ირაკლი ჩიქოვანი – თავდაცვის ძალების დღეს განსაკუთრებით ვულოცავ ჩვენს მომავალს – იუნკრებს, კადეტებს, წვევამდელებს, რომლებიც ქართულ ჯარს კიდევ უფრო აძლიერებენ

საქართველოს ტექნიკური უნივერსიტეტის ენერგეტიკის ფაკულტეტის სტუდენტები კომპანია „საქკაბელის“ მმართველ დირექტორს დავით კაპანაძეს, ასევე მარკეტინგის სპეციალისტებს - ნათია სამხარაძესა და ბარბარე ჯანანაშვილს შეხვდნენ. ამის შესახებ ინფორმაციას საქართველოს ტექნიკური უნივერსიტეტი ავრცელებს.უნივერსიტეტის ცნობით, შეხვედრა, რომლის ორგანიზატორიც სტუ-ის სასწავლო პროცესების მართვის სამსახურის კარიერული განვითარების განყოფილებაა, ენერგეტიკის ფაკულტეტის დეკანმა, პროფესორმა ქეთევან ქუთათელაძემ გახსნა.როგორც დეკანმა აღნიშნა, მსგავსი ტიპის შეხვედრები მნიშვნელოვან როლს ასრულებს სტუდენტების პროფესიული განვითარების, პრაქტიკული გამოცდილების მიღებისა და კერძო სექტორთან დაახლოების პროცესში. მისი თქმით, ენერგეტიკის სფეროში დასაქმების პერსპექტივებისა და რეალური სამუშაო გარემოს უკეთ გასაცნობად უნივერსიტეტსა და ინდუსტრიას შორის თანამშრომლობა განსაკუთრებით მნიშვნელოვანია.„ენერგეტიკის სფერო მუდმივად ვითარდება და დღეს განსაკუთრებით მნიშვნელოვანია, რომ სტუდენტებმა სწავლის პროცესშივე მიიღონ ინფორმაცია ინდუსტრიაში არსებული ტენდენციების, ტექნოლოგიური სიახლეებისა და დასაქმების შესაძლებლობების შესახებ. სწორედ ასეთი შეხვედრები აძლიერებს უნივერსიტეტსა და ბიზნესს შორის კავშირს და სტუდენტებს აძლევს რეალურ წარმოდგენას მათი მომავალი პროფესიის შესახებ“, - აღნიშნა დეკანმა.სტუ-ის სასწავლო პროცესების მართვის სამსახურის კარიერული განვითარების განყოფილების ხელმძღვანელის თქმით, შეხვედრის ფარგლებში სტუდენტებმა მიიღეს ინფორმაცია კომპანია „საქკაბელის“ საქმიანობის, ენერგეტიკული ინდუსტრიის თანამედროვე გამოწვევებისა და ბაზარზე არსებული მოთხოვნების შესახებ. ასოცირებულ პროფესორ ნატო ქათამაძის განცხადებით, შეხვედრის ფარგლებში გაიმართა დისკუსია, რომელზეც სტუდენტებმა კითხვები დასვეს და ამომწურავი პასუხები კომპანიის წარმომადგენლებისგან მიიღეს.„ჩვენი მიზანია სტუდენტებს შევუქმნათ შესაძლებლობა, რომ სწავლის პერიოდში მაქსიმალურად ახლოს იყვნენ რეალურ სამუშაო გარემოსთან. ასეთი შეხვედრები არა მხოლოდ ცოდნის გაღრმავებას, არამედ პროფესიული ორიენტაციის ჩამოყალიბებასაც უწყობს ხელს. კერძო სექტორთან აქტიური თანამშრომლობა სტუდენტებს ეხმარება უკეთ დაინახონ საკუთარი შესაძლებლობები და მომავალი კარიერული განვითარების გზები,“ - აცხადებს ნატო ქათამაძე.სტუ-ის ინფორმაციით, შეხვედრა მიზნად ისახავდა სტუდენტების კარიერული ორიენტაციის მხარდაჭერასა და მათი პროფესიული უნარების განვითარებას.

