სავალუტო ფონდი ადასტურებს იმას, რაზეც ჩვენც ვსაუბრობთ, რომ საქართველო იქნება ყველაზე სწრაფად მზარდი ეკონომიკა მთელს რეგიონში ევროპისა და შუა აზიის ჩათვლით – ლევან დავითაშვილი

2012 წელს იყო 12 იუსტიციის სახლი და ახლახან გაიხსნა 122-ე იუსტიციის სახლი შროშაში. ეს ადამიანები გვაჯერებენ იმას, რომ 122 იმაზე ნაკლებია, ვიდრე 12 და 12 იმაზე მეტია, ვიდრე 122. აი, ასეთ პროპაგანდასთან გვაქვს ჩვენ საქმე!, - განაცხადა მთავრობის სხდომის შემდეგ გამართულ ბრიფინგზე იუსტიციის მინისტრმა, რატი ბრეგაძემ. მან „ქართული ოცნების“ ხელისუფლების პერიოდში სამინისტროში განხორციელებულ და დაგეგმილ პროექტებზე ისაუბრა. ავიღოთ და შევადაროთ მდგომარეობა პენიტენციურ სისტემაში. კარგად მოგეხსენებათ 2012 წელს მთავარი და სისტემური პრობლემა იყო წამება და არა ადამიანური მოპყრობა. დღეს ჩვენ გვაქვს პენიტენციური სისტემა, რომელშიც პატიმრებს აქვთ იმის შესაძლებლობა, რომ დასაქმდნენ, საკუთარი შრომით მიიღონ შემოსავალი და მათ შორის, ონლაინ არს პატიმრების მიერ წარმოებული პროდუქციის შეძენა შესაძლებელი. როდესაც ხშირად საუბრობენ ეს ვითომ პატრიოტები, რომლებსაც საქართველოს მოქალაქეობა შეუწყდათ იმის გამო, რომ ოფიციალურად შევიდნენ უცხო ქვეყნის სპეცსამსახურებში. სწორედ „ქართული ოცნების“ ხელისუფლების პერიოდში სტრასბურგის სასამართლოში გამარჯვება მოვიპოვეთ ჩვენ ყველა საქმეზე, რუსეთის ფედერაციის წინააღმდეგ და დავამტკიცეთ ჩვენი სიმართლე“, - აღნიშნა ბრეგაძემ.

საქართველოს ჯანდაცვის მინისტრის, მიხეილ სარჯველაძის განცხადებით, ჯანდაცვის პროგრამების მონაწილე კლინიკებისთვის მომსახურების ღირებულების ანაზღაურების ვადა სავარაუდოდ 60 სამუშაო დღიდან 45 დღემდე შემცირდება. სარჯველაძის თქმით, აღნიშნულის შესახებ მეტ დეტალს საზოგადოებას უახლოეს დღეებში გააცნობენ. „დღეს მოქმედი კანონმდებლობის მიხედვით, 60 სამუშაო დღე არის განსაზღვრული პერიოდი, როდესაც კლინიკების მიერ მოწოდებული ანგარიშგების ინსპექტირება უნდა განხორციელდეს. სამინისტროს აქვს გეგმა, რომ ეს პროცესი გახდეს კიდევ უფრო ხანმოკლე, ამისთვის არსებობს გარკვეული ოპტიმიზაციის გეგმა და შესაძლებლობა, რომ ვადა კიდევ უფრო შემცირდეს. ჩვენი ვარაუდით, პირველ ეტაპზე, ეს პერიოდი დაყვანილი იქნება 45 დღემდე. შევეცდებით, ასე იყოს. აღნიშნულთან დაკავშირებით უახლოეს დღეებში მეტ დეტალს შეიტყობთ“,- განაცხადა მიხეილ სარჯველაძემ. რაც შეეხება კიდევ ერთ გადაწყვეტილებას, რომლის მიხედვითაც სამედიცინო დაწესებულებები კოვიდპანდემიის პერიოდში დაკისრებული ჯარიმებისგან განთავისუფლდებიან, სარჯველაძის შეფასებით, ეს კარგი შესაძლებლობა იქნება კლინიკებისთვის, მეტად იყვნენ ორიენტირებული პაციენტის უფლებებსა და უსაფრთხოებაზე. „მაქსიმალურად ვცდილობთ, მოვუსმინოთ კლინიკებს და ვეცადოთ, რომ ხელისუფლებამ მხედველობაში მიიღოს ყველა მოთხოვნა, რომელიც შეიძლება იყოს დაკმაყოფილებადი, გაზიარებული. ამის დემონსტრირება გახლავთ, ამ შემთხვევაში, ეს ინიციატივა. გარკვეული ნაწილის, 20%-ის გადახდის შემთხვევაში, კლინიკებს ექნებათ შესაძლებლობა, მოიპოვონ შეღავათი. ვფიქრობ, ეს კარგი შესაძლებლობა იქნება კლინიკებისთვის, მეტად იყვნენ ორიენტირებული პაციენტის უფლებებზე და პაციენტის უსაფრთხოებაზე, უკეთესი ხარისხის სერვისის მიწოდებაზე. უმჯობესია, რომ მათი ფინანსური შესაძლებლობები ხმარდებოდეს პაციენტის უფლებებს“ , – განაცხადა მიხეილ სარჯველაძემ.

