დიპლომატიური სკანდალის მიუხედავად, მაკრონი მოსკოვში ჩავა

ბავშვის აღზრდის პროცესში ერთ-ერთი ყველაზე რთული გამოწვევა იმის გარკვევაა, თუ როდის არის ტირილი დახმარების თხოვნა და როდის სასურველის მიღწევის ინსტრუმენტი. აღნიშნულთან დაკავშირებით ფსიქოლოგი თამარ გაგოშიძე სალომე კასრაძის პოდკასტში საუბრობს და მშობლებს მოუწოდებს, ნუ აურევენ ერთმანეთში მანიპულაციურ პროტესტსა და ეგზისტენციალურ შფოთვას.მისი თქმით, ხშირად მშობლებს იქ ეშინიათ ბავშვის ნერვული სისტემის დაზიანების, სადაც სიმტკიცეა საჭირო, ხოლო იქ იჩენენ გულგრილობას, სადაც ბავშვი რეალურ სტრესს განიცდის.ფსიქოლოგი განმარტავს, რომ როდესაც ბავშვი დაწესებულ ჩარჩოსა და წესებს აპროტესტებს, ეს მისი განვითარების ბუნებრივი ეტაპია, თუმცა, სულ სხვა სურათია სეპარაციის შფოთვის დროს.„ჩვენ ვუწესებთ ჩარჩოს და ვეუბნებით, კანფეტი გექნება ჭამის მერე, მშვიდად, ჩხუბის გარეშე. ატეხავს ამბავს, რომ ახლა უნდა და ამ დროს მშობელს უჭირს ამ ტირილის და წივილ-კივილის ატანა, რატომ უჭირთ იცით? ჰგონია, რომ რამე დაემართება ბავშვს.სრული პასუხისმგებლობით, ინდივიდუალურად ყველა მშობელს ვეუბნები და ახლაც მინდა ვთქვა, რომ ბავშვს, რომელიც მოთხოვნის მიზეზით ტირის, რადგან სხვა რესურსი არ გააჩნია და არც ემოციური რეგულაცია აქვს ჯერ განვითარებული, რომ გაჩერდეს, შენ კიდე გეშინია, რომ ვაიმე, ნერვული სისტემა გაუფუჭდება, არ არის ეგრე...კიდევ ერთხელ ვიმეორებ, მოთხოვნის მიზნით, მანიპულაციის მიზნით როცა ბავშვი ტირის, არაფერი უფუჭდება ამით, მაგრამ არის შემთხვევები, როცა ბავშვი ტირის და მაშინ არ უნდა უგულებელვყოთ მისი ტირილი და ჩვენ პირიქით ვშვრებით, მაგალითად, საბავშვო ბაღში რომ ვტოვებთ და რომ ტირის, ყველა გეუბნება და შენც იჯერებ, არა უშავს, დარჩება, იტირებს და გადაუვლის, არ არის ესე, ტირის, რადგან აქვს სეპარაციის  შფოთვა და ეს არის ეგზისტენციალური შფოთვა, რომლის ესე დატოვება არ შეიძლება.“ 

ის, რაც მნიშვნელოვან მედიკამენტთა წრეს განეკუთვნება, ამ შემთხვევაში რეფერენტული ფასების პოლიტიკა აბსოლუტურად გამართლებულია, – შესახებ ჯანდაცვის მინისტრმა, მიხეილ სარჯველაძემ განაცხადა.ჯანდაცვის მინისტრმა მედიკამენტების ფასებზე ისაუბრა და განაცხადა, რომ მედიკამენტების ფასები ვერ იქნება უბრალოდ, მარტივად და აბსოლუტურად საბაზრო პრინციპებზე აწყობილი საფასო პოლიტიკა, ვინაიდან საუბარია ჯანმრთელობასა და სიცოცხლეზე.