ESPN-მა შერეულ ორთაბრძოლებში 2025 წლის პირველი ნახევარი შეაჯამა და საუკეთესო მებრძოლად მერაბ დვალიშვილი დაასახელა

ამერიკული Amazon-ის დამფუძნებელი, ჯეფ ბეზოსი, რომელიც ბოლო წლებში კომპანიის ყოველდღიურ საქმიანობაში სულ უფრო და უფრო ნაკლებად არის ჩართული, Amazon-ის აქციების გაყიდვას აგრძელებს.როგორც მარეგულირებლისთვის წარდგენილი უახლესი დოკუმენტიდან ვიგებთ, ანტრეპრენიორმა $737 მილიონის ღირებულების 3.3 მილიონი აქცია გაყიდა. აღნიშნული ტრანზაქცია იმ დაახლოებით $5-მილიარდიანი პაკეტის ფარგლებში შედგა, რომელიც ბეზოსმა აშშ-ის ფასიანი ქაღალდების და ბირჟების მარეგულირებელ კომისიასტან გასულ წელს შეათანხმა.ამჟამად, ჯეფ ბეზოსი, მსოფლიოს მეოთხე უმდიდრესი ადამიანია, რომლის ქონებას ამერიკული Bloomberg-ი $244 მილიარდად აფასებს. ანტრეპრენიორის ქონების უდიდესი ნაწილი Amazon-ზე მოდის, რომელიც ამერიკელმა 1994 წელს დააფუძნა. თავიდან, Amazon-ი წიგნების მაღაზია იყო, მაგრამ დღეს ის მსოფლიოს უდიდესი ონლაინმაღაზიაა, სადაც ყველაფერი იყიდება. ამასთან, ჰოლდინგში ქლაუდ-სერვისების უდიდესი მიმწოდებელი, AWS-იც შედის, რომელიც ბოლო წლებში, კომპანიისთვის ელექტრონულ კომერციაზე არანაკლებად მნიშვნელოვანი გახდა.წლებია, რაც ჯეფ ბეზოსი Amazon-ის ყოველდღიურ მენეჯმენტში აღარ ერევა. Amazon-ის გენერალური დირექტორის პოსტი ბეზოსმა 2021 წელს დატოვა, მაგრამ სამეთვალყურეო საბჭოს თავმჯდომარე ისევ ისაა. ამასთან, ჯეფ ბეზოსი Amazon-ის უდიდეს აქციონერად რჩება, რომელზედაც კომპანიის დაახლოებით 9%-იანი წილი და საბჭოში ხმების 12% მოდის.მაშ, რატომ ყიდის ჯეფ ბეზოსი აქციებს, თუკი მისი ქონება $244 მილიარდს შეადგენს? საქმე ისაა, რომ მილიარდერების და მილიონერების ქონება, როგორც წესი, მეტად არალიკვიდურია, ანუ ის კომპანიის აქციების, უძრავი ქონების და სხვა მსგავსი აქტივების ღირებულებაზე არის დამოკიდებული. შესაბამისად, ქონების შეფასება არ ნიშნავს, რომ ადამიანი ამ ოდენობის ნაღდ ფულს ფლობს. თუკი მილიარდერს სურს, სახლი, კერძო თვითმფრინავი, იახტა ან ნებისმიერი სხვა რამ შეიძინოს, ის იძულებული ხდება აქტივები ნაღდ ფულში გადაცვალოს.ჯეფ ბეზოსი კი, როგორც ცნობილია, ფულს ხარჯავს არამხოლოდ ძვირად ღირებულ სათამაშოებზე, არამედ სხვა კომპანიებზე, მათ შორის კოსმოსურ ინდუსტრიაში არსებულ Blue Origin-ზე. ამასთან, მილიარდერის ბოლოდროინდელ ხარჯებში იტალიის ქალაქ ვენეციაში გამართული პომპეზური ქორწილი გამოჩნდა, რომელიც $56 მილიონი დაჯდა.

