გარემოს ეროვნული სააგენტო სპეციალურ მიმართვას ავრცელებს

საპარლამენტო უმრავლესობის წევრი, დროებითი საგამოძიებო კომისიის თავმჯდომარე თეა წულუკიანი აცხადებს, რომ მისმა ოჯახმა ნანუკა ჟორჟოლიანის წინააღმდეგ ცილისწამებისთვის სასამართლოში სარჩელი შეიტანა.აღნიშნულის შესახებ წულუკიანმა სოციალურ ქსელში დაწერა.„დღეს, ჩვენს ჭაღებიან გოგონას (ნუ, სხვა რაღაცეებიანსაც) ვუჩივლეთ ოჯახმა და ადვოკატი, პასტა და ფურცელი მოიმარაგოს. მე კი სულ ვიცოდი, რომ მართლები ვიყავით, მაგრამ ახლა ჩივილის დროა! ბაცილებს რაც მეტს გაუტარებ, მით მეტად გათავხედდებიან. თან, უკან მოსვლასაც აპირებენ და… მიშასტელეფონიანი თინა ბოკუჩავა იყო ერთ-ერთი პირველი, ვინც 2012-2013 წლებში პირველმა მიაყენა მამაჩემს შეურაცხყოფა. მიშამ დაავალა, უარს ვერ ეტყოდა (აქ, თვალის პაჭუნი). მხოლოდ იმიტომ, რომ მე ვიყავი პოლიტიკაში, თორემ ლამაზ თინიკოს ავთანდილ წულუკიანი არასოდეს გაახსენდებოდა. იმავეს აკეთებდა ხოლმე „ვივამედის“ კრიმინალი ბაიყუში, როცა იუსტიციაში ვიყავი და გაბრაზდებოდა ვანოს, ბაჩოს ან პეტრეს დაპატიმრებაზე ან კიდევ მისი ექსტრადიციის მოთხოვნის შესახებ წერილის გაგზავნაზე. თორემ სხვა შეხება მოსამართლე ავთანდილ წულუკიანს და ბნედიანს არ ჰქონიათ. „მეტი საქმე არ მაქვს, მასეთებს ველაპარაკოს“ პრინციპით, ავთანდილ წულუკიანმა 2000 წელს სასამართლო სისტემა დატოვა და პენსიაზე გავიდა. ეს ის დროა, სისხლისმსმელი სააკაშვილი ქართველ ერზე ექსპერიმენტის ჩატარებას რომ იწყებს. ამის შემდეგ იმ ქალებს, რომელთა მძივებზეც მიშას ხელები შეუწმენდია ან კიდევ თავად ბაიყუშს არ უხსენებიათ ავთანდილ წულუკიანი, მგონი, რადგან არ დავკვირვებივარ. მხოლოდ ჭიჭე ვაშაძეს რომ შეუვარდა, იმ თაკო ჩარკვიანმა ახსენა ერთხელ პარლამენტში (იმ დღეს საუზმეში დამამშვიდებლის ჩაყრა ჰქონდა ოჯახს დავიწყებული, მისი რა ბრალია!). ეს ის თაკოა, მამამისი რომ შეუფერებელ ადგილას დაასაფლავა „აქანე კარადას დავდგამ“ პრინციპით და მის სიცოცხლეშიც, მამამისის წინ ძნელად დავარცხნილი კვიცივით რომ დახტოდა. ბოლოს საგამოძიებო კომისიაც შეიქმნა და „ქართულმა ოცნებამ“ მისი ხელმძღვანელობის პაუსიხსმგებლობა მე დამაკისრა. შევუდექი თუ არა საქმიანობას, ჭაღებით გასვეტებულმა მადამ კოდუამ, რომელიც ქმრის მიერ წართმეული მანქანებით დაჯირითობდა ქალაქში „ნაცების“ დროს, ისევ გაიხსენა მამაჩემი.გასაგებია, რომ ვანო მერაბიშვილის მიერ შექმნილი ქმრის მიერ შექმნილი ინდივიდია, სხვა სტატუსი ჯერჯერობით ისევ არ აქვს, მაგრამ როდემდე უნდა ვიძახოთ, რატომ უნდა უჩივლო „მასეთს?“ ჰოდა, დღეს მე, 82 წლის დედაჩემმა, ჩემმა ძმამ და ჩემმა ძმისშვილმა შევიტანეთ სარჩელი ცილისწამებაზე. ნანულ, ოჯახშიდ კიდენა მეტნიცა ვაართ, მარა ამ ეტაპზე ეს იკმარე.