„მედიკამენტები ყველაზე მეტად მნიშვნელოვანი პროდუქტია, რომელზე ფასსაც აქვს განსხვავებული სპეციფიკა. ამ შემთხვევაში, სახელმწიფოს მართებს, იყოს ბევრად უფრო მკაცრიც, ბევრად უფრო მომთხოვნიც, ჩარეულიც მათ შორის რეგულირებაში, იმისთვის რომ მოქალაქეებს ჰქონდეთ ბევრი თვალსაზრისით ხელმისაწვდომობა მედიკამენტზე, მათ შორის უპირველესად ფასის მიხედვით.ფასები ამ პრინციპითაა აღებული, რომ ჩვენი ზომის ეკონომიკის სახელმწიფოებში რაცაა ფასები, საბითუმო რეალიზაციისთვის განკუთვნილიც და დახლზეც, ყველა ეს ფასი იმის ანალოგიურად რეგულირდება საქართველოში.დადგენილია მედიკამენტების ზედა ჭერი. სწორედ ამ ზედა ჭერის ფარგლებშია ვაჭრობა შესაძლებელი. რა თქმა უნდა ეს სრულად არ მოიცავს ბაზარს, სრულად რეგულირება შეიძლება არ იყოს მიზანშეწონილი, მაგრამ ის  რაც მნიშვნელოვან მედიკამენტებს განეკუთვნება რეფერენტული ფასების პოლიტიკა გამართლებულია. ბუნებრივია, მეწარმეს მოგების სურვილი აქვს, მაგრამ ეს ვერ იქნება შეუზღუდავად.ფასნამატს სხვადასხვა ფაქტორი შეიძლება განაპირობებდეს. არსებობს სოციალური პასუხისმგებლობა და ამ ჩარჩოს უნდა მოერგოს ბიზნესი. ზოგჯერ ზედმეტ დანახარჯს განაპირობებს ზედმეტად დანიშნული მედიკამენტი. ეს შემაწუხებელია მოქალაქისთვის. ეს ტვირთია მისთვის. ის მეთოდები, რომელიც გამოყენებული იქნება სუპერმარკეტების შემთხვევაში, ეს ნაწილობრივ შეიძლება შეეხოს აფთიაქსაც”,-განცახდა მიხეილ სარჯველაძემ.

გიგა ავალიანის დაბადების დღე არის 5 თებერვალს! ოჯახი ვიკრიბებით 4 საათზე! გეპატიჟებით ყველას! ყველას! ყველას! მისამართი: პეტრე-პავლეს სასაფლაო! (საინგილოს ქუჩა; მშენებარე ეკლესიის მიმდებარედ.) იცით, რომ მკვლელთა ოჯახების ძალისხმევით, რამდენიმე დღით შეზღუდული მქონდა ფეისბუქის გამოყენება. აი, როგორი ტოქსიკური თავდაცვითი პოზიცია აქვთ მკვლელთა მშობლებს!  თუმცა, რაღა მშობლებს, ადვოკატი გიორგი გამხიტაშვილი პოსტით გვეკაჩავა და საქმე ქურდულად გაგვირჩია ,,ბნელ ბრბოს”! სიმართლესაც ვერ დავუკარგავ, 1 თეთრიც არაა ჩემი ფასიო, თავად გვითხრა!..  ორი სიტყვით, მიმდინარე მოვლენებზეც მოგახსენებთ. მეც მიკვირს პროკურატურის და მკვლელების მშობლების უცნაურად მიყუჩება. თუმცაღა, მოლოდინი დიდი მაქვს…. საქმეში სხვა დამნაშავეებიც იკვეთება და ვიმედოვნებ პასუხისგებაში მისცემენ კიდევ რამდენიმეს! ნუ, ნია იმნაძეს თავისთავად!!! გამოძიების ინტერსებიდან გამომდინარე, ჯერ, ცოტა ხნით, ისევ შევიკავებ თავს დეტალებზე; თუმცა, რამაც უკვე გაიჟღერა კომენტარებში, დავადასტურებ. დიახ, საქმეში ფიგურირებს ერთ-ერთი, ყოფილი მინისტრის მოადგილის არასრულწლოვანი შვილიც!!! ამ პირსისხლიანმა ლაწირაკებმა, მხეცური ჟინი დაიკმაყოფილეს და მომიკლეს ჩემი ინტელიგენტი შვილიკო. ვფიქრობ, არავის ეპარება ეჭვი, რომ მე არც დედების ჩხავილი თუ თითის ქნევა და არც მამების ცრემლი ან კნავილი, ან თუნდაც ხულიგანი ძმაკაცები შემაჩერებს! თუ არ დადგა სახელმწიფო სამართალი, დავაყენებ ჩემსას!!! ახლა კი, მინდა ჩემი გაოცება და მადლიერება გამოვხატო. მე არ მახსოვს, ერთი ოჯახის ტრაგედია ასე გაეთავისებინოს სრულიად საქართველოს და ასე ვაჟკაცურად, სამართლიანად ებრძოლოს სამართლისთვის. მე მომწყვიტეს საზოგადოებას, მაგრამ საზოგადოებას არ შეუწყვიტავს ბრძოლა ჩემთვის!… მადლობა თითოეულ თქვენგანს! იცით რა?! გული მისკდება და სულ მეფიქრება, რატომ შექმნა ღმერთმა გიგა ავალიანი, ნამდვილი გენია, მართლაც სრულყოფილება, თუ ასე, ერთ წამში უნდა გაექრო?! გიგა მართალია არ იყო ორ მეტრიანი, მაგრამ იყო ფიზიკურად ძალიან ძლიერი, აზროვნებდა სხარტად, ჰქონდა მოსწრებული სიტყვა და ვერ გამოიყენა ვერაფერი; ისე ჩუმად მიეპარნენ, წამის მეასედიც არ მისცეს გააზრებისთვის… …ნუთუ… ნუთუ, გიგა ავალიანი იყო საჭირო, რომ ჩვენი ერთიანობის ძალა დაგვენახა და შეგვეფასებინა?!?!?! ღმერთმა სიკეთეში დაგაჭირვოთ ერთმანეთის თანადგომა და იცოდეთ, ერთობას იმაზე დიდი ძალა ქონია, ვიდრე წარმოგიდგენიათ!!! მე თქვენ მაძლიერებთ!” | წერს სოციალურ ქსელში მოკლული მასწავლებლის, გიგა ავალიანის დედა, ეკა კუპატაძე

რაიან რუთს, რომელმაც 2024 წლის სექტემბერში ტრამპის საერთაშორისო გოლფის კლუბში აშშ-ის პრეზიდენტის, დონალდ ტრამპის მკვლელობა სცადა, სამუდამო პატიმრობა მიუსაჯეს. ამის შესახებ ინფორმაციას „ბიბისი“ ავრცელებს.განაჩენის გამოტანის დროს მოსამართლემ განაცხადა, რომ რუთის დანაშაულები „უდავოდ იმსახურებს სამუდამო პატიმრობას“.„ბიბისის“ ინფორმაციით, თავად ბრალდებული თავს უდანაშაულოდ ცნობს და საქმის გასაჩივრებას გეგმავს.ცნობისთვის, რაიან რუთი იმ დროს პრეზიდენტობის კანდიდატის მკვლელობის მცდელობაში დამნაშავედ ცნეს. აშშ-ის საიდუმლო სამსახურის აგენტმა, რომელიც შემთხვევის ადგილზე იმყოფებოდა, ბუჩქებში თოფის ლულა შენიშნა და რუთის მიმართულებით გაისროლა, რის შემდეგაც ბრალდებული გაიქცა, თუმცა ის მალევე შემთხვევის ადგილთან ახლოს დააკავეს.

