ტრამპი აშშ-ის ისტორიაში ყველაზე დიდ დეპორტაციას აანონსებს

„ოთხი გამარჯვებული პარტია“ და „არჩევნები გაყალბდა“ ერთმანეთის საწინააღმდეგო გზავნილებია, – ამის შესახებ „გირჩის“ წევრი იაგო ხვიჩია სოციალურ ქსელში წერს. „ოთხი გამარჯვებული პარტია“ და „არჩევნები გაყალბდა“ ერთმანეთის საწინააღმდეგო გზავნილებია და მინიმუმ ერთ წინადადებაში ამის თქმა ნიშნავს, რომ დეგენერატი ხარ“, – წერს იაგო ხვიჩია.

მოთხოვნილი გავქვს ვადამდელი არჩევნები და პატიმრების გამოშვება, რაც დაფიქსირებული გვაქვს 2000-ზე მეტ კომპანიასთან ერთად, მოვუსმენთ პრემიერ-მინისტრს და ალბათ, მივიღებთ მათგანაც პასუხს, – ამის შესახებ კომპანია „არსის“ გენერალურმა დირექტორმა, ბესო ორთოიძემ საქართველოს პრემიერ-მინისტრ ირაკლი კობახიძესთან შეხვედრამდე ჟურნალისტებს განუცხადა. „2000-ზე მეტ კომპანიას, მათ შორის ჩვენს კომპანიას, დაფიქსირებული გვაქვს, რომ ახლა მნიშვნელოვანია სასწრაფოდ დეესკალიაცია. ამისთვის მოთხოვნილი გავქვს ვადამდელი არჩევნები და პატიმრების გამოშვება. მოვუსმენთ და ალბათ, მივიღებთ მათგანაც პასუხს“,- განაცხადა ბიზნესმენმა ბესო ორთოიძემ.

12 წელია, დაისვენა ქვეყანამ, ამ ქვეყნის აწიოკება გინდათ? არ გამოგივათ, – ამის შესახებ ბიზნესმენმა, ნოშრევან ნამორაძემ ჟურნალისტებთან საუბრისას განაცხადა. აღნიშნული განცხადება ნოშრევან ნამორაძემ მთავრობის ადმინისტრაციაში პრემიერ-მინისტრ ირაკლი კობახიძისა და ბიზნესმენების შეხვედრის დაწყებამდე გააკეთა. „12 წლის წინ სად იყავით? გახსოვთ რამე საერთოდ? არა, არ გახსოვს? სკოლაში იყავი და მოდი, მე მოგიყვები, ჩემთან რა ხდებოდა. 12 წელია, დაისვენა ქვეყანამ, არც ომში ხარ და არც უკრაინის სიტუაცია არ გაქვს, უკრაინაში მოგწონს, რაც ხდებოდა? მერე რა უქნეს ქვეყანას? იგივე გინდა, რომ აქ იყოს ? აწიოკება გინდათ ამ ქვეყნის? არ გამოგივათ“, – მიმართა ბიზნესმენმა ნოშრევან ნამორაძემ „ტვ პირველის“ ჟურნალისტს.

საქართველოს პრემიერ-მინისტრი ირაკლი კობახიძე, პირველ ვიცე-პრემიერთან, ეკონომიკისა და მდგრადი განვითარების მინისტრ ლევან დავითაშვილთან ერთად, მსხვილი ბიზნესის წარმომადგენლებს შეხვდა. საქართველოს მთავრობის მიერ გავრცელებული ინფორმაციით, შეხვედრაზე ქვეყანაში მიმდინარე მოვლენები განიხილეს. „საუბარი შეეხო მიმდინარე პროცესებთან დაკავშირებით მთავრობის ხედვას და სამომავლო პრიორიტეტებს. პრემიერ-მინისტრმა კიდევ ერთხელ ხაზგასმით აღნიშნა, რომ საქართველოს მთავრობა ქვეყნის ევროპული გზის ერთგულია და ამაზე მეტყველებს ევროინტეგრაციის კუთხით დღემდე მიღწეული პროგრესი. შეხვედრა კითხვა-პასუხის რეჟიმში წარიმართა. პრემიერ-მინისტრმა ბიზნესისთვის აქტუალურ ყველა კითხვას უპასუხა. მთავრობის მეთაურმა გამოთქვა მზადყოფნა, დამატებით შეხვდეს ბიზნესის წარმომადგენლებს, რომლებსაც ხელისუფლების კურსთან დაკავშირებით განსხვავებული პოზიციები აქვთ. მთავრობის ადმინისტრაციაში გამართულ შეხვედრას ბიზნესის 100-ზე მეტი წარმომადგენელი ესწრებოდა“, – ნათქვამია საქართველოს მთავრობის ინფორმაციაში.

მამუკა ხაზარაძის განცხადება მის შინაარს გამოხატავს, როგორც ადამიანის და პოლიტიკური ლიდერის, მათი საქმიანობის მთავარი ატრიბუტია, დესტაბილიზაციისთვის და საქართველოს ეროვნული ინტერესების წინააღმდეგ მოქმედება, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა. მისი თქმით, ჯარისთვის თუ სხვებისთვის მოწოდება, რომ სახელმწიფოს დაუპირისპირდნენ მათ ხელში არსებული რესურსებით, აბსოლუტურად მიუღებელია. „ეს ჩვენი ქვეყნის ინტერესებისკენ და ნგრევისკენ არის მიმართული. როცა ასეთი მოწოდება ჯარის მიმართ ხდება, ეს განსაკუთრებული მახასიათებელია „ლელოსი“, რომელიც „ნაცმოძრაობის“ შემადგენელია და არ განსხვავდება არც შინაარსით და არც ზნით“, – განაცხადა ვოლსკიმ.