ხვიჩა კვარაცხელია გინესის მსოფლიო რეკორდების წიგნში შეიყვანეს

დღეს სა­თაფ­ლი­ა­ში მი­სუ­ლი ბავ­შვი დი­ნო­ზავ­რის ნაკ­ვა­ლევ­თან ჩერ­დე­ბა და გა­ო­ცე­ბუ­ლი უყუ­რებს. შე­საძ­ლოა, ჯერ არც იცო­დეს, ვინ აღ­მო­ა­ჩი­ნა იგი. ამი­ტომ პეტ­რე ჭა­ბუ­კი­ა­ნის სა­ხე­ლის გახ­სე­ნე­ბა ჩვე­ნი ვა­ლია. იმ გა­ო­ცე­ბას, იმ ცოდ­ნა­სა და იმ სი­ხა­რულს, რო­მელ­საც ეს ად­გი­ლი გვა­ნი­ჭებს, მისი შრო­მის დიდი წილი ახ­ლავს.- კი­დევ ერთი კარ­გი ქუ­თა­ი­სე­ლი მინ­და გა­გახ­სე­ნოთ - მხა­რეთმცოდ­ნე პეტ­რე ჭა­ბუ­კი­ა­ნი. კაცი, რო­მელ­მაც ჩვე­ნი მი­წის წარ­სულს მთე­ლი ცხოვ­რე­ბა შე­ა­ლია და სა­ქარ­თვე­ლოს ისე­თი მემ­კვიდ­რე­ო­ბა და­უ­ტო­ვა, რომ­ლის სა­ნა­ხა­ვა­დაც დღეს სა­თაფ­ლი­ას უამ­რა­ვი ადა­მი­ა­ნი სტუმ­რობს. მისი სა­ხე­ლი ამ ად­გილს სა­მუ­და­მოდ და­უ­კავ­შირ­და.სა­თაფ­ლი­ის მღვი­მე, დი­ნო­ზავ­რე­ბის ნაკ­ვა­ლე­ვი, ბუ­ნე­ბი­სა და ის­ტო­რი­უ­ლი ძეგ­ლე­ბის დაც­ვის­თვის გა­წე­უ­ლი შრო­მა, ამ ყვე­ლაფ­რის უკან იდგა ადა­მი­ა­ნი, რო­მელ­საც ძი­ე­ბის სურ­ვი­ლი და სა­კუ­თა­რი მხა­რის სიყ­ვა­რუ­ლი გზა­ზე ისევ და ისევ აბ­რუ­ნებ­და. 1933 წელს პეტ­რე ჭა­ბუ­კი­ან­მა სა­თაფ­ლი­ა­ში დი­ნო­ზავ­რე­ბის ნაკ­ვა­ლე­ვი აღ­მო­ა­ჩი­ნა. ამ სი­ტყვე­ბის მიღ­მა სა­ო­ცა­რი ამ­ბა­ვია: ჩვენს ნაც­ნობ მი­წა­ზე მი­ლი­ო­ნო­ბით წლის წი­ნან­დე­ლი სი­ცო­ცხლის კვა­ლი აღ­მოჩ­ნდა. უძ­ვე­ლეს ზე­და­პირ­ზე შე­მორ­ჩე­ნილ­მა ანა­ბეჭ­დებ­მა შო­რე­უ­ლი სამ­ყა­რო ხელ­შე­სა­ხე­ბი გა­ხა­და. ის, რაც მა­ნამ­დე მხო­ლოდ წარ­მო­სად­გე­ნი იყო, ახლა თვალ­წინ იდო, ნაკ­ვა­ლე­ვად, რო­მელ­საც დრო ვერ მო­ე­რია. ამ კვა­ლის და­ნახ­ვა­სა და ამოც­ნო­ბას ცოდ­ნა, დაკ­ვირ­ვე­ბა და შე­უ­პოვ­რო­ბა სჭირ­დე­ბო­და.