მაკრონი: „დიდი შვიდეულის“ ყველა ქვეყანა შეთანხმდა, რომ რუსეთს მშვიდობა არ სურს

საქართველოს ტექნიკური უნივერსიტეტის ადმინისტრაციის წარმომადგენლებმა Erasmus+ ICM პროგრამის 2023 წლის პროექტის ფარგლებში გამართულ მე-4 საერთაშორისო თანამშრომელთა კვირეულში - „თანამშრომლობითი ციფრული მომავალი: ევროკავშირის მიერ დაფინანსებული პროექტები უმაღლეს განათლებაში“, მიიღეს მონაწილეობა.ინფორმაციას საქართველოს ტექნიკური უნივერსიტეტი ავრცელებს.უნივერსიტეტის ცნობით, საერთაშორისო ღონისძიება თურქეთის ქალაქ ქუთაჰიაში, დუმლუპინარის უნივერსიტეტში გაიმართა და მას სხვადასხვა ქვეყნის უმაღლესი საგანმანათლებლო დაწესებულებების წარმომადგენლები ესწრებოდნენ.საქართველოს ტექნიკურ უნივერსიტეტს ღონისძიებაზე წარმოადგენდნენ: სასწავლო პროცესების მართვის სამსახურის კარიერული განვითარების განყოფილების ხელმძღვანელი, ასოცირებული პროფესორი ნატო ქათამაძე; სატრანსპორტო სისტემებისა და მექანიკის ინჟინერიის ფაკულტეტის ხარისხის სამსახურის უფროსი, პროფესორი ნია ნათბელიძე; ამავე სამსახურის უფროსის მოადგილე, ასოცირებული პროფესორი თამარ ლოლაძე; ასევე, სამთო გეოლოგიისა და მთის მდგრადი განვითარების ფაკულტეტის პირველი კატეგორიის სპეციალისტი, ასოცირებული პროფესორი ნანა ახალაია.საერთაშორისო კვირეულის მთავარი თემა იყო უმაღლესი განათლების სფეროში ციფრული ტრანსფორმაციის ხელშეწყობა, ევროკავშირის მიერ დაფინანსებული პროექტების გამოცდილების გაზიარება და საერთაშორისო პარტნიორობის გაღრმავება.ღონისძიების ფარგლებში მონაწილეებმა განიხილეს უმაღლეს განათლებაში ინოვაციური მიდგომების დანერგვის, ციფრული ტექნოლოგიების ეფექტიანი გამოყენებისა და საერთაშორისო თანამშრომლობის განვითარების საკითხები. ასევე, გაიმართა სამუშაო შეხვედრები, დისკუსიები და გამოცდილების გაზიარების სესიები სხვადასხვა ქვეყნის უნივერსიტეტების წარმომადგენლებს შორის.სტუ-ის ინფორმაციით, საქართველოს ტექნიკური უნივერსიტეტის წარმომადგენლების მონაწილეობა აღნიშნულ საერთაშორისო ღონისძიებაში ხელს შეუწყობს უნივერსიტეტის ინტერნაციონალიზაციის პროცესის გაძლიერებას, საერთაშორისო პარტნიორული ქსელის გაფართოებასა და ევროპული საგანმანათლებლო გამოცდილების გაზიარებას.