საქართველოში რისი მომსწრენიც ვართ, ძალიან შორს არის იმისგან, რასაც ელოდება ევროკავშირი წევრობის კანდიდატი ქვეყნისგან. დღითი დღე საქართველოს დემოკრატიული საფუძვლები ინგრევა, – ამის შესახებ გაფართოების საკითხებში ევროკომისარმა, მარტა კოსმა ევროპარლამენტში, საქართველოს საკითხზე დებატებისას განაცხადა.მისივე თქმით, ხელისუფლების რეპრესიული ქმედებები ეწინააღმდეგება ევროკავშირის ღირებულებებსა და პრინციპებს.„ქართული ოცნების“ რეჟიმმა წამოიწყო ყველაზე დრამატული რეპრესიები ქვეყნის პროევროპული ოპოზიციისა და სამოქალაქო საზოგადოების წინააღმდეგ. ბოლო კვირებში რამდენიმე ოპოზიციონერი ლიდერი დააპატიმრეს, სამოქალაქო საზოგადოების ორგანიზაციები და დამოუკიდებელი მედია არის განგრძობადი თავდასხმების წინაშე. ხელისუფლება განაგრძობს ახალი რეპრესიული კანონმდებლობის ინიცირებას, სათანადო საზოგადოებრივი კონსულტაციების გარეშე, ხელისუფლების რეპრესიული ქმედებები ეწინააღმდეგება ევროკავშირის ღირებულებებსა და პრინციპებს. როგორც თქვენს ანგარიშში სწორად არის ხაზგასმული, ევროკავშირმა მნიშვნელოვანი როლი უნდა ითამაშოს საქართველოს სამოქალაქო საზოგადოებისა და დამოუკიდებელი მედიისთვის დახმარების გაწევაში. საქართველოში კრიზისის დაწყებიდან დღემდე ევროკომისიამ მნიშვნელოვნად გააძლიერა ძალისხმევა და ამჟამადაც ახდენს პროექტის იმპლემენტაციას სამოქალაქო საზოგადოების დასახმარებლად, რომელთა ღირებულება შეადგენს 46 მილიონ ევროს, დამატებითი 32 მილიონი ევრო იქნება ხელმისაწვდომი უახლოეს ხანში, მას შემდეგ, რაც ამას დაამტკიცებენ ევროკავშირის წევრი ქვეყნები. მიუხედავად ამისა, ჩვენ ვდგავართ სერიოზული გამოწვევის წინაშე, როგორ მივაწოდოთ დაფინანსება სამოქალაქო საზოგადოებას ისე, რომ თავიდან იყოს აცილებული საქართველოს მთავრობის მხრიდან შემდგომი რეპრესიები. უკანასკნელი რეპრესიული კანონები, კერძოდ, უცხოელ აგენტად რეგისტრაციის აქტი, გრანტების შესახებ კანონში შეტანილი ცვლილებები და მაუწყებლობის შესახებ კანონში ცვლილებები ნეგატიურად აისახება ევროკავშირის ფინანსური დახმარების მიწოდების შესაძლებლობაზე. მაგრამ მინდა, მკაფიოდ ვთქვა, რომ ჩვენ ერთგული ვრჩებით, ვიპოვოთ საუკეთესო გზები, რათა ჩვენმა დახმარებამ მიაღწიოს საქართველოს სამოქალაქო საზოგადოებამდე და მედიამდე ისე, რომ მათ უსაფრთხოებას საფრთხე არ შეექმნას“, – განაცხადა მარტა კოსმა.ამასთან, მარტა კოსის განცხადებით, ევროკავშირისა და მისი წევრი ქვეყნების წინააღმდეგ დეზინფორმაციასთან საბრძოლველად დამატებით 7 მილიონი ევრო იქნება გამოყოფილი.„თქვენ ასევე იცით დეზინფორმაციული კამპანიებისა და ნარატივების შესახებ ევროკავშირისა და მისი წევრი ქვეყნების წინააღმდეგ, ეს თავდასხმები უბრალოდ მიუღებელია, ამ დეზინფორმაციასთან საბრძოლველად ჩვენ ვაძლიერებთ კომუნიკაციის ძალისხმევას და დამატებით 7 მილიონი ევრო იქნება გამოყოფილი ამ შემოდგომაზე ევროკავშირის წევრი ქვეყნების დამტკიცებისთანავე. ეს თანხები იქნება გამოყენებული საქართველოს საზოგადოების ცნობიერების ასამაღლებლად ევროკავშირისა და მისი ინტეგრაციის გზის შესახებ, ასევე, რომ გაუმჯობესდეს მოქალაქეების წვდომა ზუსტ, დივერსიფიცირებულ და სანდო ინფორმაციასთან. ქართველი ხალხის უმრავლესობა მხარს უჭერს მათი ქვეყნის ევროპულ მომავალს, ჩვენ უნდა გავაგრძელოთ ერთად მუშაობა და უნდა ვაჩვენოთ ქართველ ხალხს, რომ ჩვენ მათ გვერდით ვდგავართ“, – აღნიშნა მარტა კოსმა.მარტა კოსის განმარტებით, „მომდევნო კვირაში საგარეო საქმეთა მინისტრების საბჭო იმსჯელებს საქართველოში არსებულ მდგომარეობაზე, მათ შორის იმსჯელებენ შესაძლო შემდგომ ნაბიჯებზე „ქართული ოცნების“ რეპრესიულ ქმედებებზე საპასუხოდ და ყველა მათგანის წინააღმდეგ, ვინც პასუხისმგებელია ძალადობასა და ადამიანის უფლებების დარღვევებზე“.„ყველა ვარიანტი უნდა დარჩეს მაგიდაზე, რათა ვუპასუხოთ არსებულ უკუსვლას დემოკრატიული სტანდარტების კუთხით. ამავე დროს, შევინარჩუნოთ თანამშრომლობის შესაძლებლობა ინტერესებზე დაფუძნებულ პოლიტიკებში, რომელიც არის ევროკავშირში გაწევრიანების ჩარჩოს მიღმა, მათ შორის შავი ზღვის სტრატეგიასა და რეგიონული დაკავშირებადობაზე“, – აღნიშნა მარტა კოსმა.