პეტ­რე ჭა­ბუ­კი­ანს ეს თვი­სე­ბე­ბი ჰქონ­და. მისი აღ­მო­ჩე­ნე­ბი წლე­ბის ძი­ე­ბა­სა და შრო­მას ეყ­რდნო­ბო­და.1924 წელს თეთ­რა­მი­წა­ზე ქვის ხა­ნის ნა­მო­სახ­ლარს მი­აკ­ვლია. იქ აღ­მო­ჩე­ნი­ლი ია­რა­ღე­ბი ქუ­თა­ი­სი­სა და მისი შე­მო­გა­რე­ნის უძ­ვე­ლე­სი ადა­მი­ა­ნე­ბის ცხოვ­რე­ბა­ზე გვი­ამ­ბობ­და, მათ შრო­მა­ზე, ყო­ფა­ზე, ამ მი­წას­თან კავ­შირ­ზე. 1925 წელს სა­თაფ­ლი­ის მღვი­მე აღ­მო­ა­ჩი­ნა, ბუ­ნე­ბის მიერ სა­უ­კუ­ნე­ე­ბის გან­მავ­ლო­ბა­ში შექ­მნი­ლი მი­წის­ქვე­შა სამ­ყა­რო, რო­მე­ლიც შემ­დეგ მისი ზრუნ­ვი­სა და საქ­მი­ა­ნო­ბის უმ­ნიშ­ვნე­ლო­ვა­ნეს ად­გი­ლად იქცა.თეთ­რა­მი­წა, სა­თაფ­ლი­ის მღვი­მე, დი­ნო­ზავ­რე­ბის ნაკ­ვა­ლე­ვი, სამი აღ­მო­ჩე­ნა, რომ­ლებ­მაც ჩვე­ნი მხა­რის წარ­სუ­ლის შეს­წავ­ლას ახა­ლი შე­საძ­ლებ­ლო­ბე­ბი გა­უხ­სნა.პეტ­რე ჭა­ბუ­კი­ა­ნი ნა­პოვნს დიდი პა­სუ­ხის­მგებ­ლო­ბით ეკი­დე­ბო­და. მღვი­მის კე­თილ­მო­წყო­ბა­ზე ზრუ­ნავ­და, დამ­თვა­ლი­ე­რებ­ლებს მას­პინ­ძლობ­და, ძეგლის მნიშ­ვნე­ლო­ბას აც­ნობ­და. მის­თვის აღ­მო­ჩე­ნის სი­ხა­რულს ყო­ველ­დღი­უ­რი მოვ­ლა და დაც­ვა მოს­დევ­და. ასე­თი­ვე გუ­ლის­ყუ­რით უყუ­რებ­და ქუ­თა­ი­სის ის­ტო­რი­ულ მემ­კვიდ­რე­ო­ბას. იკ­ვლევ­და ძველ ნა­გე­ბო­ბებს, აგ­რო­ვებ­და წარ­სუ­ლის შე­მორ­ჩე­ნილ ნიშ­ნებს.ბაგ­რა­ტის ტაძ­რის მიმ­დე­ბა­რედ მო­ძი­ე­ბუ­ლი ჩუ­ქურ­თმი­ა­ნი ფრაგ­მენ­ტე­ბით მისი აღ­დგე­ნის საქ­მეს მნიშ­ვნე­ლო­ვა­ნი დახ­მა­რე­ბა გა­უ­წია. ქა­ლა­ქის სიყ­ვა­რუ­ლი სწო­რედ ასეთ შრო­მა­შიც ცხოვ­რობს, ნა­პოვ­ნი ქვის გაფრ­თხი­ლე­ბა­ში, ძვე­ლი ძეგლის მოვ­ლა­ში, მოს­წავ­ლის­თვის გა­ზი­ა­რე­ბულ ცოდ­ნა­ში, მო­მავ­ლის­თვის შე­ნარ­ჩუ­ნე­ბულ ის­ტო­რი­ა­ში.დღეს სა­თაფ­ლი­ა­ში მი­სუ­ლი ბავ­შვი დი­ნო­ზავ­რის ნაკ­ვა­ლევ­თან ჩერ­დე­ბა და გა­ო­ცე­ბუ­ლი უყუ­რებს. შე­საძ­ლოა, ჯერ არც იცო­დეს, ვინ აღ­მო­ა­ჩი­ნა იგი. ამი­ტომ პეტ­რე ჭა­ბუ­კი­ა­ნის სა­ხე­ლის გახ­სე­ნე­ბა ჩვე­ნი ვა­ლია. იმ გა­ო­ცე­ბას, იმ ცოდ­ნა­სა და იმ სი­ხა­რულს, რო­მელ­საც ეს ად­გი­ლი გვჩუქ­ნის, მისი შრო­მის დიდი წილი ახ­ლავს.

