მეუფე დანიელი პატრიარქზე: ღმერთმა იმისთვის მოავლინა, რომ განადგურების პირას მიყვანილი ეკლესია აღედგინა, მან დატოვა ეკლესია, რომელიც მტკიცე საფუძველზე დგას

შინაგან საქმეთა სამინისტროს განცხადებით, საქართველოს კათოლიკოს-პატრიარქის, ილია მეორის გარდაცვალებასთან დაკავშირებით, სამების საკათედრო ტაძრის მიმდებარე ტერიტორიაზე ავტომობილების მოძრაობა შეზღუდულია.უწყების ცნობით, ტრანსპორტის მოძრაობა აკრძალულია: ავლაბრის მოედნიდან მესხიშვილისა და გონაშვილის ქუჩებზე, სამების საკათედრო ტაძრის მიმართულებით; ბარათაშვილის აღმართიდან წურწუმიას ქუჩის მიმართულებით; ახვლედიანის ქუჩიდან სამრეკლოს ქუჩის მიმართულებით; საინგილოს ქუჩიდან გუმბრის ქუჩის მიმართულებით; გორკის და ბუხაიძის ქუჩიდან სამრეკლოს ქუჩის მიმართულებით; წურწუმიას ქუჩიდან გურჯაანის ქუჩის მიმართულებით. გადაადგილება ასევე აკრძალულია მესხიშვილისა და გონაშვილის ქუჩების მიმართულებით დმანისის, ვახტანგ მეექვსის, ავლაბრის, ირბახისა და ცისკრის ქუჩებიდან.რაც შეეხება ქვეითად მოსიარულეებს, შსს-ს განმარტებით, მათ მეტროსადგურ „ავლაბრიდან“ სამების საკათედრო ტაძრამდე ასვლა მესხიშვილის ქუჩის გავლით შეეძლებათ, ხოლო უკან ჩამოსვლა გონაშვილის ქუჩის გავლით იქნება შესაძლებელი.

ევროპაში ბუნებრივი აირის ფასი 35%-ით გაიზარდა. ამის შესახებ „გარდიანი“ წერს.ბუნებრივ აირზე ფასის ზრდა სპარსეთის ყურეში ენერგეტიკულ ინფრასტრუქტურაზე თავდასხმებმა გამოიწვია.„გარდიანი“ წერს, რომ გაურკვევლობა იზრდება იმასთან დაკავშირებით, თუ როგორ იმოქმედებს ახლო აღმოსავლეთში არსებული მდგომარეობა ენერგომომარაგებაზე, რადგან დღეს დილით, ირანის უდიდეს ბუნებრივი აირის საბადოზე თავდასხმიდან ერთი დღის შემდეგ, თავდასხმები დაფიქსირდა კატარსა და ქუვეითში.ომის დაწყების დღიდან დღემდე ევროპაში გაზის ფასი 60%-ით არის გაზრდილი.

ენერგეტიკულ ბაზარზე რადიკალური ცვლილებები ხდება, რაც მანამდე არსებულ სურათს მთლიანად ცვლის. თუ ცოტა ხნის წინ საერთაშორისო ბაზარზე ნავთობის ფასების კლების ტენდენცია შეინიშნებოდა, ირანის ენერგეტიკულ ინფრასტრუქტურაზე განხორციელებული დარტყმების შემდეგ ვითარება დრამატულად შეიცვალა.18 მარტს, დილით, ნავთობის ფასი ბარელზე 101-102 დოლარის ფარგლებში მერყეობდა, მაგრამ ის უმალ გადასცდა 108 დოლარს, როგორც კი ირანისა და კატარის ერთობლივ გაზის საბადოებზე თავდასხმის შესახებ ინფორმაცია გავრცელდა. ამ ამბავმა ბაზრებზე ძლიერი რყევები გამოიწვია, რამაც ფასების მკვეთრი ზრდა განაპირობა.ირანში სამხედრო ოპერაციის დაწყებიდან დღემდე, ნავთობზე ფასების ზრდამ, მთლიანობაში, 47%-ს მიაღწია, რაც ბოლო წლების განმავლობაში ერთ-ერთი ყველაზე მკვეთრი ნახტომია.ფასების ნახტომისებური ზრდა მომხმარებლებს მძიმე ტვირთად აწვება. არაეთილირებული (unleaded) საწვავის საშუალო ფასი, ქვეყნის მასშტაბით, ამჟამად ლიტრზე 1,94 ევროს შეადგენს, რაც თებერვლის ბოლოსთან შედარებით, დაახლოებით 19 ცენტით მაღალია.კიდევ უფრო თვალსაჩინოა ფასების ზრდა დიზელის საწვავზე. მისი ფასი 1 ლიტრზე 35 ცენტით გაიზარდა, ხოლო გათბობისთვის განკუთვნილ ნავთობზე ფასმა, 27 თებერვლის მონაცემებთან შედარებით, 31 ცენტით მოიმატა.ბაზრის ექსპერტები მიიჩნევენ, რომ ფასების ზრდის ტენდენცია ჯერ არ დასრულებულა. ისინი, მომდევნო 24 საათის განმავლობაში, ახალ მატებას პროგნოზირებენ. იმის ალბათობა, რომ ბენზინის ფასმა, შესაძლოა, ლიტრზე 2 ევროს მიაღწიოს ან გადააჭარბოს კიდეც, რაც ძალიან მძიმე სცენარად მიიჩნევა, თუმცა ასეთი სცენარი უკვე ძალიან რეალურად გამოიყურება.ამავდროულად, ბენზინგასამართი სადგურების მფლობელები საწვავზე დაწესებულ ფასის ზედა ზღვარს ეწინააღმდეგებიან და აცხადებენ, რომ ამან, შესაძლოა, სიტუაცია კიდევ უფრო გააუარესოს. 19 მარტიდან, კუნძულ ლესბოსზე გრძელვადიანი გაფიცვა დაანონსდა. ვარაუდობენ, რომ საპროტესტო აქცია, შესაძლოა, საბერძნეთის სხვა რეგიონებშიც გაიმართოს.

