JSW Group საქართველოში ორი მსხვილი პროექტის განხორციელებას გეგმავს

ევროკომისია გეგმავს, უნგრეთის პრემიერ-მინისტრთან მიმართებით კრიტიკა შეარბილოს და მის მთავრობას ახალი დაფინანსებაც კი გამოუყოს. ამის შესახებ „ფაინენშალ თაიმსი“ წერს. როგორც გამოცემა წერს, მაღალჩინოსნებს არ სურთ უნგრეთის არჩევნებში ჩარევა ან ორბანისთვის ბრიუსელის საწინააღმდეგო კამპანიის დაბრალება.„ევროკომისია გონივრულად მოიქცევა, რომ უნგრეთთან დაკავშირებით არანაირი მნიშვნელოვანი განცხადება არ გააკეთოს, რათა არჩევნებში ჩარევაში ბრალდების რისკი არ შეიქმნას“, – განაცხადა ერთ-ერთმა მაღალჩინოსანმა.წყაროების ცნობით, უნგრეთთან დაკავშირებით კომისიამ უკვე დაიწყო უფრო ფრთხილი მოქმედება საჯარო განცხადებებში.როგორც „ფაინენშალ თაიმსი“ იუწყება, „ბოლო დროს გამოთქმული შეშფოთების მიუხედავად, ორბანის მთავრობას არჩევნებამდე დაახლოებით 2.4 მილიარდი ევროს ახალი დაფინანსების მიღება შეუძლია“.„ასეთ ისტორიულ, გადამწყვეტ არჩევნებამდე რამდენიმე თვით ადრე მათ დაასკვნეს, რომ საუკეთესო იყო არაფრის გაკეთება. ევროკომისია ფსონებს აზღვევს, რაც ნორმალურია“, – „ფაინენშალ თაიმსის“ ცნობით, აღნიშნა ერთ-ერთმა უნგრელმა მაღალჩინოსანმა.

აშშ-ის შიდა უსაფრთხოების დეპარტამენტი ტექნოლოგიური კომპანიებისგან, როგორიცაა Google, Meta, Reddit და Discord იმ პირთა მაიდენტიფიცირებელი ინფორმაციის მიწოდებას მოითხოვს, რომლებიც სოციალური ქსელებში ანონიმურობის დაცვით მოქმედებენ, ღიად აკრიტიკებენ აშშ-ის საიმიგრაციო სამსახურს ან საგანგებოდ შექმნილი აპლიკაციის საშუალებით თვალყურს ადევნებენ საიმიგრაციო სამსახურის ოფიცრების გადაადგილებას და ამ ინფორმაციას ასაჯაროებენ.როგორც „ნიუ იორკ თაიმსი“ აღნიშნავს, უწყებას ასობით პირის შესახებ აქვს ინფორმაცია გამოთხოვილი და სურს, წვდომა მოიპოვოს პირთა ვინაობის, ელექტრონული ფოსტის, ტელეფონის ნომრისა და სხვა პირადი ინფორმაციის შესახებ.აღსანიშნავია, რომ ტექნოლოგიური კომპანიების ნებაზეა დამოკიდებული, გასცემენ თუ არა ამ ინფორმაციას. ზოგიერთ შემთხვევაში, კომპანიებმა თავიანთ მომხმარებლებს აცნობეს, რომ მათზე ინფორმაციას ითხოვს შიდა უსაფრთხოების დეპარტამენტი. კომპანიებმა მომხმარებლებს 10-14-დღიანი ვადა მისცეს სურვილის შემთხვევაში, ამ მოთხოვნის სასამართლოში გასასაჩივრებლად.მომხმარებელთა უფლებებს სამოქალაქო თავისუფლების ამერიკული კავშირი იცავს, რომლის ცნობით, ხელისუფლება მოქალაქეთა სიტყვის თავისუფლებას არღვევს.ხელისუფლებაში კი აცხადებენ, რომ ამ ინფორმაციის მიღება საიმიგრაციო აგენტების დასაცავად და მათი უსაფრთხოების უზრუნველსაყოფად სჭირდება.აღსანიშნავია, რომ ზოგიერთი ასეთი განაცხადი უწყებამ უკან გაიწვია, მას შემდეგ, რაც ის სასამართლოში გაასაჩივრეს.

ქვეყნის გარედან საქართველოში პოლიტიკა არ უნდა ფინანსდებოდეს და ზუსტად ამ იდეას ემსახურება იმ კანონპროექტების პაკეტი, რომელიც დაინიცირდა პარლამენტში, – ამის შესახებ საქართველოს პრემიერ-მინისტრმა, ირაკლი კობახიძემ „გრანტების შესახებ“ საქართველოს კანონში შესატან ცვლილებებთან დაკავშირებული კითხვის საპასუხოდ განაცხადა.როგორც მთავრობის მეთაურმა აღნიშნა, ბევრი რამის დაზუსტება იყო მნიშვნელოვანი  და აუცილებელი.„კონკრეტული ადამიანები ცდილობენ ხვრელების პოვნას არსებულ კანონმდებლობაში და ასეთი გზით, საქართველოში პოლიტიკური პროცესების დაფინანსებას. რა თქმა უნდა, ქვეყნის გარედან საქართველოში პოლიტიკა არ უნდა ფინანსდებოდეს და ზუსტად ამ იდეას ემსახურება იმ კანონპროექტების პაკეტი, რომელიც დაინიცირდა პარლამენტში და რომელსაც იღებს საქართველოს პარლამენტი“, – განაცხადა ირაკლი კობახიძემ.

მიხეილ ყაველაშვილი 17 თებერვალს პარლამენტის პლენარულ სხდომაზე ყოველწლიური მოხსენებით გამოვა.ამ დღეს პარლამენტის პლენარულ სხდომაზე სხვა საკითხებს არ განიხილავენ, რადგან რეგლამენტის მიხედვით, ეს დაუშვებელია.ყაველაშვილის გამოსვლის დასრულების შემდეგ ფრაქციების თავმჯდომარეები სიტყვით გამოვლენ.ყაველაშვილს დასკვნითი სიტყვით გამოსვლის შესაძლებლობა ექნება, რის შემდეგაც პარლამენტის პლენარული სხდომა დაიხურება.

საქართველოს პრემიერ-მინისტრს, ირაკლი კობახიძეს 18 თებერვალს, პარლამენტში, ინტერპელაციის წესით მოუსმენენ. თემა მიგრაციასთან დაკავშირებული საკითხებია. მოსმენა 12:00 საათზე დაიწყება.ცნობისთვის, პრემიერ-მინისტრმა რამდენიმე დღის წინ ვიდეო მიმართვაში მიგრაციასთან დაკავშირებით არსებულ ვითარებაზე ისაუბრა.ირაკლი კობახიძის თქმით, უცხოელების შრომითი საქმიანობა 1-ელი მარტიდან მნიშვნელოვნად იზღუდება.მისივე განმარტებით, გასულ წელს იმაზე მეტი არალეგალი მიგრანტი გააძევეს, ვიდრე 10 წელში ჯამურად.„საქართველო სრულად გათავისუფლდება არალეგალი მიგრანტებისგან“, - განაცხადა კობახიძემ.