BBC ცნობით ვლადიმერ პუტინის რეიტინგი შემცირდა

ძალიან ვამაყობ, რომ ჩვენი საელჩოს ბევრი პროგრამა, წლების განმავლობაში, ეხმარებოდა ქართული კულტურული და ისტორიული მემკვიდრეობის შენარჩუნებას, – ამის შესახებ აშშ-ის ელჩის მოვალეობის შემსრულებელმა, ალან პერსელმა საპატრიარქოში სტუმრობისას განაცხადა, სადაც საპატრიარქო ტახტის მოსაყდრეს, სენაკისა და ჩხოროწყუს მიტროპოლიტს, შიოს(მუჯირი), მღვდელმთავრებსა და სამღვდელოებას შეხვდა.მისი თქმით, საქართველოში ქრისტიანული იდენტობის, დამოუკიდებლობის დაცვასა და შენარჩუნებაში ქართულ ეკლესიას და უწმინდესობას დიდი როლი აქვს.„მადლობა მეუფეო ამ არაჩვეულებრივი, თბილი მიღებისთვის, ყველას დიდი მადლობა. ჩემთვის ძალიან დიდი პატივია, თითოეულ თქვენგანთან შეხვედრა და საუბარი. ნამდვილად ხანგრძლივი ისტორია აქვს საქართველოსა და ამერიკის მეგობრობას, ჩვენს ხალხებს შორის თანამშრომლობას. მე ვიცი, რომ ძალიან ბევრ ელჩს, ელჩის მოვალეობის შემსრულებელს, თუ საელჩოს წარმომადგენელს ჰქონია თქვენთან შეხვედრები და უთანამშრომლია. ამ ყველაფერს ძალიან ვაფასებთ. უაღრესად ვაფასებთ ქართული ეკლესიის როლს ქვეყნის, ქართველი ხალხის იდენტობისა და თავისუფლების დაცვაში. ძალიან გთხოვთ, გადასცეთ ჩემი უდიდესი მოკითხვა და პატივისცემით მის უწმინდესობას, საქართველოს პატრიარქს. როდესაც მის ბიოგრაფიას ვკითხულობ მართლაც დაუჯერებელია და საოცარია, რა პერიოდებში და რა მოვლენებში უწევდა მოღვაწეობა“, – განაცხადა ალან პერსელმა.აშშ-ის ელჩის მოვალეობის შემსრულებლის თქმით, საელჩოს ბევრი პროგრამა წლების განმავლობაში ეხმარებოდა ქართული კულტურული და ისტორიული მემკვიდრეობის შენარჩუნებას.„ჩემთვის, როგორც ამერიკელისთვის, გასაოცარი რამეა, როდესაც ვსაუბრობთ ქრისტიანობის რელიგიად გამოცხადების 1700 წლისთავზე. ჩემი ცხოვრების ხუთი წელი საქართველოში გავატარე. ბევრი მიმოგზაურია, წამიკითხავს წიგნები, გაზეთები, სტატიები. მინდა, აღვნიშნო, რომ ამ ქვეყნის ისტორია იმდენად დიდია და იმდენად ღრმაა, რომ მე, ალბათ, მხოლოდ რაღაც ზედაპირი ვიცი. ძალიან მნიშვნელოვანია ასეთი საზეიმო წლისთავები, რომ კიდევ ერთხელ მოხდეს ამის წარმოჩინება და აღნიშვნა. ძალიან ვამაყობ, რომ ჩვენი საელჩოს ბევრი პროგრამა, წლების განმავლობაში, ეხმარებოდა ქართული კულტურული და ისტორიული მემკვიდრეობის შენარჩუნებას“, – განაცხადა ელჩის მოვალეობის შემსრულებელმა.ალან პერსელის განცხადებით, საპატრიარქოში ძალიან შინაარსიანი და სასარგებლო შეხვედრა შედგა.„ჩვენ ვისაუბრეთ სხვადასხვა საკითხებზე. მინდა, აღვნიშნო ის უდიდესი როლი, რომელსაც ქართული ეკლესია და მისი უწმინდესობა ასრულებს და შეასრულა საქართველოში ქრისტიანული იდენტობია, დამოუკიდებლობის დაცვასა და შენარჩუნებაში. ძალიან მოხარული ვარ, რომ ჩვენ განვიხილეთ სხვადასხვა საკითხები, მათ შორის, ის ხანგრძლივი ურთიერთობა, რაც ამერიკის შეერთებულ შტატებს აქვს საქართველოსთან და ქართულ ეკლესიასთან. ასევე ვისაუბრეთ იმ პროექტებზე და პროგრამებზე, რაც მხარს უჭერს საქართველოს კულტურული მემკვიდრეობის, თუ სხვადასხვა რელიგიური მნიშვნელობის ობიექტების დაცვას და შენარჩუნებას, იქნება ეს ეკლესიები, ხელნაწერები, თუ სხვადასხვა სამუზეუმო ექსპონატები. ჩვენ ძალიან ვამაყობთ ამ თანამშრომლობით“, – განაცხადა ალან პერსელმა.საპატრიარქოში აშშ-ის ელჩის მოვალეობის შემსრულებლისა და შიო მუჯირის შეხვედრის ვიდეოს საპატრიარქო ავრცელებს.

