Netflix-მა “ბანქოს სახლის” გადაღება განაახლა

ჩვენი ხელისუფლების მიერ არჩეული მშვიდობის, სტაბილურობისა და ეკონომიკური კეთილდღეობის ვექტორი ურყევია. ამას მოწმობს საქართველოს ტრადიციული სამშვიდობო პოლიტიკა სამხრეთ კავკასიაში. ამიტომ მხოლოდ მივესალმებით, როდესაც ამ პროცესს გარე აქტორებიც უერთდებიან, - განაცხადა საქართველოს პრეზიდენტმა, მიხეილ ყაველაშვილმა ხორვატიის პრეზიდენტთან, ზორან მილანოვიჩთან ერთად გამართულ ბრიფინგზე. მისივე თქმით, საქართველო, როგორც შუა დერეფნის მნიშვნელოვანი კვანძი, დაინტერესებულია გააღრმაოს თანამშრომლობა ხორვატიასთან და ხელი შეუწყოს სატრანსპორტო დერეფნის განვითარებას ბალკანეთის რეგიონსა და აზიას შორის. „ახალმა გეოპოლიტიკურმა რეალობამ მნიშვნელოვნად გაზარდა შუა დერეფნის მნიშვნელობა. საქართველო ყველაფერს აკეთებს იმისათვის, რომ ხელი შეუწყოს დერეფნის განვითარებას, მის უსაფრთხოებასა და ეფექტიანად ფუნქციონირებას. საქართველო, როგორც შუა დერეფნის მნიშვნელოვანი კვანძი, დაინტერესებულია გააღრმაოს თანამშრომლობა ხორვატიასთან და ხელი შეუწყოს სატრანსპორტო დერეფნის განვითარებას ბალკანეთის რეგიონსა და აზიის ქვეყნებს შორის.ჩვენ მზად ვართ ხორვატიასთან განვავითაროთ ორმხრივი ურთიერთობები პოლიტიკური, ეკონომიკური, ტექნოლოგიური, საგანმანათლებლო და კულტურული მიმართულებით და ჩვენი წვლილი შევიტანოთ სამხრეთ კავკასიისა და ბალკანეთის რეგიონების დაახლოებაში. ვსარგებლობ შემთხვევით და კიდევ ერთხელ გადავუხდი მადლობას პრეზიდენტ ზორან მილანოვიჩსა და მის დელეგაციის თითოეულ წევრს საქართველოში სტუმრობისთვის“, - განაცხადა საქართველოს პრეზიდენტმა.

საქართველოს განათლების, მეცნიერებისა და ახალგაზრდობის მინისტრის გივი მიქანაძის განცხადებით, სახელმწიფო უნივერსიტეტებში კვოტები განაწილდება უმაღლესი განათლების რეფორმის კონცეფციით დადგენილი „ერთი ქალაქი – ერთი ფაკულტეტის პრინციპის“ შესაბამისად, არსებითად, უნივერსიტეტების ტრადიციული პროფილის გათვალისწინებით.კერძოდ, მინისტრის თქმით, თბილისის სახელმწიფო უნივერსიტეტში მიღება გამოცხადდება ისეთ მიმართულებებზე, როგორიცაა ზუსტი და საბუნებისმეტყველო მეცნიერებები, ჰუმანიტარული მეცნიერებები, პედაგოგიკის გამოკლებით; სამართალი; ეკონომიკა და ბიზნესის ადმინისტრირება; სოციალური და პოლიტიკური მეცნიერებები.საქართველოს ტექნიკურ უნივერსიტეტში მიღება გამოცხადდება საინჟინრო-ტექნიკურ დისციპლინებზე.თბილისის სახელმწიფო სამედიცინო უნივერსიტეტში მიღება გამოცხადდება მედიცინის სპეციალობებზე.ილიას სახელმწიფო უნივერსიტეტში მიღება გამოცხადდება პედაგოგიკის პროგრამებსა და ABET აკრედიტაციის მქონე STEM სპეციალობებზე.სოხუმის სახელმწიფო უნივერსიტეტში – აგრარულ სპეციალობებზე, ქართულ-აფხაზური ენის და ლიტერატურისა და პედაგოგიკის სპეციალობებზე.სახელოვნებო უნივერსიტეტები და სპორტის უნივერსიტეტი სტუდენტებს მიიღებენ შესაბამის სპეციალობებზე.ბათუმისა და ქუთაისის უნივერსიტეტები შეინარჩუნებენ მრავალფუნქციურ დატვირთვას.ზუგდიდის, გორის, ახალციხისა და თელავის უნივერსიტეტებში აქცენტი გაკეთდება აგრარულ სპეციალობებზე, ტურიზმის მიმართულებასა და პედაგოგიკაზე.

