პარტია „საქართველოსთვის“ ლიდერმა, გიორგი გახარიამ პრეზიდენტის, სალომე ზურაბიშვილის ინიციატივაზე „ერთობის პლატფორმა ევროპისთვის“ ისაუბრა და აღნიშნა, რომ ბუნდოვანია პლატფორმის მიზანი და ეს ბუნდოვანება არა რომელიმე პოლიტიკურმა პარტიამ, არამედ თავად პრეზიდენტმა უნდა დახუროს.
„ბუნდოვანია ფორმატის და პლატფორმის მიზანი. ჩემი აზრით, ეს არის სპეციალურად გაკეთებული, იმისთვის რომ სივრცეა დატოვებული სხვადასხვა მიმართულებით განვითარებისთვის, როგორც პოლიტიკური, ასევე სხვადასხვა მიმართულებისთვის და როდესაც დარწმუნებული ვიყავით, რომ ამ პლატფორმაში წარმოდგენილი იქნებიან ადამიანები, რომლებიც თავის დროზე კანდიდატის სტატუსთან მიმართებით, აბსოლუტურად ჩვენთვის მიუღებელ პოზიციას აფიქსირებდნენ მოლაპარაკებების დროს ჩვენს სტრატეგიულ პარტნიორებთან, დღეს როდესაც წინ გველის სერიოზული გამოწვევა არჩევნების თვალსაზრისით, ისევე როგორც ქვეყნის ევროპასთან გაფართოების ღია მოლაპარაკებების დაწყების საკითხი, მე არ ვარ დარწმუნებული ეს ადამიანები, რომლებიც წარსულში ასე იქცეოდნენ, რა მიზნით გამოიყენებენ მსგავს პლატფორმებს. ჩვენ არანაირი პრობლემა პრეზიდენტის ინიციატივებთან არ გვაქვს და იმ შემთხვევაში, თუ აქედან რაღაც ხელშესახები, ან პოზიტიური გამოვა, ხელის მოწერას წინ არაფერი არ უდგას. ვფიქრობ, ეს ბუნდოვანება განზრახ იყო დატოვებული და როდესაც მძაფრ პოლიტიკურ გარემოში, ასეთი ბუნდოვანება რჩება, რა თქმა უნდა, ჩვენ გვაქვს უფლება, ჩვენი პოზიცია დავაფიქსიროთ. კიდევ ერთხელ ვაფიქსირებ პრეზიდენტის მიმართ ჩვენს პატივისცემას და არანაირი პრობლემა ქვეყნის ევროპული ან ევროატლანტიკური ინტეგრაციის თვალსაზრისით, პრეზიდენტის მიერ გადადგმული პოზიტიური ნაბიჯების არც აქამდე გვქონია და არც მომავალში გვექნება, მაგრამ ის ბუნდოვანება რომელიც იყო დატოვებული, არ უნდა დახუროს ვიღაცა პოლიტიკურმა პარტიებმა, ეს ბუნდოვანება უნდა დახუროს თვითონ პრეზიდენტმა“,- განაცხადა გიორგი გახარიამ.