ბათუმში, ტაძრის ქუჩაზე მშენებლობიდან მუშა გადმოვარდა. დაშავებული კაცი ბათუმის რესპუბლიკურ საავადმყოფოში გადაიყვანეს. შემთხვევა 8 ივლისს, დღის მეორე ნახევარში მოხდა.ინფორმაციას გამოცემა „ბათუმელები“ ავრცელებს.ტაძრის ქუჩაზე მცხოვრები მოქალაქეების თქმით, საცხოვრებელი კორპუსის მშენებლობა თითქმის დასრულებულია და ოჯახების ნაწილი ამ კორპუსში უკვე ცხოვრობს. ხარაჩოზე მყოფი მუშა კორპუსის ფასადს ღებავდა.

ჩინეთი ძალიან სამართლიანი იყო აშშ-სთან სავაჭრო შეთანხმების საკითხში, ჩვენ ძალიან კარგად ვუგებთ ერთმანეთს. ამის შესახებ დონალდ ტრამპმა განაცხადა.აშშ-ის პრეზიდენტის თქმით, ხშირად ესაუბრება ჩინეთის პრეზიდენტ სი ძინპინს და კარგი ურთიერთობა აქვს ჩინეთთან.„ვფიქრობ, ბოლო დროს ჩვენ ძალიან კარგი ურთიერთობა გვაქვს ჩინეთთან და ძალიან კარგად ვუგებთ ერთმანეთს. ისინი ძალიან სამართლიანები იყვნენ ჩვენს სავაჭრო შეთანხმებასთან დაკავშირებით. იმედი მაქვს, რომ ჩვენ გვექნება შესანიშნავი ურთიერთობა, დიდ, ძლიერ ქვეყანასთან. ჩვენ უფრო ძლიერები ვართ, ვიდრე ისინი. ჩვენ გვაქვს ბევრად უკეთესი სამხედრო აღჭურვილობა, ვიდრე მათ, მაგრამ ჩვენ ძალიან კარგად ვუგებთ ერთმანეთს. მე და ჩინეთის პრეზიდენტი, სი ძინპინი ძალიან კარგად ვუგებთ ერთმანეთს. ჩვენ ხშირად ვსაუბრობთ. ამ ყველაფრის გათვალისწინებით, ვფიქრობ, რომ ძალიან კარგად ვუგებთ ერთმანეთს“, – განაცხადა ტრამპმა.

