საბოლოოდ, საერთაშორისო სისტემაში ყველაზე მნიშვნელოვანი კითხვა შესაძლოა აღარ იყოს: „რამდენად ძლიერი ხარ?“ არამედ – „რამდენად სურთ სხვებს შენთან ერთად ყოფნა?“

მუშაობა გაგრძელდება სამუშაო ჯგუფის ფორმატში. ეს კრიტიკულად მნიშვნელოვანი და აუცილებელია, რათა არა მხოლოდ მედიკამენტების მიმართულებით, არამედ ყველა სხვა მიმართულებით არსებობდეს ბავშვების და პაციენტების საუკეთესო ინტერესის მაქსიმალურად დაკმაყოფილებისა და დაცვის შესაძლებლობა, – ამის შესახებ საქართველოს ჯანდაცვის მინისტრმა, მიხეილ სარჯველაძემ დიუშენის მქონე ბავშვების მშობლებთან შეხვედრის შემდეგ ბრიფინგზე განაცხადა.სარჯველაძემ მშობლებს კონსტრუქციული დამოკიდებულებისთვის მადლობა გადაუხადა.„მინდა, შევუერთდე მადლობას მშობლების კონსტრუქციულ დამოკიდებულებასთან დაკავშირებით. ეს მართლაც ძალიან მნიშვნელოვანი იყო გადაწყვეტილებების მისაღებად და აუცილებელი ფორმატია თანამშრომლობისა. მადლობა პრემიერ-მინისტრს პირადი ჩართულობისთვის. დიდი ხანია, რაც ამ თემებთან დაკავშირებით კონსულტაციები გვაქვს. ეს ძალიან მნიშვნელოვანი იყო, რომ პროცესი დღევანდელ დღემდე მოსულიყო. მუშაობა გაგრძელდება სამუშაო ჯგუფის ფორმატში. ეს კრიტიკულად მნიშვნელოვანი და აუცილებელია, რათა არა მხოლოდ მედიკამენტების, არამედ ყველა სხვა მიმართულებით არსებობდეს ბავშვებისა და პაციენტების საუკეთესო ინტერესის მაქსიმალურად დაკმაყოფილებისა და დაცვის შესაძლებლობა. ყველა სიახლის შესახებ უპირველესად ინფორმირებული იქნებიან მშობლები, პაციენტები. ბუნებრივია, საზოგადოებასაც ყველაფერთან დაკავშირებით ექნება სრული ინფორმაცია“, – განაცხადა სარჯველაძემ.საქართველოს პრემიერ-მინისტრმა, ირაკლი კობახიძემ დიუშენის კუნთოვანი დისტროფიით დაავადებული ბავშვების მშობლებთან შეხვედრის შემდეგ განაცხადა, რომ ჯანდაცვის სამინისტროსა და მშობლების მონაწილეობით, შეიქმნება სამუშაო ჯგუფი, რომელიც აქტიურად იმუშავებს დიუშენით დაავადებული ბავშვებისთვის კონკრეტული მედიკამენტების უზრუნველყოფის საკითხზე.

