United Airlines-ის თვითმფრინავი იძულებული გახდა ფრენა შეეწყვიტა, რადგან პილოტს პასპორტი დაავიწყდა

წინასწარი დაკავების იზოლატორში ელენე ხოშტარია როდესაც მოიყვანეს, მას წნევის კრიზი ჰქონდა და ამ დროს ღებინების რეფლექსი ირთვება, – ამის შესახებ კოალიცია „ცვლილებებისთვის“ წევრმა, ნიკა გვარამიამ განაცხადა.მისი თქმით, ელენე ხოშტარიას ბოლო წლების განმავლობაში ჯანმრთელობასთან დაკავშირებული პრობლემები აქვს და თან ბევრი წამალი აქვს ხოლმე.„ამბავი, რომელიც წამალთან დაკავშირებით მოიგონეს, არის იმისთვის, რომ გაამართლონ ელენეს გაშიშვლება და რაღაცის ძებნა, ვითომ ნარკოტიკი გვეგონაო, ნარკოტიკს ვეძებდით და ასე შემდეგ. ბოლო წლების განმავლობაში ელენეს ჯანმრთელობა, საზოგადოებამაც იცის ალბათ, არ არის სრულყოფილი, მას ყოველთვის თან ბევრი წამალი აქვს. ეს წამლებიც არ მისცეს, ახლაც ჰქონდა წნევის კრიზი რამდენჯერმე. როცა მოიყვანეს, მაშინაც ჰქონდა წნევის კრიზი და ამ დროს ღებინების რეფლექსი ირთვება, უთხრეს, საპირფარეშოში არა, პარკს მოგიტანთ და აქ არწყიეო, ზუსტად ამ სიტყვებით, რაც ნაცნობი პრაქტიკაა ამ ქაჯეთის ციხის. ამის მერე მან ითხოვა, ჩემი წამლებიდან დამარეგულირებელი დამალევინეთო, არ მიუციათ, დღემდე არ დაულევია, ახლაც აქვს მაღალი წნევა. ეს მისი ჯანმრთელობის მდგომარეობის გამო არის. ღებინების მერე, ადამიანს, რომელსაც წნევის კრიზი აქვს, აშიშვლებენ და მეტალოდეტექტორი გამოიყენეს“, – განაცხადა ნიკა გვარამიამ.შსს-ს ინფორმაციით, ელენე ხოშტარია 28 მარტს, პარლამენტის მიმდებარე ტერიტორიაზე, საპროტესტო აქციის მიმდინარეობისას, პოლიციელის კანონიერი მოთხოვნისადმი დაუმორჩილებლობისა და წვრილმანი ხულიგნობისთვის ადმინისტრაციულ სამართალდარღვევათა კოდექსის 166-ე და 173-ე მუხლების შესაბამისად დააკავეს.შსს-ს განცხადებით, ელენე ხოშტარიას „კანონმდებლობის სრული დაცვით, დროებითი მოთავსების იზოლატორში შესახლებამდე აუცილებელი პროცედურები ჩაუტარდა. შემოწმებისას დაკავებულს თან აღმოაჩნდა, სავარაუდოდ, კანონსაწინააღმდეგო ნივთიერება, რომელზეც დანიშნულია შესაბამისი ექსპერტიზა“.

უნგრეთის დედაქალაქ ბუდაპეშტში მიმდინარე ხმლით მოფარიკავეთა მსოფლიო თასზე, სანდრო ბაზაძე ნახევარფინალში იასპარეზებს –  ქართველმა მეოთხედფინალში რეიტინგის პირველი ნომერი, კორეელი სან გუკი 15:12 დაამარცხა და ფინალში გასასვლელად გერმანელ მატიას სზაბოს შეხვდება.შეჯიბრის კიდევ ერთი მონაწილე, ბექა ბაზაძე ტურნირს მეთექვსმეტედფინალში გამოეთიშა.30 მარტს მსოფლიო თასზე გუნდური შეჯიბრება გაიმართება, სადაც სანდრო ბაზაძე, ბექა ბაზაძე, გიორგი ურუშაძე და ლაშა კუჭუხიძე გამოვლენ.

