გთხოვთ დავეხმაროთ და გავაზიაროთ- 10 წლის გიოსა და მის 9 წლის დაიკოს, ანამარიას საზოგადოების დახმარება სჭირდება

აშშ-მა ირანის წინააღმდეგ დამატებითი სანქციები დააწესა. ამის შესახებ განცხადებას აშშ-ის სახაზინო დეპარტამენტი ავრცელებს. კერძოდ, აშშ-ის ახალი სანქციების ქვეშ მოხვდნენ ცნობილი ირანული ვალუტის გადამცვლელი კომპანია და მასთან დაკავშირებული რამდენიმე "ფასადური" კომპანია, რომლებიც დასანქცირებული ირანული ბანკების სახელით ასობით მილიონი დოლარის ტრანზაქციებს აკონტროლებენ. აშშ-მა ასევე დაასანქცირა ირანის “ჩრდილოვანი ფლოტის” 19 გემი, რომლებიც სანქციებისთვის თავის ასარიდებლად გამოიყენებოდნენ. “ირანის ჩრდილოვანი საბანკო სისტემა ხელს უწყობს ტერორისტული მიზნებისთვის დაფინანსების უკანონო გადარიცხვას. იმის ფონზე, რომ სახაზინო დეპარტამენტი “ეკონომიკური მძვინვარების” ფარგლებში სისტემატურად ანგრევს თეირანის ჩრდილოვან საბანკო სისტემას და ჩრდილოვან ფლოტს, ფინანსური ინსტიტუტები ყურადღებით უნდა იყვნენ იმის მიმართ, თუ როგორ მანიპულირებს რეჟიმი საერთაშორისო ფინანსური სისტემით ქაოსის დასატრიალებლად”, - განაცხადა აშშ-ის სახაზინო მიდვანმა, სკოტ ბესენტმა.

