გოგა ხაინდრავა – ფარისევლები, კოსები, კალასები, ცჰაკები, როთები, იუნკევიჩიანები, არც ერთი სამძიმარი, მხოლოდ ჯოჯოხეთში ჩვენი ჩათრევის დაუოკებელი წადილი

იერუსალიმის, როდოსის და მალტის წმ. იოანეს ჰოსპიტალიერთა სუვერენული სამხედრო ორდენი საპატრიარქო ტახტის მოსაყდრეს, სენაკისა და ჩხოროწყუს მიტროპოლიტ შიოს (მუჯირი) სრულიად საქართველოს კათოლიკოს-პატრიარქის, ილია მეორის გარდაცვალების გამო სამძიმრის წერილს უგზავნის.„თქვენო მაღალყოვლადუსამღვდელოესობავ, ღრმა მწუხარებით შევიტყვე მისი უწმინდესობის, ილია II-ის, საქართველოს კათოლიკოს-პატრიარქის გარდაცვალების შესახებ – პიროვნებისა, რომელიც ქართველი ხალხისთვის დიდად პატივსაცემი სულიერი მამა იყო. მისი ხანგრძლივი მსახურების განმავლობაში, რომელიც 1977 წელს დაიწყო, მისი უწმინდესობა სიბრძნითა და ერთგულებით ხელმძღვანელობდა ეკლესიას, ურთულეს პერიოდებში ინარჩუნებდა მას და მხარს უჭერდა მის სულიერ განახლებას.მალტის სუვერენული სამხედრო ორდენის სახელით, მსურს, გამოვხატო თქვენ მიმართ, წმინდა სინოდის და ყველა მორწმუნის მიმართ ჩემი უღრმესი სამძიმარი და დაგარწმუნოთ, რომ ამ გლოვის დროს თქვენთვის ვლოცულობთ.ვანდობ განსვენებული პატრიარქის სულს უფლის მოწყალებას და ვლოცულობ, რომ ყველამ, ვინც მას გლოვობს, ნუგეში ჰპოვოს“, – აღნიშნულია წერილში, რომელსაც ხელს აწერს დიდი კომენდატორი, ფრა ემანუელ რუსო.

კვირის მსახურება დილით დაიწყება 09:00 საათზე, მეუფე შიო მღვდელმთავრებთან ერთად აღავლენს წირვას. მსოფლიო პატრიარქის თვითმფრინავი დაახლოებით 11:00 საათზე დაფრინდება თბილისის აეროპორტში და 12:00 საათისთვის ველოდებით აქ. ეს არის მისი გადაწყვეტილება და წესის აგებაში მიიღებს მონაწილეობას, – ამის შესახებ სამების საკათედრო ტაძრის მღვდელმსახურმა, არქიმანდრიტმა იოანე მჭედლიშვილმა ჟურნალისტებს განუცხადა.მისივე თქმით, სამების საკათედრო ტაძარში შესვლაზე გარკვეული შეზღუდვები იქნება.„იქნება სიტყვით გამოსვლა, ქადაგება სხვადასხვა მოღვაწეების, უწმინდესის შესახებ. შემდეგ სიონში გადავასვენებთ უწმინდესს და იქ დაიკრძალება. ოფიციალურად სტუმრების სიას გამოაქვეყნებს საპატრიარქოს გვერდი. მე ზუსტად ვერ ჩამოვთვლი. მოქალაქეების რიგები მეტროდან იწყება, უწყვეტად, მრავალი საათის განმავლობაში და მით უმეტეს, დაკრძალვის დღეს ბევრად მეტი ადამიანი იქნება. ალბათ გადაჭედილი იქნება მთელი ტერიტორია სამებიდან სიონის ტაძრამდე. ტაძარში შესვლაზე იქნება გარკვეული შეზღუდვები, დაშვება იქნება მხოლოდ საშვებით. სასულიერო პირებიც შეზღუდულად იმსახურებენ წირვის დროს და შესვლა იქნება მხოლოდ საშვებით. ეზოში მოქალაქეები, დიდი ალბათობით, შეძლებენ შესვლას. გაირკვევა, ჯერ დადგენის პროცესია, როგორ იქნება პროტოკოლით ყველაფერი. მედიას შიგნით არ ექნება დაშვება.ილია მეორის გადასვენებას რაც შეეხება, ზუსტად ვერ გეტყვით, რომელ საათზე იქნება, ბევრ რამეზეა დამოკიდებული – რა დროს მობრძანდება მსოფლიო პატრიარქი, რამდენ ხანს გაგრძელდება წესის აგება, სიტყვით გამოსვლა, გამოსვენება. დაახლოებით 15:00 საათიდან 16:00 საათამდე, სავარაუდოდ“, – განაცხადა იოანე მჭედლიშვილმა.სრულიად საქართველოს კათოლიკოს-პატრიარქი ილია მეორე 17 მარტს 93 წლის ასაკში გარდაიცვალა. პატრიარქის გარდაცვალების გამო საქართველოში გლოვა გამოცხადდა.