UFC-ის სუპერმსუბუქი წონითი დივიზიონის ჩემპიონმა, მერაბ დვალიშვილმა პიოტრ იანთან ბრძოლის კვირის ფარგლებში ინტერვიუ UFC-ის ოფიციალურ გვერდთან ჩაწერა და მათთან იანთან მოახლოებულ ბრძოლაზე, მოსამზადებელ ეტაპზე და სამომავლო მიზნებზე ისაუბრა.მერაბ დვალიშვილის ინტერვიუ:„დაბრუნება კარგი შეგრძნებაა. მიყვარს, როდესაც დაკავებული ვარ და წონაში კლების გარდა, ყველაფერი მშვენივრადაა.“„2025 წელს ტიტულის მეოთხედ დაცვა? ჩემთვის ეს ბევრს ნიშნავს, რადგან ბრძოლა მიყვარს და მინდა, რომ ყოველთვის დაკავებული ვიყო. დიდი მადლობა UFC-ის, რომ წელს მეოთხედ ბრძოლის შესაძლებლობა მომცა. ახლა მინდა, რომ წონაში მოვიმატო, ეს ბრძოლა მოვიგო და შემდეგ წელსაც იგივე გავაკეთო.“განაგრძე კითხვა Crystalsport-ზე

ჩვენი პასუხისმგებლობაა ის, რომ ჩვენ უნდა ვიყოთ მზად ევროკავშირში ინტეგრაციისთვის, ჩვენ ვამბობთ, რომ მზად ვიქნებით 2030 წლისთვის, დანარჩენი დამოკიდებულია სამართლიანობაზე, – ამის შესახებ საქართველოს პრემიერ-მინისტრმა ირაკლი კობახიძემ დღევანდელ ბრიფინგზე განაცხადა.მთავრობის მეთაურის შეფასებით, ხელისუფლება იმედოვნებს, რომ ევროპული ბიუროკრატიის სამარცხვინო მიდგომა შეიცვლება.ჩვენი პასუხისმგებლობაა ის, რომ ჩვენ უნდა ვიყოთ მზად ევროკავშირში ინტეგრაციისთვის, რაც შეეხება ევროკავშირის მიდგომებს, თუ გაგრძელდება ის სამარცხვინო მიდგომა, რასაც ვხედავთ აქამდე ევროპული ბიუროკრატიის მხრიდან, რა თქმა უნდა, იქაც შეიძლება გაგრძელდეს უსამართლობა. ჩვენ ვამბობთ, რომ მზად ვიქნებით 2030 წლისთვის, ვალდებულებებია შესასრულებელი ასოცირების შეთანხმებიდან და DCFTA-დან გამომდინარე, დანარჩენი დამოკიდებულია სამართლიანობაზე“, – განაცხადა ირაკლი კობახიძემ.

გამოძიების წარმოებასთან ერთად, ვგეგმავთ მივმართოთ როგორც ბრიტანულ კომუნიკაციების მარეგულირებელ კომისიას, საჭიროების შემთხვევაში, საერთაშორისო მართლმსაჯულებას, რათა „ბიბისიმ“ სათანადოდ აგოს პასუხი და უარყოს სპეცსამსახურების ხელწერით გავრცელებული ცრუ ინფორმაცია, – ამის შესახებ საქართველოს პრემიერ-მინისტრმა, ირაკლი კობახიძემ განაცხადა.პრემიერის თქმით, პრინციპულად მნიშვნელოვანია, რომ „ბიბისის“ მიერ გავრცელებული ცრუ ინფორმაცია უპასუხოდ არ დარჩეს.„ჩვენთვის პრინციპულად მნიშვნელოვანია, „ბიბისის“ მიერ გავრცელებული ცრუ ინფორმაცია უპასუხოდ არ დარჩეს, ამიტომ, გამოძიების წარმოებასთან ერთად, ვგეგმავთ, მივმართოთ როგორც ბრიტანულ კომუნიკაციების მარეგულირებელ კომისიას, ისე საჭიროების შემთხვევაში, საერთაშორისო მართლმსაჯულებას, რათა „ბიბისიმ“ სათანადოდ აგოს პასუხი და უარყოს სპეცსამსახურების ხელწერით გავრცელებული ცრუ ინფორმაცია“, – განაცხადა პრემიერ-მინისტრმა.