ბუნებრივია, გეოპოლიტიკური პროცესები მნიშვნელოვნად დააჩქარა უკრაინაზე რუსეთის თავდასხმამ. რა არის ამაში გაუგებარი? ამაზე საუბარი ყოველთვის იყო, მაგრამ ფანჯარა გაიხსნა არა მხოლოდ უკრაინისთვის, არამედ საქართველოსა და მოლდოვისთვისაც, ასევე, ბალკანეთის ქვეყნებისთვის, – ამის შესახებ „ოპოზიციის ალიანსის“ ერთ-ერთმა ლიდერმა, ნიკა გვარამია განაცხადა.გვარამიას კითხვა დაუსვეს ევროპარლამენტარ რასა იუკნევიჩიენეს განცხადებაზე, რომლის თანახმადაც: „საქართველო ვერ ახერხებს, გამოიყენოს მომენტუმი, როდესაც შესაძლებლობის ფანჯარა უკრაინელების გამო გაიხსნა, 2022 წლის ომამდე არავინ საუბრობდა გაფართოებაზე“.ნიკა გვარამიას თქმით, დაჩქარებული გეოპოლიტიკური ძვრა მოხდა, რადგან ომი ყოველთვის და ყველგან გეოპოლიტიკური არქიტექტურის შემქმნელია.„„ქართულმა ოცნებამ“ თუ ეს არ იცის, რასა იუკნევიჩიენეს პრობლემა არ არის“, – აღნიშნა გვარამიამ.რაც შეეხება ევროპარლამენტის რეზოლუციას, ნიკა გვარამიას განცხადებით, „სანქციების შიშმა ივანიშვილს დიდი ხანია, წონასწორობა დააკარგვინა“.„თავიდან ჩემთვის ეს გასაკვირი იყო, ახლა კი აღარ მიკვირს. ინსტინქტები, თუ ტვინი არ ჰყოფნიდა, ხერხემალი მაინც კარნახობდა ხოლმე, რომ სწორი დასკვნები გამოეტანა. ახლა ძალიან შეშინებულია, მაგრამ სწორედ ამ შიშის გამო იღებს რადიკალურად არასწორ, დიამეტრალურად საპირისპირო გადაწყვეტილებებს. გონზე მოსვლა მას ჯერ კიდევ შეუძლია. ისეთი გადაწყვეტილებები თუ იქნება მიღებული, რომლებიც შეუქცევადი აღმოჩნდება, შემდეგ აღარ ექნება მნიშვნელობა, რას იზამს ბიძინა ივანიშვილი. ამიტომ უსმინოს საკუთარ ინტერესებს და არა მისი სასაცილო მარიონეტული მთავრობის ინტერესებს. ბუნებრივია, კობახიძეს სჭირდება ივანიშვილი აქ — იქნება დასანქცირებული, დასჯილი, თუ სხვა ფორმით დაზიანებული — რადგან ეს მათთვის ხელისუფლებაში ყოფნის გახანგრძლივების საშუალებაა. ივანიშვილი თუ ამისთვის წირავს საკუთარ თავს და ოჯახს, რომ კობახიძე პრემიერ-მინისტრი იყოს, მაშინ ვულოცავ“, – აღნიშნა ნიკა გვარამიამ.

მიხეილ სააკაშვილის მხრიდან იმპულსური გადაწყვეტილებები, თუნდაც იმპულსურად ვარცხნილობის შეცვლა და კიდევ ბევრი სხვა რამ, მოულოდნელი არ არის. ეს ყველამ იცის, ვინც მას იცნობს. დესტაბილიზაციის პროცესის განვითარებაში ვინ აჯობებს, ამ ნიშნით აკეთებს ახლა არჩევანს ორ ქალბატონს შორის, – ამის შესახებ პარლამენტის პირველმა ვიცე-სპიკერმა, გია ვოლსკიმ განაცხადა.ვოლსკის მიხეილ სააკაშვილის გუშინდელ განცხადებაზე დაუსვეს კითხვა.„ყოველთვის აღმოსავლეთის ჯორჯ ვაშინგტონს უწოდებდა თავს. მის მიმართ გამოხატული პოზიცია, რომ ის არის შუქურა, დემოკრატიული სამყაროს ლიდერი, საკუთარ თავთან მიმართებით რეალობაში აქვს გააზრებული. ასეთი წარმოდგენა აქვს და სწორად არ მიაჩნია, რომ მისი ბანერი მიტინგზე მოწინავე პოზიციაზე არ არის, მათ შორის, ექსტრემისტული პროცესების განვითარების დროს. მიაჩნია, რომ თინა ბოკუჩავამ პარტიისთვის ნაკლები ძალა გაიღო და ნანუკა ჟორჟოლიანს მეტი რესურსი აქვს. დესტრუქციისა და დესტაბილიზაციის პროცესის განვითარებაში ვინ აჯობებს, სააკაშვილი ამ ნიშნით, რაკურსით აკეთებს არჩევანს ორ ქალბატონს შორის“, – განაცხადა გია ვოლსკიმ.საქართველოს ყოფილმა პრეზიდენტმა, მიხეილ სააკაშვილმა სოციალურ ქსელში დაწერა: „ერთიან ნაციონალურ მოძრაობაში“ ცვლილებები იქნება ძირეული და არა კოსმეტიკური. პარტია არა მხოლოდ გასაცოცხლებელია, არამედ იმაზე უკეთეს ფორმაშია მოსაყვანი, ვიდრე იყო 2003 წელს. ივლისში ყველა თანამდებობის პირს პარტიაში უმთავრდება ვადა. აუცილებელია თავმჯდომარის არჩევნები იმ ფორმატით, რომელიც რეჟიმის მხრიდან ჩარევას გამორიცხავს. ჩემი კანდიდატი თავმჯდომარედ არის ნანუკა ჟორჟოლიანი. მას აქვს გამოცდილება, ენერგია, ხედვა, რომ ამ გამოწვევას გაუმკლავდეს“.