სახელმწიფო, ერი, რომელსაც მე-12 საუკუნეში შოთა რუსთაველი ჰყავდა, ამ დროს ყველაზე წინ წასულ ევროპულ ქვეყნებსაც არ გააჩნდათ ასეთი დონის ლიტერატურა, ხელოვნება და წერდნენ ქაღალდის ფურცელზე, საქართველო იმსახურებს გაგებას, მხარდაჭერას, – ამის შესახებ ხორვატიის პრეზიდენტმა, ზორან მილანოვიჩმა ქართველ კოლეგასთან, მიხეილ ყაველაშვილთან ერთობლივი ბრიფინგისას განაცხადა.მილანოვიჩის თქმით, ხორვატია საქართველოს გვერდით დგას და მას მხარს უჭერს.მე ჩამოვედი ფართო დელეგაციით, ეკონომისტები არიან ჩემთან ერთად, რომლებიც წამყვან ბიზნესებს წარმოადგენენ ხორვატიაში, სკანდინავიურ ქვეყნებს, მათ აინტერესებთ საქართველოს ბაზარი, კავკასიის ეს ზონა. ჩემი და ყველას სოლიდარობა საქართველოსთან, კითხვის ნიშნის ქვეშ არ დგას. მე ვთვლი, რომ თქვენ მშვიდობიანად შეძლებთ, აღიდგინოთ ტერიტორიული მთლიანობა. ჩვენ გრძნობების დონეზეც კი თქვენს გვერდით ვდგავართ, რადგან ჩვენც გვქონდა უზარმაზარი პრობლემები, ჩვენი მტერი უფრო სუსტი იყო, ვიდრე თქვენი. ვფიქრობ, ეს არ იქნება ინტერპრეტირებული, როგორც პრორუსული აგიტაცია, რადგან ყველაფერი შესაძლებელია დღევანდელ სამყაროში. მე აქ ვიმყოფები დღეს და ხვალ ჩემს მეგობრებთან ერთად, ზოგიერთს წლებია ვიცნობ, მანამდე არ შევხვედრივარ ბატონ პრეზიდენტ ყაველაშვილს, ახლა შევხვდით და დარწმუნებული ვარ, რომ ჩვენი ურთიერთობა იქნება ძალიან მაღალ დონეზე, რომელიც ემყარება ურთიერთპატივისცემას. ნება მომეცით, დავასრულო, რომ სახელმწიფო, ერი, რომელსაც მე-12 საუკუნეში შოთა რუსთაველი ჰყავდა, ასეთი პოეტი, ამავე დროს, ყველაზე წინ წასულ ევროპულ ქვეყნებსაც არ გააჩენდა ასეთი დონის ლიტერატურა, ხელოვნება და წერდნენ ქაღალდის ფურცელზე. საქართველო იმსახურებს გაგებას, მხარდაჭერას და ამისთვისაც ვიმყოფები აქ“, – განაცხადა მილანოვიჩმა.ცნობისთვის, ხორვატიის პრეზიდენტი ზორან მილანოვიჩი საქართველოს დელეგაციასთან ერთად ეწვია, რომლის შემადგენლობაში არიან:  ხორვატიის რესპუბლიკის პრეზიდენტის კაბინეტის უფროსი  ბარტოლ შიმუნიჩი, პრეზიდენტის მრჩეველი საგარეო და ევროპის საკითხებში ნევენ პელიცარიჩი, პრეზიდენტის სპეციალური მრჩეველი ეკონომიკურ საკითხებში ველიბორ მაჩკიჩი, ხორვატიის რესპუბლიკის საგანგებო და სრულუფლებიანი ელჩი საქართველოში ბრანკო ზებიჩი და პრეზიდენტის ადმინისტრაციის წარმომადგენლები.

