ქუთაისის მერია ევროკომისიისგან 53 000 ევროს ოდენობის გრანტს მიიღებს. ამის შესახებ ქალაქის საკრებულოს სხდომაზე ქუთაისის ვიცემერმა, ნინო თვალთვაძემ განაცხადა. ინფორმაციას სააგენტო “ინტეპრესნიუსი” ავრცელებს.
მისი თქმით, გრანტი პროექტის “კატასტროფების რისკების მართვის შესაძლებლობების განვითარება აღმოსავლეთ პარტნიორობის ქვეყნების ქალაქებში” ფარგლებში გამოიყოფა. ნინო თვალთვაძის თქმით, პროექტი რისკების მართვის უნარების გაუმჯობესებას ითვალისწინებს. მასში საქართველოდან ქუთაისი, სომხეთიდან არარატი და მოლდოვიდან უნგენიაა ჩართული.
“პროეტის მიხედვით, ჰოლანდიელი პარტნიორები გაგვიზიარებენ საგანგებო სიტუაციებიდან გამოწვეულ რისკებს. რაც ყველაზე მნიშვნელოვანია, პროექტი არის საჭიროებაზე მორგებული და მისი საბოლოო მიზანია შემუშავდეს რისკების მართვის სტრატეგიული გეგმა”, – განუცხადა „ინტერპრესნიუსს“ ნინო თვალთვაძემ.
მისივე ინფორმაციით, პროექტის ფარგლებში ორი ადამიანი გადამზადდება, რომლებიც შემდგემ ქუთაისის მერიისა და ქალაქში მოქმედი სხვადასხვა დაწესებულებების თანამშრომლებს გადაამზადებენ.