გიორგი ტყემალაძე – წლების წინ გვქონდა ამბიცია, რომ ავტობუსების პარკი სრულად განახლებულიყო, თუმცა იყო გარკვეული შიშებიც – დღეს ეს უკვე რეალობაა

27 წლის ნოდარ ნაცვლიშვილს საზოგადოების დახმარება სჭირდება.ნოდარ ნაცვლიშვილს 2023 წელს დაუდასტურდა მწვავე მიელოიდური ლეიკემია (AML). დიაგნოზის მიღებისთანავე ოჯახმა დაუყოვნებლივ დაიწყო მკურნალობა. საქართველოში ჩატარებული ქიმიოთერაპიების შემდეგ ნოდარ ნაცვლიშვილი გადაიყვანეს სტამბოლის Florence Nightingale Hospital-ში, სადაც ჩაუტარდა ძვლის ტვინის ტრანსპლანტაცია.დაავადებამ რეციდივი განიცადა, რის გამოც მისი ჯანმრთელობის მდგომარეობა კრიტიკული გახდა.ანალიზებისთვის საჭიროა 20 000 დოლარი, მკურნალობის კურსი კი შეადგენს 200 000 დოლარს. დახმარების მსურველებს თანხის ჩარიცხვა შეგიძლიათ ანგარიშებზე:🔸„საქართველოს ბანკი“: GE09BG0000000100913919მიმღები:  მარიამ ოდიკაძე.🔹„თიბისი“ ბანკი: GE32TB7456545064300016მიმღები: ნინო ნაცვლიშვილი.

აშშ-ის ავიამზიდი USS Ford მომდევნო კვირაში ისრაელის სიახლოვეს, ხმელთაშუა ზღვაში განთავსდება. ამის შესახებ „სიენენი“ წერს.ეს მესამე ავიამზიდია, რომელიც ისრაელ-ირანის დაპირისპირების ფონზე, კონფლიქტის ზონის სიახლოვეს აშშ-მა გადაიყვანა.ამასთან, გზაშია კიდევ ერთი ავიამზიდი, რომელიც სავარაუდოდ „კარლ ვინსონს“ ჩაანაცვლებს.

სამეგრელოში ავტოსაგზაო შემთხვევა მოხდა. ჭალადიდი ფოთის დამაკავშირებელ გზაზე.ამ წუთებში, ადგილზე მობილიზებულია სასწრაფო სამედიცინო დახმარებისა და პოლიციის ეკიპაჟები. შემთხვევის გამო, მოძრაობა დროებით შეფერხებულია.ამ ეტაპზე უცნობია, არიან თუ არა შემთხვევის შედეგად დაშავებულები.

დღეს, 18 ივნისს, დავით ყიფიანი 74 წლის გახდებოდა. თბილისის „დინამოს“, ქართული ფეხბურთისა და ზოგადად, ქართული სპორტის ლეგენდა ისტორიაში.დავით ყიფიანი 1951 წლის 18 ივნისს თბილისში დაიბადა. თამაშობდა თბილისის „ლოკომოტივში“, თბილისის „დინამოში“ და საბჭოთა კავშირის ნაკრებში. იყო პერიოდი, „დინამოში“ ადგილი ვერ დაიმკვიდრა და დროებით ისევ „ლოკომოტივში“ დაბრუნდა.მაგრამ მოთამაშე, რომელზეც თქვეს, რომ „ამისგან ფეხბურთელი არ გამოვიდოდა“, საბოლოოდ ისტორიაში კახი კავსაძის ცნობილი სიტყვებით შევიდა – „ის იყო ხალხის სიხარული“.ნიჭიერი მოთამაშე ისევ „დინამოში“ მიიწვიეს, პოზიცია შეუცვალეს და 26 წლის ასაკში დაიწყო ისტორია მოთამაშის, რომელმაც გუნდის ისტორიაში ერთ-ერთი გამორჩეული სახელი დატოვა. საბჭოთა კავშირის უმაღლეს ლიგაში ჩაატარა 245 მატჩი, გაიტანა 79 გოლი; საბჭოთა კავშირის ეროვნულ ნაკრებში – 19 მატჩი, 7 გოლი; ევროტურნირებზე – 35 მატჩი, 16 გოლი. სულ ოფიციალურ შეხვედრებში გატანილი აქვს 106 გოლი. იყო ევროპის ჩემპიონი ახალგაზრდებს შორის (1976), ევროპის თასების მფლობელთა თასის გათამაშების გამარჯვებული (1981). 1977 წელს აღიარეს საბჭოთა კავშირის წლის საუკეთესო ფეხბურთელად. რვაჯერ იყო დასახელებული საბჭოთა კავშირის წლის 33 საუკეთესო ფეხბურთელის სიაში.დავით ყიფიანი კარიერის შემდეგ ავარჯიშებდა თბილისის „დინამოს“, თბილისის „ლოკომოტივს“, ნიქოზიის „ოლიმპიაკოსს“, ქუთაისის „ტორპედოს“, იაროსლავლის „შინიკს“ და საქართველოს ეროვნულ ნაკრებს. მისი ხელმძღვანელობით „დინამო“ (1990, 95, 96, 97) და „ტორპედო“ (2000, 01) საქართველოს ჩემპიონები გახდნენ, ხოლო „დინამომ“ (1995, 96, 97) და „ტორპედომ“ (2001) საქართველოს თასი მოიპოვეს.ქართული ფეხბურთის ლეგენდა 2001 წლის 17 სექტემბერს, 50 წლის ასაკში ავტოავარიაში გარდაიცვალა. 2011 წლის 17 მაისს, თბილისის „დინამოს“ მიერ თასების მფლობელთა თასის მოპოვების 30 წლის იუბილესთან დაკავშირებით 1981 წლის თბილისის „დინამოს“ სრულ შემადგენლობასა და სამწვრთნელო შტაბთან ერთად – დავით ყიფიანს საქართველოს სპორტისა და ახალგაზრდობის საქმეთა სამინისტრომ საქართველოს სპორტის რაინდის წოდება მიანიჭა. დავით ყიფიანის სახელობისაა საქართველოს საფეხბურთო თასი და გურჯაანის ცენტრალური სტადიონი.

აშშ-ის პრეზიდენტმა, დონალდ ტრამპმა ისრაელის პრემიერ-მინისტრს ირანში კამპანიის გაგრძელებისკენ მოუწოდა. ამის შესახებ „სიენენი“ წერს.„მე ვუთხარი – განაგრძე. მას ყოველდღე ვესაუბრები. ის კარგი ადამიანია და ბევრს აკეთებს“, – აღნიშნა ტრამპმა.ამასთან, აშშ-ის პრეზიდენტს მიაჩნია, რომ თავად ბენიამინ ნეთანიაჰუს ისრაელში მოქალაქეები ძალიან უსამართლოდ ეპყრობიან.ტრამპმა „სიენენის“ კითხვაზე, ხომ არ მიუნიშნებია ნეთანიაჰუსთვის, რომ აშშ-მ შესაძლოა, დახმარება გაუწიოს იმაზე მეტად, ვიდრე აქამდე, ტრამპი ამბობს, რომ – არა.