რატი ბრეგაძე: საზღვარგარეთ მცხოვრებ თანამემამულეებს, რომლებიც მიღებენ გადაწყვეტილებას, მიიღონ საქართველოს მოქალაქეეობა, პროცედურები მაქსიმალურად გუმარტივდებათ

საქართველოს ტექნიკური უნივერსიტეტის არქიტექტურის, ურბანისტიკისა და დიზაინის ფაკულტეტის არქიტექტურის საგანმანათლებლო პროგრამის, ასევე სოციალურ მეცნიერებათა ფაკულტეტის არქეოლოგიის მიმართულების სტუდენტები და პროფესორები საქართველოს გაქრისტიანების 1700 წლისთავისადმი მიძღვნილი ღონისძიებების ფარგლებში ახალქალაქისა და კუმურდოს ეპარქიას ესტუმრნენ.ინფორმაციას საქართველოს ტექნიკური უნივერსიტეტი ავრცელებს.ვიზიტის ფარგლებში, საქართველოს საპატრიარქოსთან თანამშრომლობით, სამუშაო შეხვედრები და საგანმანათლებლო აქტივობები გაიმართა. მონაწილეებმა ყურადღება ისტორიული და კულტურული მემკვიდრეობის ძეგლების შესწავლასა და მათი დაცვის მნიშვნელობაზე გაამახვილეს.სტუ-ის არქიტექტურის, ურბანისტიკისა და დიზაინის ფაკულტეტის დეკანის მოადგილის თქმით, კვირიკეს ეკლესიაში ჩატარდა სამუშაო პროცესი, რომლის ფარგლებშიც არქიტექტურისა და არქეოლოგიის მიმართულებების სტუდენტებმა და პროფესორებმა ძეგლის ისტორიულ-არქიტექტურული და არქეოლოგიური მნიშვნელობის საკითხები განიხილეს. როგორც ასოცირებული პროფესორი თამარ ჭანტურია აცხადებს, ლექცია-სემინარებზე განხილეს საქართველოს ქრისტიანული მემკვიდრეობის, ქართული საეკლესიო არქიტექტურისა და კულტურული ძეგლების კვლევისა და შენარჩუნების საკითხები.„საქართველოს ტექნიკურ უნივერსიტეტში, რექტორის, აკადემიკოს დავით გურგენიძის ინიციატივითა და მხარდაჭერით, უკვე ერთი წელია მიმდინარეობს ღონისძიებათა ციკლი, რომელიც ეძღვნება საქართველოს გაქრისტიანების 1700 წლისთავს. ჩვენთვის განსაკუთრებით მნიშვნელოვანი იყო, რომ ამ პროექტში სტუდენტებთან ერთად სხვადასხვა მიმართულების პროფესორ-მასწავლებლებმაც მიიღეს მონაწილეობა. ჯგუფს ხელმძღვანელობდა არქიტექტურის მიმართულების ასოცირებული პროფესორი ბესარიონ ტატიშვილი. ხელოვნების დეპარტამენტის პროფესორი თამარ ჩუბინიძე და სახვითი ხელოვნების მიმართულების პროფესორი მაია სეხნიაშვილი. ჯგუფში არქეოლოგიის მიმართულების ოთხი და არქიტექტურის მიმართულების ხუთი სტუდენტი იყო. ასეთი შემადგენლობა განსაკუთრებით საინტერესოა, რადგან კულტურული მემკვიდრეობის ძეგლების შესწავლა სწორედ არქიტექტურის, ხელოვნებისა და არქეოლოგიის მიმართულებების ურთიერთთანამშრომლობას მოითხოვს.ვიზიტის ფარგლებში კვირიკეს ეკლესიაში ჩატარებულმა სამუშაომ სტუდენტებს შესაძლებლობა მისცა, უშუალოდ ადგილზე გაცნობოდნენ ძეგლის ისტორიულ და არქიტექტურულ თავისებურებებს. განსაკუთრებით საინტერესო და მნიშვნელოვანი იყო ლექცია-სემინარებიც, სადაც პროფესორებმა და მოწვეულმა სპეციალისტებმა ისაუბრეს ქართული ქრისტიანული მემკვიდრეობის, საეკლესიო არქიტექტურისა და არქეოლოგიური კვლევების მნიშვნელობაზე. მსგავსი ფორმატის შეხვედრები სტუდენტებისთვის ძალიან მნიშვნელოვანია, რადგან ეს არის გამოცდილება, რომელიც მათ პროფესიულ განვითარებაში აუცილებლად დაეხმარებათ“, - აცხადებს თამარ ჭანტურია.სტუ-ის ინფორმაციით, საქართველოს გაქრისტიანების 1700 წლისთავისადმი მიძღვნილი ღონისძიებების ფარგლებში უნივერსიტეტი განსაკუთრებულ ყურადღებას უთმობს ქართული საეკლესიო არქიტექტურისა და კულტურული მემკვიდრეობის სამეცნიერო შესწავლას. ამ თემაზე საერთაშორისო სამეცნიერო კონფერენციაც გაიმართა, რომლის ერთ-ერთი მთავარი მიმართულება ქართული სასულიერო არქიტექტურის ისტორიული მნიშვნელობისა და მისი თანამედროვე გარემოში დაცვის საკითხების განხილვა იყო.

