„როიტერი“ – შეერთებულ შტატებსა და ირანს შეუძლიათ, შეთანხმებას მიაღწიონ თუ ვაშინგტონი ბირთვულ და არაბირთვულ საკითხებს ერთმანეთისგან გამოყოფს

საზოგადოებრივი მაუწყებლის სამეურვეო საბჭოს თავმჯდომარის, ვასილ მაღლაფერიძის განცხადება სამეურვეო საბჭოს სხდომაზე:დღეს არის მიზანმიმართული კამპანია, რომ მოხდეს ტერორი საზოგადოებრივ მაუწყებელზე. ეს კამპანია, დიდი ხანია, დაწყებულია და მიმდინარეობს ორგანიზებული ჯგუფებით, ტროლ-ბოტებით, დაქირავებული ადამიანებით, მიმდინარეობს წერტილოვანი მუქარა, მათ შორის, ოჯახების განადგურებით. განუწყვეტლივ არის მცდელობა, საზოგადოებრივი მაუწყებელი ჩაითრიონ პოლიტიკაში სიტყვის თავისუფლების ეგიდით.ვინმეს თუ ჰგონია, რომ „პოსტივიზე“ და „იმედზე“ შეტევა არის მხოლოდ ამ ორ ტელევიზიაზე შეტევა, მაშინ მას არაფერი სცოდნია. როდის იყო სანქციებზე მუქარები? ვინ იყო პირველი, სანქციებზე რომ დაიწყო საუბარი? სხვათა შორის, სამეურვეო საბჭოს ზოგიერთმა წევრმა და სხვებმა წინასწარ იცოდნენ, თინათინ ბერძენიშვილს და მე რომ შეგვიტანდნენ სანქციების სიაში. დაიწებონ თავიანთი სანქციები. ეს არის იმისთვის, რომ მოხდეს თითოეული ადამიანის, თითოეული ჟურნალისტის დაშინება – საზღვარგარეთ აღარ გაგიშვებენ, ამას გიზამენ, იმას გიზამენ. სხვათა შორის, თავისუფლებათა დიდი ქარტია, რომელიც ბრიტანეთმა მე-13 საუკუნეში მიიღო, ამბობს, რომ არცერთი ადამიანის გაუსამართლებლად დასჯა არ შეიძლება და ამაზე დაშენდა ყველაფერი. ეს ტელევიზიები არიან ჩვენი კონკურენტები, მაგრამ კონკურენცია კოლეგიალობას და სოლიდარობას არ გამორიცხავს. ეს არ არის ჟურნალისტური სოლიდარობა, ეს არის მოქალაქეობრივი სოლიდარობა, როცა შენს ქვეყანას ემუქრებიან ძახილით – შე რუსო, ქვეყნის არდამცველო – ის ადამიანები, რომლებიც სრულიადაც არ არიან შემჩნეული თავიანთი სამშობლოს დაცვაში, და, რომლებიც შემჩნეული არიან ყველა ღირებულების შეურაცხყოფაში. ადამიანებს შეუძლიათ, პირდაპირი მნიშვნელობით წერონ კომენტარები, მათ შორის ჟურნალისტებმა, სამეურვეო საბჭოს წევრებმა, ამოწყვეტაზე, ფიზიკურ განადგურებაზე. დაგვიპრდნენ, რომ როდესაც გაიმარჯვებენ და ნათელ მომავალს დაამყარებენ, აი, მერე მთლიანად ამოგვბუგავენ. ესენი არიან წინა პლანზე, როგორც იყვნენ მაუზერიანი ბოლშევიკები და უკან იდგნენ თეთრსაყელოიანები…მინდა, ელჩებსაც ვკითხო – პირდაპირ ემუქრებიან განადგურებით, მათ შორის, საზოგადოებრივ მაუწყებლის ჟურნალისტებს, ემუქრებიან მათგან ფინანსურად წახალისებულები, როცა საზოგადოებრივი მაუწყებლის დირექტორზე ევროკავშირისგან დაფინანსებულ ვებგვერდზე, მონა.ჯი-ზე წერენ… ჩვენ რამდენი წერილით მივმართეთ ოფიციალურად ჟურნალისტების დევნაზე ელჩებს, ევროკავშირის ელჩს. ნული ყურადღება. რატომ? მეტი რა არის მედიაზე ზეწოლა? ქუჩა რომ გადამიკეტეს, იქ იყვნენ ადამიანები, რომლებმაც მორალური ტრავმა მიიღეს. მე გეუბნებით, რომ ჩემთვის მნიშვნელობა არ ჰქონდა ამას. იცით, რას იძახდნენ? ამას თავი დაანებეთ, რკინის ნერვები აქვს, გარემოცვას მიაწექითო. ეს არის ამათი ფუნქცია. ნახეთ, რა კლასტერთან გვაქვს საქმე – საფლავზე უნდა მოისაქმონ, დედა არ უნდა იყოს, მამა არ უნდა იყოს, შვილებს უნდა უთხრან, რომ მშობლები დახოცეთ, ეს არის მორალური კანიბალიზმი, უკან არაფერზე დაიხევდნენ. ადამიანს, რომელმაც ქართული წერა-კითხვა არ იცის, განათლება არ აქვს, შეუძლია, მოგადგეს და შეურაცხყოფა მოგაყენოს.