„ხალხის ძალის“ თავმჯდომარის, საქართველოს პარლამენტის თავმჯდომარის მოადგილის, სოზარ სუბარის განცხადებით, ჩეხეთი ეწინააღმდეგება ბრიუსელის ყველა იმ პოლიტიკას, რომელიც შეიძლება, ჩეხეთის სუვერენიტეტის განმტკიცებისკენ არ იყოს მიმართული.სუბარის თქმით, აქედან გამომდინარე, მნიშვნელოვანია საქართველოს საპარლამენტო დელეგაციის ვიზიტი ევროკავშირის წევრ ჩეხეთში, მათთან თანამშრომლობა და გამოცდილების გაზიარება.„ჩვენთვის ჩეხეთი საინტერესო ქვეყანაა, რადგან ბოლო ერთი წელია, ჩეხეთს მართავს მთავრობა, რომელსაც მთავარი აქცენტი აქვს ქვეყნის სუვერენიტეტის განმტკიცებაზე. ჩეხეთი 20 წელზე მეტია უკვე ევროკავშირის წევრია, თუმცა ცდილობს, სწორედ ევროკავშირის წევრობის ფარგლებში დაიცვას და განამტკიცოს თავისი სუვერენიტეტი და ეწინააღმდეგება ბრიუსელის ყველა იმ პოლიტიკას, რომელიც შეიძლება, ჩეხეთის სუვერენიტეტის შემცირებისკენ იყოს მიმართული, ჩეხეთის ინტერესებისთვის არ იყოს საინტერესო და პირიქით, ჩეხეთის ინტერესების საწინააღმდეგო იყოს. ჩვენთვის ძალიან დიდი მნიშვნელობა აქვს იმ მთავრობასთან და პარლამენტთან ურთიერთობას, რომელიც ამ პოლიტიკას ირჩევს. საინტერესოა მათი გამოცდილების გაზიარებაც“, – აღნიშნა სოზარ სუბარმა.სუბარის განმარტებით, ჩეხეთს საქართველოსთან მჭიდრო ურთიერთობები აქვს, რადგან ერთ-ერთი მსხვილი ინვესტორია ქვეყანაში.„ბოლო 10 წლის განმავლობაში, ნახევარ მილიარდ დოლარზე მეტი ინვესტიცია აქვს გაკეთებული, ვაჭრობაც საკმაოდ ინტენსიურია. სამწუხაროდ, ამ ვაჭრობაში ჩვენი ექსპორტი ძალიან მოიკოჭლებს, დაახლოებით 12-ჯერ მეტია ჩეხური იმპორტი საქართველოში, ვიდრე ჩვენი ექსპორტი. ეს გასაგებიცაა, რადგან ჩეხეთი ავტომობილებს აწარმოებს, ბაზარზე ერთ-ერთი მსხვილი პუნქტია ევროკავშირში. ჩვენც ისეთი რაღაცები გვაქვს, რაც შესათავაზებელია. ამ მხრივ, მნიშვნელოვანი იქნება პარლამენტის თავმჯდომარესთან შეხვედრა არა მხოლოდ პარლამენტში, არამედ მრეწველობა-ვაჭრობისა და თავდაცვის მინისტრებთანაც“, – განაცხადა სოზარ სუბარმა.საქართველოს პარლამენტის თავმჯდომარე შალვა პაპუაშვილი, საპარლამენტო დელეგაციასთან ერთად, პრაღაში ჩეხეთის დეპუტატთა პალატის თავმჯდომარის, ტომიო ოკამურას ოფიციალური მიწვევით გაემგზავრა.

„ქართული ოცნების“ დამფუძნებელი და საპატიო თავმჯდომარე, ბიძინა ივანიშვილი საქართველოში ისრაელის ელჩს, ვალიდ აბუ ჰაიას შეხვდა.პარტიის ცენტრალურ ოფისში გამართულ შეხვედრაზე, მხარეებმა ორ ქვეყანას შორის მჭიდრო თანამშრომლობასა და ამ მიმართულებით სხვადასხვა სფეროში არსებულ პოზიტიურ დინამიკაზე ისაუბრეს.ხაზი გაესვა საქართველოსა და ისრაელის 26-საუკუნოვან ურთიერთობას და ორ ერს შორის არსებულ განსაკუთრებულ მეგობრობაზე დაფუძნებულ პოლიტიკურ ურთიერთობებს. ასევე, ყურადღება დაეთმო მსოფლიოში არსებულ გეოპოლიტიკურ ვითარებას და კიდევ ერთხელ გაესვა ხაზი დიპლომატიური გზით მშვიდობისა და სტაბილურობის მნიშვნელობას ქვეყნებისა და ხალხების საკეთილდღეოდ.ბიძინა ივანიშვილმა ვალიდ აბუ ჰაიას სამომავლო საქმიანობაში წარმატებები უსურვა.შეხვედრაზე გამოითქვა მზადყოფნა საქართველოსა და ისრაელს შორის მეგობრობისა და პარტნიორობის კიდევ უფრო განმტკიცების შესახებ.