ოპოზიციაში ერთმანეთს უპირისპირდებიან იმაზე, ვის შეუძლია, საქართველო მეტად დააზიანოს. ეს ადამიანები ქვეყნის დანგრევის ამოცანას მიმართავენ და ამას აღარც მალავენ, – ამის შესახებ პარლამენტის პირველმა ვიცე-სპიკერმა, გია ვოლსკიმ „ოპოზიციის ალიანსზე“ საუბრისას განაცხადა.მისივე თქმით, ზოგადად, პოლიტიკაში კარდაკარ სიარული მისაღებია, მაგრამ ოპოზიციას ამის რესურსი არ აქვს.„ოპოზიციაში დაპირისპირება იქნება, რადგან მათ რიგებში ისეთი ადამიანები არ არიან, ვისაც შეუძლიათ, ერთად იყონ. მათ შორის დაპირისპირების მიზეზია ლიდერობაც. ყველას უნდა, პატრონებს თავი დაანახოს, რომ ყველაზე ქმედითია, ვინც უფრო მეტად უნდა დაფინანსდეს და ვისაც ყველაზე მეტი მხარდაჭერა ჰქონდეს. ვიღაცის წინაშე გაპრანჭვა და კეკლუცობა ჩვეულებრივი ამბავია. ეს ხალხი კოლექტიური „ნაცმოძრაობაა“. მათ შიგნით ფუთფუთი მათ ხასიათს გამოხატავს, მაგრამ შინაარსს არ ცვლის. ვის შეუძლია, საქართველო მეტად დააზიანოს – ეს არის თემა, რის გამოც ერთმანეთს უპირისპირდებიან. პოლიტიკაში კარდაკარი მისაღები პრაქტიკაა, მაგრამ მათ რესურსი არ აქვთ, კარდაკარ იარონ. კარდაკარ ადამიანებს ვერ დაარწმუნებენ, რომ საქართველო ცეცხლში უნდა იყოს გახვეული და დესტაბილიზაცია სწორია. ეს ადამიანები ქვეყნის დანგრევის ამოცანას მიმართავენ და ამას აღარც მალავენ. თავადაც და მათი პატრონები ხან ეკონომიკურ სანქციებს ითხოვენ, ხან რუსეთთან შეჯახებაზე საუბრობენ. ეს ადამიანები პატარა პაიკები არიან, რომლებიც სკამდასკამ დადიან, ბაღებსა და ქუჩებში ელაპარაკებიან. ფაქტია, ეს ხალხი არის მავნებელთა ჯგუფი, ვინც თავის აქტივობას კარდაკარს არქმევს“, – განაცხადა გია ვოლსკიმ.

ჩვენ არასდროს განგვიხილავს და არც განვიხილავთ სომხეთში 300 000 აზერბაიჯანელის ჩასახლების საკითხს, – ამის შესახებ სომხეთის პრემიერ-მინისტრმა, ნიკოლ ფაშინიანმა ჟურნალისტებთან საუბრისას განაცხადა.სომხეთის მთავრობის ხელმძღვანელის თქმით, სომხეთსა და აზერბაიჯანს უკვე დიდი ხანია, არ განუხილავთ სომხების ყარაბაღში, ბაქოში ან სხვა ადგილებში დაბრუნება.ფაშინიანმა დასძინა, რომ ასეთი საკითხის ორივე მხარეს შორის განხილვა პროვოკაციულია და ზრდის დაძაბულობას მიმდინარე პოლიტიკურ პროცესში.ფაშინიანმა გამოთქვა რწმენა, რომ ორივე საკითხს პოლიტიკურ დღის წესრიგში ერთი და იგივე ძალები აყენებენ და ამას იაფფასიანი პოლიტიკური სპეკულაცია უწოდა.სომხური მედიის შეფასებით, ნიკოლ ფაშინიანი აგრძელებს აზერბაიჯანის სახელმწიფო მედიის ყოველდღიური პროპაგანდის „იგნორირებას“, „მიმდინარე დიდი დაბრუნების“ შესახებ, მათ შორის ე.წ. „დასავლეთ აზერბაიჯანში“.

