29 აპრილის არჩევნებზე წარმოუდგენლად კარგი შედეგი დაიდო ჩვენთვის და მგონი, ქვეყნისთვისაც, როდესაც საუბრობდნენ იმაზე, რომ თურმე „ქართულ ოცნებას“ 19 პროცენტი ჰქონია. ეს ფეიკი შემოგვთავაზა საკმაოდ სერიოზულმა ორგანიზაციამ, – ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ განაცხადა.
მისი თქმით, მიუხედავად იმისა, რომ უკონკურენტო არჩევნები იყო, საკმაოდ მაღალი აქტივობა დაფიქსირდა.
„საკმაოდ მაღალი აქტივობით რომ ჩატარებულიყო არჩევნები, „ქართული ოცნება“, სულ მცირე, 60 პროცენტს იღებდა. არ ყოფილა არც ერთი საარჩევნო ოლქი თუ უბანი, სადაც მაღალი ზრდა არ იყო ჩვენი შედეგების. მიდის ამომრჩეველი არჩევნებზე, სადაც „ქართულ ოცნებას“ არ ჰყავს კონკურენტი. ამ მხრივ მისვლის მოტივაცია ხომ დაბალია, მაგრამ ამომრჩევლების რაოდენობა ზოგან 20 და მეტი პროცენტითაც კი გაიზარდა. ეს არის ყველაფერზე პასუხი. იმ ფეიკზე, რომელიც IRI-მ შემოგვთავაზა. 2021 წლის არჩევნებზე რამდენი ხმაც მიიღო თითოეულ ოლქსა თუ უბანში „ქართულმა ოცნებამ“ დრამატულად გააუმჯობესა ყველა შემთხვევაში. უფრო მეტი მხარდამჭერი მივიდა საარჩევნო უბნებთან უკონკურენტო არჩევნებში“, – განაცხადა მამუკა მდინარაძემ.