ჰააგის სასამართლოს მიერ დადგინდა, რომ ომი იყო რუსეთის მხრიდან საქართველოს წინააღმდეგ და არა საქართველოს მხრიდან რუსეთის წინააღმდეგ. ეს დადასტურებული ფაქტია.პარლამენტში შექმნილი საგამოძიებო კომისია ამ საკითხს სხვა კუთხით იხილავს, რომ რამ გამოიწვია ტერიტორიული მთლიანობის ხელყოფა, - განაცხადა „ერთიანი ნეიტრალური საქართველოს“ წევრმა, ნანა კაკაბაძემ „დღის ქრონიკაში“ აგვისტოს ომზე საუბრისას.მისივე თქმით, დასადგენია, ომში ჩაბმა იყო საქართველოს ინტერესებში, რათა კონსტიტუციური წესრიგი აღმდგარიყო, თუ იყო კიდევ სხვა, მერკანტილური ინტერესებიც. კაკაბაძე დარწმუნებულია, რომ სხვა ინტერესებიც იყო.„ეს აინტერესებს ქართულ საზოგადოებას, ეს აინტერესებს საქართველოს ისტორიას სამომავლოდ და ამას აკეთებს დღევანდელი პარლამენტი ამ კომისიით, ამ თემის გამოძიებით, რომ მომავალმა თაობამ უნდა იცოდეს, ვინ უღალატა ქვეყანას, ვინ გასწირა ქვეყანა და რა ინტერესების გამო მოხდა ჩვენი ტერიტორიული მთლიანობის ხელყოფა. რა თქმა უნდა, ეს ჰააგაში არ განხილულა და ვერც გაიხილებოდა. აქედან გამომდინარე, ეს შეუძლია მხოლოდ და მხოლოდ საქართველოს ხელისუფლებამ და უპირველეს ყოვლისა, პარლამენტმა თავისი ჩარევით შეძლოს და შექმნას ის ისტორია, ნამდვილი ისტორია, რომელიც ამ ფაქტს თან ახლდა. აქედან გამომდინარე, არის უმნიშვნელოვანესი. შეიძლება ითქვას, ეს არის ის ისტორიული პროცესი, რომელიც ჩემი არსებობის განმავლობაში, მე არც მახსოვს“, - განაცხადა კაკაბაძემ.

შინაგან საქმეთა სამინისტრო ეხმაურება „კოალიცია ცვლილებისთვის“ ერთ-ერთი ლიდერის ელენე ხოშტარიას ფეისბუქგვერდზე განთავსებულ პოსტს, შინაგან საქმეთა სამინისტროს თანამშრომლების მიმართ გამოთქმულ ბრალდებეთან დაკავშირებით.„გვსურს, გამოვეხმაუროთ „კოალიცია ცვლილებისთვის“ ერთ-ერთი ლიდერის ელენე ხოშტარიას ფეისბუქგვერდზე განთავსებულ პოსტში შინაგან საქმეთა სამინისტროს თანამშრომლების მიმართ გამოთქმულ ბრალდებებს. განვმარტავთ, რომ მიმდინარე წლის 28 მარტს, პარლამენტის მიმდებარე ტერიტორიაზე, საპროტესტო აქციის მიმდინარეობისას, ელენე ხოშტარია პოლიციელის კანონიერი მოთხოვნისადმი დაუმორჩილებლობისა და წვრილმანი ხულიგნობისთვის ადმინისტრაციულ სამართალდარღვევათა კოდექსის 166-ე და 173-ე მუხლების შესაბამისად დაკავდა.დაკავების შემდეგ, მის მიმართ განხორციელდა შესაბამისი სამართლებრივი ღონისძიებები. თავდაპირველად ის გადაყვანილი იქნა პოლიციის ადმინისტრაციულ შენობაში, შემდგომ კი დროებითი მოთავსების იზოლატორში. იზოლატორში მოთავსებამდე დაკავებული პირის მიმართ დაიწყო კანონით დადგენილი პროცედურების განხორციელება, რომელიც საქართველოს შინაგან საქმეთა მინისტრის 2016 წლის 2 აგვისტო ბრძანება №423 - ით რეგულირდება.პროცედურების გავლისას ელენე ხოშტარიამ დაარღვია იზოლატორის შინაგანაწესი, კერძოდ ის უარს აცხადებდა მოთავსების კანონით განსაზღვრულ პროცედურების სრულად გავლაზე და იქცეოდა აგრესიულად. იზოლატორის თანამშრომლების არაერთგზის მოწოდებისა და სამართლებრივი განმარტების მიუხედავად, ის კვლავ უარს აცხადებდა შემოწმებაზე. უსაფრთხოების ნორმებიდან გამომდინარე დაკავებულის მიმართ კანონმდებლობის სრული დაცვით ჩატარდა დროებითი მოთავსების იზოლატორში შესახლებამდე აუცილებელი პროცედურები. აქვე განვმარტავთ, რომ შემოწმებისას დაკავებულს თან აღმოაჩნდა, სავარაუდოდ, კანონსაწინააღმდეგო ნივთიერება, რომელზეც დანიშნულია შესაბამისი ექსპერტიზა.იზოლატორში მოთავსების პროცედურები აღბეჭდილია იზოლატორის ვიდეო-სამეთვალყურეო კამერებზე. დაინტერესების შემთხვევაში, კანონით დადგენილი წესითა და დაკავებული პირის თანხმობით, შესაბამის ორგანოებსა და უფლებადამცველს შესაძლებლობა აქვთ გაეცნონ არსებულ ვიდეო ჩანაწერებს. ამასთან, დროებითი მოთავსების იზოლატორში შესახლების შემდეგ, ელენე ხოშტარიამ უარი განაცხადა, სახალხო დამცველის აპარატის წარმომადგენელთან შეხვედრაზე" - წერია განცხადებაში