ჩვენ გვაქვს უმაღლესი, თანამედროვე სტანდარტების გენერალური შტაბი, რეგიონული სარდლობები და სპეციალური დანაყოფები. ჩვენს უმნიშვნელოვანეს პრიორიტეტს – სამხედრო განათლებასა და მომავალი თაობების აღზრდას კი მაღალპროფესიულ დონეზე ემსახურება ეროვნული თავდაცვის აკადემია და კადეტთა სამხედრო ლიცეუმი, – ამის შესახებ საქართველოს პრემიერ-მინისტრმა, ირაკლი კობახიძემ ვაზიანში, საქართველოს თავდაცვის ძალების დაარსებიდან 35 წლის იუბილესთან დაკავშირებულ ღონისძიებაზე სიტყვით გამოსვლისას განაცხადა.ირაკლი კობახიძის თქმით, დღეს ქვეყნის თავდაცვის ძალები ინსტიტუციურად ისეთი ძლიერია, როგორც არასდროს.„დღეს, როდესაც მსოფლიო და ჩვენი რეგიონი არაერთი რთული გამოწვევის წინაშე დგას, ჩვენი ხელისუფლება განაგრძობს მშვიდობის თანმიმდევრულ პოლიტიკას. მშვიდობა ქვეყნის გაერთიანებისა და განვითარების საფუძველია. ამავდროულად, ქართული ჯარი ყოველთვის მზად არის, დაიცვას ჩვენი მიწა-წყალი და ჩვენი ხალხის უსაფრთხოება. თქვენი სიმტკიცისა და პროფესიონალიზმის იმედი მუდამ აქვს ჩვენს სახელმწიფოს.ძვირფასო წვევამდელებო, თქვენ მიერ დღეს დადებული ფიცი არის იმ დიდი პასუხისმგებლობის დასტური, რომელიც ჩვენი ქვეყნის უსაფრთხოებისა და სტაბილურობის დაცვისთვის იკისრეთ. მჯერა, თქვენი სამსახური გახდება იმ ურყევი მშვიდობის საფუძველი, რომელიც აუცილებელია ჩვენი სახელმწიფოს წინსვლისა და ჩვენი თითოეული მოქალაქის კეთილდღეობისათვის.კიდევ ერთხელ გილოცავთ თავდაცვის ძალების დღეს და 35 წლის იუბილეს. ღმერთი ფარავდეს ჩვენს ქვეყანას, ღმერთი ფარავდეს თითოეულ თქვენგანს“, –  განაცხადა პრემიერ-მინისტრმა.

დღეს ჩვენი ქვეყნისთვის გამორჩეული თარიღია. 35 წლის წინ, 1991 წლის 30 აპრილს, დამოუკიდებლობის აღდგენასთან ერთად, პირველი წვევამდელების მიღებით საფუძველი ჩაეყარა ჩვენს თანამედროვე თავდაცვის ძალებს, მას შემდეგ ეს დღე ქართული მხედრული სულისკვეთებისა და სახელმწიფოებრივი სიმტკიცის სიმბოლოდ იქცა, – ამის შესახებ საქართველოს პრემიერ-მინისტრმა, ირაკლი კობახიძემ ვაზიანში, საქართველოს თავდაცვის ძალების დაარსებიდან 35 წლის იუბილესთან დაკავშირებულ ღონისძიებაზე სიტყვით გამოსვლისას განაცხადა.მისივე თქმით, ქართული ჯარი ყოველთვის იყო და რჩება საქართველოს დამოუკიდებლობის, სუვერენიტეტისა და ტერიტორიული მთლიანობის უმთავრეს გარანტად.„ჩვენი ჯარი ყოველთვის იყო და რჩება საქართველოს დამოუკიდებლობის, სუვერენიტეტისა და ტერიტორიული მთლიანობის უმთავრეს გარანტად. შექმნის დღიდან, თავდაცვის ძალები ყველა ბრძოლაში ღირსეულად იცავდა სამშობლოს თავისუფლებას. ამასთანავე, ქართველი სამხედროები, პარტნიორების მხარდამხარ, მსოფლიოს სხვადასხვა წერტილში თავდადებით იბრძოდნენ გლობალური მშვიდობისა და უსაფრთხოებისათვის. თქვენი პროფესიონალიზმითა და სიმამაცით, უმაღლესი საერთაშორისო აღიარება და ჩვენი პარტნიორების უდიდესი ნდობა მოიპოვეთ.დღეს ჩვენ გულისტკივილითა და უდიდესი პატივისცემით ვიხსენებთ სამშობლოსათვის დაცემულ გმირებს. ქედს ვიხრი მათი ხსოვნის წინაშე, ვინც საქართველოს ერთიანობისა და მსოფლიოში მშვიდობისათვის ყველაზე ძვირფასი – საკუთარი სიცოცხლე გაიღო. მათი თავდადება ჩვენი ქვეყნის ისტორიის განუყოფელი და მარადიული ნაწილია“, – განაცხადა პრემიერ-მინისტრმა.