ირაკლი კობახიძე – სააკაშვილი არის ერთ-ერთი პატიმარი, ის იქნება იმ რეჟიმში, როგორ რეჟიმშიც არიან სხვა პატიმრები, ამას ყველა უნდა მიეჩვიოს და 30 ოქტომბრის შემდეგ ეს საკითხი დღის წესრიგიდან საბოლოოდ მოიხსნას
პარტია „ქართული ოცნების“ თავმჯდომარის ირაკლი კობახიძის განცხადებით, არჩევნებამდე გარკვეული სპეკულაციებია მოსალოდნელი და მიხეილ სააკაშვილის ერთ-ერთი გეგმა არის რაღაც სიმულაცია.
კობახიძემ უპაასუხა ჟურნალისტების კითხვას, რომელიც შეეხედბოდა ადვოკატებს განცხადებებს, რომ მიხეილ სააკაშვილის ციხის საავადმყოფოში გადაყვანა საშიშია.
„ყველა დაიღალა ამ სპეკულაციებით, სპეკულაციები მოიმატებს შემდეგი 5-6 დღის განმავლობაში, რაც უფრო მეტად მივუახლოვდებით არჩევნებს. ვიცით, გვაქვს შიგნიდან, პარტიის ოფისიდან გამოტანილი ინფორმაცია იმასთან დაკავშირებით, რომ სააკაშვილის ერთ-ერთი გეგმა არის რაღაც სიმულაცია, მათ შორის იმის, რომ შეუძლოდ არის და ა.შ. არჩევნებამდე ჩვენ რაღაც კლოუნადის მომსწრენი ვიქნებით, თუმცა, საბოლოო ჯამში, ალბათ ყველა დაიღალა ამით. 30 ოქტომბერს არჩევნების მეორე ტური დასრულდება. შემდეგ თავიდან ბოლომდე უნდა გადავერთოთ სხვა რეჟიმზე. ყველა უნდა შეეჩვიოს, რომ მიხეილ სააკაშვილი არის ერთ-ერთი პატიმარი და თან პატიმარი, რომელსაც უმძიმესი, სხვებზე ბევრად მძიმე დანაშაულები აქვს ჩადენილი. აქედან გამომდინარე, ის იქნება იმ რეჟიმში, როგორ რეჟიმშიც არიან სხვა პატიმრები. ამას ყველა უნდა მიეჩვიოს და ეს საკითხი 30 ოქტომბრის შემდეგ დღის წესრიგიდან საბოლოოდ უნდა მოიხსნას“, – განაცხადა ირაკლი კობახიძემ.
კითხვაზე, „ამბობენ, რომ ეკატერინე ტიკარაძეს ჰქონდა სხვა პოზიცია იმასთან დაკავშირებით, რომ სააკაშვილი არ უნდა დარჩენილიყო ციხის კლინიკაში“, – კობახიძის თქმით, ამის შესახებ ინფორმაცია არ აქვს.
„მთავარი არის ის, რომ საქართველოში ადამიანის უფლებები დაცულია, მიხეილ სააკაშვილის უფლებებიც, როგორც პატიმრის უფლებები, იქნება დაცული, მაგრამ ეს უფლებები დაცული იქნება იმ სტანდარტების შესაბამისად, რომელიც ვრცელდება ნებისმიერ პატიმარზე. ეს იქნება ჩვენი მიდგომა და ამ მიდგომით გაგრძელდება დაკვირვება. ამაზე არ მაქვს ინფორმაცია, ქალბატონი ეკა თავად გააკეთებს ალბათ ამაზე განცხადებას“, – აღნიშნა ირაკლი კობახიძემ.
რაც შეეხება კითხვას, „იუსტიციის მინისტრმა მოიტყუა და თქვა, რომ კონსილიუმს არ ჰქოდა საუბარი მიხეილ სააკაშვილის მულტიფუნქციურ კლინიკაში გადაყვანაზე, თუმცა კონსილიუმის დანარჩენი წევრები აღიარებენ, რომ ამაზე საუბარი იყო. რატომ დასჭირდა იუსტიციის მინისტრს მოტყუება?“, – ირაკლი კობახიძის გნმარტებით, კონკრეტული პირები, რომლებიც წარმოადგენდნენ სააკაშვილის ინტერესებს, პოლიტიკური ინტერესებიდან გამომდინარე აყენებდნენ კონკრეტულ ინიციატივებს.