დემოკრატი სენატორები ირანთან მიღწეულ შეთანხმებას აკრიტიკებენ და აცხადებენ, რომ ეს ირანისთვის უფრო მომგებიანია, ვიდრე აშშ-ისთვის.დემოკრატი სენატორების თქმით, არსებული შეთანხმება არ უზრუნველყოფს საკმარის სარგებელს აშშ-ის მოქალაქეებისთვის და აჩენს კითხვებს მისი ეფექტიანობის შესახებ. მათი თქმით, დოკუმენტი უფრო მეტად წარმოადგენს მომავალში შეთანხმების მიღწევის ჩარჩოს, ვიდრე კონკრეტულ და დაბალანსებულ შეთანხმებას.ამასთან, სენატორები აცხადებენ, რომ მემორანდუმი ირანს არ აძლევს საკმარის სტიმულს საბოლოო პირობებზე რეალური შეთანხმების მისაღწევად და შესაძლოა, პროცესის გაჭიანურებას შეუწყოს ხელი.„ვხედავ, როგორ იგებს ირანი ამ მემორანდუმით, მაგრამ ვერ ვხედავ, როგორ ეხმარება ეს რომელიმე ამერიკულ ოჯახს. პრეზიდენტ ტრამპს არასდროს აუხსნია, რატომ ჩავერთეთ ამ ომში, მაგრამ ახლა უკვე აშკარაა, რა დიდი იყო მისი ფასი“, – განაცხადა სენატორმა ელიზაბეტ უორენმა.ამასთან, სენატორმა მარკ უორნერმა განაცხადა, რომ ამერიკა დღეს ნაკლებად ძლიერია, ვიდრე ომის დაწყებამდე იყო.„მოხარული ვარ, რომ პრეზიდენტი გამარჯვებას გამოაცხადებს, რადგან ომი ამერიკელებისთვის დანაკარგების თვალსაზრისით კატასტროფაა. ვფიქრობ, ხალხი უკან მოიხედავს და იტყვის, რომ ეს არჩევითი ომი კატასტროფა იყო და ამერიკა დღეს ნაკლებად ძლიერია, ვიდრე ომის დაწყებამდე ვიყავით“, – განაცხადა უორნერმა.

საქართველოს ვიცე-პრემიერმა, საგარეო საქმეთა მინისტრმა, მაკა ბოჭორიშვილმა გადაცემაში „იმედი LIVE“ ევროპარლამენტის მიერ საქართველოზე მიღებულ რეზოლუციაზე ისაუბრა. მინისტრის განცხადებით, მიუხედავად იმისა, რომ აღნიშნული დოკუმენტები ძალის არმქონეა, ქართული მხარე მათ სრულიად იგნორირებას ვერ მოახდენს, რადგან ამ დოკუმენტებით ყალიბდება გარვეული ნარატივები, რაც საქართველოს ეროვნული ინტერესების დაზიანებას ისახავს მიზნად.„რეზოლუციებს რომ ძალა არ აქვს და ბევრს არაფერს ნიშნავს, ჩვენ ეს უკვე ვნახეთ. როდესაც ეს რეზოლუცია და ანგარიში დამტკიცდა ევროპარლამენტში, საგარეო საქმეთა კომიტეტზე, მაშინ გაკეთდა ჩვენი განცხადება. გარკვეული ყურადღება დავუთმეთ მათ ძალიან მარტივი მიზეზის გამო. თავად ევროპელი პოლიტიკოსებისა და ბრიუსელის ბიუროკრატიის მხრიდან ხშირად გვსმენია, რომ ნუ მიაქცევთ დიდ ყურადღებას ევროპარლამენტის რეზოლუციებს, რომ ამას არ აქვს გადამწყვეტი მნიშვნელობა ევროკავშირის პოლიტიკაზე. მიუხედავად ამისა, ჩვენთვის ევროპარლამენტი არის ევროკავშირის ისეთივე ინსტიტუტი, როგორც ევროკომისია და ევროკავშირის საბჭო. შესაბამისად, ჩვენ სრულიად იგნორირებას მათ დოკუმენტებს ვერ გავუკეთებთ იქიდან გამომდინარე, რომ მასში გარკვეული პოლიტიკოსების აზრები