REUTERS/IPSOS: ჰარისი – 46%, ტრამპი – 43%

საქართველოს მართლმადიდებელი ეკლესია წმინდა ნინოს ხსენების დღეს აღნიშნავს. დღესასწაულთან დაკავშირებით, წირვა ყველა მოქმედ ტაძარში აღევლინება.მოციქულთა სწორის, ქართველთა განმანათლებლის, წმინდა ნინოს ხსენების დღეს ქართული მართლმადიდებლური ეკლესია წელიწადში ორჯერ აღნიშნავს: საქართველოში წმინდა ნინოს შემოსვლას – პირველ ივნისს და მისი გარდაცვალების დღეს – 27 იანვარსტროპარი სიტყვისა ღმრთისა მსახურთა თანამოსაგრეო და ანდრიას ქადაგებისა წარმართებაო, ქართველთა განმანათლებელო და სულისა წმიდისა ქნარო ნინო, ევედრე ქრისტესა ღმერთსა შეწყალებად სულთა ჩვენთათვის. ამინ.კონდაკიმოციქული ქრისტეისგან გამორჩეული, ქადაგი სიტყვისა ღმრთისა განსწავლული, მახარებელი ცხოვრებისა, წინამძღვარი ქართველთა ერისა გზათა მშვიდობისათა, დედისა ღმრთისა საკუთარი მოწაფე ნინო შევამკოთ დღეს ყოველთა გრძნობითა საღმრთოითა, მეოხი მხურვალე, მცველი დაუძინებელი.

ირანმა, აშშ-სა და ისრაელის წინააღმდეგ ტერორიზმის მხარდაჭერის ბრალდებით, საერთაშორისო ფორუმებზე სარჩელი შეიტანა.ირანი ამტკიცებს, რომ აშშ და ისრაელი ირანის ეროვნული უსაფრთხოების წინააღმდეგ დივერსიულ მოქმედებებს უჭერენ მხარს და აფინანსებენ ქვეყნის წინააღდეგ მოქმედებებს.ირანის ხელისუფლების განცხადებით, აშშ-ისა და ისრაელის სადაზვერვო სააგენტოები პირდაპირ იყვნენ ჩართული და აფინანსებდნენ, წვრთნიდნენ და მედიამხარდაჭერას უწევდნენ არეულობის მონაწილეებსა და შეიარაღებულ ტერორისტებს.ირანის სასამართლო ხელისუფლების ხელმძღვანელმა, ღოლამ-ჰოსეინ მოჰსენი-ეჯეიმ ასევე თქვა, რომ ბოლოდროინდელი ძალადობრივი არეულობების უკან მდგომი მთავარი აგენტები არიან აშშ და ისრაელი; მათ პირდაპირი და აშკარა როლი ითამაშეს მოვლენებში.მისივე განცხადებით, პირები, რომლებიც ქუჩებსა და საზოგადოებრივ ადგილებში თავდასხმებს ახორციელებდნენ, იარაღით ესხმოდნენ თავს მშვიდობიან მოსახლეობას, უსაფრთხოების ძალებს და სერიოზულ დანაშაულებს ჩადიოდნენ, იყვნენ დამნაშავეები, რომელთა მიზანი იყო შეერთებული შტატებისა და ისრაელის შეთქმულების განხორციელება ირანში.ღოლამ-ჰოსეინ მოჰსენი-ეჯეის თქმით, უსაფრთხოების ძალებისა და მშვიდობიანი მოსახლეობის მკვლელობაში მონაწილე პირების მიმართ არანაირი შეღავათი არ იქნება.