საქართველოს დამოუკიდებლობის დღისადმი მიძღვნილ ღონისძიებასთან დაკავშირებით პრეზიდენტის სასახლის მიმდებარედ, 20 მაისის 08:00 საათიდან 28 მაისის დღის ბოლომდე ათონელის ქუჩაზე სატრანსპორტო მოძრაობა შეიზღუდება.ინფორმაციას თბილისის მერია ავრცელებს.მათივე ცნობით, სოლიკო ვირსალაძისა და გიორგი ჭანტურიას ქუჩებიდან ათონელის ქუჩის მიმართულებით მოძრავ სატრანსპორტო საშუალებებს გადაადგილება შეეძლებათ იტალიის ქუჩის გავლით მშრალი ხიდის მიმართულებით, ხოლო მშრალი ხიდიდან ათონელის ქუჩის მიმართულებით მძღოლები იმოძრავებენ ვირსალაძისა და ჭანტურიას ქუჩების გამოყენებით.„ზვიად გამსახურდიას სახელობის მტკვრის მარჯვენა სანაპიროდან (რენა აბჟანდაძის ქუჩიდან) ამომსვლელ სატრანსპორტო საშუალებებს გადაადგილება შეეძლებათ ვახტანგ ორბელიანის ქუჩამდე და შემდეგ მტკვრის ქუჩის მიმართულებით.გარდა ამისა, 24 მაისის 08:00 საათიდან 28 მაისის ჩათვლით, ტრანსპორტის მოძრაობა შეიზღუდება მშრალი ხიდის მიმდებარე ტერიტორიაზე, იტალიისა და ათონელის ქუჩებზე.შეზღუდვის პერიოდში ზაარბრიუკენის მოედნიდან მშრალი ხიდის მიმართულებით მოძრავი ავტომობილები გადაადგილებას შეძლებენ მტკვრის მარჯვენა სანაპიროს მიმართულებით (ჯოვანი სკუდიერის ქუჩის გამოყენებით), ხოლო ვირსალაძის ქუჩიდან მშრალი ხიდისკენ მიმავალი ავტომობილები იმოძრავებენ ათონელის ქუჩამდე, შემდეგ კი მარჯვნივ მოხვევით ჭანტურიას ქუჩის მიმართულებით.დამოუკიდებლობის დღეს დაგეგმილ ღონისძიებასთან დაკავშირებით საგზაო მოძრაობა შეიზღუდება თავისუფლების მოედანსა და მიმდებარე ტერიტორიაზეც. კერძოდ, 20 მაისის 20:00-დან 21 მაისის 01:00 საათამდე, აგრეთვე, 21-22 მაისს, 10:00-დან 14:00 საათამდე ავტოსატრანსპორტო საშუალებები გადაადგილებას ვერ შეძლებენ კოტე აფხაზისა და შალვა დადიანის ქუჩებიდან თავისუფლების მოედნის მიმართულებით.შოთა რუსთაველის გამზირიდან თავისუფლების მოედნის მიმართულებით მოძრაობა შესაძლებელი იქნება სავაჭრო ცენტრ „გალერეამდე“ და შემდეგ უკუმიმართულებით, ხოლო მტკვრის ორივე სანაპიროდან მომავალი სატრანსპორტო საშუალებები იმოძრავებენ მხოლოდ ბარათაშვილის ხიდის პანდუსამდე (ბარათაშვილისა და პუშკინის ქუჩების კვეთა).რაც შეეხება ალტერნატიულ მარშრუტებს, კერძო ავტომობილების გადაადგილება დასაშვები იქნება გიორგი ლეონიძის, პავლე ინგოროყვას, ალექსანდრე ჭავჭავაძის, ალექსანდრე გრიბოედოვის, ნიკოლოზ ბარათაშვილისა და რევაზ თაბუკაშვილის, ასევე, მათი მიმდებარე ქუჩების დახმარებით.ცვლილება შეეხება ივანე მაჩაბლის ქუჩას. კერძოდ, აღნიშნულ ქუჩაზე შეიცვლება მოძრაობის მიმართულება და გიორგი ლეონიძის ქუჩაზე მოხვედრა შესაძლებელი იქნება ლადო ასათიანის ქუჩიდან მაჩაბლის ქუჩის გამოყენებით.გარდა ამისა, 24 მაისის 00:00-დან 27 მაისის 08:00 საათამდე საგზაო მოძრაობა შეიზღუდება რუსთაველის გამზირზე თავისუფლების მოედნის მიმართულებით, ზურაბ ჭიჭინაძის ქუჩის კვეთამდე არსებულ საგზაო მონაკვეთში.აღნიშნულ პერიოდში რუსთაველის გამზირიდან მომავალი ავტომობილები გია ჭანტურიას ქუჩამდე შეძლებენ გადაადგილებას, საიდანაც მარცხნივ მოხვევით, ჭანტურიასა და ვირსალაძის ქუჩების გავლით მტკვრის მარჯვენა სანაპიროზე მოხვდებიან და ნიკოლოზ ბარათაშვილის ქუჩას დაუკავშირდებიან“, – ნათქვამია თბილისის მერიის ინფორმაციაში.

საქართველოს საპატრიარქოს საზოგადოებასთან ურთიერთობის სამსახურის ინფორმაციით, ხვალ, 20 მაისს, 14:00 საათზე, ღირს ასურელ მამათა – იოანე ზედაზნელისა და მოწაფეთა მისთა ხსენების დღეს უწმინდესი და უნეტარესი, სრულიად საქართველოს კათოლიკოს-პატრიარქი, მცხეთა-თბილისის მთავარეპისკოპოსი, ბიჭვინთისა და ცხუმ-აფხაზეთის მიტროპოლიტი შიო III ზედაზნის მონასტერში, პარაკლისს აღასრულებს.მათივე ცნობით, ხვალვე, 17:00 საათზე, მისი უწმინდესობა და უნეტარესობა ამაღლების დღესასწაულისადმი მიძღვნილ მსახურებას აღასრულებს თბილისის ყოვლადწმინდა სამების სახელობის საპატრიარქო ტაძარში.