მინდა, ვუთხრა საზოგადოებრივი მაუწყებლის ყველა თანამშრომელს, ყველა მოქალაქეს – ეს ის აქლემია, რომელიც ყველასთან დაიჩოქებს. ეს არ არის კონკურენციის ადგილი, რომ ახლა ის ჩემი კონკურენტია, მე იმან მაწყენინა და ა.შ. ეს არ არის „პოსტივისა“ და „იმედის“ წინააღმდეგ მიმართული, ეს არის საქართველოს დამოუკიდებლობის წინააღმდეგ ბრძოლა. საქართველო ჰყავდათ ცალ ფეხზე დაყენებული და ახლა საერთოდ დაჩოქებაზეა ლაპარაკი.სამეურვეო საბჭო ტელევიზიას უძღვება ღირსეულად და ურთულეს სიტუაციაში. როცა შეშინებაზეა ლაპარაკი, ვინც შეუშინებიათ, ის შეაშინონ.როგორც სამეურვეო საბჭოს თავმჯდომარე, პირადად მივმართავ ელჩებსაც – მე მეჩვენება, რომ მათი ხელშეწყობით, წაქეზებით მიმდინარეობს დევნა და მუქარა საზოგადოებრივი მაუწყებლის თანამშრომლებზე. ასეთი განწყობა რჩება და ეს ძალიან მძიმე განწყობას ქმნის. ეს არ ნიშნავს, რომ საზოგადოებრივი მაუწყებელი არ დაიცავს თავს, დაიცავს კანონის ფარგლებში, მაგრამ ეს არის ძალიან მძიმე. ამავე დროს ხდება იმ ღირებულელებისგან გადახვევა, რასაც ჰქვია ქრისტიანული ცივილიზაცია და რომლის ნაწილიც არის ევროპა და საქართველო. ძალიან მწყინს, რომ ამ ღირებულებებიდან ხდება გადახვევა.სამეურვეო საბჭოს სამ წევრთან მე ლაპარაკს არ ვაპირებ, ჩემი უფლებაა. არც მისალმებას ვაპირებ, რადგან ეს უკვე გადასულია ყველანაირ ზღვარს. ჩემგან მიიღონ ეს პატივისცემად, რომ მე ამას ღიად ვეუბნები და მათსავით არ ვწერ „დანოსებს“. ჩემს ოჯახს ბევრი „დანოსი“ აქვს გადატანილი. ეს კომკავშირლები, ეს მაუზერიანები, რომლებიც ოცნებობენ, ავტომატი ჰქონდეთ. ამათ რომ ავტომატები მისცე, რაზეც ოცნებობენ, სისხლით მორწყავენ ქვეყანას. ამაზეა ლაპარაკი, მორწყეს კიდეც ერთხელ ამათმა წინაპრებმა ასე ძახილით. „ხალხის მტერი“ იყო ამათი ტერმინი.დედაჩემი ობლად იზრდებოდა, შვიდი წლის რომ იყო, გამოიყვანეს კლასში, ფეხზე დააყენეს და „ხალხის მტერი“ ეძახეს. დღეს „რუსო“ დაიწყეს, გუშინწინ „ებრაელო“ დაიწყეს ამათმა მოძმეებმა, იმავე ევროპაში, ეს ერთი კლასტერია. ასე იყო ამერიკაში, აფრიკაში – შავკანიანი რატომ ხარ, ის რატომ ხარ. რობოტებივით ერთსა და იმავე სიტყვას ამბობენ. ორი წიგნი არ აქვთ წაკითხული. დიკენსი, ჰიუგო არ აქვთ წაკითხული, ელემენტარული ჰუმანიზმი არ არის მათში, ღირსება არ არის. რა ვუყოთ, სამეურვეო საბჭოს ასეთი წევრები არიან და ამ მდგომარეობაში ვართ. იდეალებზე ყველას ვერ დაელაპარაკები. ჩვენ ბოლომდე უნდა დავიცვათ ყველაფერი. ყველა თანამშრომელმა უნდა იცოდეს, რომ ბოლომდე დაიცვას ის განაწესი, რაც კანონშია და რაზეც ხელი აქვს მოწერილი. ეს უნდა დაიცვას სოციალურ ქსელშიც, კანონშიც, ქუჩაშიც, ურთიერთობაშიც. ინსინუაციებით ვერც საზოგადოებრივი მაუწყებლის სამეურვეო საბჭოს შეაშინებენ და ვერც ქვეყანას დააჩოქებენ.

