გიორგი ვოლსკი: შეტევა საქართველოზე, მის სუვერენიტეტზე ატარებს კონსპირაციულ ხასიათს

ერთა ლიგის ახალი სეზონის დაწყებამდე მოახლოებული შეხვედრების შესახებ საქართველოს ნაკრების მეკარემ, გიორგი მამარდაშვილმა ისაუბრა.„მნიშვნელოვანი თამაშები მოდის. კარგი განწყობით ჩამოვედი და მაქსიმალურად მზად ვარ. რა თქმა უნდა, 100%-ით მოტივირებულები ვართ ამ თამაშებისთვის და იმედი მაქვს, რომ ოთხივე შეხვედრას წარმატებით ჩავატარებთ.პირველი თამაში შედარებით რთული იქნება იმის გამო, რომ მაყურებელი არ გვეყოლება, მაგრამ, ნებისმიერ შემთხვევაში, ფეხბურთელებმა მაქსიმუმი უნდა გავაკეთოთ, რომ ეს თამაში მოვიგოთ და სამი ქულა ავიღოთ.შემდეგ კი უკვე უკრაინასთან შეხვედრაზე ვიფიქრებთ. იმედი მაქვს, სტადიონი გაივსება და ქართველი გულშემატკივარი გამარჯვებას ჩვენთან ერთად იზეიმებს“, – ამბობს გიორგი მამარდაშვილი.

საქართველოს ეროვნული ნაკრებისა და გრაცის „შტურმის“ ნახევარმცველმა, ოთარ კიტეიშვილმა ერთა ლიგის მოახლოებული შეხვედრების შესახებ ისაუბრა.„ერთა ლიგის ახალი სეზონი და ახალი ეტაპი ჩვენთვის ყოველთვის განსაკუთრებულია. მოკლე პერიოდში გვიწევს ოთხი მატჩის ჩატარება და მნიშვნელოვანია, რომ ფეხბურთელები, რომლებიც ამ თამაშებისთვის არიან გამოძახებულნი, მაქსიმალურად მზად იყვნენ.თითოეული შანსი, რომელიც გვაქვს, მნიშვნელოვანია და მისი გამოყენება აუცილებელია. მით უმეტეს, რომ ერთა ლიგიდან ერთხელ უკვე მოვახერხეთ ევროპის ჩემპიონატზე გასვლა და ვეცდებით, ამ ჯგუფშიც წარმატებას მივაღწიოთ.კარგი სტარტი, განსაკუთრებით კი საშინაო მატჩებში წარმატების მიღწევა, ძალიან მნიშვნელოვანი იქნება. იმედი მაქვს, კარგად დავიწყებთ და მიმდინარე შეკრებას დადებითი შედეგით დავასრულებთ“, – ამბობს ოთარ კიტეიშვილი.