ჯანდაცვის სამინისტროს წარმომადგენლებისა და მშობლების მონაწილეობით, შეიქმნება სამუშაო ჯგუფი, რომელიც აქტიურად იმუშავებს ბავშვებისთვის კონკრეტული მედიკამენტების უზრუნველყოფის საკითხზე, – ამის შესახებ საქართველოს პრემიერ-მინისტრმა, ირაკლი კობახიძემ დიუშენის კუნთოვანი დისტროფიით დაავადებული ბავშვების მშობლებთან შეხვედრის შემდეგ განაცხადა.კობახიძის თქმით, მშობლები მუდმივ რეჟიმში მიიღებენ ინფორმაციას პროცესების მიმდინარეობასთან დაკავშირებით.„დღეს გაიმართა მეორე შეხვედრა დიუშენის კუნთოვანი დისტროფიის მქონე ბავშვების მშობლებთან. დღევანდელ შეხვედრაზე შევთანხმდით, რომ შეიქმნება სამუშაო ჯგუფი ჯანდაცვის სამინისტროს წარმომადგენლებისა და მშობლების მონაწილეობით, რომელიც აქტიურად იმუშავებს ბავშვებისთვის კონკრეტული მედიკამენტების უზრუნველყოფის საკითხზე. ანუ, ამ შეხვედრაზე შევჯერდით კონკრეტულ მედიკამენტებზე, რომლებზეც დაიწყება უზრუნველყოფის კუთხით მუშაობა. კონკრეტული მედიკამენტების შესყიდვის შესახებ საბოლოო გადაწყვეტილება მიიღება სხვადასხვა ფაქტორის, მათ შორის ფარმაცევტული კომპანიების მიერ შემოთავაზებული პირობების გათვალისწინებით. შეიქმნება საგანგებო სამუშაო ჯგუფი, დაიწყება კონკრეტული სამუშაო პროცესი და მშობლები მუდმივ რეჟიმში მიიღებენ ინფორმაციას პროცესების მიმდინარეობასთან დაკავშირებით. ჩვენ შევჯერდით კონკრეტულ მედიკამენტებზე, რომლებსაც კონკრეტული მიზეზების გამო ახლა არ ვასახელებთ, თუმცა ამის შესახებ მშობლების სრულ წრეს ექნება სათანადო ინფორმაცია. მინდა, მადლობა გადავუხადო შეხვედრაში მონაწილე თითოეულ მშობელს, ისევე, როგორც ყველა მშობელს, კონსტრუქციული დამოკიდებულებისთვის. მინდა, მადლობა გადავუხადო საქართველოს ჯანდაცვის მინისტრს და სამინისტროს შესაბამის თანამშრომლებს საკითხის სიღრმისეული დამუშავებისთვის. ჩვენ გამოვთქვამთ იმედს, რომ დღევანდელი გადაწყვეტილება შექმნის საუკეთესო საფუძველს ბავშვების ინტერესების დაცვისა და რეალიზებისათვის“, – განაცხადა ირაკლი კობახიძემ.

ხორვატიის ჩრდილო-დასავლეთ ისტრიის რეგიონში, ქალაქ მედულინთან ახლოს მცირე ზომის თვითმფრინავის ჩამოვარდნის შედეგად, სულ მცირე, ოთხი ადამიანი დაიღუპა.ინფორმაციას ხორვატიის სახელმწიფო საინფორმაციო სააგენტო Hina პოლიციაზე დაყრდნობით ავრცელებს.მათივე ცნობით, ამ დროისთვის მაშველები კიდევ ორ ადამიანს ეძებენ.მედიის ინფორმაციით, მცირე ზომის თვითმფრინავი გერმანიიდან ხორვატიის მიმართულებით მიფრინავდა.ადგილობრივმა პილოტმა, ნიჯაზ დელიჩმა საინფორმაციო პორტალ Index-ს განუცხადა, რომ თვითმფრინავი „ჰაერში სპირალურად შემობრუნდა და მიწას შეეჯახა“.

