გაერო-ში ირანის მისია – ირანი მზადაა ურთიერთპატივისცემისა და ინტერესების საფუძველზე დიალოგისთვის, მაგრამ თუ იძულება იქნება, თავს დაიცავს და ისე უპასუხებს, როგორც არასდროს

დღეს სანდრო გირგვლიანის გარდაცვალებიდან 20 წელი გავიდა. 2006 წლის 28 იანვარს გირგვლიანი ოქროყანის სასაფლაოზე მოკლეს. 20 წლის შემდეგ მის მკვლელობაზე გამოძიება ისევ გრძელდება.,,სანდროთი და ბუტათი დაიწყეს ქვეყნის უბედურება ,სანდროთი და ბუტათი დამთავრდა ნაცების ძალაუფლება.თუმცა, სათანადოდ მაინც არავინ დასჯილა ,გარედან თავსმოხვეული კოჰაბიტაციის გამო ,რის შედეგებსაც დღეს ვიმკით. ეს მკვლელები კიდევ რომ ამდენს ბედავენ , საერთოდ ხმას რომ იღებენ და "მშვიდობიან" რევოლუციებს ცდილობენ- წერს ია მეტრეველი.

უკრაინისთვის ე.წ. უსაფრთხოების გარანტიებთან დაკავშირებით ზოგადი შეთანხმება არსებობს, – ამის შესახებ აშშ-ის სახელმწიფო მდივანმა, მარკო რუბიომ განაცხადა.„უსაფრთხოების გარანტიებზე ბევრი საუბარია. ეს არის ის, რაზეც ამჟამად, უკრაინის შემთხვევაში, გვაქვს ზოგადი შეთანხმება. თუმცა, ეს უსაფრთხოების გარანტიები ძირითადად გულისხმობს მცირე რაოდენობით ევროპული ჯარისკაცების, ძირითადად საფრანგეთისა და დიდი ბრიტანეთის განლაგებას და შემდეგ აშშ-ის მიერ უზრუნველყოფილ დამცავ მექანიზმს. სინამდვილეში, უსაფრთხოების გარანტია აშშ-ის მიერ უზრუნველყოფილი დამცავი მექანიზმია. მე არ ვამცირებ იმ ფაქტს, რომ ევროპის ზოგიერთი ქვეყანა მზადაა ომის შემდგომ ჯარები განათავსოს უკრაინაში. რასაც მე აღვნიშნავ, არის ის, რომ ეს აშშ-ის მიერ უზრუნველყოფილი დამცავი მექანიზმის გარეშე უმნიშვნელოა. და მიზეზი, რის გამოც გჭირდებათ ასეთი ძლიერი აშშ-ის დამცავი მექანიზმი, არის ის, რომ ჩვენმა მოკავშირეებმა და პარტნიორებმა ბოლო 20 ან 30 წლის განმავლობაში საკმარისი ინვესტიცია არ ჩადეს საკუთარ თავდაცვით შესაძლებლობებში. ახლა, იმედია, ეს შეიცვლება. ზოგიერთ შემთხვევაში და ზოგიერთ კონკრეტულ ქვეყანაში ეს უკვე შეიცვალა. მაგრამ ეს არის ფაქტი, რომლის იგნორირებაც არ შეგვიძლია. ნატო უფრო ძლიერი იქნება, თუ ჩვენი მოკავშირეები უფრო ქმედითუნარიანები იქნებიან“,- განაცხადა რუბიომ.რუბიომ განაცხადა, რომ უკრაინაში ომის დასრულების შესახებ მოლაპარაკებებში დარჩენილი მთავარი საკითხი ტერიტორიას ეხება.„ვიცი, რომ აქტიურად მიმდინარეობს მუშაობა იმის დასანახად, შეიძლება თუ არა ორივე მხარის პოზიციების შეთანხმება ამ საკითხზე. ეს არის ხიდი, რომელიც ჯერ ვერ გადავკვეთეთ. ჯერ კიდევ არსებობს უფსკრული, მაგრამ სულ მცირე, შევძელით საკითხების დაყვანა ერთ ცენტრალურ საკითხამდე და ეს, ალბათ, ძალიან რთული იქნება, მაგრამ, მიუხედავად ამისა, ეს არის საკითხი, რომელზე მუშაობაც გრძელდება”,- განაცხადა რუბიომ.