აისახება, გარკვეული ნარატივი ყალიბდება. ეს არის სრულიად ტყუილზე, სრულიად ცრუ ნარატივებზე აგებული დოკუმენტები, რომლებიც ერთადერთი მიზნით იქმნება, რომ ჩვენი ქვეყნის ინტერესები დააზიანონ და ჩვენი ქვეყნის რეპუტაცია შელახონ. ამას ძალა არ აქვს, არანაირი პოლიტიკური წონა ამ დოკუმენტებს არ აქვს, თუმცა ჩვენთვის მიუღებელია, თუნდაც სამი ევროპარლამენტარი ასეთი ფორმით ესხმოდეს თავს ჩვენს ქვეყანას და ჩვენს საზოგადოებას სრულიად უსაფუძვლოდ, სრულიად ტყუილებზე დაფუძნებით და უპასუხოდ დავტოვოთ თუნდაც მათი ასეთი კამპანიები ჩვენი ქვეყნის წინააღმდეგ, რომელიც, უკვე რამდენი წელიწადია, მიმდინარეობს და მიზნად ისახავს ერთადერთ რამეს – დააზიანონ ჩვენი ქვეყნის ეროვნული ინტერესები“, – განაცხადა საგარეო საქმეთა მინისტრმა.საგარეო უწყების ხელმძღვანელი ასევე გამოეხმაურა ევროპარლამენტარ რასა იუკნევიჩიენეს ვიდეომიმართვას ევროკავშირის გაფართოების საკითხზე.„ქალბატონ რასას ჩვევია ღიად რაღაცების თქმა, რაც ნათელს ჰფენს მთლიანად დამოკიდებულებას ამ პროცესთან დაკავშირებით. ჩვენ არაერთხელ გვისაუბრია, რისთვის იყო 2022 წელს გააქტიურებული ევროკავშირის გაფართოების პოლიტიკა. დღევანდელი პროცესი კიდევ უფრო აშკარად აჩვენებს, თუ რამდენად ჰქონდა ინსტრუმენტის ხასიათი 2022 წელს ევროკავშირში გაწევრიანების შეთავაზებას ომში მყოფი უკრაინისათვის და სხვა ქვეყნებისთვის ჩვენს რეგიონში. 2022 წლამდე იყო პერიოდი, როცა ევროკომისიამ საერთოდ გაფართოების პორტფელი ამოიღო კომისიის მანდატიდან და გაფართოების კომისარიც არ ჰყავდათ. ასეთი კომისიაც არსებობდა გასულ წლებში. არ იყო აქტუალური და ომის შემდგომ გახდა აქტუალური ევროკავშირის გაფართოების პოლიტიკა. ომი იყო საჭირო იმისთვის, რომ ევროკავშირი დაფიქრებულიყო გეოპოლიტიკურ აუცილებლობაზე? რთული აღიარებებია ნამდვილად ქალბატონი რასას მხრიდან, რაც კიდევ უფრო მეტ ანალიზს საჭიროებს ჩვენი საზოგადოების მხრიდან, თუ რისთვის იყენებს ეს ხალხი ევროკავშირის გაფართოებას“, – აღნიშნა მაკა ბოჭორიშვილმა.საგარეო საქმეთა მინისტრმა ხაზი გაუსვა ევროკავშირში ინტეგრაციის პროცესის განსაკუთრებულ მნიშვნელობას საქართველოსთვის, როგორც იდეოლოგიური, ისე პრაქტიკული თვალსაზრისით.„ჩვენ არაერთხელ გვითქვამს, რომ ჩვენთვის ეს არის ძალიან მნიშვნელოვანი რამ – ჩვენი ინტეგრაცია ევროკავშირთან ჩვენი ისტორიიდან, კულტურიდან, იდენტობიდან გამომდინარე. ეს არის ის მნიშვნელოვანი გეოპოლიტიკური არეალი თუ სივრცე, სადაც ვხედავთ ჩვენს თავს. ჩვენთვის ეს არის ძალიან მნიშვნელოვანი, არა მხოლოდ იდეოლოგიური, არამედ პრაქტიკული მნიშვნელობის საკითხი და ამ დროს სხვებისთვის ეს სხვაგვარი ინსტრუმენტი ყოფილა“, – განაცხადა მაკა ბოჭორიშვილმა.