ეკატერინე ტიკარაძე – მუშაობა მიმდინარეობს სწრაფ, მარტივ ტესტებთან დაკავშირებით, რომელსაც მოსახლეობა ასე ელოდება
მუშაობა მიმდინარეობს სწრაფ, მარტივ ტესტებთან დაკავშირებით, რომელსაც მოსახლეობა ასე ელოდება, – ამის შესახებ ჯანდაცვის მინისტრმა, ეკატერინე ტიკარაძემ საქართველოს პირველი არხის საინფორმაციო გამოშვებაში „მოამბე“ განაცხადა.
„ეს არის ანტისხეულებზე და ანტიგენზე დამყარებული სწრაფი, მარტივი ტესტები. მნიშვნელოვანია, გავითვალისწინოთ, რომ მხოლოდ კორეას აქვს სწრაფი, ანტიგენზე დამყარებული ტესტი და ჩვენ ვთვლით, რომ მნიშვნელოვანია, ეს ქვეყანაში იყოს. ამაზე მიმდინარეობს სამთავრობო მოლაპარაკება და სულ რამდენიმე დღეში გვექნება კონკრეტული პასუხი თარიღზე, როდის და რა რაოდენობის ტესტი შეიძლება, მიიღოს საქართველომ კორეადან, ვინაიდან დღესდღეობით, რიგში 73 ქვეყანაა. იქიდან გამომდინარე, რომ საქართველო მცირე მოსახლეობის მქონე ქვეყანაა, შეიძლება, მოგვეცეს საშუალება, რომ სხვა ქვეყნებისგან განსხვავებით, გარკვეული რაოდენობის ტესტი წინმსწრებად, უფრო ადრე მივიღოთ“, – განაცხადა ტიკარაძემ.
როგორც ჯანდაცვის მინისტრმა აღნიშნა, მიუხედავად იმისა, რომ სწრაფი ტესტის ვალიდაცია გავლილია და დაავადებათა კონტროლის ცენტრიდან არის დასტური, რომ ამ ტესტის გამოყენება უკვე ფართო მასებში შესაძლებელია, ყველა საეჭვო შემთხვევა მაინც იქნება გადამოწმებული PSR ტექნოლოგიით, რომელიც ჩატარდება როგორც ლუგარის ლაბორატორიაში, ასევე ინფექციურ საავადმყოფოში ქუთაისსა და ბათუმში, იმ მაღალტექნოლოგიურად აღჭურვილ ლაბორატორიებში, რომლებიც საქართველოს დღეს გააჩნია.
„უპირველეს ყოვლისა, ჩვენთვის ოქროს სტანდარტად ითვლება PSR ტექნოლოგია და ეს PSR ტექნოლოგიაზე დამყარებული ტესტი უკვე შვიდ ლაბორატორიაში კეთდება. შემდეგი არის ტესტები, რომლებიც ასევე არის PSR ტექნოლოგია, მაგრამ ჩვენ ვეძახით როგორც სწრაფ, ასევე დაჩქარებულ ტესტს. მისი სტანდარტი ძალიან მაღალი ხარისხის არის, მაგრამ PSR ტექნოლოგიისგან განსხვავებით, მას 5-6 საათის ნაცვლად მხოლოდ საათნახევარი სჭირდება და ეს საკმაოდ კარგი ეფექტის მომცემია. საქართველოში 50-მდე მსგავსი ლაბორატორიაა და ეს ლაბორატორიული ჯაჭვის გაფართოების საშუალებას მოგვცემს, რაც ძალიან მნიშვნელოვანია“, – განაცხადა ეკატერინე ტიკარაძემ.
About Post Author
ქეთევან ნინუა
Comments
VIDEO: რა მოხდა „ნიჭიერის“ ჩაწერაზე
ფილარმონიაში, „ნიჭიერის“ ჩაწერის დროს გადაღებული კადრები გავრცელდა. ერთ-ერთი წამყვანი, ნუკი კოშკელიშვილი დიდ საკონცერტო დარბაზს ტოვებს და გარბის. ჯერჯერობით უცნობია, რამ...
საპატრიარქო: უდიდესი საერთო სახალხო დღესასწაული იყო – ოჯახური ღირებულებები ყველასთვის არსებითია და უმნიშვნელოვანესი
უდიდესი საერთო სახალხო დღესასწაული იყო, გამორჩეული მასშტაბურობით, სიმშვიდით, ურთიერთპატივისცემით. შეიძლება ითქვას, მასში მონაწილეობა მიიღო მთელმა საქართველომ, განურჩევლად ეროვნებისა და აღმსარებლობისა,...
მამუკა მდინარაძე: დღეს საქართველომ თავისი სათქმელი თქვა! დიახ, დღეს ყველამ დაინახა, სად და რა ღირებულებების მხარეს დგას საქართველო და ქართველი ხალხი!
დღეს საქართველომ თავისი სათქმელი თქვა! მოლოდინი არა თუ გამართლდა, ხალხის რაოდენობამ, შემართებამ, ერთობამ, ყოველგვარ მოლოდინს გადააჭარბა. - ამის შესახებ საპარლამენტო...
ოჯახის სიწმინდისა და მშობლების პატივისცემის დღისადმი მიძღვნილი მსვლელობა
ოჯახის სიწმინდისა და მშობლების პატივისცემის დღესთან დაკავშირებით თბილისსა და დიდ ქალაქებში მსვლელობა გაიმართა. თბილისში სამღვდელოება და მრევლი 12:00 საათზე ქაშვეთის წმინდა...
ჯანდაცვის ყოფილი მინისტრი, ავთანდილ ჯორბენაძე გარდაიცვალა
73 წლის ასაკში გარდაიცვალა ჯანდაცვის ყოფილი მინისტრი ავთანდილ ჯორბენაძე. ინფორმაციას გარდაცვალების შესახებ ოჯახის წევრები და ახლობლები ადასტურებენ. ავთანდილ ჯორბენაძე 1993...
მეუფე შიო მუჯირი – ჩვენი მცდელობა, დავიცვათ ბავშვები მძიმე ცოდვის პროპაგანდისგან, ევროპარლამენტარებმა თავისუფალ საზოგადოებაზე შეტევად შეაფასეს, ოჯახური ღირებულებების დაცვის კანონი აუცილებლად უნდა მივიღოთ
ჩვენი მცდელობა, დავიცვათ ბავშვები მძიმე ცოდვის პროპაგანდისგან, ევროპარლამენტარების მიერ შეფასდა, როგორ შეტევა თავისუფალ საზოგადოებაზე, – ამის შესახებ საპატრიარქო ტახტის მოსაყდრემ,...