თბილისის მუნიციპალური ტრანსპორტი – ავტობუსები, მიკროავტობუსები და მეტრო მგზავრებს 21-22 მარტს უფასოდ მოემსახურება.აღნიშნული გადაწყვეტილება სრულიად საქართველოს კათოლიკოს-პატრიარქის, უწმინდესისა და უნეტარესი ილია მეორის დაკრძალვასთან დაკავშირებით შექმნილმა სახელმწიფო კომისიამ მიიღო.მუნიციპალური ტრანსპორტი, მთელი ქალაქის მასშტაბით, იმოძრავებს უკვე დადგენილი მარშრუტითა და ინტერვალებით, რაც შეეხება მეტროპოლიტენს, ისიც მგზავრებს ორივე დღეს ჩვეულ რეჟიმში – 06:00 საათიდან 00:00 საათამდე მოემსახურება.

კვიპროსის ეკლესია ღრმა მწუხარებით იზიარებს დაძმობილებული საქართველოს ეკლესიის ტკივილს მისი უნეტარესობის, სრულიად საქართველოს კათოლიკოს-პატრიარქის, მისი უწმინდესობის ილია მეორის გარდაცვალების გამო, – ამის შესახებ ნათქვამია კვიპროსის ეკლესიის სამძიმრის ტექსტში.რენესანსის ეპოქის პატრიარქი – ასე იხსენიებს კვიპროსის ეკლესია უწმინდესს და აღნიშნავს, რომ ილია მეორემ პატრიარქის ტახტი საქართველოს ეკლესიისთვის უაღრესად რთულ დროს დაიკავა.როგორც სამძიმრის ტექსტშია ნათქვამი, „საბჭოთა კავშირის უღმერთო კომუნისტურმა არეულობამ საქართველოს ეკლესიას ავტოკეფალია ძალით წაართვა. ილია მეორის ხელმძღვანელობით ქართული ეკლესია ხელახლა დაიბადა და საზოგადოებაში თავისი ცენტრალური როლი დაიბრუნა“.„მისი უნეტარესი პატრიარქის, ილია მეორის სიყვარული კვიპროსის ეკლესიის მიმართ ყველაზე ნათლად გამოიხატა კვიპროსის უწმინდესი მთავარეპისკოპოსის, მისი უწმინდესობის, ქრიზოსტომოს II-ის მოწვევით 2014 წლის ოქტომბერში ჩვენს კუნძულზე ილია მეორის მომლოცველობითი ვიზიტის დროს. ექვსდღიანი ვიზიტის დროს, მისმა უნეტარესობამ პატრიარქმა კუნძულზე მომლოცველთა მთავარი წმინდა ადგილები მოინახულა. საზეიმო იერარქიული ლიტურგია ლარნაკაში, წმინდა ლაზარეს ისტორიულ ეკლესიაში აღევლინა. საღვთო ლიტურგიის დასასრულს, მთავარეპისკოპოსმა ქრიზოსტომოსმა პატრიარქს მიმართა შემდეგი სიტყვებით: „ჩვენ გგრძნობთ თქვენთან ახლოს, როგორც ერთ-ერთ ჩვენგანს, რადგან ჩვენს ეკლესიებს შორის ბევრი მსგავსებაა და მათი რთული გზა ოცი ქრისტიანული საუკუნის განმავლობაში მსგავსია“. ვიზიტის ფარგლებში ასევე მოინახულეს კიკკოსის წმინდა მონასტერი, წმინდა ირაკლიდიოსის მონასტერი, პანაგია ანგელოქტისტის ეკლესია, წმინდა ნეოფიტოსის მონასტერი, ასევე პაფოსში მდებარე წმინდა პანაგია ქრისოგიალიოტისას ქართული მონასტერი, სადაც მისი კურთხევის მისაღებად უამრავი მომლოცველი შეიკრიბა.წასვლამდე ცოტა ხნით ადრე, კვიპროსის მართლმადიდებელ ხალხს დაემშვიდობა და მისმა უნეტარესობამ პატრიარქმა სულიერ მემკვიდრეობად დატოვა სიტყვები: „ვლოცულობ კვიპროსის მშვიდობის, სიყვარულისა და ერთიანობისთვის“. კვიპროსის ეკლესია გულთბილ სამძიმარს უცხადებს დაძმობილებულ საქართველოს ეკლესიას, მის სასულიერო პირებს, ხალხს და ლოცულობს, რომ უფალმა დაამკვიდროს ნეტარი პატრიარქის სული“, – ნათქვამია სამძიმრის ტექსტში.