საქართველოს იუსტიციის მინისტრმა რატი ბრეგაძემ მიწის სისტემური რეგისტრაციის მნიშვნელობაზე ისაუბრა. მისი განცხადებით, ყველა მიწის ნაკვეთი უფასოდ აიზომა. „ყველა მიწის ნაკვეთი აიზომა სრულიად უფასოდ და გადაეცათ საკუთრებაში საქართველოს მოქალაქეებს. მათ შეუძლიათ, ეს მიწის ნაკვეთები ჩაუშვან ეკონომიკურ ბრუნვაში და მიიღონ დამატებითი შემოსავალი. საქართველოში არ დარჩება არც ერთი ადამიანი, რომელსაც კანონმდებლობის შესაბამისად, შესაძლოა, ეკუთვნოდეს მიწის ნაკვეთი და ეს ნაკვეთი არ იყოს შესაბამისი წესით აზომილი და დარეგისტრირებული. ერთხელ და სამუდამოდ საქართველოში 100%-ით სრულად იქნება გარკვეული, თუ რომელი მიწის ნაკვეთი ეკუთვნის სახელმწიფოს, მუნიციპალიტეტს თუ კერძო პირს”, - განაცხადა მინისტრმა.

ავტოსაგზაო შემთხვევა მოხდა წალკაში. "პრაიმ ტაიმის" ინფორმაციით. დაღუპულია 4 ახალგაზრდა. ჯერჯერობით, დაღუპულების ვინაობა უცნობია.

გაზისა და წყლის ჭავლის არევაზე გავრცელებული ჩანაწერი ავთენტური იყო თუ არა, გამოსაძიებელია და ამასაც მივხედავთ, – ამის შესახებ საქართველოს შინაგან საქმეთა მინისტრმა, ვახტანგ გომელაურმა ჟურნალისტებს განუცხადა. ამასთან, როგორც მან აღნიშნა, მსგავსი საშუალების გამოყენება აკრძალული არ არის და გამოიყენება ევროპული ქვეყნების პრაქტიკაში. „ბრძანება შეიცვალა 2021 წელს და გამოვიყენეთ ევროპული ქვეყნების პრაქტიკა, გერმანიის, საფრანგეთის და ა.შ. მისი გამოყენება სპეცდანიშნულების რაზმს არ შეუძლია იმ შემთხევვაში, თუ არიან ბავშვები, არასრულწლოვნები, ფეხმძიმე ქალები. შეტევისა და შტურმის დროს კი, შესაძლებელია, გამოიყენო გაზიც, წყალიც და სხვა სპეცსაშუალებებიც. ევროპაში აქციის დასაშლელად იყენებენ საპოლიციო ძაღლებსაც. ადამიანებს ცოცხლად წვავდნენ, პოლიციელებს თავები დაუტეხეს და ეგ შეიძლება?“, – განაცხადა ვახტანგ გომელაურმა.