დღევანდელი ფორუმი იმართება რთულ საერთაშორისო გარემოში, გლობალური უსაფრთხოების არქიტექტურა მნიშვნელოვანი გამოცდის წინაშეა. იზრდება გეოპოლიტიკური კონკურენცია, მძაფრდება კონფლიქტები, ეკონომიკური და ენერგეტიკული გამოწვევები კი გავლენას ახდენს როგორც სახელმწიფოებზე, ისე თითოეული მოქალაქის ყოველდღიურ ცხოვრებაზე, – ამის შესახებ საქართველოს პარლამენტის თავმჯდომარემ, შალვა პაპუაშვილმა თბილისის მდგრადი განვითარების XVI რეგიონულ ფორუმზე სიტყვით გამოსვლისას განაცხადა.შალვა პაპუაშვილის განცხადებით, საერთაშორისო პოლიტიკაში საქართველო გამოირჩევა მიზანდასახულობით, პრაგმატიზმით და პასუხისმგებლობით.„ამ ვითარებაში განსაკუთრებულ მნიშვნელობას იძენს სახელმწიფოს უნარი, იხელმძღვანელოს საკუთარი ეროვნული ინტერესებით, სწორად შეაფასოს გარემო და მიიღოს პასუხისმგებლიანი გადაწყვეტილებები. საქართველოს არჩევანი სწორედ ასეთ მიდგომას ეფუძნება. საერთაშორისო პოლიტიკაში საქართველო გამოირჩევა მიზანდასახულობით, პრაგმატიზმით და პასუხისმგებლობით. გვჯერა, რომ სახელმწიფოს მთავარი ვალდებულებაა საკუთარი მოქალაქეების უსაფრთხოების, კეთილდღეობისა და განვითარების უზრუნველყოფა. სწორედ ამ პრინციპით ვაფასებთ საერთაშორისო პროცესებს და სწორედ ამ პრინციპით ვაშენებთ პარტნიორულ ურთიერთობებს მსოფლიოს ქვეყნებთან. ეროვნული ინტერესების ერთგულება და საერთაშორისო ძალთა განაწილების გათვალისწინება სახელმწიფოს მთავარი ორიენტირი უნდა იყოს. გასაოცარია, როდესაც თანამედროვე მსოფლიოში ამ რეალისტური ჭეშმარიტების მასობრივ იგნორირებას ვხედავთ და ეს ხდება იდეოლოგიური ერთგვაროვნების დამკვიდრების, კრიტიკული აზროვნების ჩახშობის მოწოდებების ფონზე. საკმარისია, გლობალურ იდეოლოგიას მოერგო და მისი უპირობო ჭეშმარიტება აღიარო, რომ წითელ ხალიჩებს გაგიგებენ, ქება-დიდებას არ დაიშურებენ, არჩევნებშიც „დაგეხმარებიან“ და კანონის უზენაესობის თუ ადამიანის უფლებების დარღვევებზეც თვალს დაგიხუჭავენ. სამაგიეროდ, ყველა, ვინც კი ლიბერალური ინტერნაციონალიზმის იდეოლოგიურ მარწუხებს არ ერგება, სტიგმატიზირდება, ბათილდება და იდევნება“, – განაცხადა შალვა პაპუაშვილმა.

დამცირებული მტერი სამხედრო დამარცხების შემდეგ ჰიბრიდული ომის ტაქტიკაზე გადადის, – ამის შესახებ აღნიშნულია ირანის სულიერი ლიდერის, აიათოლა მოჯტაბა ხამენეის განცხადებაში.ხამენეის თქმით, „ბოროტმა“ მტერმა ირანის შეიარაღებულ ძალებთან დაპირისპირებისას დამარცხება, ღრმა დამცირება განიცადა და ახლა ჰიბრიდული ომის სტრატეგიით ცდილობს კომპენსაციას.„ბოროტი მტერი, რომელიც დამარცხდა შეიარაღებულ ძალებში მყოფ თქვენს მამაც შვილებთან დაპირისპირებაში და განიცადა ღრმა, მნიშვნელოვანი დამცირება როგორც ბრძოლის ველზე, ასევე საჯარო ასპარეზზე, ჰიბრიდული ომის ფარგლებში ორ მიზანზე კონცენტრირდა: ხალხის მდგრადობის შესუსტება და ქვეყნის ჩინოვნიკებში არასწორი გათვლების შექმნა. დომინირების სისტემას, რომელმაც თითქმის 80 წლის წინ შექმნა სამხედრო ფორპოსტი, სახელწოდებით ისრაელი, არ შეუძლია შეეგუოს ძლიერი და დამოუკიდებელი ირანის არსებობას, რომელიც მრავალი უპირატესობითა და შესაძლებლობებით არის აღჭურვილი დიდი ისრაელის ცრუ და გამოგონილი გეოგრაფიის აღმოსავლეთ საზღვარზე, ანუ ევფრატის აღმოსავლეთით. ამიტომ ის ყველა ღონეს იღონებს მისი (ირანის) პროგრესის შესაჩერებლად“, – აღნიშნა აიათოლა ხამენეიმ.