„რაც შეეხება კონსილიუმის შეჯერებულ პოოზიციას, როგორც იყო ეს ტყუილის სახით წარმოდგენილი კონკრეტული ტელევიზიების მხრიდან, ეს ასე არ ყოფილა, ეს არ ყოფილა კონსილიუმის შეჯერებული პოზიცია. რაც შეეხება სააკაშვილის წარმომადგენლებს, ბუნებრივია, მათ აქვთ საკუთარი სუბიექტური, პოლიტიკური ინტერესი. ისინი, შეიძლება, აყენებდნენ ამ საკითხს, მაგრამ რაც შეეხება კონსილიუმს, კონსილიუმს ასეთი შეჯერებული პოზიცია, როგორც ვიცი, არ ჰქონია. შესაბამისად, იტყუება არა რატი ბრეგაძე, არამედ სამი კონკრეტული ტელევიზია“, – განაცხდა ირაკლი კობახიძემ.
About Post Author
ქეთევან ნინუა
Comments
მიხეილ ყაველაშვილი: მთელი ქვეყნის მასშტაბით იგეგმება სპორტული ინფრასტრუქტურის განვითარება და ეს ხელშემწყობი უნდა იყოს მასობრივი სპორტისთვის
მასობრივი სპორტის განვითარებასა და შესაბამისი პროგრამული უზრუნველყოფის აუცილებლობაზე ისაუბრა „ხალხი ძალის“ პოლიტიკურმა მდივანმა მიხეილ ყაველაშვილმა პარლამენტის სპორტის კომიტეტის სხდომაზე. როგორც...
ვერავინ ახსნა, რას ერჩოდა სალომე ზურაბიშვილი ფეხბურთელთა ექიმთა გუნდს და ადამიანები დაფასების მიღმა დატოვა, აქედან ჩანს, როგორი ფარისეველია საკუთარ გადაწყვეტილებებში – იონათამიშვილი
სალომე ზურაბიშვილმა ადამიანების სეგრეგაცია მოახდინა და ამით აჩვენა, რამდენად ანტიეროვნულია, ვერავინ ახსნა, რას ერჩოდა ფეხბურთელთა ექიმთა გუნდს და ადამიანები დაფასების...
ეს არის “კოლექტიური ნაცმოძრაობა,“ წარსულშიც და აწმყოშიც აქვს გარკვეული კავშირები ერთმანეთთან – გიორგი ვოლსკი ბადრი ჯაფარიძის განცხადებაზე
პოლიტიკური დისკუსიის თემაა “ლელოს“ ერთ-ერთ ლიდერის, ბადრი ჯაფარიძის განცხადება, რომელმაც ერთ-ერთ სატელევიზიო ინტერვიუში, თქვა, რომ არ ემხრობა არჩევნებამდე ოპოზიციის ისეთ...
კახა კალაძე: ყველას გელოდებით მიხეილ მესხის სახელობის სტადიონზე, სადაც ნაკრების თამაშს დიდ ეკრანებზე უყურებთ
საქართველოს ეროვნული საფეხბურთო ნაკრების სამივე შეხვედრის ნახვა მიხეილ მესხის სახელობის სტადიონზე, დიდ ეკრანებზე იქნება შესაძლებელი. ამის შესახებ დედაქალაქის მერმა, კახა...
ირაკლი კობახიძე: 37 000 მასწავლებელს ანაზღაურება გაეზრდება სულ მცირე 500 ლარით, მათ შორის, მასწავლებელთა გარკვეულ კატეგორიას – 800 ლარით
37 000 მასწავლებელს, რაც მასწავლებლების კონტინგენტის 70%-ია, ანაზღაურება გაეზრდება სულ მცირე 500 ლარით, მათ შორის, მასწავლებელთა გარკვეულ კატეგორიას შრომის ანაზღაურება...
პრემიერი: ბიძინა ივანიშვილის უპრეცედენტო ქველმოქმედებამ განსაკუთრებული წვლილი შეიტანა ჩვენი კულტურული მემკვიდრეობის და შესაბამისად, ჩვენი იდენტობის დაცვასა და შენარჩუნებაში
იოანე ზოსიმეს უნიკალური ხელნაწერის შეძენა და ეროვნული მუზეუმისთვის გადაცემა არის ბატონი ბიძინა ივანიშვილის უპრეცედენტო ქველმოქმედების კიდევ ერთი არაჩვეულებრივი მაგალითი, -...