უნგრეთის პრემიერ-მინისტრი ვიქტორ ორბანი აცხადებს, რომ უკრაინის ელჩს დაიბარებს, რადგან ორბანის თქმით, კიევი ცდილობს, ჩაერიოს მომავალ საპარლამენტო არჩევნებში.„გასულ კვირას უკრაინელმა პოლიტიკურმა ლიდერებმა და თავად პრეზიდენტმაც კი შეურაცხმყოფელი და მუქარის შემცველი კომენტარები გააკეთეს უნგრეთისა და უნგრეთის მთავრობის მიმართ. ჩვენმა ეროვნული უსაფრთხოების ორგანიზაციებმა შეაფასეს უკრაინის ეს უახლესი თავდასხმა და დაადგინეს, რომ მომხდარი კოორდინირებული უკრაინული ზომების სერიის ნაწილია, რომლითაც ისინი უნგრეთის არჩევნებში ჩარევას აპირებენ. არ შეგვიძლია, დავუშვათ, რომ საფრთხე შეექმნას უნგრეთის სუვერენიტეტს ან უნგრული არჩევნების მთლიანობას. ამიტომ დღეს საგარეო საქმეთა მინისტრ პიტერ სიიარტოს დავავალე, უნგრეთში უკრაინის ელჩი გამოიძახოს. ჩვენ დავიცავთ უნგრეთის სუვერენიტეტსა და ინტერესებს“, – განაცხადა ორბანმა სოციალურ ქსელში გამოქვეყნებულ ვიდეოში.ცნობისთვის, უნგრეთში საპარლამენტო არჩევნები 12 აპრილს გაიმართება.

კრემლის პრესსპიკერი დიმიტრი პესკოვი აცხადებს, რომ ჯერ კიდევ ადრეა უკრაინასთან სამშვიდობო მოლაპარაკებებზე ნებისმიერი, თუნდაც წინასწარი დასკვნების გამოტანა.„ეს მხოლოდ სამუშაოს დასაწყისია. ჩვენ ვსაუბრობთ ექსპერტების დონეზე მუშაობაზე და ის გაგრძელდება. არ იქნება მიზანშეწონილი ამ სამუშაოს სხვადასხვა ასპექტის ფრაგმენტულად და საჯაროდ განხილვა“, – განაცხადა პესკოვმა.ცნობისთვის, რუსეთის, აშშ-ისა და უკრაინის წარმომადგენლებს შორის მოლაპარაკებების ახალი რაუნდი გასულ კვირას არაბთა გაერთიანებულ საემიროებში შედგა.შეხვედრის შემდგომ მოსკოვმა და კიევმა გამოხატეს მზადყოფნა, განაგძონ  დიალოგი. აშშ-ის ოფიციალური წარმომადგენლის თქმით, მოლაპარაკებები მომდევნო კვირას აბუ დაბიში გაგრძელდება.

იაპონელი მეცნიერების თქმით, მარხვა სიცოცხლეს ახანგრძლივებს.  ინფორმაციას უცხოური მედია ავრცელებს. მათი თქმით, მარხვის პერიოდში ადამიანის ორგანიზმი დაზიანებული უჯრედების მოხმარებას იწყებს - ამ პროცესს აუტოფაგია ჰქვია. ის სხეულში უჯრედულ გადატვირთვას იწვევს. ეს რაღაცნაირად შინაგანი განწმენდის პროცესს ჰგავს.როგორც მკვლევრები ამბობენ, მარხვა მეტაბოლიზმის პროცესს სრულად ცვლის. აუტოფაგია აძლიერებს უჯრედების განახლებას, ხელს უწყობს იმუნიტეტის გაძლიერებას და აუმჯობესებს საერთო მდგრადობას.როდესაც სხეული არ არის დაკავებული საკვების მონელებით, ის ყურადღებას ამახვილებს მოვლა-პატრონობაზე და აღდგენაზე, დაზიანებული ნაწილების ახალ, ჯანსაღ კომპონენტებად გადამუშავებაზე.ზოგიერთი კვლევა აჩვენებს კიდეც, რომ აუტოფაგიის გააქტიურებამ შეიძლება შეამციროს დაბერებასთან დაკავშირებული ქრონიკული დაავადებების რისკი.ნობელის პრემიის ლაურეატმა კვლევამ შეცვალა მეცნიერების შეხედულება მარხვაზე და ის მარტივი დიეტური ტენდენციიდან ლეგიტიმურ ბიოლოგიურ გადატვირთვად აქცია.