„ადმინისტრაციული სახდელისგან გათავისუფლების შესახებ“ საქართველოს კანონის მიზანია ერთჯერადი და განსაკუთრებული ღონისძიების ფარგლებში იმ დამსაქმებლების მხარდაჭერა, რომლებსაც საპენსიო შენატანებთან დაკავშირებული გადაუხდელი  ჯარიმები გააჩნიათ.კანონი ითვალისწინებს ადმინისტრაციული ჯარიმებისგან გათავისუფლებას იმ შემთხვევაში, თუ შესაბამისი დამსაქმებელი 2026 წლის 31 დეკემბრის ჩათვლით სრულად შეასრულებს საპენსიო შენატანისა და მასზე დარიცხული საურავის გადახდის ვალდებულებას.ადმინისტრაციული სახდელისგან გათავისუფლება შეეხება, 2026 წლის 18 სექტემბრამდე დაკისრებულ და გადაუხდელ ადმინისტრაციულ სახდელს, რომელიც 2025 წლის 1 მაისის შემდეგ წარმოშობილი საპენსიო ვალდებულების შეუსრულებლობიდან გამომდინარეობს.2026 წლის 15 ოქტომბრიდან ამოქმედდება „დაგროვებითი პენსიის შესახებ“ საქართველოს კანონის ის ნორმებიც, რომლებითაც საპენსიო შენატანის განუხორციელებლობისთვის ჯარიმის ოდენობა 300 ლარით განისაზღვრა. ამავე თარიღიდან, თუ დამსაქმებელს ჯარიმა დაეკისრება და მისი დაკისრებიდან 10 სამუშაო დღის ვადაში სრულად დაფარავს საპენსიო შენატანსა და მასზე დარიცხულ მიუღებელ სარგებელს, ჯარიმის გადახდის ვალდებულება გაუქმდება.კანონი ასევე ითვალისწინებს, 2026 წლის 31 დეკემბრის ჩათვლით, ადმინისტრაციულ სამართალდარღვევათა საქმეების განხილვისა და აღსრულების პროცედურების დროებით შეჩერებას. ამ პერიოდში შესაბამისი საქმეების აღსრულებას შეაჩერებს აღსრულების ეროვნული ბიუროც, ხოლო საპენსიო ფონდი მის მიერ მიღებულ გადაწყვეტილებებს აღსასრულებლად არ მიაქცევს.მნიშვნელოვანია, რომ საქმის წარმოების შეჩერება არ იწვევს საპენსიო შენატანზე საურავის დარიცხვის შეჩერებას.დამსაქმებლებს შესაძლებლობა აქვთ განსაზღვრულ ვადაში სრულად შეასრულონ ფინანსური ვალდებულებები და ისარგებლონ კანონით გათვალისწინებული შეღავათით.კანონის მიხედვით, ჯარიმისგან გათავისუფლების პროცესისთვის დამსაქმებლის მხრიდან დამატებითი განცხადების ან მიმართვის წარდგენა საჭირო არ არის. შეღავათი ავტომატურად გავრცელდება იმ დამსაქმებლებზე, რომლებიც კანონით განსაზღვრულ პირობებს დააკმაყოფილებენ.2026 წლის 15 ოქტომბრიდან ადმინისტრაციული სახდელის დაკისრების შესახებ ინფორმაცია ხელმისაწვდომი იქნება, როგორც საქართველოს საპენსიო ფონდის, ისე შემოსავლების სამსახურის ელექტრონულ სისტემებში.დამსაქმებელს შესასრულებელი ვალდებულების ოდენობის  და საბალანსე თანხის შესახებ ინფორმაციის შემოწმება შეუძლია საპენსიო ფონდის ელექტრონულ სისტემაში www.pensions.ge. დამატებითი ინფორმაციისთვის მიმართეთ საპენსიო ფონდის ცხელ ხაზს 14 80-ზე.

"გვინდა, რომ პარაზიტებისგან გაიწმინდოს ქართული პოლიტიკური სპექტრი. მიხეილ სააკაშვილიც გამოვიდეს და ღიად თქვას, რომ შეცდომა იყო, ხალხო, რომ მოგიწოდებდით არჩევნებში არ მონაწილეობისკენ და ბოიკოტისკენ. აბა, მოდით დავდგეთ ერთად, მოდით წარმოვადგინოთ ქვეყანას როგორი მომავალი გვინდა," - ამის შესახებ "თავისუფალი ხალხის პარტიის" თავმჯდომარემ, იაგო ხვიჩიამ "ღამის კურიერის" ეთერში განაცხადა.როგორც იაგო ხვიჩიამ განაცხადა, "ნაციონალური მოძრაობა" და მიხეილ სააკაშვილი ორწლიანი დაგვიანებით ამბობენ იმას, რასაც თავად და მისი თანაგუნდელები იძახდნენ." მაქვს, ოღონდ ძალიან დიდი დაგვიანებით. აი, მაგალითად, ჩემი დაკვირვებით, ორწლიანი დაგვიანებით ხდება ყველაფერი "ნაცმოძრაობის" და მიხეილ სააკაშვილის მხრიდან. იმიტომ რომ, მე ასე დავაკვირდი - ჩვენ რაღაცას ვამბობდით, აი, მაგალითად, მთელი ქვეყანა რომ იძახდა, მიხეილ სააკაშვილი გორის საავადმყოფოში გადაიყვანეთო, ჩვენ ვეუბნებოდით, რომ ხალხო, გადაიყვანეთ საზღვარგარეთ სამკურნალოდ. ერთი-ორი წლის შემდეგ, როცა მოჰბეზრდათ სხვადასხვა საავადმყოფოებში სიარული, მერე დაიწყეს ამ ნარატივის გავრცელება.ჩვეულებრივად მიგვაჩნია, რომ ბუნებრივი ამბავია, სამწუხაროდ, რომ "ნაცმოძრაობა" იმდენად იგვიანებს, რომ მერე ისინი იტყვიან თუ არა, ჩვენთვის პრინციპული მნიშვნელობა ნაკლებად აქვს," - განაცხადა იაგო ხვიჩიამ.