მინდა, დიდი მადლობა გადავუხადო ხორვატიის პრეზიდენტს ემოციური და თბილი სიტყვებისთვის, ეს არის ნამდვილი ღირსეული ლიდერის დამოკიდებულება, – ამის შესახებ საქართველოს პრეზიდენტმა, მიხეილ ყაველაშვილმა ხორვატიელ კოლეგასთან ერთობლივი ბრიფინგისას განაცხადა.პრეზიდენტის თქმით, ევროკავშირის ღირსეული ქვეყნის პრეზიდენტი სიმართლეს საუბრობს და სწორედ ამ სიმართლის თქმას ითხოვს საქართველო ევროპელი ბიუროკრატებისგანაც.„ჩვენს საზოგადოებას მინდა, მივმართო, რომ დიახ, ევროკავშირის ღირსეული ქვეყანა, ხორვატია და მისი პრეზიდენტი სიმართლეს საუბრობს და სწორედ ასეთ გულწრფელ საუბარს ვითხოვთ ევროპული ბიუროკრატიისგან და იმ ქვეყნების წარმომადგენლებისგან, რომლებსაც ორმაგი სტანდარტი, სხვა დამოკიდებულება აქვთ ჩვენს ქვეყანასთან. ეს არის ნამდვილი ღირსეული ლიდერის დამოკიდებულება და აქ არ არის ზედმეტი არაფერი. ეს არის სიმართლის აღიარება და დამოკიდებულება, როგორი უნდა იყოს თანასწორი ქვეყნის ღირსეულ პრეზიდენტებს შორის თანამშრომლობა. კიდევ ერთხელ მადლობა მას ამისთვის“, – განაცხადა ყაველაშვილმა.ხორვატიის რესპუბლიკის პრეზიდენტმა, ზორან მილანოვიჩმა საქართველოს პრეზიდენტ მიხეილ ყაველაშვილთან ერთობლივ ბრიფინგზე განაცხადა: „ევროპულ ბიუროკრატიას არ მივცემ ჩემი სახელით საუბრის უფლებას, საქართველოს არ აქვს ურთიერთობები მოსკოვთან და აბრალებენ პრორუსულობას, ამას ვერ ვიგებ“.ცნობისთვის, ხორვატიის პრეზიდენტი ზორან მილანოვიჩი საქართველოს დელეგაციასთან ერთად ეწვია, რომლის შემადგენლობაში არიან:  ხორვატიის რესპუბლიკის პრეზიდენტის კაბინეტის უფროსი  ბარტოლ შიმუნიჩი, პრეზიდენტის მრჩეველი საგარეო და ევროპის საკითხებში ნევენ პელიცარიჩი, პრეზიდენტის სპეციალური მრჩეველი ეკონომიკურ საკითხებში ველიბორ მაჩკიჩი, ხორვატიის რესპუბლიკის საგანგებო და სრულუფლებიანი ელჩი საქართველოში ბრანკო ზებიჩი და პრეზიდენტის ადმინისტრაციის წარმომადგენლები.

თურქეთის იუსტიციის ახალი მინისტრის დამტკიცების დროს ქვეყნის პარლამენტში ჩხუბი მოხდა. მმართველი „სამართლიანობისა და განვითარების პარტიის“ და ოპოზიციის კანონმდებლები ერთმანეთს დაუპირისპირდნენ მინისტრთა კაბინეტის რეორგანიზაციის დროს იუსტიციის მინისტრად აკინ გიურლეკის წარდგენისას.ოპოზიციონერმა კანონმდებლებმა სცადეს, ხელი შეეშალათ აკინ გიურლეკისთვის პარლამენტში ფიცის დადებისას.აკინ გიურლეკი სასამართლოს უმაღლეს თანამდებობაზე ქვეყნის პრეზიდენტმა, რეჯეფ თაიფ ერდოღანმა დანიშნა. სტამბოლის მთავარი პროკურორის რანგში გიურლეკი თავმჯდომარეობდა მთავარი ოპოზიციური პარტიის, „რესპუბლიკური სახალხო პარტიის“ რამდენიმე წევრის წინააღმდეგ წარმოებულ გახმაურებულ სასამართლო პროცესებს, რომლებსაც ოპოზიცია, დიდი ხანია, პოლიტიკურად მოტივირებულს უწოდებს. ჩხუბის გამო სპიკერმა სხდომა 15 წუთით შეწყვიტა, ვიდრე წესრიგი აღდგებოდა. აკინ გიურლეკმა ფიცი მოგვიანებით მმართველი პარტიის კანონმდებლების გარემოცვაში დადო.გიურლეკმა სტამბოლის ყოფილ მერს, ოპოზიციონერ ეკრემ იმამოღლუს ნოემბერში ფართომასშტაბიანი ბრალდება წაუყენა, რომელშიც მას კორუფციასა და ორგანიზებულ დანაშაულთან დაკავშირებულ 142 საქმეში ადანაშაულებდა.