გურამ მაჭარაშვილი – ქართული პოლიტიკიდან „ნაცმოძრაობის“ ჩამოშორების შემდეგ ჯანსაღი ოპოზიციური ძალებით შეივსება ველი, ვინ იქნება ოპოზიციაში, ამას ქართველი ხალხი გადაწყვეტს

თბილისის საქალაქო სასამართლომ „კოალიცია ცვლილებისთვის“ ერთ-ერთი ლიდერი, ნიკა მელია ადმინისტრაციულ სამართალდამრღვევად ცნო და 5 000 ლარის ოდენობის ჯარიმა დააკისრა.დღევანდელ პროცესზე ლისის ტბის მიმდებარედ ნიკა მელიას ადმინისტრაციული წესით დაკავების საქმე განიხილეს.სხდომაზე შინაგან საქმეთა სამინისტრომ მოწმედ ორი პოლიციელი წარმოადგინა, რომლებმაც აღნიშნეს, რომ პოლიციელებს ნიკა მელიამ შეურაცხყოფა მიაყენა, რასაც ნიკა მელია არ ეთანხმება.მელიამ პროცესზე ასევე აღნიშნა, რომ მისი დაკავების ღონისძიებაში 50-მდე პოლიციელი მონაწილეობდა, რასაც სასამართლო სხდომაზე მოწმის სტატუსით გამოცხადებული პოლიციელები არ დაეთანხმნენ. როგორც მათ აღნიშნეს, ნიკა მელიას დაკავებაში სამი პოლიციელი მონაწილეობდა.ნიკა მელია მაისში დააკავეს. შინაგან საქმეთა სამინისტროს ინფორმაციით, პოლიტიკოსი დაკავებული იყო საქართველოს ადმინისტრაციულ სამართალდარღვევათა კოდექსის 173-ე მუხლის საფუძველზე, რაც სამართალდამცავი ორგანოს თანამშრომლის სიტყვიერ შეურაცხყოფას ან სხვაგვარი შეურაცხმყოფელი ქმედების განხორციელებას გულისხმობს.

თბილისში, აღმაშენებლის გამზირზე საცხოვრებელ სახლში ხანძარია. როგორც "რუსთავი 2-ს" საგანგებო სიტუაციების მართვის სამსახურში განუცხადეს, მიმდინარეობს ხანძრის ქრობის პროცესი.როგორც უწყებაში განმარტეს, ამ დროისთვის დაშავებულებთან დაკავშირებით ინფორმაცია არ მიუღიათ. 

ფინანსთა მინისტრი ლაშა ხუციშვილი ევროპის საინვესტიციო ბანკის რეგიონულ წარმომადგენელს სამხრეთ კავკასიაში, სტელა რენიტას შეხვდა. ინფორმაციას ფინანსთა სამინისტრო ავრცელებს.უწყების ცნობით, გაცნობითი ხასიათის შეხვედრაზე მხარეებმა მიმოიხილეს EIB-ს დაფინანსებით  მიმდინარე პროექტები.„ფინანსთა მინისტრმა სტუმარს გააცნო ქვეყანაში არსებული მაკროეკონომიკური მდგომარეობა და საშუალოვადიანი პროგნოზები, ასევე არსებული და მომავალი საინვესტიციო პროექტები.შეხვედრას დაესწრნენ ფინანსთა მინისტრის მოადგილე ეკატერინე გუნცაძე და ევროპის საინვესტიციო ბანკის კონსულტანტი საჯარო სექტორის მიმართულებით ნატა პეიტრიშვილი“, – აღნიშნულია ფინანსთა სამინისტროს ინფორმაციაში.