ჩინეთთან ერთი ერთზე თუ ვიბრძვით, ეს ისეთი თამაშია, რომელიც შეიძლება, წავაგოთ, – ამის შესახებ აშშ-ის ყოფილმა სახელმწიფო მდივანმა, ენტონი ბლინკენმა ამერიკული პროგრესის ცენტრის კონფერენციაზე სიტყვით გამოსვლისას განაცხადა.„მათი ბაზარი გაცილებით დიდია, მათი წარმოება ჩვენსას სამჯერ აღემატება. მსყიდველობითი უნარი ჩვენზე მეტია, მეტი სამეცნიერო ნაშრომი, უფრო დიდი სამხედრო-საზღვაო ფლოტი. შეგვიძლია, ეს სია გავაგრძელოთ, მაგრამ, როდესაც ევროპასთან, იაპონიასთან, კორეასთან, ინდოეთთან, ავსტრალიასთან და კანადასთან ვართ გაერთიანებული, მსოფლიო მშპ-ში ჩვენი წილი დაახლოებით 25%-დან 50-60%-მდე იზრდება. ჩინეთისთვის ეს გაცილებით უფრო ძნელი უგულებელსაყოფია“, – აღნიშნა ბლინკენმა.მისივე თქმით, შეერთებული შტატების პრეზიდენტს, დონლად ტრამპს ამ ეტაპზე ბევრ საკითხზე მხარდაჭერა ქვეყნის შიგნით აკლია და ქვეყანა მსოფლიოშიც სუსტ პოზიციაზეა.„რამდენიმე კვირის წინ გამოქვეყნდა გამოკითხვა, რომელიც 130 ქვეყანას მოიცავდა. შედეგებმა აჩვენა, რომ ჩინეთი შეერთებულ შტატებთან შედარებით უფრო სანდო აქტორად აღიქმება. ერთ-ერთი გამოკითხვის მიხედვით, გერმანიაში მოსახლეობის 70% შეერთებულ შტატებს მეტოქედ მიიჩნევს. ეს ნიშნავს, რომ ჩვენი შესაძლებლობა, შევქმნათ ერთიანობა და კოორდინაცია იმ გამოწვევებთან გასამკლავებლად, რასაც ჩინეთი ქმნის, მნიშვნელოვნად შესუსტდა“, – განაცხადა ბლინკენმა.

ცეცხლის შეწყვეტა ხშირად სრულყოფილი არ არის, – ამის შესახებ აშშ-ის ვიცე-პრეზიდენტმა, ჯეი დი ვენსმა თეთრ სახლში პრესსკონფერენციაზე განაცხადა.ჟურნალისტმა ვიცე-პრეზიდენტს ჰკითხეს ქურდისტანის რეგიონზე დრონების შეტევების შესახებ, რომლებიც აშშ-სა და ირანს შორის ცეცხლის შეთანხმების მიუხედავად არ შეჩერებულა.როგორც ვენსმა აღნიშნავს, მოქალაქეებზე ნებისმიერი შეტევა მიუღებელია.„სამწუხაროდ, ცეცხლის შეწყვეტა ხშირად სრულყოფილი არ არის, მაგრამ ძალადობის მნიშვნელოვან შემცირებას ვხედავთ“, -აღნიშნა ვენსმა.მან ასევე მაგალითად მოიყვანა ღაზაში ცეცხლის შეწყვეტა, სადაც შეთანხმების მიუხედავად საბრძოლო მოქმედებები გაგრძელდა.როგორც ვენსმა აღნიშნა, აშშ-ის ორი ვარიანტი აქვს, სამშვიდობო მოლაპარაკებები ან ომი.„პრეზიდენტმა გვთხოვა, გვითხრა, რომ ირანელებთან აგრესიულად ვაწარმოოთ მოლაპარაკებები. არსებობს ვარიანტი „ბე“, რომლის მიხედვითაც შეგვეძლო სამხედრო კამპანიის განახლება და ამერიკის მიზნების მიღწევა. ეს არ არის ის, რაც პრეზიდენტს სურს. მგონია, რომ ირანელებსაც არ სურთ“, -აღნიშნა ვენსმა.