ნანა ჟორჟოლიანს გამოქვეყნებული აქვს 20-პირიანი სია სახელწოდებით: წულუკიანის მამის მიერ დახვრეტილი ხალხი. ამ სიას აქ არ ვაქვეყნებ, რადგან, სავარაუდოდ, არაერთი მათგანი განსაკუთრებით მძიმე კატეგორიის დანაშაულში, მათ შორის, განზრახ მკვლელობაში, გვამების დანაწევრებასა და ნაგავში გადაყრაში და ასე შემდეგ მსჯავრდებული ხალხია წარსულში და მათ წარსულში ქექვა, ნანა-ნანუკა-ნანულა-ნანუჩიოსგან განსხვავებით, ჩემი საქმე არ არის. უბრალოდ ვიტყვი, წარდგენილია საბუთები, რომ 15 პირი ცოცხალია დღესაც, ერთი პირი მას მერე გარდაიცვალა, როცა მამაჩემი საიქიოში იყო უკვე, ზოგი მას მერე გარდაიცვალა, რაც საქართველომ სიკვდილით დასჯა გააუქმა, ერთის იდენტიფიცირება საერთოდ ვერ ხდება და ასე შემდეგ. ახლა, საინტერესოა, ვინ მოკლა იმან და რაფერ ხთეფა ისე, ნანულ, რომ მე ვარ თურმე მკვლელის შვილი? აღარ ვაპირებთ, რომ გავატაროთ. გეიგეე? ნანუჩ, აბა, სილიკონის ტუჩები (და ისინიც) დაპრუწე და თქვი….“ – წერს თეა წულუკიანი.

,,ძალიან გთხოვთ, წაიკითხეთ ბოლომდე და ყურადღებით. ეს ბარბარიკას ბოლო კლიპია, რაც ვერ დაასრულა. ბევრი ვიფიქრეთ რა უნდა გვექნა, ჩვენ ახლა ვერაფერს დავასრულებთ. ამიტომ ამ ვლოგით გეუბნებით, რომ ვისაც გჭირდებათ და ელოდებოდით, დაბადების დღის აქციები დაიწყო. მაგრამ წელს ბარბარეს ხსოვნის პატივსაგებად ვერც კლიპი გვექნება და ვერც ის უამრავი ვიდეო, რაც ბარბარესთან ერთად გადავიღეთ დაბადების დღის აქციებზე.... ასევე კლიპის არსი იყო ქველმოქმედება, რომ ჩვენ ვიყავით ვიშლისთის 9 ჯინი და მეათე უნდა ყოფილიყავით თქვენ. ამიტომ ჩვენი ბარბარეს ხსოვნისთვის პატივის მისაგებად, 31 ივლისამდე შემოსული გაყიდვებიდან 27000 ლარი, რამდენი წლისაც იყო ჩვენი გოგო, მოხმარდება გულის მანკით დაავადებული ბავშვის, ან ბავშვების მკურნალობას. მადლობას გიხდით თანადგომისთვის და ჩვენი წუხილის გაზიარებისთვის''-წერს ვიშლისთი 

2021 წელს მოკლული 22 წლის ნიკო კვარაცხელიას დედა საქმის გადაკვალიფიცირებას და პროკურორის, გია შაიშმელაშვილის ჩამოშორებას ითხოვს. როგორც ამის შესახებ თავად იზა ომაძე წერს, მიუხედავად საქმეში არსებული არაერთი მტკიცებულებისა, რომ კვარაცხელიას მკვლელობას დამკვეთი ჰყავდა, მოსამართლემ მკვლელობაში ბრალდებულები დამნაშავედ განზრახ ჯგუფურ მკვლელობაში ცნო.იზა ომიაძე მიიჩნევს, რომ პროკურორმა განზრახ შეუცვალა საქმეს კვალიფიკაცია, რაშიც მან, სავარაუდოდ, ფულიც აიღო.იზა ომაძის განცხადება:"ბატონო პროკურორო, საქართველოს პროკურატურა, ეს ჩემი შვილია, ჩემი ნიკო, რომელიც ოთხი წლის წინ ქალაქის შუაგულში დაქირავებულმა მკვლელებმა უსულო ახალგაზრდებმა დაგვიხვრიტეს. საქმის პროკურორი გია შაიშმელაშვილია, ყოველგვარი ვადა ამოიწურა, მოთმინების ფიალაც გადაივსო, მინდა მოგმართოთ თხოვნით რომ პროკურორი შაიშმელაშვილი საქმიდან ჩამოაშოროთ და ამ საქმეს სწორი კვალიფიკაცია მისცეთ!რადგან ამ ბატონმა პროკურორმა, ნიკო კვარაცხელიას საქმე ფაქტობრივად ჩაფარცხა, რის და რა ფასად ალბათ ამას თქვენ უკეთ გაიგებთ ვიდრე მე.საქმეში იყო თითქმის ყველა მტკიცებულება, კონკრეტული სახელები, სამუშაო ტელეფონები უამრავი მტკიცებულება რომ ეს იყო შეკვეთილი მკვლელობა, მაგრამ მან ეს საქმე დაშალა , კვალიფიკაცია შეუცვალა და ისე შემოდო თაროზე…ეჭვი მაქვს, რომ მან და მისმა პატრონებმა ძალიან დიდი ფული აიღეს, სხვანაირად ადამიანი ასეთ ბოროტებაზე არ წავიდოდა, ვხედავ როგორ უბნელებს თვალს და გონებას დიიიიდი ფული მაღალჩინოსნებს! ჰკითხეთ ვისი მითითებებით მოქმედებდა შაიშმელაშვილი!