აშშ-ის სახელმწიფო მდივანმა აღნიშნა, რომ პოლიტიკური სირთულე უკრაინისთვის არის, რომ საერთოდ განიხილოს ტერიტორიის გაცვლის იდეა.„რუსეთის შემთხვევაში, ისინი ორწელიწად-ნახევარია, ეუბნებიან თავიანთ ხალხს, რომ ამ ომს დამაჯერებლად იგებენ. ასე რომ, ხალხი დაინტერესდება, რატომ ვთმობთ ტერიტორიას, თუ ასე ძლიერად ვიმარჯვებთ?”, – განაცხადა რუბიომ.ამასთან, რუბიომ აღნიშნა, რომ აშშ-ის პრეზიდენტის სპეციალურ წარმომადგენელთან, სტივ უიტკოფთან და ჯარედ კუშნერთან კავშირზეა „ალბათ, დღეში 10-ჯერ”. აშშ-ის სახელმწიფო მდივნის თქმით, უსაფრთხოების გარანტიები შეთანხმებულია აშშ-ის მხრიდან, მაგრამ ეს მხოლოდ ომის დასრულების შემდეგ ამოქმედდება.

საფრანგეთის პრეზიდენტმა, ემანუელ მაკრონმა და ვოლოდიმირ ზელენსკიმ სატელეფონო საუბრისას აბუ დაბიში უკრაინას, აშშ-სა და რუსეთს შორის გამართული მოლაპარაკებები განიხილეს.საფრანგეთის პრეზიდენტი სოციალურ ქსელში წერს, რომ „მსურველთა კოალიცია“ აგრძელებს მუშაობას სამართლიანი და მდგრადი მშვიდობისთვის პირობების შესაქმნელად, რომელიც უზრუნველყოფს უკრაინისა და ევროპის უსაფრთხოებას.„ჩვენ განვიხილეთ გასულ კვირას, აბუ დაბიში დაწყებული მოლაპარაკებების პროგრესი. შევთანხმდით, რომ ევროპელები სრულად უნდა იყვნენ ჩართული იმ დისკუსიებში, რომლებიც მათ პირდაპირ ეხებათ“,- აღნიშნა მაკრონმა.მაკრონის თქმით, საფრანგეთს მტკიცედ აქვს გადაწყვეტილი, გააძლიეროს ზეწოლა რუსეთზე.„ჩვენ ევროპულ დონეზე ახალ სანქციებზე ვმუშაობთ და გავაგრძელებთ ჩვენს ძალისხმევას „ჩრდილოვანი ფლოტის“ საქმიანობის შეზღუდვის მიზნით“, – განაცხადა მაკრონმა.ამასთან, საფრანგეთის პრეზიდენტმა განაცხადა, რომ გუშინ, რუსეთის მიერ ხარკოვის რეგიონში, სამგზავრო მატარებელზე თავდასხმა მიუღებელია. მაკრონმა აღნიშნა, რომ საფრანგეთი გმობს რუსეთის თავდასხმებს მშვიდობიან მოსახლეობასა და ენერგეტიკულ ინფრასტრუქტურაზე.„საფრანგეთის პოზიცია ნათელია: ჩვენ მხარს დავუჭერთ უკრაინას იმდენ ხანს, რამდენ ხანსაც საჭირო იქნება, რათა მან თავი დაიცვას და დაამარცხოს რუსეთის მიერ დაწყებული აგრესიის ომი“,- წერს მაკრონი.თავის მხრივ, უკრაინის პრეზიდენტმა განაცხადა, რომ ემანუელ მაკრონთან სატელეფონო საუბრისას აბუ დაბიში გამართული შეხვედრები და ასევე ახალი შეხვედრები განიხილა, რომლებიც შესაძლოა, მოგვიანებით ჩატარდეს.„განვიხილეთ, თუ როგორ გავაძლიეროთ ჩვენი ენერგეტიკული მდგრადობა. უახლოეს მომავალში უკრაინა საფრანგეთიდან გენერატორებს მიიღებს. წელს ასევე დამატებით მივიღებთ ფრანგულ თვითმფრინავებს, საჰაერო თავდაცვის სისტემებსა და საჰაერო ბომბებს. გმადლობთ!”,- წერს ზელენსკი.