საქართველოს პროკურატურამ, სამსახურებრივი მდგომარეობის გამოყენებით, დიდი ოდენობით თანხის მართლსაწინააღმდეგო მითვისების და უკანონო შემოსავლის ლეგალიზაციის ფაქტებზე, რასაც თან ახლდა განსაკუთრებით დიდი ოდენობით შემოსავლის მიღება, ერთი პირი დააკავა.საქართველოს პროკურატურის ცნობით, საქმეზე ჩატარებული გამოძიებით დადგინდა, რომ სამშენებლო კომპანია შპს „ისანი კომფორტს“ თბილისში, მოსკოვის გამზირზე მრავალფუნქციური საცხოვრებელი კომპლექსი უნდა აეშენებინა.„საქმიანობის წარმოების პროცესში, კომპანიის დირექტორმა და 49.99%-იანი წილის მფლობელმა ბრალდებულმა კომპანიის კუთვნილი თანხების დაუფლების მიზნით, სხვადასხვა კომპანია დააფუძნა, რის შემდეგაც, „ისანი კომფორტის“ საცხოვრებელ კომპლექსში განთავსებული ბინების შეძენისთვის 73 მოქალაქის მიერ კომპანიისთვის გადახდილი ჯამში 3 596 254 ლარი, პირადი მიზნებისთვის, პირად და მის მიერ დაფუძნებული კომპანიების საბანკო ანგარიშებზე გადარიცხა.დანაშაულებრივი გზით მიღებული თანხისთვის კანონიერი სახის მიცემის, მისი ნამდვილი ბუნების და წარმოშობის წყაროს შენიღბვის მიზნით, ბრალდებულმა მის მიერ დაფუძნებული კომპანიების სახელით, 160 000 აშშ დოლარად და 23 290 ლარად ღირებული უძრავი ქონებები და 83 560 ლარის სასაქონლო მატერიალური ფასეულობები შეიძინა.გარდა ამისა, ბრალდებულმა მოქალაქეთა კუთვნილი დიდი ოდენობით თანხის მართლსაწინააღმდეგო მისაკუთრების მიზნით, შპს „ისანი კომფორტის“ მრავალფუნქციურ კომპლექსში ქონების შეძენით დაინტერესებულ მოქალაქეებთან უძრავ ქონებაზე ნასყიდობის ხელშეკრულებები გააფორმა და ორი მოქალაქის ჯამში 119 273 ლარს მოტყუებით დაეუფლა, შემდეგ კი ხსენებული უძრავი ქონებების რეალიზაცია სხვა პირებზე მოახდინა. საქართველოს პროკურატურის თანამშრომლებმა, ბრალდებული 2025 წლის 2 დეკემბერს სასამართლოს განჩინების საფუძველზე დააკავეს. მას ბრალდება საქართველოს სისხლის სამართლის კოდექსის 182-ე მუხლის მე-2 ნაწილის „დ“ და მე-3 ნაწილის „ბ“ ქვეპუნქტებით (სხვისი ნივთის მართლსაწინააღმდეგო მითვისება, თუ ეს ნივთი მიმთვისებლის მართლზომიერ მფლობელობაში იმყოფებოდა, ჩადენილი სამსახურებრივი მდგომარეობის გამოყენებით, დიდი ოდენობით), 194-ე მუხლის მე-3 ნაწილის „გ“ ქვეპუნქტით (უკანონო შემოსავლის ლეგალიზაცია, რასაც თან ახლდა განსაკუთრებით დიდი ოდენობით შემოსავლის მიღება), 180-ე მუხლის მე-3 ნაწილის „ა“ და „ბ“ ქვეპუნქტებით (თაღლითობა, ესე იგი მართლსაწინააღმდეგო მისაკუთრების მიზნით სხვისი ნივთის დაუფლება მოტყუებით, სამსახურებრივი მდგომარეობის გამოყენებით, დიდი ოდენობით) წარედგინება, რაც სასჯელის სახედ და ზომად 9-დან 12 წლამდე თავისუფლების აღკვეთას ითვალისწინებს.პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით თბილისის საქალაქო სასამართლოს კანონით დადგენილ ვადაში მიმართავს“, – ნათქვამია საქართველოს პროკურატურის მიერ გავრცელებულ ინფორმაციაში.