საჯარო მოხელეს ქართული ენის ცოდნის ვალდებულება აღარ აქვს, გააუქმესო – ტყუილია, არ გაგვიუქმებია! რატომ კადრულობენ ამ ტყუილს, შეგიძლიათ ტყუილის ავტორებს მოკითხოთ – მამუკა მდინარაძე

წარუმატებლობის მთავარ მიზეზად განიხილება ის, რომ მილიონ 200 ათასმა ადამიანმა მხარი დაუჭირა „ქართულ ოცნებას“, რომელიც ქვეყნის განვითარებას უზრუნველყოფს და იცავს ნგრევისგან, რასაც ოპონენტები გვთავაზობენ, – ამის შესახებ საქართველოს პარლამენტის პირველმა ვიცე-სპიკერმა გია ვოლსკიმ განაცხადა.ვოლსკის თქმით, უნდათ, საზოგადოება გაღიზიანების იმ დონემდე მიიყვანონ, რომ „ქართული ოცნების” ხელისუფლებას მხარი აღარ დაუჭიროს და ნგრევა იყოს, მათ შორის ეკონომიკის მიმართულებით.„ამ მიზნის მისაღწევად რუსეთისთვის სანქციების დაწესებას ითხოვდნენ, ლარის კურსს უტევდნენ. მათი აზრით, შანტაჟის დიდი რესურსი ის არის, რომ ქართულ საზოგადოებას სასჯელი მთლიანად გამოუტანონ და უთხრან, რომ ვინაიდან მხარს „ქართულ ოცნებას“ უჭერთ, თავისუფალი მიმოსვლის ღირსი არ ხართო. ერთმა ჟურნალისტმა თქვა, პოლონეთში საზღვარზე რომ ვთქვი, მხარს „ქართულ ოცნებას“ არ ვუჭერო, ამ პირობით შემიშვესო. ეს სისულელე და ტყუილია, მაგრამ ეს მიმართულება მუშავდება და საკმაოდ დიდ სივრცეშია ეს პროპაგანდა და ტრენდი გავრცელებული. მთავარი სამიზნე არის ახალგაზრდები, მაგრამ მეორეა ის, ვინც სექტანტის აღტკინებით „ნაცმოძრაობას“ ემსახურება. ამ რეალობასაც დავძლევთ, რადგან უსამართლობის ეს ხარისხი იმ პრინციპებსა და წითელ ხაზებზე გადაბიჯებაა, რაც ევროპას უნდა ახასიათებდეს“, – განაცხადა გია ვოლსკიმ.

ოპოზიციის რა გაერთიანებაზეა საუბარი, ორი ადამიანიც ვერ დადგა ერთად. „ნაცმოძრაობამ“ ე.წ. ახლები რომ
შექმნა, პარტიას ორი თავმჯდომარე ჰყავდა და რა გაერთიანებაზე საუბრობენ? – ამის შესახებ  პარტია „ხალხის ძალის“ აღმასრულებელმა მდივანმა, გურამ მაჭარაშვილმა საქართველოს პირველ არხს განუცხადა.მაჭარაშვილის თქმით, „მას შემდეგ, რაც ქართული პოლიტიკიდან „ნაცმოძრაობის“ ჩამოშორება მოხდება, ჯანსაღი ოპოზიციური ძალებით შეივსება ველი“.„სახელმწიფო არ არსებობს, სადაც პოლიტიკური ველი შეუვსებელი დარჩება. ვინ იქნება ოპოზიციაში, ამას ქართველი ხალხი გადაწყვეტს. დარწმუნებული ვარ, ოპოზიციური ველი აუცილებლად შეიცვლება“, – განაცხადა გურამ მაჭარაშვილმა.

