შაბათი, ოქტომბერი 25, 2025

CSDC-ის პროექტი მიუსაფარი და მარტოხელა ქალების ხელშესაწყობად

სამოქალაქო საზოგადოების განვითარების ცენტრმა (CSDC) სხვადასხვა საერთაშორისო და ადგილობრივი ორგანიზაციის მხარდაჭერით განახორციელა პროექტი მიუსაფარი და მარტოხელა ქალების ხელშესაწყობად. პროექტი 1 წლის განმავლობაში მიმდინარეობდა, ამ დროის მანძილზე ორგანიზაცია 100-ზე მეტ ქალსა და მათ ოჯახებს დაეხმარა, მოამზადა მიუსაფარ ქალთა საჭიროებების კვლევა, პროექტში ჩართულ ქალთა ვიდეო-ისტორიები, შეაგროვა ფინანსური თუ სხვა მატერიალური რესურსები მათ დასახმარებლად.

პროექტის შესახებ უფრო ვრცელი ინფორმაციის მისაღებად ჩვენ ორგანიზაციის ხელმძღვანელს, ნინო თოდუას დავუკავშირდით. თუ ვინ იყო პროექტში ჩართული, რა აქტივობები განხორციელდა და რა შედეგები მოიტანა – ამ და სხვა საკითხებზე ინტერვიუს ფორმატში ვისაუბრეთ:

  • ქალბატონო ნინო, უპირველეს ყოვლისა, გვიამბეთ თქვენი ორგანიზაციის შესახებ. რამდენი ხანია რაც სამოქალაქო საზოგადოების განვითარების ცენტრი ფუნქციონირებს და რა მიზნებს ემსახურება ის?

სამოქალაქო საზოგადოების განვითარების ცენტრი 2010 წლიდან ფუნქციონირებს. ჩვენი ორგანიზაციის მისიაა მოწყვლადი ქალებისა და ბავშვების პრობლემების ადვოკატირება, მათი ინტეგრირება საზოგადოებაში სამოქალაქო უფლებების დაცვის, ინოვაციური ტექნოლოგიებისა და არაფორმალური საგანმანათლებო პროგრამების უზრუნველყოფით, რათა მათ შეძლონ ღირსეული და დამოუკიდებელი ცხოვრება.

  • გვიამბეთ თქვენი პროექტის შესახებ, რომელსაც CSDC ბოლო 1 წლის მანძილზე, ურთულეს პირობებში ახორციელებდა. საიდან გაჩნდა იდეა და რა იყო პროექტის მიზანი?

„COVID-19 პანდემიის დროს მიუსაფარ და მარტოხელა ქალთა დაცვის ხელშეწყობა“ – გასულ წელს, სექტემბერში დავიწყეთ, პროექტი თბილისის ფარგლებში განხორციელდა. პროექტის საბოლოო მიზანი იყო მარტოხელა და მიუსაფარ ქალთა სოციალური ინკლუზია და მხარდაჭერა COVID-19 პანდემიით გამოწვეული სირთულეების დასაძლევად.

ამ პროექტის იდეა გაჩნდა ქვეყანაში არსებული ვითარებიდან გამომდინარე. ვირუსის გავრცელების შემდეგ ჩვენ ვიცით, რომ ყველაზე მეტად სწორედ სოციალურად მოწყვლადი ჯგუფები დაზარალდნენ. მათ შორის  იყვნენ და არიან მიუსაფარი ქალები და მათი ოჯახები, რომელთაც სხვადასხვა მიმართულებით ესაჭიროებოდათ დახმარება, რაც ჩვენ მხარდამჭერების მეშვეობით მოვახერხეთ. წამოვიწყეთ აქტიური ფანდრაიზინგის კამპანია და მიღებული რესურსებიც მათ სასარგებლოდ გამოვიყენეთ.

 

  • რა კონკრეტული აქტივობები განახორციელეთ პროექტის ფარგლებში?