„ამინდზე რომ არის საუბარი, შეიძლება კლიმატზე იყოს და შეიძლება პოლიტიკურ ამინდზე იყოს საუბარი, მე ვფიქრობ, რომ ვერ შედგა ჰელსინკის კომისიაში ის პოლიტიკური ამინდი, სადაც შეიძლებოდა იმ დოკუმენტის გატანა...“, -  ამის შესახებ საქართველოს პარლამენტის ყოფილმა წევრმა, ხათუნა ხოფერიამ გადაცემა „ვახო ხუზმიაშვილის თავისუფალ სივრცეში“ განაცხადა. 

ინდოეთში, კონკრეტულად დასავლეთ ბენგალის აღმოსავლეთ ნაწილში, ნიპას ვირუსი (NiV) გავრცელდა. ამ ეტაპისთვის უკვე 5 შემთხვევა დადასტურდა, ინფიცირებულთა სიაში კი ექიმები და ექთნებიც შედიან.სახლის პირობებში კარანტინში ყოფნა დაახლოებით 100 ადამიანს უწევს, ხოლო ინფიცირებულ პაციენტებს კოლკატის საავადმყოფოებში მკურნალობენ. ერთ-ერთი პაციენტი კრიტიკულ მდგომარეობაშია.და მაინც, რა არის ნიპას ვირუსი? — ეს პოტენციურად მომაკვდინებელი ინფექციაა, რომლის საწინააღმდეგო ვაქცინა ან წამალიც არ არსებობს. ჯანდაცვის მსოფლიო ორგანიზაცია (WHO) მას მაღალი რისკის პათოგენად მიიჩნევს. როგორც ექსპერტები ამბობენ, ნიპას ვირუსი ადამიანებში იშვიათად ვრცელდება, ძირითადად — ღამურების მიერ დაბინძურებული ხილიდან. საინკუბაციო პერიოდი უმეტესად 4-იდან 21 დღემდე გრძელდება.NiV-ს ადრეულ ეტაპზევე ამოცნობა რთულია, რადგან ამ დროს კონკრეტული სიმპტომები არ ახასიათებს. როგორც წესი, პაციენტებს გრიპის მსგავსი ავადმყოფობა უვითარდებათ, რომელსაც სიცხე, ასევე თავის/კუნთების ტკივილი და მოთენთილობა ახლავს თან. ზოგ შემთხვევაში რესპირატორული სიმპტომებიც ვლინდება, მაგალითად ხველა, ქოშინი ან პნევმონია.ნიპას ვირუსის ყველაზე სერიოზული გართულება ტვინის ანთება, ანუ ენცეფალიტია. რამდენიმე დღის ან კვირის შემდეგ ნევროლოგიური სიმპტომებიც იჩენს თავს, მაგალითად დაბნეულობა ან უკიდურეს შემთხვევებში კომა. ზოგ პაციენტს მენინგიტიც უვითარდება.არის თუ არა საქართველოში გავრცელების რისკისაქართველოში შეისწავლეს ღამურები და ამ ღამურებში „ნიპას“ ვირუსი ნანახი არ იყო - რაც შეეხება სიმპტომებს, იწყება როგორც ჩვეულებრივი გრიპი, მაგრამ შემდეგ წინა პლანზე გამოდის თავის ტვინის დაზიანება, - ამის შესახებ იაშვილის სახელობის ბავშვთა ცენტრალური საავადმყოფოს სამედიცინო დირექტორმა, პროფესორმა ივანე ჩხაიძემ განაცხადა.„ეჭვი მაქვს, „ნიპა“ ვირუსი საქართველოსთვის პრობლემა გახდეს. ეს ვირუსი დიდი ხანია არსებობს, 1998 წელს იყო მალაიზიაში პირველი აფეთქება. 