პოლონეთის საგარეო საქმეთა მინისტრმა, რადოსლავ სიკორსკიმ პარლამენტში ყოველწლიური მოხსენებისას განაცხადა, რომ უკრაინაში მიმდინარე ომის შედეგის განსაზღვრავს, თუ რომელი ქვეყანა გახდება ახალი გლობალური ბალანსის მესამე დასაყრდენი, აშშ-სა და ჩინეთთან ერთად.სიკორსკიმ ასევე აღნიშნა, რომ მსოფლიო წესრიგის საფუძველი ირყევა. ანალოგიური განცხადებები მანამდე გააკეთეს კანადის პრემიერ-მინისტრმა, მარკ კარნიმ და საფრანგეთის პრეზიდენტმა, ემანუელ მაკრონმა.„ძლიერი ევროკავშირის გარეშე, არ შეიძლება, იყოს თავისუფალი, აყვავებული და უსაფრთხო პოლონეთი. ან ჩვენ შევინარჩუნებთ ერთობას, ან უფრო დიდი ქვეყნები გვშთანთქავენ“, – განაცხადა სიკორისკიმ.მისივე თქმით, მოსკოვში  ნებისმიერი ანტიევროპული ისტერია ახარებთ.

ტყიბულის მუნიციპალიტეტის მერმა დავით კუბლაშვილმა და საკრებულოს თავმჯდომარემ იზოლდა ნემსაძემ სამორინის ევროპის თასის ჩემპიონი ძიუდოში გიორგი ავალიანი და მისი მწვრთნელი ტრისტან ბასილაძე  დააჯილდოვეს.დავით კუბლაშვილმა ახალგაზრდა ძიუდოისტს  წარმატებები უსურვა,  მხარდაჭერა კიდევ ერთხელ დაუდასტურა და მას  მწვრთნელთან ერთად მადლობის სიგელი და ფულადი ჯილდო გადასცა.საქართველოს ნაკრების წევრმა, სპორტული ცენტრის სპორტსმენმა  გიორგი  ავალიანმა,  სლოვაკეთის ქალაქ სამორინში ძიუდოში კადეტთა ევროპის თასზე წარმატებით იასპარეზა და 60 კგ. წონით კატეგორიაში ოქროს მედალი მოიპოვა.

ბრიტანეთის მხრიდან „იმედზე” და „პოსტივიზე” სანქციების დაწესებას პოლიტიკურ ვენდეტად აფასებს „ხალხის ძალის“ წევრი თამარ ჩიბურდანიძე. როგორც ჩიბურდანიძე სოციალურ ქსელში გავრცელებულ პოსტში აღნიშნავს, ბრიტანეთმა იუკადრისა ტელეკომპანია BBC-ის წინააღმდეგ საქართველოს მიერ გაკეთებული განცხადებები.ექსპერტი ხაზგასმით აღნიშნავს, რომ ბრიტანეთსა და ევროპაში პოლიტიკური კრიზისია და ეს პროცესი მხოლოდ დემოკრატიის განადგურებით არ დასრულდება.„ევროპა-ბრიტანეთი დღითი დღე ჭაობში იძირება. შეცდომას შეცდომაზე უშვებენ და გამოუვალ ჩიხში შედიან. ამ პოლიტიკური ლიდერშიფის ფონზე ეს გასაკვირი არც არის, მაგრამ უკვე ისეთი სისწრაფით მიექანებიან თავდაღმა, რომ ცალკეულ ფაქტზე ანალიზის გაკეთებასაც ვეღარ ვასწრებთ.დასავლეთში რომ მძიმე პოლიტიკური კრიზისია, ამას მაღალრეიტინგულ ტელევიზიებზე ბრიტანეთის სანქციებიც მოწმობს. „თავისუფალი სიტყვა” და „დემოკრატიული პრინციპები” დიდი ხანია სანაგვეზე მოისროლეს, თუმცა, პოლიტიკას „როლური თამაშებით” აგრძელებენ. ტელეკომპანია „იმედზე” და „პოსტივიზე” სანქციების დაწესება, ბუნებრივია, პოლიტიკური ვენდეტაა ბრიტანეთისგან - იუკადრისეს ტელეკომპანია BBC-ის წინააღმდეგ საქართველოდან ნათქვამი სიმართლე და მეტი რომ ვერ მოიფიქრეს, სანქციები დაუწესეს ტელევიზიებს.