13 წლის მიშიკო აბაშიძეს საზოგადოების დახმარება სჭირდება. მოზარდს მარჯვენა ფილტვის მძიმე ნეკროზული პნევმონია დაუდგინდა, რის გამოც თურქეთის კლინიკაში გადაუდებელ მკურნალობას საჭიროებს. მკურნალობის პირველი ეტაპისთვის 70 000 დოლარია საჭირო, რისი დაფარვის შესაძლებლობაც ოჯახს არ აქვს.„მეგობრებო, ძალიან მიჭირს ამ პოსტის დაწერა, მაგრამ დღეს თქვენი დახმარება მჭირდება… ჩემი ძმისშვილი, ჯანმრთელობის მძიმე მდგომარეობის გამო, მკურნალობას საჭიროებს თურქეთის კლინიკაში. მას დაუდასტურდა მარჯვენა ფილტვის მძიმე ნეკროზული პნევმონია, ინფექციამ დააზიანა ფილტვის ქსოვილი, ასევე ბრონხები, საგრძნობლად გაზრდილია ლიმფური ჯირკვლები და ბევრი არასასურველი ცვლილებებია ორგანიზმში, რაც საჭიროებს სასწრაფო მკურნალობას და შემდგომ ლაბორატორიულ და მიკრობიოლოგიურ კვლევებს, მათ შორის ბიოფსიას და ბიოქიმიას.მკურნალობასთან დაკავშირებული ხარჯები ძალიან სოლიდურია, პირველი ეტაპისთვის 70000 დოლარი ჯდება, რასაც ჩვენი ოჯახი ვერ შესწვდება… როგორც ოჯახის წევრი, ყველაზე მეტად ის მაფრთხობს, რომ ფინანსური შესაძლებლობების გამო ბავშვს საჭირო მკურნალობა არ შეეზღუდოს. ამიტომ გადავწყვიტე, დახმარება თქვენთვის მეთხოვა.ნებისმიერი თანხა, თუნდაც მცირე, ჩვენთვის ძალიან მნიშვნელოვანია. თუ ფინანსურად დახმარება არ შეგიძლიათ, გთხოვთ, უბრალოდ გააზიაროთ ეს პოსტი - შესაძლოა, თქვენმა ერთმა გაზიარებამ ის ადამიანი მიიყვანოს ჩვენამდე, ვისაც დახმარება შეუძლია.ყველა შემოსული თანხა მოხმარდება მის მკურნალობასა და საჭირო სამედიცინო ხარჯებს. გთხოვთ, არ დაგვტოვოთ მარტო ამ რთულ გზაზე.თქვენი დახმარება ჩვენთვის მხოლოდ თანხა არ არის - ეს არის იმედი, რომ ბავშვს საჭირო მკურნალობისთვის ბრძოლაში გვერდით ადამიანები ეყოლება.დახმარების დეტალები:ანგარიშის ნომრები:  საქართველოს ბანკი #GE69BG0000000100954743 მიმღები: დედა ია ბურჭულაძეთიბისი ბანკი GE13TB7840545063300003მიმღები: დედა ია ბურჭულაძე.წინასწარ დიდი მადლობა თითოეულ თქვენგანს“.