აშშ-მა კანადიდან გარკვეული ტიპის პროდუქციის იმპორტი აკრძალა, - ინფორმაციას თეთრი სახლი ავრცელებს.აშშ-ის პრეზიდენტმა, დონალდ ტრამპმა რამდენიმე განკარგულებას მოაწერა ხელი, რომლითაც კანადიდან აშშ-ში ალკოჰოლური სასმელების ფართო სპექტრი, ასევე, მოტოციკლებისა და რძის პროდუქტების იმპორტი აკრძალა.თეთრმა სახლმა აღნიშნული გადაწყვეტილება მას შემდეგ მიიღო, რაც კანადის მიერ დაწესებული საპასუხო ტარიფები 8 სექტემბერს ძალაში შევიდა.აშშ-ის მიერ კანადიდან რიგი პროდუქციის ექსპორტის აკრძალვა 29 სექტემბრიდან ამოქმედდება.შეგახსენებთ, აშშ-სა და კანადას შორის სავაჭრო მოლაპარაკებები გასულ თვეში ჩაიშალა. მოლაპარაკებების ჩაშლის შემდეგ აშშ-მა 20 მილიარდი დოლარის ღირებულების კანადურ საქონელზე 50%-იანი ტარიფები დააწესა.აშშ-ის გადაწყვეტილების საპასუხოდ კი კანადამ აშშ-დან იმპორტირებულ 20 მილიარდი დოლარის ღირებულების საქონელზე 15-50%-მდე ტარიფი დააწესა, რომელიც 8 სექტემბერს ამოქმედდა.

შეფასებისა და გამოცდების ეროვნული ცენტრის ინფორმაციით, 2026 წლის 14 სექტემბრის 11:00 საათიდან 18 სექტემბრის 18:00 საათამდე აბიტურიენტებს შესაძლებლობა ექნებათ, მონაწილეობა მიიღონ ე.წ. მეორადი ჩარიცხვის პროცესში და აირჩიონ მათთვის სასურველი რაოდენობის საგანმანათლებლო პროგრამები.ცენტრის განმარტებით, მეორად ჩარიცხვაში მონაწილეობის უფლება აქვს აბიტურიენტს, რომელმაც:2026 წლის ერთიან ეროვნულ გამოცდებზე თითოეული საგნისთვის განსაზღვრული მინიმალური კომპეტენციის ზღვარი გადალახა, თუმცა ჩარიცხვის უფლება ვერ მოიპოვა;2026 წლის ერთიან ეროვნულ გამოცდებზე თითოეული საგნისთვის განსაზღვრული მინიმალური კომპეტენციის ზღვარი ვერ გადალახა, თუმცა დაძლია პროფესიული საგანმანათლებლო პროგრამებისათვის დადგენილი მინიმალური კომპეტენციის ზღვარი.უმაღლესი და პროფესიული საგანმანათლებლო დაწესებულებების საგანმანათლებლო პროგრამებისა და აბიტურიენტთა მისაღები ადგილების შესახებ დეტალური ინფორმაცია მოცემული იქნება განახლებულ ელექტრონულ ბუკლეტში – „ცნობარი აბიტურიენტებისთვის“, რომელიც შეფასებისა და გამოცდების ეროვნული ცენტრის ვებგვერდზე – www.naec.ge 11 სექტემბერს გამოქვეყნდება. ვებგვერდზე ასევე განთავსდება ინფორმაცია სარეგისტრაციო პლატფორმასთან და პროგრამების არჩევასთან დაკავშირებით.

საქართველოს პრემიერ-მინისტრი ირაკლი კობახიძე, საფრანგეთის რესპუბლიკის პრეზიდენტ ემანუელ მაკრონის მიწვევით, პარიზში, კოსმოსის საკითხებზე დაგეგმილ პირველ საერთაშორისო სამიტში მიიღებს მონაწილეობას.მთავრობის ადმინისტრაციის ცნობით, სამიტზე, რომლის თანათავმჯდომარეები იქნებიან საფრანგეთი და გერმანია, მთავარი განსახილველი თემებია მეცნიერება, კვლევა, უსაფრთხოებისა და თავდაცვის საკითხები.საქართველოს მთავრობის მეთაური ასევე დაესწრება ოფიციალურ მიღებას, რომელსაც საფრანგეთის რესპუბლიკის პრეზიდენტი სამიტის მონაწილე ლიდერების პატივსაცემად მართავს.საქართველოს პრემიერ-მინისტრი საფრანგეთის რესპუბლიკაში დელეგაციასთან ერთად გაემგზავრა, რომლის შემადგენლობაში ვიცე-პრემიერები, საგარეო საქმეთა მინისტრი მაკა ბოჭორიშვილი და თავდაცვის მინისტრი ირაკლი ჩიქოვანი და მთავრობის ადმინისტრაციის უფროსი ლევან ჟორჟოლიანი არიან.

