ტატუნაშვილი გმირია- – ამის შესახებ პარლამენტის წევრი რატი იონათამიშვილი საკუთარ ,,ფეისბუქის” გვერდზე წერს.
,,ამ დღეებში წამებული გმირის არჩილ ტატუნაშვილის ცხედარს ჩვენ მიწას მივაბარებთ. სოციალურ ქსელებში, სისტემატიურად ვხედავ არჩილის შესახებ სხვადასხვა სტატუსს და ტკივილთან ერთად გული სიამაყით მევსება – ის, რისთვისაც დაიღუპა ტატუნაშვილი, ის საქმე აუცილებლად გაიმარჯვებს! როგორც არასდროს, შორს ვარ პათეტიკური სტატუსის დაწერისგან, მაგრამ სათქმელი აუცილებლად უნდა ვთქვა. საქართველო გამთლიანდება და საქართველო გაიმარჯვებს, ვიდრე მას ასეთი გმირები ყავს და ეზრდება!
21 მარტს ჩვენ პარლამენტში დავამტკიცეთ რეზოლუცია „რუსეთის ფედერაციის მიერ ოკუპირებულ აფხაზეთსა და ცხინვალის რეგიონში ადამიანის უფლებების უხეში დარღვევისა და „ოთხოზორია-ტატუნაშვილის სიის“ შესახებ“, რომელსაც უმცირესობამაც დაუჭირა მხარი, თავისთავად, მათი მონაწილეობა კარგი იყო, თუმცა უმცირესობის ზოგიერთი წევრის შემდგომ გაკეთბულმა კომენტარებმა ძალიან გამაკვირვა… ჩემთვის საოცრად დასანანია, რომ ამ ემოციურ ფონზე ისინი ვერ გადიან პარტიული ინტერესებიდან, ვერ ითავისებენ პარლამენტარის ფუნქციას და ყოვლად მიუღებელ განცხადებებს აკეთებენ. მათი ერთი ლიდერი ამბობს, რომ რეზოლუციის მიღება იმის გამოვლინებაა, როგორ შეუძლია ძლიერ ოპოზიციას თავისი იდეა გაიტანოს და პარლამენტს მიაღებინოს ასეთი ტიპის შეზღუდვები. ანუ პარლამენტარი, ხალხის რჩეული აუცილებლად მიიჩნევს, რომ ამ ემოციურ ფონზე საკუთარ თავზე და საკუთარ ძლევამოსილებაზე ისაუბროს, იმ დროს, როცა არც არჩევნებია ხვალ და რაც ყველაზე მთავარია, ქართველი გმირის ცხედარი ჯერ მიწას არ მიგვიბარებია. თავად ფაქტიც, რომ მათ უმრავლესობას რაღაც მიაღებინეს, სასაცილოა, მაგრამ ამ დისკუსიაში არ შემოვალ, მით უმეტეს დღეს.
ისე, თქვენ, რომ ძლიერი ოპოზიცია და ძლიერი პარტია ყოფილიყავით მე დღეს აქ, პარლამენტში არც ყოფნის სურვილი მექნებოდა და არც შესაძლებლობა”-წერს რატი იონათამისვილი.