BBC ცნობით სამხრეთ აფრიკაში ოქროს მაღაროში 955 მაღაროელია ჩარჩენილი

სახელმწიფო უსაფრთხოების სამსახურში ექსპერტი გია ხუხაშვილი გამოკითხვაზე დაიბარეს.ხუხაშვილი სუს-ში სავარაუდოდ გუშინდელ განცხადებასთან დაკავშირებით არის დაბარებული.კერძოდ, მან „პალიტრანიუსის“ პოლიტიკურ თოქშოუ „360 გრადუსში“ განაცხადა: „ძალიან საფრთხილო სიტუაციაა. დეტალებს ვერ ვიტყვი. ღია წყაროებიდან ვფლობ ინფორმაციას, მაგრამ ინფორმაცია საკმაოდ დამაჯერებელია და აქედან გამომდინარე, ვფიქრობ, საფრთხე არის რეალური. შეიძლება დაიწყოს ტერაქტების სერია“.სახელმწიფო უსაფრთხოების სამსახურში გამოკითხვაზე გია ხუხაშვილი 12:00 საათზეა დაბარებული.

ძალიან კარგია, რომ ყულევის ტერმინალი სასანქციე პაკეტიდან ამოიღეს, – ამის შესახებ პარტიის „გახარია საქართველოსთვის“ წევრმა, გიგა ფარულავამ განაცხადა.„სტრატეგიულ პარტნიორებს მოვუწოდებდით, სანქციები ჩვენს მოქალაქეებს ნაკლებად შეეხოს. ხელისუფლებასაც მოვუწოდებდით, რომ საქართველოში არ იყოს სანქციების გვერდის ავლის შესაძლებლობა. შესაბამისად, ტერმინალის ამ პაკეტიდან ამოღება თუ მოხდა, ეს მხოლოდ კარგია“, – განაცხადა გიგა ფარულავამ.ცნობისთვის, ევროკავშირმა საქართველოში მდებარე ყულევის ნავთობის ტერმინალი რუსეთის წინააღმდეგ სანქციების მე-20 პაკეტში არ შეიყვანა. შესაბამისი გადაწყვეტილების შესახებ სანქციების საკითხებში ევროკავშირის სპეციალურმა წარმომადგენელმა, დევიდ ო’სალივანმა საქართველოს საგარეო საქმეთა მინისტრს, მაკა ბოჭორიშვილს წერილით აცნობა.

აზერბაიჯანი ირანში 32 ტონა ჰუმანიტარულ ტვირთს გაგზავნის.აზერბაიჯანის სახელმწიფო რეზერვების კონტროლის დეპარტამენტის დირექტორმა, ემინ ჰასანოვმა განაცხადა, რომ ბაქო თეირანს 30 ტონა საკვებ პროდუქტებსა და ორ ტონა მედიკამენტს გაუგზავნის.„ჰუმანიტარული დახმარება მოიცავს ფქვილს, ბრინჯს, შაქარს, ჩაის, ასევე სამედიცინო მასალებს. მანქანები უკვე გადიან“, – განაცხადა ენინ ჰასანოვმა.ირანში ჰუმანიტარული ტვირთების გაგზავნის გადაწყვეტილბა აზერბაიჯანის პრეზიდენტმა, ილჰამ ალიევმა მიიღო.

საქართველოს პრემიერ-მინისტრმა, ირაკლი კობახიძემ მოჯტაბა ხამენეის, ირანის ისლამური რესპუბლიკის უმაღლეს ლიდერად არჩევასთან დაკავშირებით, ოფიციალური მილოცვა გაუგზავნა.„„საქართველოს მთავრობის სახელით, გილოცავთ ირანის ისლამური რესპუბლიკის უმაღლეს ლიდერად არჩევას. საქართველო დიდ მნიშვნელობას ანიჭებს ორ ქვეყანას და ხალხს შორის ურთიერთპატივისცემაზე დაფუძნებულ პარტნიორულ ურთიერთობებს. ირანელ ხალხს ვუსურვებ მშვიდობასა და კეთილდღეობას“, – აღნიშნულია პრემიერ-მინისტრის მილოცვაში.