მე შემიძლია გითხრათ რომ აუცილებლად დადგება ის დღე როცა ნიკოს მკვლელობის დამკვეთებს თავად მიუჯდება ბატონი შაიშმელაშვილი გვერდით!!! და არა მარტო შაიშმელაშვილი! ისე არ გამწირავს უფალი, ამ დღეს რომ არ მომასწროს…ვიმეორებ და ათასჯერ გავიმეორებ ნიკო კვარაცხელია არ მოუკლავს თავის თაობას , ნიკო კვარაცხელიას მკვლელობა იყო შეკვეთილი, თუ ვის მიერ ეს თქვენ უნდა დაადგინოთ, წინააღმდეგ შემთხვევაში პირდაპირ თქვენ და თქვენი ხელისუფლება გამოდიხართ დამკვეთი, მე მინდა პირადად თქვენ დაინტერესდეთ ამ საქმით. თქვენი წინამორბედებისავით ნუ დაიდებთ და ნუ დაუტოვებთ შვილებს ცოდვას!ბატონ ღარიბაშვილს მივმართე, ბატონ გომელაურს მივმართე, ბატონ შოთაძეს მივმართე, რეაგირება ნული, მხოლოდ ის აინტერესებდათ რა სახის პროტესტის მობილიზება შემეძლო!ჩამოაშორეთ ნიკო კვარაცხელიას საქმეს პროკურორი შაიშმელაშვილი და გადააკვალიფიცირეთ საქმე როგორც შეკვეთილი მკვლელობა! მთელმა საქართველომ იცის რომ ეს იყო შეკვეთილი მკვლელობა! არ დავნებდებით, არ გახდება ეს საქმე ხანდაზმული, ყოველი დღე 15 სექტემბერია ჩვენთვის!" - წერს ნიკო კვარაცხელიას დედა.22 წლის ნიკო კვარაცხელია ცეცხლსასროლი იარაღიდან 10-ზე მეტი გასროლით 2021 წლის 15 სექტემბერს, თბილისში, ანჯაფარიძის ქუჩაზე მოკლეს. აღნიშნულ საქმეზე თითქმის ერთთვიანი ძებნის შემდეგ, აკო ჭელიძე და გიორგი კავილაძე თბილისში, წყნეთში დააკავეს. მოსამართლე დავით მგელიაშვილის გადაწყვეტილებით, აკო ჭელიძეს 17 წლით, გიორგი კავილაძეს 16 წლით თავისუფლების აღკვეთა მიესაჯათ. მოსამართლემ ბრალდებულები დამნაშავედ ცნო განზრახ ჯგუფურ მკვლელობასა და ჯგუფურად იარაღის უკანონო შეძენა-შენახვა-ტარებაში. ნიკო კვარაცხელიას ოჯახი საქმის შეკვეთილი მკვლელობის მიმართულებით გამოძიებას ითხოვდა.

ბათუმში, ნინოშვილის ქუჩაზე მდებარე ერთ-ერთ ობიექტში სროლის შედეგად მოკლულია უცხო ქვეყნის მოქალაქე, – ამის შესახებ საქართველოს შინაგან საქმეთა სამინისტროში განაცხადეს.მათივე ცნობით, გამოძიება განზრახ მკვლელობისა და ცეცხლსასროლი იარაღის უკანონო შეძენა-შენახვა-ტარების ფაქტებზე მიმდინარეობს.„შინაგან საქმეთა სამინისტროს საზოგადოებრივი უსაფრთხოების მართვის ცენტრ 112-ში შემოვიდა შეტყობინება ბათუმში, ნინოშვილის ქუჩაზე მდებარე ერთ-ერთ ობიექტში განხორციელებული სროლის თაობაზე. შეტყობინების მიღებისთანავე ადგილზე დაუყოვნებლივ გამოცხადდნენ შინაგან საქმეთა სამინისტროს შესაბამისი დანაყოფების წარმომადგენლები. დადგინდა, რომ ცეცხლსასროლი იარაღიდან გასროლის შედეგად მოკლულია უცხო ქვეყნის მოქალაქე. განზრახ მკვლელობისა და ცეცხლსასროლი იარაღის უკანონო შეძენა-შენახვა-ტარების ფაქტებზე გამოძიება საქართველოს სისხლის სამართლის კოდექსის 108-ე და 236-ე მუხლებით მიმდინარეობს. სამართალდამცველების მიერ ტარდება ყველა შესაბამისი საგამოძიებო მოქმედება“, – აცხადებენ შინაგან საქმეთა სამინისტროში.

