ეკა სეფაშვილი – როგორც ჩანს, სალომე ზურაბიშვილს გარედან აქვს მკაცრი დავალება, რიგგარეშე არჩევნები დანიშნოს და ცდილობს, პროცესები აქეთკენ წაიყვანოს, მას არაფერი გამოუვა

დიდი მოლოდინი მაქვს, რომ აშშ-ის ახალ ადმინისტრაციასთან ჩვენ გვექნება ძალიან ღია, გულწრფელი დიალოგი, ინფორმაციების გაცვლა, რაც მოგვცემს საშუალებას, გადავტვირთოთ ურთიერთობები და თანამშრომლობის კიდევ უფრო მაღალ ხარისხზე ავიყვანოთ აშშ-თან ჩვენი ურთიერთობა. ეს იქნება მნიშვნელოვანი გზავნილი, მათ შორის, სხვა ქვეყნებისთვისაც, – განაცხადა პირველმა ვიცე-პრემიერმა, ეკონომიკისა და მდგრადი განვითარების მინისტრმა, ლევან დავითაშვილმა მთავრობის ადმინისტრაციაში გამართულ ბრიფინგზე, სადაც პრემიერ-მინისტრთან მსხვილი ბიზნესის წარმომადგენლებთან შეხვედრის შესახებ ისაუბრა. პირველმა ვიცე-პრემიერმა ასევე ხაზი გაუსვა იმ გარემოებას, რომ ეკონომიკაზე ასევე ნეგატიურად მოქმედებს ქვეყანაში არსებული პოლარიზაცია. „ასეთი ტიპის დიალოგი, როგორიც დღეს იყო ბიზნესთან, ძალიან  მნიშვნელოვანია, მაგრამ არ არის საკმარისი იმისთვის, რომ მოხდეს პროცესების დეესკალაცია. ჩვენ გვინდა, პროცესი დასტაბილურდეს და ქვეყანა დაუბრუნდეს განვითარების ნორმალურ რიტმს. ამის ერთადერთი გამოსავალია დიალოგი და საზოგადოებაში პოლარიზაციის ასეთი ხარისხის შემცირება“, – აღნიშნა ლევან დავითაშვილმა.

„ოთხი გამარჯვებული პარტია“ და „არჩევნები გაყალბდა“ ერთმანეთის საწინააღმდეგო გზავნილებია, – ამის შესახებ „გირჩის“ წევრი იაგო ხვიჩია სოციალურ ქსელში წერს. „ოთხი გამარჯვებული პარტია“ და „არჩევნები გაყალბდა“ ერთმანეთის საწინააღმდეგო გზავნილებია და მინიმუმ ერთ წინადადებაში ამის თქმა ნიშნავს, რომ დეგენერატი ხარ“, – წერს იაგო ხვიჩია.

მოთხოვნილი გავქვს ვადამდელი არჩევნები და პატიმრების გამოშვება, რაც დაფიქსირებული გვაქვს 2000-ზე მეტ კომპანიასთან ერთად, მოვუსმენთ პრემიერ-მინისტრს და ალბათ, მივიღებთ მათგანაც პასუხს, – ამის შესახებ კომპანია „არსის“ გენერალურმა დირექტორმა, ბესო ორთოიძემ საქართველოს პრემიერ-მინისტრ ირაკლი კობახიძესთან შეხვედრამდე ჟურნალისტებს განუცხადა. „2000-ზე მეტ კომპანიას, მათ შორის ჩვენს კომპანიას, დაფიქსირებული გვაქვს, რომ ახლა მნიშვნელოვანია სასწრაფოდ დეესკალიაცია. ამისთვის მოთხოვნილი გავქვს ვადამდელი არჩევნები და პატიმრების გამოშვება. მოვუსმენთ და ალბათ, მივიღებთ მათგანაც პასუხს“,- განაცხადა ბიზნესმენმა ბესო ორთოიძემ.