წარუმატებლობის მთავარ მიზეზად განიხილება ის, რომ მილიონ 200 ათასმა ადამიანმა მხარი დაუჭირა „ქართულ ოცნებას“, რომელიც ქვეყნის განვითარებას უზრუნველყოფს და იცავს ნგრევისგან, რასაც ოპონენტები გვთავაზობენ, – ამის შესახებ საქართველოს პარლამენტის პირველმა ვიცე-სპიკერმა გია ვოლსკიმ განაცხადა.ვოლსკის თქმით, უნდათ, საზოგადოება გაღიზიანების იმ დონემდე მიიყვანონ, რომ „ქართული ოცნების” ხელისუფლებას მხარი აღარ დაუჭიროს და ნგრევა იყოს, მათ შორის ეკონომიკის მიმართულებით.„ამ მიზნის მისაღწევად რუსეთისთვის სანქციების დაწესებას ითხოვდნენ, ლარის კურსს უტევდნენ. მათი აზრით, შანტაჟის დიდი რესურსი ის არის, რომ ქართულ საზოგადოებას სასჯელი მთლიანად გამოუტანონ და უთხრან, რომ ვინაიდან მხარს „ქართულ ოცნებას“ უჭერთ, თავისუფალი მიმოსვლის ღირსი არ ხართო. ერთმა ჟურნალისტმა თქვა, პოლონეთში საზღვარზე რომ ვთქვი, მხარს „ქართულ ოცნებას“ არ ვუჭერო, ამ პირობით შემიშვესო. ეს სისულელე და ტყუილია, მაგრამ ეს მიმართულება მუშავდება და საკმაოდ დიდ სივრცეშია ეს პროპაგანდა და ტრენდი გავრცელებული. მთავარი სამიზნე არის ახალგაზრდები, მაგრამ მეორეა ის, ვინც სექტანტის აღტკინებით „ნაცმოძრაობას“ ემსახურება. ამ რეალობასაც დავძლევთ, რადგან უსამართლობის ეს ხარისხი იმ პრინციპებსა და წითელ ხაზებზე გადაბიჯებაა, რაც ევროპას უნდა ახასიათებდეს“, – განაცხადა გია ვოლსკიმ.

ქვეყანაში არალეგიტიმური ხელისუფლება როდესაც არის და პოლიტიკური პატიმრები არიან, იქ რადიკალური პროტესტი აუცილებელია. შიმშილობას თუ დაემატება სოლიდარობა შიმშილობისადმი, მივალთ დასკვნამდე, რომ 24-საათიანი პროტესტი ჩვენი გამოსავალია, – ამის შესახებ „კოალიცია ცვლილებისთვის“ წევრმა, გედევან ფოფხაძემ „პალიტრანიუსის“ ეთერში განაცხადა.მისივე თქმით, ეს ვიღაცამ, შესაძლოა, გააკეთოს მორიგეობის სახით.„ჩემი გადაწყვეტილება არ არის, ივანიშვილის გადაწყვეტილებაა, რომ ვშიმშილობ. ყველამ, ვინც გაითავისა, რომ ეს პროტესტი სწორი ფორმაა, შემოუერთდა აქციას და ერთად ვართ, კარგად ხვდება, რომ ჩვენთვის ეს არ არის უბრალოდ ცუდი პროცესი, რომელიც უნდა გაპროტესტდეს. ეს არის ეგზისტენციალური მნიშვნელობის პრობლემა, რაც ივანიშვილის რეჟიმმა საქართველოში შექმნა. ჩვენი ქვეყნის იზოლაცია დაიწყეს, გადაწყვიტეს, ხელისუფლების შენარჩუნებისთვის ყველაფერი წაშალონ, დიქტატურა გააფორმონ. უკვე არაადეკვატურია, ასეთ მოცემულობას დაუპირისპირდე აკადემიური პროტესტის ფორმებით. ქვეყანაში არალეგიტიმური ხელისუფლება როდესაც არის და პოლიტიკური პატიმრები არიან, იქ რადიკალური პროტესტი აუცილებელია. შიმშილობას თუ დაემატება სოლიდარობა შიმშილობისადმი, მივალთ დასკვნამდე, რომ 24-საათიანი პროტესტი ჩვენი გამოსავალია, მივხვდებით, რომ აქ უნდა იყოს საპროტესტო მუხტი 24 საათი.ჩვენ გვაქვს პროტესტი, რომელიც გარკვეულ შეზღუდვებთან არის დაკავშირებული. ჩვენ გამოვედით კომფორტის ზონიდან და 24 საათი აქ ვართ. აქ რომ იქნება 24-საათიანი საპროტესტო ჯგუფი, მას დასჭირდება კარვები და ამ პროტესტის თანმდევი კარვები იქნება. თუ აქ მოშიმშილეთა ჯგუფია, არაბუნებრივია, რომ არ არის მოშიმშილეთა სოლიდარობის ჯგუფი. 24-საათიან რეჟიმში დაგვჭირდება მეგობრების, თანამოაზრეების თანადგომა. ჩვენ მალე ერთმანეთს ვეღარ მოვუვლით. ამ პროტესტით ყველა უნდა დავარწმუნოთ, რომ 24-საათიან პროტესტს ალტერნატივა არ აქვს, რუსთაველზე 24-საათიან ყოფნას ალტერნატივა არ აქვს, ეს ვიღაცამ, შესაძლოა, გააკეთოს მორიგეობის სახით. ჩვენ 24 საათი თუ ვართ, ვიღაც 3-4-6 საათი იყოს“, – აღნიშნა ფოფხაძემ.