პროექტი 1 წლის მანძილზე, 2 ეტაპად განხორციელდა. აგვისტოში დასრულდა მეორე ეტაპი. დაწყებისას შეირჩა 100 ქალი, ჩატარდა მათი საჭიროებების კვლევა, შემუშავდა რეკომენდაციები, ასევე მოხდა თითოეული მონაწილის უზრუნველყოფა პირველადი ჰიგიენური ნივთებითა და არამალფუჭებადი საკვები პროდუქტებით. მაისის თვიდან ჩვენ უკვე დავიწყეთ მეორე ეტაპის განხორციელებაც.

როგორც პირველ, ასევე, პროექტის მეორე ეტაპზე, სამოქალაქო საზოგადოების განვითარების ცენტრმა განახორციელა აქტიური ფანდრაიზინგისა და ადვოკატირების კამპანია. მომზადდა ბენეფიციართა ფოტო და ვიდეო ისტორიები, ბენეფიციართა თანხმობით, საზოგადოებას მივაწოდეთ ინფორმაცია მათი პრობლემებისა და საჭიროებების შესახებ. კამპანიაში ჩართვა კი ნებისმიერ მსურველს შეეძლო. ფანდრაიზინგის შედეგად მიღებული თანხა სრულად მოხმარდა მიუსაფარ და მარტოხელა ქალთა საჭიროებებს.

პროექტის განხორციელებაში CSDC-ის საორგანიზაციო ჯგუფთან ერთად ჩართული იყვნენ მოხალისეებიც, რომლებიც სპეციალურად გადამზადდნენ და მიიღეს შესაბამისი თეორიული ცოდნა ბენეფიციართა აღნიშნულ ჯგუფთან სამუშაოდ. თუმცა, პროექტის ეფექტურად განხორციელებისთვის, მნიშვნელოვანი იყო საზოგადოებისა და სხვადასხვა ჯგუფების ჩართულობა, ჩვენმა ორგანიზაციამ სწორედ მხარდამჭერებთან ერთად შეძლო პანდემიით დაზარალებული და მარტოხელა ქალების წინაშე არსებული პრობლემების, თუნდაც მცირე ნაწილის აღმოფხვრა. განსაკუთებით მინდა გამოვყო საზოგადოებრივი მაუწყებლის თანამშრომლებისა და ადმინისტრაციის წარმომადგენელების მხარდაჭერა.

  • ქალბატონო ნინო, საბოლოო ჯამში, როგორია პროექტის ფარგლებში მიღებული შედეგები და გააგრძელებს თუ არა მიუსაფარი ქალების მხარდასაჭერად CSDC აქტივობებს?

ჩვენი გუნდი გეგმავს აღნიშნულ პროექტი იქცეს ორგანიზაციის ერთ-ერთ მნიშნველოვან პროგრამად, მოხდეს მისი გაფართოება, რათა, არ გვქონდეს გეოგრაფიული შეზღუდვა და შევძლოთ არა მხოლოდ თბილისში, არამედ რეგიონებში მცხოვრები ქალებისა და მათი ოჯახების დახმარება, ვინც სხვადასხვა თხოვნით მოგვმართავს და ჩვენგან ხელშეწყობა ესაჭიროება.

ასევე ვგეგმავთ აქტიურ საინფორმაციო კამპანიას ვაქცინაციის პოპულარიზაციის მიზნით, კარდაკარ პრინციპით. გვჯერა, რომ სწორედ ასეთი კამპანიები შეუწყობს ხელს პანდემიის დასრულებას, COVID-19-ის საწინააღმდეგო უსაფრთხო და ეფექტური ვაქცინების მიღება, საზოგადოების ცნობიერების ამაღლება დღეს სასიცოცხლოდ მნიშვნელოვანია. ეს ინფორმაცია დღეს არ არის ხელმისაწვდომი ქალთა იმ ჯგუფებისთვის, რომელთანაც ჩვენ ვმუშაობთ. მათ დიდ ნაწილს არ აქვს სურვილი ჩაერთოს ვაქცინაციის პროცესში, ასევე არ აქვთ საბაზისო ცოდნა ჰიგიენური და სანიტარული ნორმების დაცვასთან დაკავშირებით, ნაკლებად იყენებენ პირბადესა და პირველად სადენზიფექციო საშუალებებს.  ამ მხრივ ბევრი გვაქვს სამუშაო ზემოთ აღნიშნულ სეგმენტთან.