სტრასბურგში, ევროპის სასახლის წინ ევროპისა და საქართველოს დროშები დაეშვა.აღნიშნული გადაწყვეტილება ევროპის საბჭოს გენერალურმა მდივანმა, ალან ბერსემ სრულიად საქართველოს კათოლიკოს-პატრიარქის, ილია მეორის ხსოვნისადმი პატივისცემის ნიშნად მიიღო.სრულიად საქართველოს კათოლიკოს-პატრიარქი ილია მეორე 17 მარტს 93 წლის ასაკში გარდაიცვალა. პატრიარქის გარდაცვალების გამო საქართველოში გლოვა გამოცხადდა.ილია მეორეს 22 მარტს სიონის ტაძარში დაკრძალავენ. 

კავკასიის მუსლიმთა საბჭოს თავმჯდომარე შეიხ-ულ-ისლამ ალაჰშუქურ ფაშაზადე საქართველოს კათოლიკოს-პატრიარქის, ილია მეორის დაკრძალვას დაესწრება.ამის შესახებ ალაჰშუქურ ფაშაზადემ ბაირამობის ლოცვის შემდეგ განაცხადა.მისი თქმით, საქართველოს საელჩოში იმყოფებოდა.„იქ სამძიმარი გამოვხატე. ილია მეორე ჩემი მეგობარი იყო. ის სომხეთის საკითხში ჩემთან იყო. ღმერთმა შეიწყალოს იგი“, – განაცხადა შეიხ-ულ-ისლამ ალაჰშუქურ ფაშაზადემ.

გერმანიის კანცლერის, ფრიდრიხ მერცის განცხადებით, უნგრეთის პრემიერ-მინისტრის, ვიქტორ ორბანის მიერ უკრაინისთვის 90 მილიარდი ევროს სესხის დაბლოკვა „უხეში არალოიალურობის აქტია“.მერცის თქმით, ევროკავშირის ლიდერებმა ევროკომისიას სთხოვეს, უნგრეთის წინააღმდეგობის მიუხედავად, უკრაინისთვის დაპირებული სესხის გადახდის შესაძლო გზები მოძებნოს.„ჩვენ ვთანხმდებით, რომ არ შეგვიძლია, შევეგუოთ იმას, რაც დღეს ევროპულ საბჭოში მოხდა. ამას ექნება შედეგები, რომლებიც ბევრად სცდება ამ ერთ შემთხვევას“, – განაცხადა მერცმა.გერმანიის კანცლერის თქმით, აღნიშნულმა ნაბიჯმა ევროკავშირის შიგნით სერიოზული უკმაყოფილება გამოიწვია.„ეს არის ევროკავშირში უხეში არალოიალურობის აქტი, რომლის მსგავსი, როგორც ჩემზე გამოცდილმა კოლეგებმა თქვეს, აქამდე არ მომხდარა. დარწმუნებული ვარ, ეს ღრმა კვალს დატოვებს“, – განაცხადა მერცმა.ამასთან, მერცმა აღნიშნა, რომ მსგავსი ქმედებები აზიანებს კავშირის ეფექტიანობას.„ეს არის წევრ სახელმწიფოებს შორის ერთგულების უხეში დარღვევა და აზიანებს ევროკავშირის მოქმედების უნარსა და მის რეპუტაციას. ვთხოვეთ კომისიას, შეისწავლოს შესაძლო გზები, როგორ შეიძლება, გაგრძელდეს ამ სესხის გამოყოფა, მიუხედავად არსებული წინააღმდეგობისა“, – განაცხადა მერცმა.ამასთან, გერმანიის კანცლერმა არ გამორიცხა, რომ უნგრეთის პოზიცია შიდა პოლიტიკურ ფაქტორებთან იყოს დაკავშირებული.„შესაძლოა, უნგრეთში არსებული შიდა პოლიტიკური მიზეზები განაპირობებდეს პრემიერ-მინისტრის ამ ნაბიჯს. შესაძლოა, დროთა განმავლობაში შესაძლებელი გახდეს სესხის გამოყოფა. ამასობაში ჩვენ ვეცდებით, დავეხმაროთ უკრაინას არსებული რესურსებით. თუმცა ვიმედოვნებთ, გონიერება გაიმარჯვებს და ერთ დღეს ჩვენ ნამდვილად შევძლებთ ამ სესხის გაცემას“, – განაცხადა მერცმა.