27 წელია ამ ვირუსს აკვირდებიან და არ ყოფილა არცერთი შემთხვევა, რომ ეს ვირუსი გასცილდეს იმ 5 ქვეყნის ფარგლებს, სადაც ის ფიქსირდება. ეს არის: ბანგლადეში, ინდოეთი, ჰონგ-კონგი, მალაიზია და ფილიპინები.ეს განსაკუთრებული ვირუსია, ჯანმო მას განიხილავს, როგორც ერთ-ერთ ყველაზე მძიმე ვირუსს. მას შეუძლია ძალიან მაღალი ლეტალობის პროცენტის განპირობება, ეს არის 45-70%. ის „ებოლასთან“ ერთად განიხილება, როგორც ერთ-ერთი მაღალი ლეტალობის გამომწვევი ვირუსი.ეს არ გადაეცემა ჰაერწვეთოვანი გზით, მის გადაცემას სჭირდება ძალიან ახლო კონტაქტი, ან დაინფიცირებული საკვების მიღება.ამ ვირუსის ძირითადი რეზერვუარი არის ღამურა, ხილის მჭამელი ღამურა. ამ ტიპის ღამურა საქართველოში არ არის, სხვა ღამურები იქნა შესწავლილი საქართველოში და ამ ღამურებში „ნიპას“ ვირუსი ნანახი არ არის.როგორ ხდება მისი პრევენციაჯანდაცვის მსოფლიო ორგანიზაციის ინფორმაციით, ნიპას ვირუსის პრევენცია ინფიცირებულ ცხოველებთან ან ადამიანებთან კონტაქტის შემცირებით არის შესაძლებელი. ასევე, როგორც დასაწყისში აღვნიშნეთ, ის დაბინძურებული საკვებიდანაც ვრცელდება.სამედიცინო სფეროს წარმომადგენლების თქმით, ამ მხრივ განსაკუთრებით საფრთხილოა ფინიკის პალმის წვენის უმად მიღება. ასევე, ღამურის ნაკბენების მქონე ხილის ჭამაც. განსაკუთრებული სიფრთხილე მართებთ იმ ადამიანებს, რომელთა ფერმებიც ისეთ რეგიონებში მდებარეობს, სადაც ხილის მჭამელი ღამურები ბინადრობენ. და რა თქმა უნდა, როგორც ყველა ვირუსული ინფექციის დროს – აქაც საჭიროა ჰიგიენური ნორმების დაცვა – პირბადის ტარება, ხელების ხშირი დაბანა, უსაფრთხო დისტანციის დაცვა და ა.შ.წარსული გამოცდილებანიპას ვირუსის შემთხვევები 2001 წელს ბანგლანდეშშიც დაფიქსირდა და მას 100 ადამიანის სიცოცხლე ემსხვერპლა. აღსანიშნავია ისიც, რომ დასავლეთ ბენგალის შტატში ვირუსის აფეთქებას 2001 და 2007 წლებშიც ებრძვოდა.ნიპას ვირუსის გავრცელების შესახებ ინფორმაცია ინდოეთის ხელისუფლებამ 2018 წელსაც გაავრცელა – მაშინ ის კერალას შტატში დაფიქსირდა. სხვათა შორის, გასულ წელს 17-12 ივლისის პერიოდში ვირუსმა კერალას შტატში კვლავ იფეთქა. თუმცა, საბედნიეროდ, ყველა ჯერზე შესაბამისი ზომების მიღების შემდეგ, მათ ვირუსთან გამკლავება შეძლეს.