ასევე, არ ვწყვეტთ აქტიურ თანამშრომლობას საგანმანათლებლო დაწესებულებებთან, ქალების განათლებისა და დასაქმების მიმართულებით. წინ დიდი გეგმები გვაქვს და იმედია, ჩვენი მხარდამჭერების მეშვეობით წარმატებით შევძლებთ მათ განხორციელებას.

 

ქეთევან ნინუაhttp://tiflisnews.ge
საინფორმაციო სააგენტო tiflisnews.ge კონტაქტი- ☎️ 555 100 929

ლევან იოსელიანი – იმ ადამიანების პოლიტიკაში ხილვა არ მინდა, რომლებიც ადამიანების უფლებების ფეხქვეშ გათელვაში მონაწილეობდნენ, არ მინდა, ჩემს მომავალს განსაზღვრავდეს ადამიანი, რომელიც გუშინ ციხეში...

იმ ადამიანების პოლიტიკაში ხილვა არ მინდა, რომლებიც ადამიანების უფლებების სისტემურ ფეხქვეშ გათელვაში იღებდნენ მონაწილეობას, ამ ყველაფერში იყო ჩართული და ამას ამართლებდა, – ამის შესახებ სახალხო დამცველმა, ლევან იოსელიანმა „ტვ პირველის“ ეთერში განაცხადა.იოსელიანს „ქართული ოცნების“ საკონსტიტუციო სარჩელთან დაკავშირებით დაუსვეს კითხვა.„ნამდვილად არ მინდა, ჩემს მომავალს განსაზღვრავდეს ის ადამიანი, რომელიც გუშინ ციხეში ადამიანებს აწამებდა. ძალიან ბევრია, ვინც ამას ამართლებდა, ვინც ამის მონაწილე იყო. არც ის ადამიანები არ უნდა იყვნენ ამ ქვეყანაში გადაწყვეტილებების მიმღებები, ვინც ასეთ რამეში იქნება მხილებული. რაც შეეხება კონკრეტულ გადაწყვეტილებას, სარჩელს როცა ვნახავთ, შემდეგ მივიღებ გადაწყვეტილებას, წინასწარ ასეთ რამეზე საუბარი მიჭირს. ერთი შემიძლია, ვთქვა, რომ ასეთი რამ მომხდარა სხვა ქვეყნებშიც. საქართველო არ იქნება პირველი შემთხვევა. გერმანიაშიც მომხდარა, ესპანეთშიც, თურქეთშიც, საქართველოშიც. ზვიად გამსახურდიამ თავის დროზე აკრძალა კომუნისტური პარტიის მონაწილეობა. სასამართლომ უნდა მიიღოს ამაზე გადაწყვეტილება. სასამართლო თუ იქნება დაუსაბუთებელი, დარწმუნებული ვარ, შემდეგ სტრასბურის სასამართლო ამ ყველაფერზე განსხვავებულ მოსაზრებას გამოაქვეყნებს. ეს ის საკითხი არ არის, რაც, საბოლოო ჯამში, გაურკვეველი დარჩება. თუ იქნება დასაბუთებული, სტრასბურგის სასამართლოც ან არ განიხილავს, არ მიიღებს წარმოებაში ან არ გაითვალისწინებს გამსაჩივრებლის პოზიციებს. ასე რომ, ვნახოთ, დაველოდოთ პროცესს. პერსონალურად ვინმეს მიმართ წინააღმდეგობა არ მაქვს, პერსონალურად არავინ მინდა ციხეში მოხვდეს, აიკრძალოს ან სხვა პრობლემები შეექმნას, მაგრამ ადამიანების უფლებებს ვინც ფეხქვეშ თელავდა ან თელავს, ჩემი აზრით, მათ ჭკუა არ უნდა გვასწავლონ, ჩვენი მომავალი არ უნდა განსაზღვრონ და პოლიტიკური გადაწყვეტილებები არ უნდა მიიღონ“, – განაცხადა ლევან იოსელიანმა.