ვინ იფიქრებდა, რომ საქართველო, რომელიც ერთ დროს დემოკრატიის მედროშე იყო არა მხოლოდ რეგიონში, არამედ აღმოსავლეთ პარტნიორობის ყველა ქვეყანას შორის, გადაიქცეოდა ლუკაშნეკოს სტილის ავტოკრატიად? დღეს ჩვენ ვისაუბრებდით არა მხოლოდ ბელარუსებზე ლუკაშენკოს ციხეებში, არამედ ქართველებზე ბიძინა ივანიშვილის ციხეებში, – ამის შესახებ ევროპარლამენტარმა, რასა იუნკევიჩიანემ საქართველოს საკითხზე ევრპარლამენტში გამართულ დებატებზე განაცახადა.იუნკევიჩიანე გამოვიდა წინადადებით, რომ ევროპარლამენტის საგარეო ურთიერთობათა კომიტეტის მიერ ივნისში მიღებულ რეზოლუციის ტექსტში გარკვეული ცვლილებები შევიდეს და ტექსტი უფრო მკაცრი გახდეს.„მინდა, მადლობა გადავუხადო ყველა პროევროპულ ჯგუფებს ევროპარლამენტში და მათ მიერ დანიშნულ მომხსენებლებს შესანიშნავი თანამშრომლობისთვის. ივანიშვილის რეჟიმის წარმომადგენელთა თავდასხმებმა ევროპარლამენტის წევრებზე და ევროკავშირის ელჩებზეც კი, მხოლოდ გააძლიერა ჩვენი საერთო პოზიცია. ჩვენ გვესმის, რომ ეს განცხადებები არ გამოხატავს ქართველი ხალხის შეხედულებებს, ვხედავთ მათ ბრძოლას და ვაღიარებთ მკაფიო სურვილს, გააგრძელონ გზა ვეროკავშირის წევრობისკენ.იმ ფონზე, როდესაც სიტუაცია გაუარესდა, ევროკავშირის საგარეო კომიტეტში გამართული კენჭისყრის შემდეგ, პროევროპული პარტიების მიერ მომზადებულ იქნა ახალი შესწორებები და მე გაძლევთ რეკომენდაციას, მათ მხარი დავუჭიროთ. ცვლილებები მოიცავს ტექსტის განახლებას, რათა მასში შევიტანოთ მოვლენების სერიოზული განვითარება, კერძოდ, თითქმის ყველა მთავარი ოპოზიციონერი ლიდერის დაკავება და მათთვის პოლიტიკურად მოტივირებული მსჯავრის გამოტანა და სამოქალაქო საზოგადოების წამყვანი ორგანიზაციების სამართლებრივი დევნა, ასევე ჩვენი პოზიციის განახლება მუნიციპალურ არჩევნებზე, მთავარი ოპოზიციონერი ლიდერების დაპატიმრების გამო ეს არჩევნები არ შეიძლება, ჩაითვალოს თავისუფლად და სამართლიანად“, – აღნიშნა იუკნევიჩიანემ.როგორც ევროპარლამენტარმა აღნიშნა, ასევე მომზადებულია ორი ზეპირი ცვლილება, მზია ამაღლობელის ჯანმრთელობის მდგომარეობისა და ევროკავშირი-საქართველოს ასოცირების შეთანხმების გადახედვის შესახებ.„მე გთავაზობთ, ორივეს დავუჭიროთ მხარი. ერთი ეხება მზია ამაღლობელის ჯანმრთელობის მდგომარეობის გაუარესებას, პატიმრობაში მყოფი ჟურნალისტის ჯანმრთელობის მდგომარეობა სწრაფად უარესდება, ის კარგავს მხედველობას, მას უარი ეთქვა სათანადო სამედიცინო მკურნალობაზე და რჩება გისოსებს მიღმა პოლიტიკური მიზეზების გამო. კიდევ ერთი ცვლილება ამკაცრებს ჩვენს მიდგომას ევროკავშირი-საქართველოს ასოცირების შეთანხმების გადახედვის შესახებ, ეს ცვლილება მოითხოვს დაუყოვნებლივ მოქმედებას, რადგანაც საქართველო მკაფიოდ დაარღვია ძირითადი დემოკრატიული პრინციპები. მინდა ხაზი გავუსვა, რომ მთელი პასუხისმგებლობა საქართველოსთან უვიზო რეჟიმის შესაძლო შეჩერებაზე ეკისრება ივანიშვილსა და მის პარტიას. უვიზო მიმოსვლა გადაეცემა დემოკრატიულ ქვეყნებს და არა რეჟიმებს, რომლებიც აპატიმრებენ მოქალაქეებს პოლიტიკური მიზეზებით.საქართველო მნიშვნელოვანია მთელი ევროპისთვის, რეჟიმი ტყუილს ავრცელებს, როდესაც ამტკიცებს, რომ არავის ანაღვლებს ქართველი ხალხი, სწორედ ამიტომ მათი მეგობრები კრემლში და ულტრამემარჯვენეები გამოდიან ცვლილების წინადადებებით საქართველოს ევროკავშირის გაწევრიანების პროცესის წინააღმდეგ. არა, ჩვენ ამ ცვლილებას მხარს არ დავუჭერთ, ქართველი ხალხი, რომელიც ევროპული საქართველოსთვის იბრძვის უკვე 200 დღეზე მეტია, არიან ნამდვილი ევროპელი გმირები, ისინი იმსახურებენ ჩვენს სრულ პატივისცემას და მტკიცე მხარდაჭერას“, – განაცხადა იუკნევიჩიანემ.