ალეკო ელისაშვილი – ყველა ჯან-ღონით სავსე ახალგაზრდამ, ვისაც ასაკი ხელს უწყობს, უნდა გაიაროს საბრძოლო მომზადების კურსი, ამას ჩემი შვილებით დავიწყებდი
ყველა ჯან-ღონით სავსე ახალგაზრდამ, ვისაც ასაკი ხელს უწყობს, უნდა გაიაროს საბრძოლო მომზადების კურსი, ამას ჩემი შვილებით დავიწყებდი, – ამის შესახებ პარტია „მოქალაქეების“ ლიდერმა ალეკო ელისაშვილმა პარლამენტის პლენარულ სხდომაზე განაცხადა.
მისივე თქმით, სახელმწიფოს სამხედრო ბიუჯეტისთვის ქვეყნის შიდა პროდუქტის მხოლოდ ერთი პროცენტი აქვს გამოყოფილი, რაც, მისი თქმით, ძალიან ცოტაა იმისთვის, რომ ქვეყანამ თავდაცვა გააძლიეროს.
„მაშინ, როცა რეგიონში ყველა ჩვენი მეზობელი საბრძოლო მოქმედებებშია ჩართული, რას უნდა აკეთებდეს ჩვენი ხელისუფლება? – უნდა აძლიერებდეს ქვეყნის თავდაცვის და უსაფრთხოების სისტემას, აყალიბებდეს ტერიტორიული თავდაცვის ძალებს, ყიდულობდეს მძიმე შეიარაღებას.
გაოგნებული ვარ „ქართული ოცნების“ არხეინობით. თუ დავაკვირდებით, დავინახავთ, რომ ჩვენს რეგიონში ყველა ჩვენი მეზობელი საბრძოლო მოქმედებებშია ჩართული. ამ დროს ჩვენ რას უნდა ვაკეთებდეთ? ჩემი აზრით, ნორმალური ხელისუფლება დაკავებული უნდა იყოს იმით, რომ აძლიერებდეს ქვეყნის თავდაცვისა და უსაფრთხოების სისტემას, უნდა აღადგენდეს და მწყობრში მოჰყავდეს განადგურებული სამოქალაქო თავდაცვის ინფრასტრუქტურა, აყალიბებდეს ტერიტორიული თავდაცვის ძალებს, ფეხზე აყენებდეს სამხედრო მრეწველობას, ყიდულობდეს მძიმე შეიარაღებას. სახელმწიფომ უნდა აღადგინოს საყოველთაო გაწვევა. ყველა ჯან-ღონით სავსე ახალგაზრდამ, ვისაც ასაკი ხელს უწყობს, უნდა გაიაროს საბრძოლო მომზადების კურსი და ამას ჩემი შვილებით დავიწყებდი. ყველა მზად უნდა ვიყოთ ომისთვის, რომ ომის შემთხვევაში, თავის დაცვა შევძლოთ. ბიუჯეტში შემოვიდა ცვლილებები და 480 მილიონიდან 80 მილიონი მიდის თავდაცვაზე, საიდანაც ახალი იარაღის შესყიდვაზე გამოყოფილია მხოლოდ 20 მილიონი ლარი. ეს არის არაადეკვატურობის მწვერვალი. არ ვიცი, რის იმედად ვართ, ასე არხეინად როდემდე შეიძლება, ვიყოთ? პოლონეთის მაგალითს ვიტყვი, რომ სამხედრო ბიუჯეტი ქვეყნის შიდა პროდუქტის 5 პროცენტია, ამ დროს ჩვენ ერთი პროცენტიც კი არ გვაქვს ამისთვის გამოყოფილი“, – განაცხადა ალეკო ელისაშვილმა.
About Post Author
ქეთევან ნინუა
Comments
საქართველოს პარლამენტში უსაფრთხოების წითელი დონე ამოქმედდა
საქართველოს პარლამენტი უსაფრთხოების დამატებითი ზომების შესახებ განცხადებას ავრცელებს. „საქართველოს პარლამენტის სასახლეში უსაფრთხოების დაცვის წესის დამტკიცების თაობაზე“ საქართველოს პარლამენტის თავმჯდომარის 2023...
თეა წულუკიანი: 100-ჯერ და 1000-ჯერ იყო ახსნილი, არგუმენტებით, მკაფიოდ და გასაგებად, ეს არის ქართული კანონი ერთადერთი ვალდებულებით, ყველა ორგანიზაციამ, ვისაც ეს ეხება, წელიწადში ერთხელ დეკლარაცია შეავსოს
„რაც არ უნდა რბილ გამონათქვამად მოეჩვენოს ეს ვინმეს, დასანანია ეს ყოველივე, იმიტომ რომ ასჯერ და ათასჯერ იყო ახსნილი, არგუმენტებით, მკაფიოდ...
მამუკა მდინარაძე: ხვალ დილით მიკეთებენ ოპერაციას ხერხემალზე, ამიტომ ვერ ვიყავი დღეს, ჩათვალეთ 84-ე ხმა ჩემია
საპარლამენტო უმრავლესობის ლიდერმა მამუკა მდინარაძემ „იმედის“ ეთერში განაცხადა, რომ პარლამენტის დღევანდელ სხდომას ჯანმრთელობის გამო არ ესწრებოდა. „დილით ფეხი ვეღარ დავდგი,...
VIDEO: „ეს არის კანონპროექტი, რომელიც ითვალისწინებს და ემსახურება 100 % -ით საქართველოს სახელმწიფო ინტერესებს…“ – ლადო მგალობლიშვილი
„ეს არის კანონპროექტი, რომელიც ითვალისწინებს და ემსახურება 100 % -ით საქართველოს სახელმწიფო ინტერესებს...“ - ამის შესახებ აჭარის უმაღლესი საბჭოს წევრმა,...
ირაკლი კობახიძე: იშიფრება 15-მდე ახალგაზრდული ორგანიზაცია, რომელიც პირდაპირ დატრენინგებულია ძალადობისთვის
კოლექტიური „ნაცმოძრაობა“, რადიკალური ოპოზიცია უკვე ამდენი წელია, ყოველ წელს ცდილობს სამოქალაქო დაპირისპირებას და ეს სცენარი მათ გამზადებული ჰქონდათ არჩევნების შემდგომი...
მიხეილ სარჯველაძე: “სასწრაფოების რაოდენობა საკმარისზე მეტი იყო – მათი შრომა ძალიან დასაფასებელია”
„სასწრაფო სამედიცინო დახმარების ეკიპაჟებთან დაკავშირებით, ერთგვარი, კამპანია გაჩაღდა უმიზეზოდ. გარკვეული ადამიანების მხრიდან, გაჟღერდა ინფორმაცია იმის შესახებ, თითქოს, ადგილზე, ხელმიუწვდომელი იყო...