უმძიმესი ავარია აბაშასთან

აბაშასთან რამდენიმე წუთის წინ უმძიმესი ავარია მოხდა.თვითმხილველის ინფორმაციით, ერთმანეთს 4 ავტომანქანა შეეჯახა, აქედან ერთი საქორწილო მანქანაა წითელი ლენტებითთვითმხილველის თქმით, დაშავებულია 10 პირი,რომლებიც სხვადასხვა ავტომობილებში ისხდნენ. აქედან 3-ს ადგილზე გაეწია დახმარება.ადგილზე მობილიზებულია საპატრულო პოლიციის ეკიპაჟები და სასწრაფოს ბრიგადები. სასწრაფოს დაშავებული 7 პირი სხვადასხვა კლინიკებში გადაჰყავს.საავტომობილო გზა ნაწილობრივ გადაკეტილია.ამ წუთებში აღმოსავლეთიდან მომავალ მხოლოდ მსუბუქ ავტომობილებს უშვებენ.

ცვლილება, რომელიც 17 ოქტომბრიდან ამოქმედდა – მნიშვნელოვანი ინფორმაცია მოქალაქეებს

2025 წლის 17 ოქტომბრიდან ძალაში შევიდა საქართველოს პარლამენტის მიერ დამტკიცებული საკანონმდებლო ცვლილებები, რომელსაც შინაგან საქმეთა სამინისტრო ავრცელებს:„როგორც საზოგადოებისთვის ცნობილია, 2025 წლის 17 ოქტომბრიდან ძალაში შევიდა საქართველოს პარლამენტის მიერ დამტკიცებული საკანონმდებლო ცვლილებები. გვსურს კიდევ ერთხელ განვმარტოთ თუ რას გულისხმობს აღნიშნული ცვლილებები.კანონის ახალი რედაქციის თანახმად, 60 დღემდე ადმინისტრაციულ პატიმრობას გამოიწვევს შეკრება-მანიფესტაციისას:ცეცხლსასროლი ან/და ცივი იარაღის, ფეთქებადი, ადვილად აალებადი, რადიოაქტიური ნივთიერების ან პიროტექნიკური ნაწარმის ქონა;აკრძალული საგნის ან ნივთიერების ქონა;საქართველოს კანონმდებლობით გათვალისწინებულ შემთხვევაში, შსს-ს მოთხოვნით შეწყვეტილ შეკრებაში მონაწილეობა.შეკრების მონაწილეებისთვის 15 დღემდე, ხოლო ორგანიზატორებისთვის − 20 დღემდე ადმინისტრაციულ პატიმრობას გამოიწვევს შეკრება-მანიფესტაციისას:სახის ნიღბით ან სხვა საშუალებით დაფარვა; ცრემლმდენი ან/და მომწამვლელი ნივთიერების ქონა;გზის სავალი ნაწილის ხელოვნურად გადაკეტვა, თუ ამას არ მოითხოვს შეკრებაში მონაწილე პირთა რაოდენობა;დროებითი კონსტრუქციის მოწყობა, რაც საფრთხეს ქმნის ან ხელს უშლის შეკრებას ან/და პოლიციის მიერ საზოგადოებრივი წესრიგისა და უსაფრთხოების დაცვას.ჩამოთვლილი ყველა ქმედების ჩამდენ პირს პირველ ჯერზე, შესაძლოა დაეკისროს ადმინისტრაციული პატიმრობა, ხოლო ქმედების განმეორების (სახდელდადებული პირის მიერ 1 წლის განმავლობაში ქმედების ჩადენა) შემთხვევაში სისხლის სამართლებრივი პასუხისმგებლობა, რაც სასჯელის სახით ითვალისწინებს თავისუფლების აღკვეთას 1 წლამდე ვადით, ხოლო ქმედების არაერთგზის ჩადენისას − 2 წლამდე ვადით.გარდა ამისა, სისხლისსამართლებრივ პასუხისმგებლობას გამოიწვევს მესამედ ან მეტჯერ, ჩადენილი პოლიციისადმი დაუმორჩილებლობა ან/და პოლიციელისთვის შეურაცხყოფის მიყენება. აღნიშნულ ქმედებაზე სასჯელის სახით გათვალისწინებულია თავისუფლების აღკვეთა ერთ წლამდე ვადით, ხოლო არაერთგზის ქმედების ჩადენისას − 2 წლამდე ვადით.კიდევ ერთხელ მოვუწოდებთ აქციის მონაწილეებსა და ორგანიზატორებს, პროტესტი გამოხატონ „შეკრებებისა და მანიფესტაციის შესახებ“ საქართველოს კანონით დადგენილი მოთხოვნების დაცვით, არ განახორციელონ კანონსაწინააღმდეგო ქმედებები და არ მოახდინონ გზის სავალი ნაწილის ხელოვნურად ბლოკირება.წინააღმდეგ შემთხვევაში, შინაგან საქმეთა სამინისტრო იმოქმედებს კანონით მისთვის მინიჭებული მანდატის ფარგლებში, მოახდენს ყველა სამართალდამრღვევი პირის იდენტიფიცირებას და მათ მიმართ გაატარებს კანონით განსაზღვრულ შესაბამის ზომებს”, - ნათქვამია უწყების მიერ გავრცელებულ ინფორმაციაში.

