Footmercato – ზურიკო დავითაშვილის ტრანსფერით „ევერტონიც“ დაინტერესდა

კომპიუტერული ტექნოლოგიების სწავლა, როგორც დაწყებითი ასევე საბაზისო საფეხურზე მყოფი მოსწავლეებისთვის სავალდებულო იქნება, - ამის შესახებ საქართველოს განათლების, მეცნიერებისა და ახალგაზრდობის მინისტრმა, ალექსანდრე წულაძემ „ღამის კურიერში“ საუბრის დროს განაცხადა.მინისტრმა განათლების სისტემის რეფორმის 4 წლიან გეგმაზე ისაუბრა.მისივე თქმით, ცვლილება ძალაში 2025 წლის სექტემბრიდან შევა.„აქამდე მხოლოდ დაწყებით საფეხურზე იყო კომპიუტერული ტექნოლოგიების სწავლება ე.წ. ისტის გაკვეთილები. 2025 წლის სექტემბრიდან, ახალი სტანდარტი დავამტკიცეთ, კომპიუტერული ტექნოლოგიების სწავლების და როგორც დაწყებითი, ასევე საბაზისო საფეხურზე სრულად, ყველა მოსწავლისთვის სავალდებულო იქნება კომპიუტერული ტექნოლოგიების სწავლა“, - განაცხადა ალექსანდრე წულაძემ.

ისრაელი ლიბანთან ომს თუ განაახლებს, ისრაელისკენ რაკეტებს გავუშვებთ, – „როიტერის“ ინფორმაციით, ამის შესახებ „ჰეზბოლას“ ლიდერმა, ნაიმ ქასემმა განაცხადა.როგორც ქასემმა აღნიშნა, თუ ისრაელი ლიბანის წინააღმდეგ „ფართომასშტაბიან აგრესიას“ განახორციელებს, „ჰეზბოლა“, ლიბანის არმია და ლიბანელი ხალხი თავს დაიცავენ.„ეს თავდაცვა გამოიწვევს რაკეტების ისრაელის ტერიტორიისკენ გაშვებას და მთელი უსაფრთხოება, რომელიც მათ რვა თვის განმავლობაში ააშენეს, ერთ საათში ჩამოინგრევა“, – აღნიშნა ქასემმა.ამასთან, „ჰეზბოლას“ ლიდერმა დანაკარგების შესახებ ოფიციალური მონაცემები პირველად გაავრცელა. მისი თქმით, ომში დაიღუპა „ჰეზბოლას“ 5 000 მებრძოლი და დაშავდა 13 000. როგორც ნაიმ ქასემმა აღნიშნა, მიუხედავად ამისა, „ჰეზბოლა“ კარგ მდგომარეობაში რჩება და მებრძოლები მზად არიან „ყველაზე მძიმე მსხვერპლის“ გაღებისთვის, თუ ეს საჭირო გახდება.

საქართველოში ამერიკის საელჩო სოციალურ ქსელში განცხადებას ავრცელებს, რომელიც ეხება შტატებში მშობიარობის სურვილს.„დაუშვებელია თქვენი ვიზის გამოყენება მხოლოდ ამერიკაში მშობიარობისთვის, იმ მიზნით, რომ თქვენს შვილს აშშ-ის მოქალაქეობა მიენიჭოს. საკონსულო ოფიცრები უარს განაცხადებენ ვიზის გაცემაზე, თუ მათ ექნებათ ეჭვის საფუძველი, რომ ეს არის თქვენი გამგზავრების მიზანი“ 