ვიზალიბერალიზაციის გაუქმებაც ისეთივე შანტაჟია ევროპისგან, როგორც ზანგეზურის პროექტი. საქმე იმაშია, რომ ამ მუქარის შერულების თავიც არა აქვთ, - წერს სოციალურ ქსელში „ხალხის ძალის“ წევრი თამარ ჩიბურდანიძე და ევროკავშირის მხრიდან საქართველოს მიმართ პოლიტიკური შანტაჟის იარაღად ვიზალიბერალიზაციის გაუქმების თემის გამოყენებას ეხმიანება.თამარ ჩიბურდანიძე აღნიშნავს, რომ ქართული საზოგადოება არ ეგუება შანტაჟს, რადგან მშვიდობა და სტაბილურობა ნამდვილად ურჩევნია გადაადგილების პროცესში ყოველგვარ შეღავათს.„როდის უნდა მიხვდეს დასავლეთი, რომ საქართველოსთან შანტაჟის ენით საუბარი არ ჭრის. რაც უფრო აძლიერებენ ჩვენზე ზეწოლას, მით უფრო იზრდება ხელისუფლების მხარდამჭერთა რაოდენობა. თუკი ევროპელები ქართული ოპოზიციის „რჩევებს” ითვალისწინებენ (როგორც ჩანს, ასეა), ვეტყვით, რომ ამათი პოლიტიკური გათვლები არათუ შავი ზღვის იქეთ, არამედ, შავი ზღვის აქეთაც ვერ ამართლებს. ვიზალიბერალიზაციის გაუქმებაც ისეთივე შანტაჟია ევროპისგან, როგორც ზანგეზურის პროექტი. საქმე იმაშია, რომ ამ მუქარის შერულების თავიც არა აქვთ. ვიზალიბერალიზაციის გაუქმება რომ შეეძლოთ, აქამდე იყრიდნენ ჯავრს „ურჩ ხელისუფლებაზე” და მეორეც, არც ეს აშინებს ქართველ ხალხს, მშვიდობა და სტაბილურობა ნამდვილად გვირჩევნია გადაადგილების პროცესში ყოველგვარ შეღავათს. არც ოჯახურ ღირებულებებს ვცვლით ჩვენი გენის გამანადგურებელ „უფლებრივ ღირებულებებზე” და არც ამერიკულ „FARA”-ს ვუწუნებთ რამეს.რაც შეეხება ზანგეზურის პროექტს, დასავლეთის მცდელობა, საქართველოს გვერდის ავლით შეძლონ აღმოსავლეთთან ახალი ეკონომიკური ჰაბის შექმნა, იდეაშიც კი მკვდარია. მათ კარგად იციან სამხრეთ კავკასიის რთული და ფეთქებადი პოლიტიკა. ისიც იციან, რომ საქართველო როგორც ქვეყნის შიგნით, ასევე კავკასიაში, ეთნოკონფლიქტების დარეგულირებაში ერთადერთი მშვიდობის გარანტია.იქნება თუ არა სამხრეთ კავკასიაში მშვიდობა, ესეც გარკვეულწილად ჩვენს ნებ აზეა დამოკიდებული და არა ევროპა-ამერიკის სურვილზე. იაფფასიანი პოლიტიკის დრო უკვე დამთავრდა მსოფლიოში და ამას უნდა ხვდებოდნენ. „როლური თამაშები”, რომელსაც ჩვენ გვთავაზობენ, ზედმეტად ბრიყვულია და ამ პროცესებში მათ არავინ გაჰყვება. რეალური თვითმყოფადობის შეგრძნებამ მეტი დამაჯერებლობა შემატა ხელისუფლებას და ამ სიმაღლიდან იქ, ქვემოთ, „ევროპელ მბრძანებლებთან” ლახტობანას თამაში, მხოლოდ ოპოზიციის საქმეა“, - წერს თამარ ჩიბურდანიძე.