ევროკავშირმა და უზბეკეთმა პარტნიორობის გაფართოების შესახებ შეთანხმება გააფორმეს

ევროკავშირმა და უზბეკეთმა ხელი მოაწერეს შეთანხმებას პარტნიორობის გაფართოების შესახებ.როგორც ევროკავშირის პრესსამსახურში განაცხადეს, ხელმოწერილი შეთანხმება ხელს შეუწყობს ვაჭრობის დივერსიფიკაციას და მდგრად განვითარებას.„ეს შეთანხმება გზას უხსნის ახალ ჰორიზონტებს ისეთ სფეროებში თანამშრომლობისთვის, როგორებიცაა კიბერუსაფრთხოება, ტერორიზმთან ბრძოლა, საზღვრების უსაფრთხოება და ჰიბრიდული საფრთხეების აღკვეთა“, – აღნიშნულია ევროკომისიის განცხადებაში.ამ შეთანხმების ხელმომწერები, თუ შესაბამისი პირობები იარსებებს, განიხილავენ რეადმისიის საკითხებს და სავიზო რეჟიმის გამარტივებას.ბრიუსელში განაცხადეს, რომ შეთანხმება ხელს შეუწყობს რეგიონთან კავშირების გაღრმავებას. ევროკომისიაში აღნიშნეს, რომ ჩარჩოშეთანხმება ქმნის ახალ საკანონმდებლო საფუძველს პოლიტიკური დიალოგის გასამყარებლად და ურთიერთსასარგებლო სფეროებში თანამშრომლობის გაღრმავებას.„ახალი ფორმატი მიზნად ისახავს კონფლიქტების პრევენციასა და დარეგულირებას, რეგიონული სტაბილურობის განმტკიცებას, განიარაღებას, შეიარაღებაზე კონტროლს და საექსპორტო კონტროლს”, – ნათქვამია ევროკომისიის განცხადებაში.ამასთან ერთად, შეთანხმება აჩენს ახალ შესაძლებლობას კრიტიკულად მნიშვნელოვანი ნედლეულის მოპოვების სფეროში თანამშრომლობის გასაღრმავებლად.რეგიონული სატრანსპორტო ხელმისაწვდომობის ზრდა განხორციელდება ევროკომისიის ინიციატივის, Global Gateway-სა და ტრანსკასპიური დერეფნის საშუალებით.ცნობისთვის, აპრილში ევროკავშირში განაცხადეს, რომ ცენტრალურ აზიასთან თანამშრომლობის ახალი ეპოქა დაიწყო. მედიის ცნობით, ევროკავშირის საინვესტიციო პროექტი Global Gateway განიხილება, როგორც ევროპის პასუხი ჩინეთის ინიციატივაზე „ახალი აბრეშუმის გზა”. ცენტრალური აზიის რეგიონი მდიდარია ძვირფასი ბუნებრივი წიაღისეულით, მათ შორის არის კობალტი და სპილენძი.