,,ერთი არჩევანის გეოპოლიტიკური შედეგებიირანის ახალი უზენაესი სულიერი ლიდერის, აიათოლა სეიედ მოჯთაბა ხამენეის არჩევა ომის ფონზე, ასევე რეგიონული და საერთაშორისო ზეწოლის პირობებში, არ არის მხოლოდ შიდა მოვლენა. ეს მოვლენა სინამდვილეში მრავალშრიან გზავნილს შეიცავს მსოფლიოსთვის, რეგიონისა და ირანის შიდა საზოგადოებრივი აზრისათვის. ეს მოვლენა, უწინარეს ყოვლისა, არის ირანის ინსტიტუციური უწყვეტობისა და პოლიტიკური ერთიანობის გამოხატულება თანამედროვე ისტორიის ერთ-ერთ ყველაზე კრიტიკულ პერიოდში. ეს ხდება მაშინ, როცა ბევრი გარე დამკვირებელი არასტაბილურობას ან ძალაუფლების ვაკუუმს მოელის. ეს მოვლენა, სულ მცირე, სამ მნიშვნელოვან გზავნილს შეიცავს:1) გზავნილი დიდ ძალებს ლიდერობის გადაცემა ასეთ პირობებში აჩვენებს, რომ ირანის პოლიტიკურ სტრუქტურას, მწვავე კრიზისის პირობებშიც კი, შეუძლია გააგრძელოს ქვეყნის მართვა და გადაწყვეტილების მიღება ყოველგვარი ვაკუუმის ან რღვევის გარეშე. ეს რეალობა გავლენას ახდენს დიდი და ახალგამოჩენილი ძალების სტრატეგიულ გათვლებზე და, გარკვეული თვალსაზრისით, ქმნის ახალ გეოპოლიტიკურ შეკავებას საერთაშორისო გარემოში.2) გზავნილი რეგიონსა და მეზობლებს სპარსეთის ყურიდან დაწყებული კავკასიისა და ცენტრალური აზიის ჩათვლით, ირანის მეზობლები ამჟამად დგანან ისეთი ქვეყნის წინაშე, რომლის ძალაუფლების სტრუქტურა კვლავ სტაბილური და ეფექტურია. ეს ნიშნავს, რომ ირანი გააგრძელებს აქტიური როლის შესრულებას მის გარშემო არსებულ გეოპოლიტიკურ გარემოში, ხოლო მისი თავდაცვითი და რეგიონული პოლიტიკა გაგრძელდება. ასეთ პირობებში ირანს კვლავ შეუძლია დარჩეს ეფექტურ მოთამაშედ რეგიონული ძალთა ბალანსის ჩამოყალიბებაში.3) შიდა გზავნილი და ეროვნული რწმენა უსაფრთხოების კრიზისის ფონზე ლიდერობის გადაცემა აჩვენებს, რომ ირანმა არა მხოლოდ ზეწოლასა და დაძაბულობას გაუძლო, არამედ ამ რთულ ვითარებაში ლიდერთა ახალი თაობის აღზრდაც შეუძლია. ამან შეიძლება ხელი შეუწყოს შიდა ნდობისა და ეროვნული ერთიანობის განმტკიცებას და შექმნას კრიზისულ სიტუაციებში ძალაუფლების გადაცემის მართვის მნიშვნელოვანი მოდელი.დასკვნის სახით შეიძლება ითქვას: საერთო ჯამში, ეს მოვლენა არ არის ცვლილება მხოლოდ უზენაესი სულიერი ლიდერის დონეზე; ეს გახლავთ მნიშვნელოვანი გეოპოლიტიკური გზავნილი საერთაშორისო საზოგადოებისათვის. გზავნილი, რომელიც აჩვენებს, რომ ირანი დარჩება ეფექტურ აქტორად რეგიონულ ბალანსში, ხოლო მომდევნო წლებში მისი როლი ახლო აღმოსავლეთსა და მის სამეზობლოში ძალთა ბალანსის ჩამოყალიბებაში გადამწყვეტი იქნება''-ამის შესახებ ირანის ისლამური რესპუბლიკის ელჩი საქართველოში სეიედ ალი მოჯანი სოციალურ ქსელ  facebook- ზე წერს