ქვეყანაში არალეგიტიმური ხელისუფლება როდესაც არის და პოლიტიკური პატიმრები არიან, იქ რადიკალური პროტესტი აუცილებელია. შიმშილობას თუ დაემატება სოლიდარობა შიმშილობისადმი, მივალთ დასკვნამდე, რომ 24-საათიანი პროტესტი ჩვენი გამოსავალია, – ამის შესახებ „კოალიცია ცვლილებისთვის“ წევრმა, გედევან ფოფხაძემ „პალიტრანიუსის“ ეთერში განაცხადა.მისივე თქმით, ეს ვიღაცამ, შესაძლოა, გააკეთოს მორიგეობის სახით.„ჩემი გადაწყვეტილება არ არის, ივანიშვილის გადაწყვეტილებაა, რომ ვშიმშილობ. ყველამ, ვინც გაითავისა, რომ ეს პროტესტი სწორი ფორმაა, შემოუერთდა აქციას და ერთად ვართ, კარგად ხვდება, რომ ჩვენთვის ეს არ არის უბრალოდ ცუდი პროცესი, რომელიც უნდა გაპროტესტდეს. ეს არის ეგზისტენციალური მნიშვნელობის პრობლემა, რაც ივანიშვილის რეჟიმმა საქართველოში შექმნა. ჩვენი ქვეყნის იზოლაცია დაიწყეს, გადაწყვიტეს, ხელისუფლების შენარჩუნებისთვის ყველაფერი წაშალონ, დიქტატურა გააფორმონ. უკვე არაადეკვატურია, ასეთ მოცემულობას დაუპირისპირდე აკადემიური პროტესტის ფორმებით. ქვეყანაში არალეგიტიმური ხელისუფლება როდესაც არის და პოლიტიკური პატიმრები არიან, იქ რადიკალური პროტესტი აუცილებელია. შიმშილობას თუ დაემატება სოლიდარობა შიმშილობისადმი, მივალთ დასკვნამდე, რომ 24-საათიანი პროტესტი ჩვენი გამოსავალია, მივხვდებით, რომ აქ უნდა იყოს საპროტესტო მუხტი 24 საათი.ჩვენ გვაქვს პროტესტი, რომელიც გარკვეულ შეზღუდვებთან არის დაკავშირებული. ჩვენ გამოვედით კომფორტის ზონიდან და 24 საათი აქ ვართ. აქ რომ იქნება 24-საათიანი საპროტესტო ჯგუფი, მას დასჭირდება კარვები და ამ პროტესტის თანმდევი კარვები იქნება. თუ აქ მოშიმშილეთა ჯგუფია, არაბუნებრივია, რომ არ არის მოშიმშილეთა სოლიდარობის ჯგუფი. 24-საათიან რეჟიმში დაგვჭირდება მეგობრების, თანამოაზრეების თანადგომა. ჩვენ მალე ერთმანეთს ვეღარ მოვუვლით. ამ პროტესტით ყველა უნდა დავარწმუნოთ, რომ 24-საათიან პროტესტს ალტერნატივა არ აქვს, რუსთაველზე 24-საათიან ყოფნას ალტერნატივა არ აქვს, ეს ვიღაცამ, შესაძლოა, გააკეთოს მორიგეობის სახით. ჩვენ 24 საათი თუ ვართ, ვიღაც 3-4-6 საათი იყოს“, – აღნიშნა ფოფხაძემ.