12 წელია, დაისვენა ქვეყანამ, ამ ქვეყნის აწიოკება გინდათ? არ გამოგივათ, – ამის შესახებ ბიზნესმენმა, ნოშრევან ნამორაძემ ჟურნალისტებთან საუბრისას განაცხადა. აღნიშნული განცხადება ნოშრევან ნამორაძემ მთავრობის ადმინისტრაციაში პრემიერ-მინისტრ ირაკლი კობახიძისა და ბიზნესმენების შეხვედრის დაწყებამდე გააკეთა. „12 წლის წინ სად იყავით? გახსოვთ რამე საერთოდ? არა, არ გახსოვს? სკოლაში იყავი და მოდი, მე მოგიყვები, ჩემთან რა ხდებოდა. 12 წელია, დაისვენა ქვეყანამ, არც ომში ხარ და არც უკრაინის სიტუაცია არ გაქვს, უკრაინაში მოგწონს, რაც ხდებოდა? მერე რა უქნეს ქვეყანას? იგივე გინდა, რომ აქ იყოს ? აწიოკება გინდათ ამ ქვეყნის? არ გამოგივათ“, – მიმართა ბიზნესმენმა ნოშრევან ნამორაძემ „ტვ პირველის“ ჟურნალისტს.

ვიღაცებს ჰგონიათ, რომ შემაშინებენ, დამაშინებენ, რაღაც მუქარით მელაპარაკებიან და მგონი, მაინც ვერ მიცნობენ, ან ეს არის მცდელობა, რომ ამაგდონ და ვთქვა, აბა რა. მეორე მხრივ, ძალიან მადლობელი ვარ, მესმის საზოგადოებისგან და ბევრი სხვადასხვა ჯგუფებისგან, დავიცავთ პრეზიდენტსო, მაგრამ დასაცავიც არ ვარ, – ამის შესახებ საქართველოს პრეზიდენტმა, სალომე ზურაბიშვილმა ვიდეომიმართვაში განაცხადა. ზურაბიშვილის განცხადებით, ყველაფერი ძალიან ნათელია. მისივე თქმით, ამ ქვეყანაში არეულობა არავის უნდა. „არც მეშინია და ვნახოთ, სად ვიქნები, როგორ ვიქნები 29-ის მერე, მაგრამ ვიქნები ის, რაც ვარ, პრეზიდენტი თავისი სიმბოლიკით, თავისი დატვირთვით, თავისი დამოუკიდებლობით და იქნება ეს პრეზიდენტი თქვენი, ყველას მსახური, თქვენ გემსახურებით, როგორც ვემსახურები ქვეყანას და სამშობლოს. ასე რომ, ყველაფერი ძალიან ნათელია. ყველაფერი ძალიან მარტივია. მინდა, ხაზი გავუსვა აუცილებლად, რომ არავის ამ ქვეყანაში არ უნდა არეულობა. ხელისუფლების, უფრო სწორად მმართველი პარტიის გეგმებში, სცენარებში, ზოგიერთი სცენარი ჩვენც გვაქვს ნანახი, აწვებიან იმას, რომ იქნება არეულობა, იქნება სამოქალაქო დაპირისპირება და რაღაცნაირად, ამ სცენარს უწყობენ ხელს. ნაძვის ხის მომენტი იყო ეს, გუშინაც ალბათ იმედი ჰქონდათ, ამიტომ იყო ამდენი პოლიციელი თავმოყრილი თავისუფლების მოედანზე. ზურაბიშვილი აცხადებს, რომ ქვეყანა მშვიდობიანად გაივლის ახალი არჩევნების ეტაპს. „შიგადაშიგ აბრალებენ პოლიტიკურ პარტიებს, რომ მათ უნდათ გადატრიალება, რევოლუცია, ამიტომ უნდა დაიჭირონ, გააუქმონ პარტიები და ა.შ. მეც მაბრალებენ რადიკალიზმს, არ ვიცი, სად დაინახეს. ჩვენ გვინდა ამ ქვეყნის მომავალი დემოკრატიულ, ევროპულ და ამერიკულ ქვეყნებთან ერთად და ამისთვის არანაირი არეულობა არ გვაწყობს. გვაწყობს ქვეყნის განვითარება და ქვეყნის განვითარებას სჭირდება მშვიდობა. თქვენ, რომლებიც ამდენს ლაპარაკობდით მშვიდობაზე, რეალურად გვაშინებდით გარე ომის საფრთხით, რომელიც ჯერ გაურკვეველი და გაუგებარია, ახლა გინდათ, დაგვაშინოთ შიდა ომით, არც ერთი არ გამოვა და არც მეორე. ეს ქვეყანა წავა თავისი გზით, მშვიდობიანად, გაივლის ახალი არჩევნების ეტაპს, იქნება ძალიან წარმატებული და ძლიერი“, – განაცხადა ზურაბიშვილმა.