ფინანსთა სამინისტროს შემოსავლების სამსახურის სგპ - ,,სარფის“ მებაჟე ოფიცრებმა, საქართველოს მოქალაქის მართვის ქვეშ არსებული ავტოსატრანსპორტო საშუალების დეტალური დათვალიერების შედეგად, მალულად განთავსებული სავალდებულო დეკლარირებას დაქვემდებარებული 40 ამპულა მედიკამენტი - ,,MASPORT (R)“ აღმოაჩინეს.საქონლის საერთო საბაჟო ღირებულებამ 14 400 ლარი შეადგინა.კანონდამრღვევ მოქალაქეს საქართველოს საბაჟო კოდექსის შესაბამისად სანქციის სახით ჯარიმა - 14 400 ლარი შეეფარდა.

საქართველოს მთავრობამ პარლამენტს წარუდგინა 2027 წლის ბიუჯეტის პროექტი მეორე მოსმენით განხილვისთვის. აღნიშნულთან დაკავშირებით საქართველოს ფინანსთა სამინისტრო ინფორმაციას ავრცელებს.სამინისტროს ცნობით, დოკუმენტის მიხედვით: რეალური ეკონომიკური ზრდის პროგნოზი 2027 წლისთვის შეადგენს 5.0 პროცენტს, მომდევნო წლებში – 5.2-5.3 პროცენტის ფარგლებში.ნომინალური მთლიანი შიდა პროდუქტი 2027 წელს 8.9 პროცენტით იზრდება და 126.4 მილიარდ ლარს შეადგენს. შემდგომ წლებში ზრდის პროგნოზი, საშუალოდ, 8.5 პროცენტია და 2030 წლისთვის 161.0 მილიარდ ლარს აჭარბებს.ერთ სულ მოსახლეზე გადაანგარიშებით, მთლიანი შიდა პროდუქტის მაჩვენებელი 2027 წლის ბოლოსთვის – 12.0 ათას დოლარს, ხოლო 2030 წლისთვის 15.0 ათას დოლარს აჭარბებს.ინფლაციის მაჩვენებელს მომდევნო წელს კლებადი ტენდენცია ექნება და წლის ბოლოსთვის თავის მიზნობრივ მაჩვენებელს – 3.0 პროცენტს დაუბრუნდება.მიმდინარე ანგარიშის დეფიციტი 2027 წლისთვის 2.6 პროცენტს შეადგენს, ხოლო მომდევნო წლებში 3.7 პროცენტის ფარგლებშია.ბიუჯეტის დეფიციტი 2027 წლისთვის დაგეგმილია მთლიანი შიდა პროდუქტის 2.5 პროცენტის დონეზე, ხოლო შემდგომ წლებში მცირედით კლებადი ტენდენცია აქვს და 2.2 პროცენტამდე მცირდება;მთავრობის ვალის მაჩვენებელი 2027 წლისთვის 31.1 პროცენტის დონეზეა.ნაერთი ბიუჯეტის საგადასახადო შემოსავლები 2027 წლისთვის დაგეგმილია 29.9 მილიარდი ლარის ოდენობით, ხოლო 2030 წლისთვის 38.0 მილიარდ ლარამდე იზრდება.ნაერთი ბიუჯეტის ჯამური შემოსულობები შეადგენს 38 მილიარდ 363 მილიონ ლარს, რაც 2026 წლის საპროგნოზო მაჩვენებელს 2 მილიარდ 370 მილიონი ლარით აღემატება.ჯამური შემოსულობების 87 პროცენტზე მეტს შემოსავლები წარმოადგენს, რომლის მოცულობა 33 მილიარდ 565 მილიონ ლარს აჭარბებს და მიმდინარე წლის საპროგნოზო მოცულობასთან შედარებით 1 მილიარდ 837 მილიონი ლარით მეტია.საგადასახადო შემოსავლების მოცულობა 2027 წლისთვის განსაზღვრულია 29 მილიარდ 875 მილიონი ლარის ოდენობით, რაც მიმდინარე წლის საპროგნოზო მოცულობას 2 მილიარდ 25 მილიონი ლარით აჭარბებს, ხოლო პროექტის პირველად ვარიანტთან შედარებით გაზრდილია 355 მილიონი ლარით;მომდევნო წლის განმავლობაში პროგნოზირებულია ზედმეტად გადახდილი გადასახადების დაბრუნება, ჯამში, 3 მილიარდ 200 მილიონ ლარზე მეტი მოცულობით.2027 წლის ბიუჯეტის ხარჯვითი ნაწილი დაგეგმილია 38 მილიარდ 243 მილიონი ლარის ოდენობით, რაც მიმდინარე წლის საპროგნოზო მოცულობას 2 მილიარდ 263 მილიონი ლარით აღემატება.2027 წლის ჯამური გადასახდელებიდან 26 მილიარდ 216 მილიონი ლარი მიიმართება მიმდინარე ხარჯების (საპროცენტო ხარჯების გარდა) დაფინანსებაზე, რაც 2026 წლის საპროგნოზო მოცულობას 2 მილიარდი ლარით აღემატება.