილოცავენ

UFC-ის ქართველი ჩემპიონის ილია თოფურიას მეუღლე „ინსტაგრამზე“ გვიზიარებს კადრებს, თუ როგორ აღნიშნა ოჯახმა ახალი 2025 წლის მოსვლა. როგორც გავრცელებული კადრებიდან ირკვევა, ოჯახმა დრო ბედნიერად გაატარა.

ირაკლი ჩიქოვანმა 2025 წლის დადგომა სამხედრო მოსამსახურეებთან ერთად აღნიშნა

საქართველოს თავდაცვის მინისტრმა ახალი 2025 წლის დადგომა სამხედრო მოსამსახურეებთან ერთად აღნიშნა. საქართველოს თავდაცვის სამინისტროს ინფორმაციით, ირაკლი ჩიქოვანი ახალ წელს სენაკში, მე-2 ქვეით ბრიგადაში საქართველოს თავდაცვის ძალების მეთაურთან, გენერალ-მაიორ გიორგი მათიაშვილთან და დასავლეთის სარდალთან, ბრიგადის გენერალ კობა გრიგოლიასთან ერთად იმყოფებოდა. მათ პირად შემადგენლობას და ბრიგადის მეთაურს, პოლკოვნიკ ირაკლი კალანდაძეს ახალი წელი მიულოცეს და სამხედროებს ქვეყნისთვის გაწეული სამსახურისთვის მადლობა გადაუხადეს. უწყების ცნობით, თავდაცვის მინისტრმა და თავდაცვის ძალების მეთაურმა თავდაცვის ძალების ყველა ქვედანაყოფის პირად შემადგენლობას ახალი წელი ვიდეოკონფერენციის საშუალებით სენაკის მე-2 ქვეითი ბრიგადიდან მიულოცეს. ირაკლი ჩიქოვანმა სამხედროებს გაწეული სამსახურისთვის მადლობა გადაუხადა და მათ მშვიდობა, ჯანმრთელობა, კეთილდღეობა და ქვეყნის სამსახურში წარმატებები უსურვა.

თიკა ალავიძე და ზაზა ფაჩულია 2025 წლის დადგომას გვილოცავენ – ფოტოები

 კალათბურთელ ზაზა ფაჩულიას მეუღლე თიკა ალავიძე ფაჩულია სოციალურ ქსელში საოჯახო ფოტოებს გვიზიარებს და ახალი, 2025 წლის დადგომას გვილოცავს. გამოქვეყნებულმა ფოტოებმა დიდ მოწონება, თიკამ და მისმა ოჯახმა კი უამრავი მილოცვა მიიღეს.

ნახეთ, გიორგი ძოწენიძის და მია მაჩაბლის საახალწლო ფოტოსესია

მომღერალი გიორგი ძოწენიძე მეუღლესთან, მია მაჩაბელთან და შვილებთან ერთად გადაღებულ საახალწლო კადრებს გვიზიარებს და ახალი 2025 წლის დადგომას გვილოცავს. გამოქვეყნებულმა კადრებმა უამრავი მოწონება და გულთბილი კომენტარები დაიმსახურა.

ბოლო სიახლეები