„ერთიანი ნეიტრალური საქართველოს“ წევრი ვატო შაქარიშვილი „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისიის“ მუშაობის მნიშვნელობას სოციალურ ქსელში აფასებს. იგი აღნიშნავს, რომ „ნებისმიერი ქმედების თუ მოვლენის შეფასებისას, ნაც-კოჰორტის რეაქცია არის ყველაზე უტყუარი ინდიკატორი“.ვატო შაქარიშვილი ასევე, ეხმიანება სამართალდამცველების მიერ „სირცხვილიას“ ერთ-ერთი ლიდერის პოლიციის კანონიერი მოთხოვნის დაუმორჩილებლობისა და გზის გადაკეტვის გამო დაკავების ფაქტსაც.„ნებისმიერი ქმედების თუ მოვლენის შეფასებისას, ნაც-კოჰორტის რეაქცია არის ყველაზე უტყუარი ინდიკატორი. საგამოძიებო კომისიის გუშინდელი სხდომის შემდეგ სრული ისტერიკა დაემართათ. გოგა ხაინდრავამ კომისიის მუშაობას, აბსოლუტურად სამართლიანად უწოდა “ნიურნბერგის პროცესი.”დიახ, ეს არის ჩვენი ქვეყნის უახლეს ისტორიაში გარდამტეხი მომენტი.მართალია კალენდარზე 1 ოქტომბერი 13 წლის წინ დადგა, მაგრამ შინაარსობრივად ეს დღე კომისიის მუშაობის დასრულების და საკონსტიტუციო სასამართლოს გადაწყვეტილების შემდეგ დადგება.დღეს რომ ახალგაზრდას, ჭეშმარიტად გმირი ჯარისკაცის, გიორგი ანწუხელიძის ფოტო უჭირავს, რომელიც კეზერაშვილის ფულით არის დაბეჭდილი და გვერდით ლიაკა ხოშტარია, გიგი უგულავა, გიგა ბოკერია და სხვები უდგანან, ეს ნამდვილი ტრაგედიაა და იმის ბრალია რომ თავის დროზე არ დაერქვა მოვლენებსა და პერსონებს შესაბამისი სახელი. ცხადია ეს შეგნებულად კეთდებოდა ერის დეზორიენტაციის მიზნით. საბედნიეროდ ძალიან ცოტა ადამიანის ლიბერ-დებილიზაცია მოახერხეს, იმ დონეზე რომ დღეს საკუთარი ტყავის გადასარჩენად იყენებენ ქვეყნის გამყიდველი მოღალატეები!თუ ჩვენ წარსულს სათანადოდ არ გავიაზრებთ და მოვლენებს, პერსონებს თუ პოლიტიკურ პარტიებს სახელს არ დავარქმევთ ვერ გადავრჩებით, ვერ განვითარდებით!იმისათვის, რომ საქართველომ საკუთარი ღირსეული ადგილი დაიმკვიდროს ახალ მსოფლიო წესრიგში, ჩვენ გვჭირდება მტკიცე სუვერენიტეტი და აგენტებისგან თავისუფალი პოლიტიკური სისტემა! მხოლოდ ასე შევძლებთ გრძელვადიანი მშვიდობის, სტაბილურობის და ეკონომიკური კეთილდღეობის უზრუნველყოფას”, - წერს ვატო შაქარიშვილი.