მიმდინარე ხარჯები 2027 წლის ბიუჯეტის პროექტის მეორე განხილვისთვის ძირითადად გაზრდილია შემდეგი მიმართულებებით:ჯანდაცვისა და სოციალური ხარჯები გაზრდილია 1 მილიარდ ლარზე მეტით, მათ შორის:მოსახლეობის საპენსიო უზრუნველყოფის ხარჯი გაზრდილია 685 მილიონი ლარით. ინდექსაციის ფორმულის შესაბამისად, 70 წლის და მეტი ასაკის პირთა პენსია იზრდება 60 ლარის ოდენობით და განისაზღვრება 555 ლარის ოდენობით;70 წლამდე ბენეფიციარებისთვის, პროექტის წინა ვერსიით გათვალისწინებული 20 ლარის ნაცვლად, იზრდება 45 ლარით  და 415 ლარს შეადგენს;მაღალმთიან დასახლებებში მცხოვრები პენსიონერებისთვის გათვალისწინებულია 20%-იანი დანამატები;70 წლამდე პენსიონერების პენსიის კანონით გათვალისწინებულ ინდექსაციასთან შედარებით უფრო მაღალი ზრდის გათვალისწინებით პროგრამის ბიუჯეტი დამატებით გაზრდილია 130 მილიონი ლარით;ინდექსაციის და პენსიების ზრდის შესაბამისად იზრდება შეზღუდული შესაძლებლობის მქონე პირთა სოციალური გასაცემლები, რისთვისაც დამატებით გამოყოფილია 81 მილიონი ლარი (წინა ვერსიასთან შედარებით დამატებით გამოყოფილია 21 მილიონი ლარი);ჯანდაცვის პროგრამების დაფინანსება გაზრდილია 243 მილიონ ლარამდე (წინა ვერსიასთან შედარებით დამატებით გამოყოფილია 118 მილიონ ლარამდე), რომლის ფარგლებში გათვალისწინებულია სასწრაფო დახმარების პერსონალისა და სოფლის ექიმი/ექთნის ხელფასების ზრდა;სოციალური რეაბილიტაციისა და ბავშვზე ზრუნვის პროგრამა გაზრდილია 34 მილიონ ლარზე მეტით;დაგროვებითი საპენსიო სქემის დაფინანსება გაზრდილია 60 მილიონი ლარით;განათლების ხარჯები გაზრდილია 450 მილიონ ლარით, რომლის ფარგლებში გათვალისწინებულია საჯარო სკოლების მასწავლებლების, მათი ადმინისტრაციული პერსონალისა და საბავშვო ბაღების ხელფასების ზრდა. ასევე გათვალისწინებულია უმაღლესი განათლების რეფორმის ფარგლებში სახელმწიფო უნივერსიტეტებში უფასო სწავლების დაფინანსება;საქართველოს კანონმდებლობის საფუძველზე, კერძო სექტორში ბოლო 4 კვარტალში გაზრდილი ხელფასების შესაბამისად, 8.4%-ით იზრდება საბაზო თანამდებობრივი სარგო. შრომის ანაზღაურების ფონდი იზრდება 468 მილიონი ლარით;სპორტული ფედერაციების დაფინანსება გაზრდილია 70 მილიონი ლარით;მომავალ წელს ნაერთი ბიუჯეტიდან კაპიტალური ხარჯების დასაფინანსებლად მიიმართება 8 მილიარდ 400 მილიონ ლარზე მეტი, რაც მიმდინარე წლის საპროგნოზო მაჩვენებელს თითქმის 1 მილიარდ 200 მილიონი ლარით აღემატება.