თბილისის მერი კახა კალაძე აცხადებს, რომ მმართველი გუნდი ევროკავშირისგან მხოლოდ და მხოლოდ ერთ რამეს – ქართული სახელმწიფოსა და ქართველი ხალხის მიმართ სამართლიან დამოკიდებულებას ითხოვს. ამის შესახებ კალაძემ საქართველოსა და ევროკავშირს შორის არსებული ურთიერთობების გადატვირთვასთან დაკავშირებით დასმულ შეკითხვაზე განაცხადა.„დღევანდელი ევროპული ბიუროკრატიის დიდ ნაწილს სახე აქვს დაკარგული. ყველა მათი განცხადება საქართველოსთან მიმართებაში არის გაჯერებული ტყუილით, მხოლოდ და მხოლოდ სიცრუეზეა დაფუძნებული და არანაირ რეალობას არ შეიცავს. ასევე, ძალიან მძიმეა ის ფაქტიც, რომ ქვეყანაში რამდენჯერმე შეეცადნენ რევოლუციის მოწყობას, სახელმწიფო გადატრიალებას, ხელისუფლების დამხობას. რა თქმა უნდა, ეს ყველაფერი ძალიან მძიმეა და კატეგორიულად მიუღებელია. როდესაც გამჭვირვალობის კანონზე ვსაუბრობდით, მისი მიღების აუცილებლობა ზუსტად მსგავსი ფაქტებიდან გამომდინარეობდა. ერთი მხრივ, გვეუბნებოდნენ, თითქოს საქართველოს მეგობრები ვართო, მეორე ხელით კი სახელმწიფო გადატრიალებებს, რევოლუციებს, ექსტრემიზმის, მოძალადეების წახალისებას ეწეოდნენ. ეს არც მეგობრობაში ჯდება, არც პარტნიორობაში“, – განაცხადა კახა კალაძემ.კითხვაზე, ითხოვს თუ არა მმართველი გუნდი ევროკავშირისგან საპარლამენტო არჩევნების შედეგების ლეგიტიმაციას, თბილისის მერი პასუხობს, რომ არჩევნების ლეგიტიმაციას ახდენს ქართველი ხალხი, ევროკავშირისგან კი მხოლოდ ქართველი ხალხისა და საქართველოს კონსტიტუციის პატივისცემას მოითხოვს.„ჩვენ არაერთხელ გავაკეთეთ განცხადება, რომ მზად ვართ მეგობრობისთვის, პარტნიორობისთვის, ეს კი ცალმხრივი ვერ იქნება. ჩვენ ვითხოვთ მხოლოდ და მხოლოდ ერთ რამეს – იყოს სამართლიანი დამოკიდებულება საქართველოსთან დაკავშირებით და ქართველ ხალხს, ჩვენს კონსტიტუციას, დამოუკიდებლობას სცენ პატივი. არჩევნების არანაირ ლეგიტიმაციაზე არ არის საუბარი. არჩევნების ლეგიტიმაციას იძლევა ქართველი ხალხი, ეს კარგად გაიგეთ. ჩვენი ქვეყნის მოსახლეობის უმრავლესობამ „ქართულ ოცნებას“ მისცა ლეგიტიმაცია. ჩვენ ევროკავშირისგან ვითხოვთ მხოლოდ და მხოლოდ სამართლიან დამოკიდებულებას ჩვენს ქვეყანასთან, ქართველ ხალხთან და ქართულ სახელმწიფოსთან დაკავშირებით“, – აღნიშნა დედაქალაქის მერმა.

ხვიჩა კვარაცხელიას პსჟ-მა საფრანგეთის ჩემპიონატის გასვლით შეხვედრაში „ლიონთან“ 3:2 გაიმარჯვა.პარიზელები ორჯერ დაწინაურდნენ და „ლიონმა“ ორივეჯერ გაათანაბრა.33-ე წუთზე ხვიჩა კვარაცხელიამ თანაგუნდელები 2:1 დააწინაურა – ეს მისი 33-ე გოლი იყო ევროპის ტოპლიგებში. ამ მაჩვენებლით მან ლევან კობიაშვილსა და ალექსანდრე იაშვილს გაასწრო. მათ ტოპ-5 ლიგის გუნდების მაისურით 32-32 გოლი აქვთ გატანილი.პსჟ-მა პირველი ტაიმი 2:1 მოიგო, მეორეში ერთი გაუშვა და ანგარიში გათანაბრდა, ხოლო მსაჯის მიერ კომპენსირებულ დროში ჟოაო ნევეშმა გამარჯვების გოლი გაიტანა.პსჟ ამ მომენტისთვის საფრანგეთის ჩემპიონატში 27 ქულით პირველ ადგილზეა და უახლოეს მდევარს 2 ქულით აღემატება.