მეგობრები თბილისში გაუჩინარებულ ყაზახეთის მოქალაქეს ეძებენ. სოციალურ ქსელში გავრცელებული ინფორმაციის თანახმად, ჩინგიზ მუსადილოვთან დაკავშირებას 3 აგვისტოს შემდეგ ვერ ახერხებენ.„ვეძებთ მეგობარს, გთხოვთ, დაგვეხმარეთ ინფორმაციის გავრცელებაში.3 აგვისტოს, თბილისში, გაუჩინარდა ყაზახეთის მოქალაქე, ჩინგიზ მუსადილოვი.ამ დრომდე არანაირი კავშირი არ გვაქვს მასთან და არაფერი ვიცით მის ადგილსამყოფელზე. (ბოლოს, სავარაუდოდ, იყო ქიაჩელის მიმდებარედ).გარეგნული აღწერა: – სიმაღლე: დაახლოებით 170 სმ – ატარებს სათვალეს – ეცვა მუქი მწვანე ტილოს, მოკლე მკლავიანი პერანგი და მუქი ნაცრისფერი შარვალი.თუ გაქვთ რაიმე ინფორმაცია მისი მდებარეობის შესახებ, გთხოვთ დაგვიკავშირდეთ ნომერზე: 591 01 85 78 ანWatsapp: +7(707)4695163“, - ნათქვამია ინფორმაციაში.

ეს არჩევნები იქნება ტესტი იმის დასანახად, თუ ვინ სცემს პატივს ქართველი ხალხის სუვერენიტეტს და ვინ – მხოლოდ ხინკალს, – ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.როგორც პაპუაშვილი აღნიშნავს, ბოლო საპარლამენტო არჩევნებისას ჭარბად ვიხილეთ წინასაარჩევნო აგიტაციაში უცხოელი პოლიტიკოსების და დიპლომატების მონაწილეობა, რაც არ უნდა განმეორდეს.ამასთან, საქართველოს პარლამენტის თავმჯდომარე მიმართავს საქართველოში აკრედიტებულ უცხოელ დიპლომატებს, დაიცვან ვენის კონვენცია და პატივი სცენ საქართველოს კანონმდებლობას.„დღეს საქართველოს პრეზიდენტმა ადგილობრივი თვითმმართველობის არჩევნები დანიშნა. დღეიდან ამოქმედდა წინასაარჩევნო კამპანიასთან დაკავშირებული რეგულაციები, რომლებიც, სხვა საკითხებთან ერთად, საარჩევნო სუბიექტის სასარგებლო ან საწინააღმდეგო აგიტაციაში მონაწილეობას ეხება. საარჩევნო კანონმდებლობა ვრცელდება საქართველოში მყოფ ყველა პირზე, მათ შორის, დიპლომატებზეც. ვენის კონვენციის 41-ე მუხლის შესაბამისად, დიპლომატები „ვალდებული არიან, პატივი სცენ ადგილსამყოფელი სახელმწიფოს კანონებს. ისინი აგრეთვე ვალდებული არიან არ ერეოდნენ ამ სახელმწიფოს საშინაო საქმეებში“.სამწუხაროდ, ბოლო საპარლამენტო არჩევნებისას ჭარბად ვიხილეთ წინასაარჩევნო აგიტაციაში უცხოელი პოლიტიკოსების და დიპლომატების მონაწილეობა, როგორც განცხადებებით, ისე აგიტაციის დაფინანსებით, რაც, როგორც ვენის კონვენციის, ისე საქართველოს კანონმდებლობის უხეში დარღვევა იყო. ეს აღარ უნდა განმეორდეს. ამიტომ განსაკუთრებით მივმართავ საქართველოში აკრედიტებულ უცხოელ დიპლომატებს, დაიცვან ვენის კონვენცია, პატივი სცენ საქართველოს კანონმდებლობას და ქართველი ხალხის უფლებას უცხოური ჩარევის გარეშე გააკეთოს არჩევანი.ეს არჩევნები იქნება ტესტი იმის დასანახად, თუ ვინ სცემს პატივს ქართველი ხალხის სუვერენიტეტს და ვინ – მხოლოდ ხინკალს. ჩვენ ამ საკითხს დეტალურად მივადევნებთ თვალყურს“, – წერს პაპუაშვილი.