მიგვაჩნია, რომ ორი უნივერსიტეტის გაერთიანების პროცესი ამ ფორმით უნდა შეწყდეს და გაგრძელდეს მხარეებთან აქტიური კომუნიკაცია, - ამის შესახებ თბილისის სახელმწიფო უნივერსიტეტის წარმომადგენლობითი საბჭოს 4 თებერვლის ოქმშია საუბარი.თსუ-ის სენატის 4 ოქტომბრის სხდომის ოქმში ნათქვამია, რომ გაერთიანება გამოიწვევს მმართველობით სირთულეებს საკმაოდ გრძელვადიან პირობებში, რაც პირდაპირ გავლენას მოახდენს განათლების ხარისხზე.„ივანე ჯავახიშვილის სახელობის თბილისის სახელმწიფო უნივერსიტეტის წარმომადგენლობითი საბჭო (სენატი) ეხმიანება თსუ-სა და საქართველოს ტექნიკური უნივერსიტეტის შესაძლო გაერთიანების საკითხს. მიგვაჩნია, უმაღლესი განათლების რეფორმა მნიშვნელოვანია სახელმწიფოსთვის, თუმცა ცალკეული დაუგეგმავი ინიციატივით გამოწვეული ვნებათაღელვა და მიმდინარე პროცესები ნათლად ასახავს საკითხის მნიშვნელობას, მის სენსიტიურობას და გამჭვირვალობის აუცილებლობას.სამწუხაროდ, დღემდე არცერთ ინსტიტუციას არ მიუღია კონკრეტული კვლევის შედეგები ან ნებისმიერი სხვა სახის დასაბუთება ამ ორი უნივერსიტეტის გაერთიანებით განათლების/კვლევის ხარისხის ამაღლების ან/და სხვა შესაძლო პოზიტიური გავლენის შესახებ.სენატი განსაკუთრებით ხაზს უსვამს უნივერსიტეტების ავტონომიის პრინციპს, რომელიც წარმოადგენს თანამედროვე უმაღლესი განათლების სისტემის ფუნდამენტურ საფუძველს. მათ შორის, საქართველოს კონსტიტუციით გარანტირებული ავტონომია უზრუნველყოფს უნივერსიტეტების დამოუკიდებლობას მმართველობის პროცესებში. გაერთიანების საკითხი, გამჭვირვალობის, შესაბამისი აკადემიური თანამონაწილეობის, შიდა კონსულტაციებისა და უნივერსიტეტების მართვის ორგანოების რეალური ჩართულობის გარეშე, ქმნის რისკს ავტონომიის შეზღუდვის და ეწინააღმდეგება ევროპულ უმაღლესი განათლების სივრცეში დამკვიდრებულ მმართველობით სტანდარტებს.გარდა ამისა, სენატი მიიჩნევს, რომ მსგავს მასშტაბურ ინსტიტუციურ რეორგანიზაციას თან ახლავს ადმინისტრაციული და აკადემიური რისკები, როგორიცაა: მართვის სისტემების არათავსებადობა, აკადემიური და ადმინისტრაციული პერსონალის სტატუსის გაურკვევლობა, ხარისხის შიდა უზრუნველყოფის მექანიზმებისა და სასწავლო-საგანმანათლებლო პროცესების მართვის სისტემების შეუთავსებლობა და ორგანიზაციული არასტაბილურობა.გაერთიანება გამოიწვევს მმართველობით სირთულეებს საკმაოდ გრძელვადიან პირობებში, რაც პირდაპირ გავლენას მოახდენს განათლების ხარისხზე. გარდა ამისა, ორი უნივერსიტეტის გაერთიანება გარდაუვალად გამოიწვეს, როგორც აკადემიური, ასევე ადმინისტრაციული პერსონალის სამუშაო ადგილების შემცირებას.ყოველივე ზემოაღნიშნულიდან გამომდინარე, თსუ-ის წარმომადგენლობითი საბჭო (სენატი) მიიჩნევს, რომ ივანე ჯავახიშვილის სახელობის თბილისის სახელმწიფო უნივერსიტეტისა და საქართველოს ტექნიკური უნივერსიტეტის გაერთიანების ინიციატივა არ არ დასაბუთებული და ამდენად, მიზანშეწონილი. სენატი მოითხოვს, პროცესის აკადემიურ სივრცეში დაბრუნებას, დიალოგს, უნივერსიტეტის წარმომადგენელთა ჩართულობას საკითხის შესწავლისას და ავტონომიურობის პრინციპის პატივისცემით გადაწყვეტილების მიღებას.ყოველივე ზემოთქმულის გათვალისწინებით, მიგვაჩნია, რომ ორი უნივერსიტეტის გაერთიანების პროცესი ამ ფორმით უნდა შეწყდეს და გაგრძელდეს მხარეებთან აქტიური კომუნიკაცია“, - ნათქვამია თსუ-ის სენატის 4 ოქტომბრის სხდომის ოქმში.