სიცრუე სიმართლედ ვერ იქცევა მხოლოდ იმიტომ, რომ ბრიუსელი მას დაჟინებით იმეორებს,- ამის შესახებ საქართველოს პარლამენტის თავმჯდომარე შალვა პაპუაშვილი სოციალურ ქსელში წერს.მისი თქმით, საქართველოს მიმართ ბრიუსელის პოლიტიკა ჩიხშია შესული. მისი თქმით, დროა, ბრიუსელი ილუზიების სამყაროდან გამოვიდეს.„შემაშფოთებელია გაერო-ში ევროკავშირის წარმომადგენლის მიერ, ჩვეული რიტორიკის გამეორებით, დეზინფორმაციის შემცველი მორიგი განცხადება, რომელიც „თვითნებური დაკავებებისა“ და „რეპრესიების“ შესახებ უკვე გაცვეთილ სიცრუეს იმეორებს.დამაფიქრებელია, რომ ევროკავშირის ოფიციალური პირების განცხადებები, უკვე მერამდენედ, სრულ წინააღმდეგობაში მოდის არა მხოლოდ ფაქტებთან, არამედ ევროკავშირის მიერვე აღიარებულ ღირებულებებთან და პრინციპებთან.უკვე ყველასთვის დიდი ხანია ცხადია, რომ საქართველოს ხელისუფლების წინააღმდეგ ძალადობრივი აქციები, ნაწილობრივ, ევროკავშირის ფულითაც ფინანსდებოდა, მათ შორის კამპანია, რომელიც „მოლოტოვის კოქტეილის“ გამოყენებას ამართლებდა და აქეზებდა. მეტიც, სწორედ ბრიუსელის ვირტუალური მწვანე შუქის შემდეგ იქნა წამოწყებული შარშან, 4 ოქტომბერს, ხელისუფლების დამხობის წარუმატებელი მცდელობა.თუმცა, ქართველმა ხალხმა და საქართველოს მთავრობამ სათანადოდ დაიცვა ქვეყანა, მისი თავისუფლება, სუვერენიტეტი და ინტერესები. დღეს ყველასთვის ცხადია, რომ 2024 წელს უცხოეთიდან დაფინანსებული რევოლუციური პროცესი დამარცხდა. ყალბი რეალობა, რომლის თავსმოხვევითაც საქართველოში ხელისუფლება უნდა დაემხოთ, გაიფანტა, მაგრამ ამ სიყალბის დამფინანსებლები თავად აღმოჩნდნენ საკუთრი ყალბი ნარატივის ტყვეობაში, თანაც ისე, რომ მასთან განშორება დღემდე ვერ მოახერხეს.„არჩევნების გაყალბების“ და „მშვიდობიანი აქციების დარბევის“ ცრუ ნარატივი დრომ და რეალობამ უარყო. ჩადენილი ძალადობრივი დანაშაულები გამოძიებულია, განაჩენები – დამდგარი, ყველაფერი დოკუმენტირებული, აღრიცხული და, მეტიც, აღიარებულია თავად დამნაშავეების მიერ.ფაქტებმა კიდევ ერთხელ სძლიეს აღქმებს. სიცრუე სიმართლედ ვერ იქცევა მხოლოდ იმიტომ, რომ ბრიუსელი მას დაჟინებით იმეორებს, ხოლო დამნაშავე – მსხვერპლად, მხოლოდ იმიტომ, რომ ევროკავშირის რომელიმე მოხელეს ასე სურს.ევროკავშირის ოფიციალური წარმომადგენლის გუშინდელი განცხადება კიდევ ერთხელ ადასტურებს, რომ საქართველოს მიმართ ბრიუსელის პოლიტიკა ჩიხშია შესული. ბრიუსელი იმ ჯარისკაცს ჰგავს, რომელმაც ომის დასრულება ვერ შეიტყო და კვლავ საომარ ოპერაციებს გეგმავს.დროა, ბრიუსელი ილუზიების სამყაროდან გამოვიდეს. თუ ევროკავშირის ოფიციალურ პირებს საქართველოსთან ურთიერთობის ნორმალიზება სურთ, მათ უნდა შეწყვიტონ საქართველოს მიმართ აგრესიული რიტორიკა, უარი თქვან დამარცხებული რევოლუციური სცენარის საინფორმაციო მომსახურებაზე და დაუბრუნდნენ დიპლომატიის ელემენტარულ პრინციპებს: ფაქტების, საქართველოს სუვერენიტეტისა და ქართველი ხალხის დემოკრატიული არჩევანის პატივისცემას,“ – წერს შალვა პაპუაშვილი.