უკრაინის საერთაშორისო იმიჯს ომში გამარჯვებისთვის თუ „იმედი” და „პოსტივი” წყვეტენ, მაშინ ყოჩაღ ამ ტელევიზიებს, ახლა საერთაშორისო რეიტინგებშიც დაწინაურებულან. სამწუხაროა, რომ ასეთ დონეზე დავიდა დიდი ბრიტანეთის ერთ დროს მართლაც ანგარიშგასაწევი პოლიტიკა.კირ სტარმერი, ასეთი უსიტყვო მორჩილების შემთხვევაში, ევროპაში მოკალათებული ჩრდილოვანი მმართველებისგან კი შეინარჩუნებს თანამდებობას, მაგრამ საკუთარი ხალხისგან რამდენ ხანს ექნება ნდობის მანდატი, ეს არის საკითხავი. ჩვენ ისღა დაგვრჩენია, მივყვეთ მოვლენებს და ვუცქიროთ ევროპა-ბრიტანეთის დემოკრატიის ცოდვის ტირილს, რომელიც მხოლოდ დემოკრატიის განადგურებით არ დასრულდება, ეს პროცესი მათ სახელმწიფოებს სხვაგვარადაც ჩაითრევს. მხსნელი კი, მათსავე რიგებში ჯერ არავინ ჩანს,” - წერს თამარ ჩიბურდანიძე.

ევროპარლამენტის პრეზიდენტი რობერტა მეცოლა აშშ-ს მოუწოდებს, არ ჩაერიოს ევროპის არჩევნებში. ამის შესახებ ევროპარლამენტის პრეზიდენტმა „პოლიტიკოსთან“ ინტერვიუში განაცხადა.მეცოლას თქმით, ევროკავშირი არ გამოხატავს პრეფერენციებს, ვინ უნდა გაიმარჯვოს ნოემბერში აშშ-ში დაგეგმილ კონგრესის შუალედურ არჩევნებში.„პოლიტიკოს“ ცნობით, „აღნიშნული განცხადება მეცოლამ იმ ფონზე გააკეთა, როდესაც თებერვლის დასაწყისში აშშ-ის სახელმწიფო მდივანი მარკო რუბიო ბუდაპეშტში ჩავიდა და უნგრეთში დაგეგმილი არჩევნების წინ მოქმედ პრემიერ-მინისტრ ვიქტორ ორბანს ღიად დაუჭირა მხარი“.ამასთან, როგორც მეცოლამ აღნიშნა, მიუღებელია თეთრი სახლის მცდელობები, ზეგავლენა მოახდინოს ევროპაში პოლიტიკაზე.„ეს არის დისკუსია, რომელიც გვაქვს ამერიკელ კოლეგებთან. როგორც ჩვენ არ ვეტყოდით, რა უნდა გააკეთონ ნოემბერში, ანალოგიური თხოვნა გვექნებოდა მათთანაც. ვისურვებდი, ევროკავშირის წევრ ყველა ქვეყანაში მოქალაქეებს ჰქონდეთ საშუალება, თავისუფალ და სამართლიან არჩევნებზე გადაწყვეტილება მიიღონ თავისუფლად, სამართლიანად. ეს ნიშნავს, რომ გარე ჩარევებს ან მანიპულაციებს თუ დავინახავთ, ჩვენ გვაქვს ამასთან საბრძოლველი ინსტრუმენტები“, – განაცხადა მეცოლამ.ამავე ინტერვიუში ევროპარლამენტის პრეზიდენტმა აღნიშნა, რომ ის მხარს დაუჭერს ნებისმიერ გამოსავალს, რაც ირანში თავისუფალი და სამართლიანი არჩევნების ჩატარების შესაძლებლობას გააჩენს.„მივესალმებით ნებისმიერ გამოსავალს, რაც გააჩენს შესაძლებლობას, ირანში თავისუფალი, სამართლიანი არჩევნები ჩატარდეს, ირანელებს ჰქონდეთ საშუალება, თავად აირჩიონ ლიდერები. ჩვენ ყველაფერს გავაკეთებთ, რომ ამის შესაძლებლობა გაჩნდეს. გვირჩევნია არასამხედრო გამოსავალი, რაც ასევე ბევრი ირანელის თხოვნაა, მაგრამ ერთი რამ ცხადია, ირანელებს სურთ ცვლილებები“, – აღნიშნა მეცოლამ.