VIDEO: ვთვლი, რომ მისი უპირველესი პროფესია, ანაკლიის პორტის კონსორციუმის მენეჯერობაა და არა მწერლობა, ეს მწერლობა, მე მგონი უკვე მამუკა ხაზარაძის ნაჩუქარი მწერლობაა… – თაკო ჩარკვიანი თეონა დოლენჯაშვილზე

ბევრი ვიმუშავე, რათა საქართველოს მიეღო ევროკავშირის კანდიდატის სტატუსი და გული მწყდება, – ამის შესახებ საქართველოში გერმანიის ელჩი პიტერ ფიშერი სოციალურ ქსელში წერს. „თუ ხარ ქვეყანა, რომელსაც სურს, გაწევრიანდეს ევროკავშირში და იღებ ასეთ წინადადებას კაია კალასისგან და გერმანია ეთანხმება მას, მაშინ პრობლემა გაქვთ. მე ბევრი ვიმუშავე, რათა საქართველოს მიეღო ევროკავშირის კანდიდატის სტატუსი და გული მწყდება“, – წერს პიტერ ფიშერი და საგარეო პოლიტიკისა და უსაფრთხოების საკითხებში ევროკავშირის უმაღლესი წარმომადგენელი, კაია კალასის განცხადებას აზიარებს, სადაც კალასი ამბობს, რომ საქართველო, როგორც კანდიდატი ქვეყანა, არანაირ მოლოდინს არ ამართლებს.

აშშ-ის პრეზიდენტმა, დონალდ ტრამპმა ხელი მოაწერა სუვერენული სიმდიდრის ფონდის შექმნის შესახებ აღმასრულებელ ბრძანებას. ფონდის შექმნა კი ტრამპმა სახაზინო და სავაჭრო დეპარტამენტებს დაავალა. ტრამპის თქმით, სუვერენული სიმდიდრის ფონდის გამოყენება შესაძლოა, აპლიკაცია „ტიკ ტოკის“ შესაძენად გამოიყენონ. „ძალიან ამაღელვებელი შემთხვევაა. ჩვენ გვექნება სუვერენული სიმდიდრის ფონდი, რომელიც აქამდე არასდროს გვქონია. ჩვენ დიდი პოტენციალი გვაქვს იმისთვის, რაც ქმნის სიმდიდრეს და თქვენ ამას ხედავთ ბოლო ორი კვირის განმავლობაში, ვფიქრობ, ჩვენ უფრო მეტი სიმდიდრე შევქმენით“, – თქვა ტრამპმა. ფონდი მომდევნო 12 თვის განმავლობაში შეიქმნება.

„ეს თავხედი... ჩავხედე მერე მორიდებით, ვიფიქრე დისიდენტი ხომ არ ყავდა მამათქო... მამამისის მხატვრობას მე არ ვეხები, მშვენიერი მხატვარია ბატონი გურამი. აღმოჩნდა, რუსეთის აკადემიის აკადემიკოსი. რამდენიმე რუსეთის ჯილდოს მფლობელი. ახლა, მე მაქვს უფლება ვილაპარაკო, რომ ეს ქალი გამოშვებული იყო ხაზარაძის მიერ. იმ ხაზარაძის მიერ, რომელმაც თავის დროზე კოსტავას მოუქნია ფეხიო...“, - ამის შესახებ „კანონი და სამართლის“ ლიდერმა, თამარ ჩარკვიანმა გადაცემა „ვახო ხუზმიაშვილის თავისუფალ სივრცეში“ თეონა დოლენჯაშვილზე საუბრისას  განაცხადა.  

ამერიკელი მილიარდერი, აშშ-ის სამთავრობო ეფექტიანობის დეპარტამენტის ხელმძღვანელი ილონ მასკი აცხადებს, რომ აშშ-ის საერთაშორისო განვითარების სააგენტო (USAID) მედიაორგანიზაციებს ფულს უხდიდა საკუთარი პროპაგანდის გასავრცელებლად. „USAID მედიაორგანიზაციებს ფულს უხდიდა საკუთარი პროპაგანდის გასავრცელებლად“, – წერს მასკი სოციალურ ქსელში და აზიარებს მაიკ ბენცის პოსტს. ბენცი, თავის მხრივ, აქვეყნებს ფოტოებს, სადაც აშშ-ის საერთაშორისო განვითარების სააგენტოს მოთხოვნების ერთ-ერთ პუნქტში წერია, რომ მედიაორგანიზაციები უნდა დათანხმდნენ სტრატეგიული დუმილის პოლიტიკას. „რატომ აძლევდა USAID-ი მედიაორგანიზაციებს ინსტრუქციას მსოფლიოს გარშემო, რომ დათანხმებოდნენ „სტრატეგიული დუმილის პოლიტიკას“ სოციალური მედიის ნარატივების კოლექტიური ცენზურისთვის?“, – წერს მაიკ ბენცი.

საქართველოს საპატრიარქო სამწუხარო ინფორმაციას ავრცელებს: „მწუხარებით ვიუწყებით, რომ გარდაიცვალა სქიმმონოზონი მართა ურბნისისა და რუისის მიტროპოლიტ იობის (აქიაშვილი) დედა. იგი დასვენებულია ურბნისში, წმინდა სტეფანე პირველდიაკონის სახელობის საკათედრო ტაძარში. დაკრძალვა შედგება სამშაბათს, 4 თებერვალს,14:00 საათზე, მონასტრის ეზოში. ვუსამძიმრებთ მეუფე იობს და ყველას, ვისთვისაც ძვირფასია დედა მართას ხსოვნა და შევთხოვთ უფალს აცხონოს მისი სული“, - ნათქვამია სამძიმრის წერილში.