დიმიტრი ცქიტიშვილი გახარიას პარტიაზე – პარლამენტში შესვლა შეცდომაა – კი იძახიან, არ მივეცით ლეგიტიმაციაო, მაგრამ მათი მხრიდან ეს ლეგიტიმაციის მიცემაა, მოსწონთ თუ არ მოსწონთ,...

ჩემი ბრალი ალბათ ის არის, რომ უფრო მეტი განგაში არ ავტეხე, მაგრამ, რეალურად, მივედით იქამდე, რაც უკვე თავად ირაკლი კობახიძემ თქვა - ეს სცენარი, პრაქტიკულად, მათი მოგონილი იყო, მათ მოგონილ სცენარზე წამოვეგეთ და 4 ოქტომბერს ოპოზიციური სპექტრი მთლიანად დამარცხდა, - ამის შესახებ ოპოზიციონერმა პოლიტიკოსმა, დიმიტრი ცქიტიშვილმა „პალიტრანიუსის“ გადაცემა „360 გრადუსში“ განაცხადა.ცქიტიშვილმა თავისი ყოფილი გუნდის, გიორგი გახარიას პარტიის პარლამენტში შესვლის გადაწყვეტილებაც გააკრიტიკა და „ქართული ოცნების” ინტერესებზე მორგებას დაუკავშირა. ცქიტიშვილის თქმით, გახარიას გუნდი პარლამენტში შესვლით „ქართულ ოცნებას“ ლეგიტიმაციას აძლევს.„ეს ფრაგმენტირებული ოპოზიცია ყველაზე მეტად ემსახურება „ქართული ოცნების” ინტერესებს. დღეს რეალურად მივედით იქამდე, რომ 4 ოქტომბერს განსაკუთრებით და მას მერეც, ოპოზიციის ყველა ქმედებები მოემსახურა „ქართული ოცნების” ინტერესებს, მათ შორის, კონკრეტულად ერთი პოლიტიკური ჯგუფის ქმედება.რეალურად ეს შედეგი დადგა და ამის გააზრება თუ არ გვინდა, მაშინ ახლიდან გავივლით ამ პროცესებს და ისევ დამარცხებულები გამოვალთ.ჩემი ბრალი ალბათ ის არის, რომ უფრო მეტი განგაში არ ავტეხე, მაგრამ, რეალურად, მივედით იქამდე, რაც უკვე თავად ირაკლი კობახიძემ თქვა - ეს სცენარი, პრაქტიკულად, მათი მოგონილი იყო, მათ მოგონილ სცენარზე წამოვეგეთ, ზოგი ნებსით, ზოგი უნებლიედ, მაგრამ მათი სცენარით ვიმუშავეთ და 4 ოქტომბერს ოპოზიციური სპექტრი მთლიანად დამარცხდა და დღეს პასუხისმგებლობა გადატანილი გვაქვს მთლიანად იმ ჯგუფზე, რომელიც თავდადებით იბრძვის ქუჩაში.პარლამენტში შესვლა, რა თქმა უნდა, შეცდომაა. თუ მაშინ შესვლა შეცდომა იყო, ახლა კიდევ უფრო დიდი შეცდომაა, არცერთ შემთხვევაში გამართლებული არ არის. ეს არის მცდელობა, რომ ლეგიტიმაცია მისცენ, კი იძახიან, არ მივეცით ლეგიტიმაციაო, მაგრამ მათი მხრიდან ეს ლეგიტიმაციის მიცემაა, მოსწონთ თუ არ მოსწონთ, ასეა. ეს არ ნიშნავს, რომ პარლამენტი ლეგიტიმური გახდება იმიტომ, რომ საერთაშორისო სისტემაში და ქართულ საზოგადოებაში შედგა ის, რომ ეს პარლამენტი არალეგიტიმურია, მაგრამ გახარიას პარტიამ მათ თავისი მხრიდან მისცა ლეგიტიმაცია იქ ყოფნითა და იქ მუშაობით”, - განაცხადა დიმიტრი ცქიტიშვილმა.

ბოლო სიახლეები