აღნიშნული თანხის ფარგლებში:მუნიციპალური ინფრასტრუქტურის გაუმჯობესებაზე მიიმართება 2 მილიარდ 800 მილიონ ლარზე მეტი;საგზაო ინფრასტრუქტურის გაუმჯობესებისთვის გამოყოფილია 1 მილიარდ 382 მილიონ ლარამდე, მათ შორის 773 მილიონი ლარია გათვალისწინებული ჩქაროსნული მაგისტრალების მშენებლობისთვის;განათლების მიმართულებით კაპიტალური ხარჯების დასაფინანსებლად გათვალისწინებულია 830 მილიონი ლარი;წყალმომარაგებისა და წყალარინების პროექტებზე მიიმართება 350 მილიონი ლარი. გარდა ამისა, მიმდინარე წელს გაერთიანებული წყალმომარაგების კომპანიას დამატებით გამოეყოფა 280 მილიონი ლარი, რომლის ფარგლებშიც სამუშაოები განხორციელდება 2027 წლის განმავლობაში;ენერგეტიკული ინფრასტრუქტურის გაუმჯობესებაზე გამოყოფილია 230 მილიონი ლარი, მათ შორის გათვალისწინებულია ენერგიის დამაგროვებელი მოწყობილობების მშენებლობა. რეგიონებში გაზიფიცირების სამუშაოების განახლების მიზნით მიმდინარე წელსვე გამოიყოფა 55 მილიონი ლარი, რომლის ფარგლებშიც სამუშაოები განხორციელდება 2027 წელს;სპორტული ინფრასტრუქტურის მშენებლობა-რეაბილიტაციაზე მიიმართება 310 მილიონი ლარი;ტურისტული ინფრასტრუქტურის განვითარებაზე გამოყოფილია 100 მილიონი ლარი. ამასთან, მთის კურორტების განვითარების მიზნით, 2027 წელს განსახორციელებელი სამუშაოებისთვის მიმდინარე წელს გამოიყოფა 80 მილიონ ლარზე მეტი;იძულებით გადაადგილებულ პირთა და მიგრანტთა განსახლების პროექტების დაფინანსებაზე გამოყოფილია 408 მილიონი ლარი, რაც ბიუჯეტის წინა პროექტთან შედარებით გაზრდილია 140 მილიონი ლარით. დამატებითი თანხების გამოყოფა დაკავშირებულია ახალ სამთავრობო ინიციატივასთან, რომლის ფარგლებშიც ხორციელდება იძულებით გადაადგილებულ პირთა საცხოვრებელი სახლების საკომპენსაციო თანხების ანაზღაურება. აღნიშნული მიმართულებით მიმდინარე წელს მიიმართება 100 მილიონ ლარზე მეტი;ჯანდაცვის ინფრასტრუქტურის გასაუმჯობესებლად გათვალისწინებულია 142.5 მილიონი ლარი;სამელიორაციო სისტემების მოდერნიზების პროექტებზე 2027 წლის ბიუჯეტიდან გამოყოფილია 85 მილიონი ლარი, ხოლო მიმდინარე წელს დამატებით გამოეყოფა 70 მილიონი ლარი;მყარი ნარჩენების პროექტების განსახორციელებლად მომდევნო წელს, ჯამში, მიიმართება 110 მილიონ ლარზე მეტი;პოლიციის, სახელმწიფო უსაფრთხოებისა და თავდაცვის მიმართულებით დაგეგმილი კაპიტალური ხარჯები შეადგენს 882 მილიონ ლარს;საქართველოს რკინიგზის გამტარუნარიანობის ზრდის მიზნით მიიმართება 250 მილიონი ლარი;თბილისის მეტროს მოდერნიზაციის პროექტის დაფინანსება შეადგენს 125 მილიონ ლარს;სოფლების ინტერნეტიზაციის პროექტის ფარგლებში ოპტიკურ-ბოჭკოვანი ქსელის მშენებლობაზე მიიმართება 107 მილიონი ლარი;სხვა დანარჩენი კაპიტალური ხარჯები, ჯამში, შეადგენს 303 მილიონ ლარს.„2027 წლის პროექტის გადამუშავებული ვერსიის განხილვა საბიუჯეტო პროცესის თანახმად, კვლავ გაგრძელდება პარლამენტში, სადაც მოხდება გამოთქმული წინადადებებისა თუ მოსაზრებების ასახვა, ხოლო დეკემბერში საბოლოო ვერსიის მიღება“, – აღნიშნულია ინფორმაციაში.